|
مشكلتي مع زوجي..بسبب الخادمة..(حلت المشكلة)
السلام عليكم ...
هذي اول مرة اكتب مشكلتي معكم واتمنى تساعدوني وبدخل في الموضوع مباشرة انا عندي شغاله الحمدلله ماشفت عليها شي ... وزوجي انسان مرة محترم ..هو دايما يوصيني على الشغاله ويقول حرام بذمتنا ان شرى للعيال يشتري لها وان رحنا مطعم يطلب لها ... دايما يقوللي لاتضغطين عليها .. وهذا طبعه مع كل الايدي العامله حتى سواق اهله يعني انا من كل هذا موزعلانه ابد بالعكس انا طيبه جدا معها واعاونه على الرحمه... لكن الغريب ان هاليومين عندنا ضيوف واليوم بالذات كل ماادخل المطبخ وهي موجوده يجي وراي ويوقف مايسوي شي بس يضحك ويسولف وهذي موعادته حوالي 3 مرات يعيدها واقوله وشفيك تبي شي ... يقول لابس كذا وطبعا هي من تشوفه تسوي روحها ت لعب الولد وحركات... هذا كله وانا ساكته واطالع بصمت ... وهو يقعد يلعب بالولد ... بعد ماخلصت شغلي في المطبخ قلت لها روحي افرشي فرش للضيوف فدخلت تاخذ الفرش من غرفتي وانا واقفه عند الباب وشايله الولد لقيته بيدخل بياخذ ثوبه قلت استنى انا اجيبه وخذ الولد عني قال لا انا بدخل اجيبه قلت هي لحالها داخل قال ويعني ؟؟؟ عاد لما جا من الصلاة كلمته بكل هدوء قلت ماله داعي حركاتك تراني موراضيه والله بدون زعل وصوتي واطي وانا اتكلم .. لقيته زعل مني وللحين زعلان ويقول الشرهه علي موعليكي؟؟؟ امانه ياناس انا غلطانه وله هو ؟؟ اروح اراضيه وله اسكت ؟؟ موعارفه ايش اسوي؟؟؟ عفواً تم تعديل العنوان ليتضح المضمون الإشراف |
اختي كان من الافضل انك ما صارحتي زوجك بشكك
ممكن ان شكك في غير محله الافضل انك تفتحين الموضوع معاه وتعتذرين منه وتقولين له كثرة مشاكل هالخدم وكثرة قصصهم هي الي خلتك تفكرين هالتفكير وفي نفس الوقت فتحي عيونك زين على الخدامه ولا تأمنين لها وانتبهي منها ترا مهما كانت هي متعوده في بلدها على امور زي كذا وعادي عندهم هالشي ويجون عندنا وينحرمون منها انتبهي على زوجك وولدك والله يحفظكم ويبعد عنكم كل مكروه ويهديك للفعل الصحيح ويسخرلك زوجك ويسخرك له ويسعدكم ويهنيكم دنيا وآخره |
اكيد راضيه و لا تخلي القصه تكبر.. اعتذري و قولي اني كنت تعبانه هذاك اليوم و مو عارفه وش كنت اقول.. اختي إذا كان في راسك وساوس من هالنوع لا تقولي لزوجك اسكتي و تعوذي من الشيطان انتي ماشفتي شي بعينك.. و يمكن كلامك له يفتح عيون مغمضه.. و تحسسينه ان الشغاله حلوه و ممكن تطالعها و هو ما يكون هالشي في باله قبل كلامك :30: |
يا حبيبتي
صحيح الخدم بلوى كبيرة لكنك زودتيها شويتين , افرضي هو كان بيضحك و يتكلم عشان هو سعيد فعلا و عايز يسعدك معاه دلوقتي يقول إيه عنك ؟؟ حيفكر إنك بتشكي فيه و في أمانته معاكِ و حيفكر إنك مش واثقة من نفسك و بتغيري من خدامة و الفكرتين أصعب من بعض على الزوج بالذات لما يكون برئ روحي راضيه و اتحججي بالتعب و الدوخة من العزومة و الخدامة حطيها تحت الميكريسكوب و ليس زوجك راقبي الخدامة فقط و طلعي زوجك من بالك و لو تقدري تبدليها بخدامة كبيرة بالسن عنها خير و بركة لكن ليس الآن نهائيا , بعد شهر شهرين , لما زوجك ينسى الموضوع الخدم فعلا قرف ياريت لو تقدري تستغني عنها أريحلك ربنا يوفقك |
السلام عليكم ..
