|
زوجي بإختصار ( علاقات - بخل - إهمال ) ساعدوني
السلام عليكم ورحمة الله وبركاته
اخواني حبيت اعرض مشكلتي عندكم هنا عل وعسى القى حل لمعاناتي انا متزوجه من خمس سنوات وعندي 3 اطفال عشت اول سنه في حياتي ملكه زوجي ماكان مقصر معي بشيء وحملت حملي الاول باولادي الاثنين بعد كذا بدا زوجي يتغير بدا يقصر في اشياء كثيره بدا يهملني زوجي راعي نوم وسهر من الدوام على طول نوووووم ثم يصحى يطلع على طول لزملاؤه ومايجي الى الفجر تناقشت معه تهاوشنا كل شيء في الاخير ترك السهر واشترك في النادي ونفس الحاله نوم ثم النادي ثم يرجع نوم على طول وترك النادي حاليا ورجع لزملاؤه انا وعياله مالنا في حياته وقت كل ماقلت نبي نطلع يرفض ويقول انتي ماهمك الا الطلعات والروحات جلسة البيت اخنقتني انا وعيالي ماصار لي شغله غير اني افرق بينهم طول اليوم هذا غير بخله اللي ماني قادر اتحمله انسان بخيل بمعنى الكلمه مالي مصروف بحجة اذا طلبتي شيء اجيبه لك واذا طلبت مايجيب كل ماقلت شيء يقول اخر الشهر مامعي فلوس مع ان وظيفته ممتازه وراتبه ممتاز هذا غير انه ساكن ببلاش ماعنده التزامات غير القرض واللي عند كل الناس مو بس هو اتذكر مره ليلة عيد بالسوبرماركت اطلبه شامبوا وبلسم يقول اختاري يا شامبوا او بلسم الاثنين مع بعض ما اقدر المهم رحنا قبل فتره في نفس المنطقه اللي ساكنينها اهلي وكان عنده عمل 6 شهور هناك وسكنا مع اهلي على اخر شهر اكتشفت للاسف انه يكلم وحده انصدمت طبعا واجهته واعترف بذنبه واعتذر واوهمني ان مكالمتهم بريئه وانه هو مايعرف يكلم اصلا وانه ابتلته في نفسه ((صدقته وسامحته واتفقنا ماعاد يجي طاري لهالموضوع وان خير الخطاؤون التوابون )) ورجعنا لبيتنا بعد هالسالفه باسبوعين ومره تدق علي البنت اللي كان يكلمها علشان تمغصني بالكلام اللي كان يقوله له (( انصدمت بصراحه وانقهرت بالذات انه انسان جاف معي الى ابعد حد )) مايتفاعل معي بشيء نادرا مايضحك او يسولف عمره ما اهداني شي عير يوم زواجي وكل مالمحت له يفهمني انه مايفهم في الرومانسيه (( طلع مخبيها لبنات الشوارع )) وتمشكلت يومها مع زوجي وقلت اني قررت اروح لاهلي رفض وقال هذه كذابه (((مع ان احساسي انها صادقه )) وش سوى اخذت شريحة جوالي يعني هو وياها اللي اذنبوا جوالاتهم معهم وانا يروح علي جوالي وكاني انا اللي كنت اكلم حاولت فيه يترك جوالي اخذه غصب عني يقول علشان ماعاد تتصل فيك والغى رقمي المهم مرت الايام وامسك يوم جوال زوجي وافتح الرسائل المرسله مدري الذاكره تبدلت مدري وش السالفه والقى صوره مصور نفسه بدون ملابس ومرسلها للبنت اللي كان يكلمها طبعا في فترة مكالماتهم انصدمت لحظتها والله اني كرهته وكرهت الساعه اللي شفته فيها طبعا ماعاد اقدر افتح الموضوع بناء على اتفقنا ولا اقدر اسكت احسه بقهر فظيييييع تركت جواله مفتوح على الصوره علشان يعرف اني شفتها وجاء واكتشف اني شفت الصوره سالني مسكتي جوالي انكرت لاني لو واجهته بالصور بيقول احسن مين قال لك تشوفين جوالي عشت معه اسبوع وانا اتجاهله تماما بارده معه الى ابعد حد ولا كانه موجود وحصل بيننا خلاف على قضيه تافهه وجبت سيرة الصوره وسالته انا مقصره معك بشيء علشان تبحث عن هالشيء مع بنات الشوارع 00(((اللي اشوفه انا اني مو مقصره )) قال اي قلت مثلا قال الله يسامحك قلت لا عادي قول رفض قال انا مسامحك