انا شايفة انك اخطأتي ... ليس في شكك ولكن في مواجهته به قبل التثبت .. وانتي انسانة طيبة وشفافة والانسان الشفاف ما يقدر يخبي ... بس حطي في بالك من الحين .. مو كل شك تروحين تواجهين فيه بدون ( دليل ) .. المفروض انك استنيتي وكملتي المراقبة بصمت الى أن تقطعي الشك باليقين لا سمح الله .. أرى الواجب أن تعتذري له ..وفقكما الله ولا جاب بينكم دمتي في حفظ الرحمن ,,, |
الحي لا يؤمن عليه من الفتنه
في ظني ان ما عملتيه ان كان انكارا للمنكر فهو في محله ورضى الله مقدما على رضى خلقه وان كان غضبة لنفسك وغيرة عليه ..... الله يصلح بينكما |
هلا والله اخواني واخواتي اشكركم كلكم على ردودكم ... والله قبل لااقرا اللي مكتوب رحت له وكلمته قلتله تعال نتفاهم وقلتله السالفه موشك وانا استحاله اشك فيك بس يمكن انت بهالحركات تلفت انتباهها يعني مالها داعي هالحركات ....
تخيلوا زعل علي زياده ويقول انا ماتحطين راسي براس ششغاله ... واللي قهرني انا قام يحلف ايمان انه لو بيخوني استحاله اكشفه ولاراح اقدر اكشفه.... وبالنسبه للمراقبه انا دائما مااغفل عنها لكن بدون مااحد يحس وانا والله مارراقبها عشان زوجي ابد اراقبها عشان الخراب اللي من برا ... وولدي استحاله اخليها معها لحالها وانا عندي غير هالولد اثنين وحامل وتعبانه مرة بس اخذهم معي كل مكان واحط عيني عليها وعليهم...مو شكا فيها ولاشفت عليها شي بس للاحتياط وانا اصلا عيالي مومتعودين يقعدون معها لحالهم .... اخي ايام ... والله انا في ساعتها ماميزت ان كان شك او انكار منكر لكن انا مااحب احط في قلبي وانقهر ولااحب اشيل في خاطري ... بس لما قعدت شوي وفكرت عرفت انه موشك لكن ماابيها هي تفكر شي ثاني ... ان شاء الله اخبركم بكل جديد. |
الله يهديك يا اختي .. لا تخلي الشيطان يدخل بينك و بين زوجك .. بصراحه انت استعجلتي و شكيتي في زوجك وواجهتيه .. اكيد اختي راح يزعل منك .. اعتذري اختي من زوجك و لا تبرري تصرفك بتبريرات تخليه يزعل اكثر .. اهم شي راقبي الخادمه .. و حسسي زوجك بثقتك فيه .. |
اساس الزواج الاحترام و اهوا اب هل الشيء يقلل من احترامج وة الي قلتيه مو غلط ولا فيه شيء !! يعني اشلون يسوي شيء يزعجج و تسكتين !! اختي قوليله انا احب اصارحك و اذا على كل شيء اب تزعل و على خدامه ما تكلمني خوش عيل !! من حقي اني اكلمك بالي ما يعجبني لانه ما كان له داعي !! الخدم مصيبه اختي .. حتى لو زينه غيريها اذا الرجل تحسين تصرفاته تتغير لانه مو حاله
اختج بني |
لا تعتذرين انا مو مع الاخوه ... ضربني و بكى و سبقني و اشتكى يعني !! اذا ما يكلمج عى خادمه قوليله .. اذا ما تبي تكلمني على شان خادمتك كيفك انا قلت الي عندي و اي شيء ما يعجبني من حقي اارحك لا تتهاونين اختي على شان ما يمصخها يامه معزبين خذو على حريمهم خدمهم و هذول ايون و ايبون وياهم سحر اعوذ بالله .. حطي بالج و اذا الزعل زاد عن حده قوليله مابي الخدامه غيرها و قولي انج شفتي عليها شيء غلط .. و ما تبينها .. دخل الحمام حافيه او اي شيء تعذري .. يعني مو معقوله على سبب تافهه انج صارحتيه ما يكلمج !! عجبني من ناس هذا الزمان
اختج بني |
ليش ما تكشفينه هل اهوا لي هل الدرجه ذكي زمانه !!! اختي اشحقه مو حاط حق ذكائج و حدسج اي اهميه !! كلامه الي يزعل مو كلامج و لا تروحين وراه اكثر لانج كل ما كلمتيه راح يزيد زياده !!!!! الرجال زعلان هلى شان خادمته كيفه مسيره اب يرضا و انتي الي زعلي هل المره
اختج بني |
بس أحب أنوه إلى نقطة غفل عنها بعض الأعضاء
(ما خلا رجل بامرأة إلا كان الشيطان ثالثهما) كما قال صلى الله عليه وسلم وقال عليه الصلاة والسلام: (لا يخلون رجل بامرأة إلا ومعها ذو محرم) الخادمة يا اخوان لا تحل له فلا يجوز له الخلوة بها هذا للعلم والله يصلح بينك وبين زوجك يا أختي وانتبهي من الشك بس نبهي زوجك إلى أمر الخلوة وإنها لا تجوز |
الله يصبرك شويه شويه واكرشيها
اتركيه يومان وصالحيه وقولي له اغار عليك مش بيدي انتي حامل وعندك عيال مش وقتو بس الظاهر انو في فار بيلعب انتبهي ياما ناس اكتشفت انو زوجها متزوج الخدامه وكلامو ما يطمن ولا حركاتو انا مش فاهمه لشو الخدامه بالبيت عليكم بالتسبيح سبحان الله والحمد لله ولا اله الا الله والله اكبر هذه وصية رسولنا الكريم لإبنته فاطمه عندما جاءت تطلت منه تريد من يساعدها بشغل البيت |
انا ياناس ماشفت على الخدامه شي عشان اطردها الغلط كان منه هو ولو كان مسوي هالشي على نيته بس غلط .... يعني لوانا ماادقق ممكن يزودها والسالفه تمصخ مرة وهي في هذاك الوقت راح تاخذ في نفسها مقلب ....
انا مارحت راضيته ولااعتذرتله ... لكن رحت عشان اوضح له موقفي لقيته يزيد ويغلطني ويهدد انه يقدر يخونني وخرابيط ... ومع كذا سكت ونمت وانا ابكي ولااهتم للموضوع .... المشكله الاكبر انه قعد من النوم زعلان مارضى يتغدى ولايكلمني وقاعد في غرفته والازود منعني من الطلعه بروح بيت اهلي قال لا مافي داعي مع العلم انه هي جمعتنا ونجتمع مرة في الاسبوع .... انا مع كلام الاخت بني ماله داعي اراضيه .. ليه كذا يكبر السالفه وهي كلها اني انتقدت تصرف من تصرفاته انا شفت انه غلط .... اذا هو شايف انه صح كان بامكانه انه يكلمني بهدوء ونتفاهم ... لكن تصرفه قهرني وكبرت المشكله بالنسبه لي وصار الامر عناد . |
الاخوات اللي قالوا انه ماله داعي خدامه في البيت انا اقول اوكي ممكن يكون معهم حق بس وضعي انا مرة صعب يعني ام ل3 اطفال اكبرهم مادخلت المدرسه وكمان حامل وبيتي والله بشكل يومي او شبه يومي مليان ناس واكثرهم اهله امه وخواته وحريم خواته ودايما يجون عندي لانه هو دايما موموجود وطبعا غدا وعشا وحلا وقهوة والله مرة تعبت من غيرها ... يعني مايقعد في البيت الا ماندر .... هذا غير الاجازات اهلي يجون ويقعدون عندي طبعا نوم وغدا وعشا وفرش وحوسه ... وزوجي العزيز من النوع اللي مرة دقيق في كل شي يعني حتى لواهلي نايمين عندي وصحيوا وانا في المطبخ والفرش ماانشال من غرفة النوم والله يسويها سالفه ويعصب علي ... يعني محتاجتها ....
|
السلام اختي
الخادمات لايؤمن على اي شي سهل عندهن السحر والله يكفينا شرهن وهم ترا اكثر شي يجون عشان خراب البيوت ماتقرين في النت والجرايد الجرايم اللي يسوونه وياليت تقولين لزوجك هالكلام انك مو شاكه بس مصايبهن كثير والسحر عندهن ببلاش وانتي خلاص لاتكلمينه اتركيه انتي فهمتيه الوضع وهو رجل عاقل ربي يهدي لك زوجك وازواجنا تقبلي مروري بالتوفيق |
اختي اتركي الموضوع فتره بعدها
فهميه انها غيرة حوامل مواكثر لكن مثل ماقالوا الاخوات راقبيها مراقبه لصيقه لانهم ترى عادي عندهم هالأمور موحرام اهتمي بزوجك حبتين زياده وشوفي كيف ينسى ايامها بس انت احذري منها الله يكون في عونك ويحميك من شرها |
اختي اشرحي وضعك لزوجك بس لاتحسسيه انك بتشكي فيه
قوليله انك ما تحبي هده التصرفات لان الشغاله غريبه ونتي تغيري عليه من الهوى الطاير فهميه بحب واكيد راح يسمعلك بهده الحركات |
اختي بصراحة تصرفك مافي شيء يزعل عادي جدا
وهو مالو داعي كل شوي داخل المطبخ وراك بس بعض الرجال يكابر ولا يبي يبين انو غلطان تدرين (((عزة نفس ))) والله ياأختي طنشيه وخلي الموضوع عادي ماكأنه صار شيء |
اشكر جميع الاخوات اللي شاركوني مشكلتي ... وابشركم ان المشكله انحلت ...
بعد مامنعني ارروح لاهلي انا سكت وماناقشته وقعدت بالصاله على المغرب طلع من غرفته وقال هاه متى بتروحين لاهلك ؟؟؟ قلتله بعدالعشاء ... انا مارضيت اعاند عشان حرام بنتي نفسها تروح ... المهم كنت لابسه ورحنا وفي الطريق كنت ساكته بس هو وانا هناك كل شوي يتصل يقول اي سالفه ساعه يسال عن العشا او يقول متى بترجعون وزي كذا ... المهم لما جا ياخذنا سالني ممكن اعرف انتي ليه زعلانه ؟؟؟ قلت موانا اللي زعلانه انت اللي قعدت من النوم مبوز وكانه العالم انقلب وزعلت حتى ماتبي تاكل ... قال لانك قهرتيني امس انا موضع شك عشرتنا 6 سنين وتشكين فيني ليه؟؟ المهم قلتله ماهو شك قد ماهو انتقاد لتصرف ماعجبني وموراضيه عنه ... يعني اذا حبيت انتقد شي كذا تزعل مومعقول وله رايك اني اطنش واسكت كني هبله ...المهم انه صمم على رايه وانه موغلطان واني انا اللي كبرتها .... بعدين قال الله يهديكي بس . رجعنا البيت رحت غرفتي ببدل وجني يضحك ويبتسم انا ساعتها ضحكت وماحبيت اكبر الموضوع لاني اعرف ان الرجال مايجي بالعناد ... بعدين قلتله وانا امزح يعني وش دعوة مايحق لي اغار عليك ؟؟؟ والحمدلله طاح الحطب وانتهى الموضوع ... بس انا ماابي احط بذمتي على الشغاله وهي ماسوت شي عشان كذا بستمر على مراقبتي الاوليه من تحت لتحت بدون ماتحس ... ومشكورين جميعا على كل ارائكم... |
غلطانه كأني اتخيل زوجك انه مبسوط ومن خدمتك له وحبه لك ولا كان ما جا وجلس معك في المطبخ وبعدين في تصرفات تصدر احيانا من الزوج تكون عفوية وغيرة الزوجة تفسرها شي ثاني.
انصجك راضي زوجك وابعدي عنك الوساوس |
|
اختي كان من المفترض ان لا تكلمي زوجك بهذا الموضوع
واليك اختي هذا الحل اولا يجب ان تعتذري لزوجك لانة ربما يميل الى الشغاله اذا استمر الزعل بينكم ثانيا يجب مراعاه اختيار شغاله محترمة ويجب ان لاتقابل زوجك لانه رجل اجنبي وقد قال رسولنا الكريم صلى الله عليه وسلم لا يخلو رجل بامراه الا كان الشيطان ثالثهما ارجو لك التوفيق في حياتك الزوجية |
الحمد لله الذي بنعمه تتم الصالحات
الله يديم الالفه والمحبه بينكم نسخه للمشاكل المحلوله و يغلق |
| الساعة الآن 08:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©