قلت اذا قصدك على اللبس انت اللي ماتشري لي واذا على اشياء شخصيه انت ماتوفري لي اي شيء كلها بس انتظر على نار متى اروح لاهلي علشان اقدر اجيبها قال انتي ماتطلبين كيف وانا كل شوي اطلبك اغراضي الناقصه وحتى دائما يتهمني بكثر الطلبات مع انه مايجيبها كل شيء اطلبه لازم تذلل وتشحد حتى بعض اللي احتاجه اسكت ما اطلبه انسدت نفسي ماني فاضيه موال شحاده وتذلل صرت ادبر نفسي المهم انتهى نقاشنا وكتبت ورقه فيها جميع ماينقصني قلت يالله شد حيلك كالعاده اخر الشهر قلت في اشياء ابغاها اليومين هذه ضروري وماتتحمل التاخير اشياء خاصه من الصيدليه قال خلاص اكتبيها وباجيبها طبعا الورقه معه لها اسبوع ورجعت لنفس التذلل والتشحد كل يوم بكره ماني فااااضي (( فقط يتهمني بالتقصير ومانظر وش وصلني لهالشيء )) مع العلم حتى لو علبة الشامبو انطق في شحادتها الين تجي حتى لنا اسبوع مويه نشربها بالبيت مافي كل ماقلت له قال طيب ولا يجيب او دبري نفسك خذي من اهلي انا لي يومين بس ابكي من القهر احس بالظلم ولا اقدر حتى انصر نفسي فكرت اكلم واحد من اخواني لكن اخاف من عواقبها والله لو ماعيالي ماجلست ثانيه كل همي وتفكيري فيهم واصبر علشانهم لكن هاللحين خلاص ماعاد اقدر حياتي صايره جحيم بس بين اربع جدران وابكي من الظلم والقهر بعيده عن اهلي وماعندي احد |
حياتي حاسه فيك الخيااانه كريه مره
واشين شي البخل ياقلبي عليك الله يعينك هدديه اذا ماعدل اوضاعه راح تروحي بيت اهلك وتتركيه واذا ماعدل اوضاعه نفذي تهديدك وخذي العيال وروحي لبيت اهلك ربي يصبرك عليه |
مشكوره اختي
لكن سبق وهددته بالروحه ولا على باله يقول ماني تاركك لو تموتين الا ذا صارو عيالي بالمتوسط اكبر عيالي الان 4 سنين كيف اقدر اروح لاهلي وانا عايشه بمنطقه ثانيه بعيده عنهم لازم اكلم احد يجي ياخذني واحاول قد ما اقدر ابعد احد يتدخل في حياتي |
تعرفي ليه بيقولك اتركك إلا لما عيالك يكونوا بالمتوسط ؟
لأنه من جهله بيفتكر انه ممكن ياخذهم منك لما يصبحوا في سن التخيير ما يعرفش إن الأولاد الذكور يستحيل أخذهم , البنت فقط من يمكن أخذها في سن المتوسط و هو تسع سنين فما فوق و مسألة أخذ البنت تنطبق في بلد وحدة فقط و معروفة , أما بقية البلاد الولد و البنت لأمهم و مجرد ذكره لمسئلة تركك في وت معين معناه إنه ناوي يعملها و لا يهمه , يعني لو كان طلب منك السماح أو الصبر أو قالك أنا أحبك و لا اتركك أبدا لأختلف الأمر قليلا , لكن نيته سيئة كما هو الواضح من الجملة التي ذكرتيها و بعدين المسألة مش بخل , المسئلة إن فلوسه ممكن تكون رايحة في القذارة للأسف و هو يستخسر فيكِ و يدفع للقذرات أنصحك تروحي بيت أهلك و تخلي رجال العيلة يكلموه يمكن حاله ينصلح و يعرف إن وراكِ ظهر يسندك بصراحة اتنرفزت لما وصل الموضوع للماء !! ربنا ييسرلك أمورك |
الله يعنك بس انت ليه صابره
مدام تمرد كذا ماله الا رجال يوقفه عند حده قولي لابوك واخوانك وما اعتقد العواقب بتكون اكثر من اللي انت فية الله يعين عبادة و يفرج همي |
لو قرأتي ردي أعيدي قرائته بعد التعديل فقد كان فيه بعض الأخطاء المطبعية الكبيرة
و ربنا يوفقك |
مشكوره نوران الله يعطيك العافيه
يمكن انتي فهمتي ان زوجي صاحب بنات ومكالمات لا انا متاكده واحساسي يقول ان هذه كانت اول واخر مره ليه سامحته لان حاسه انها كانت اول مره وحاسه انه ندمان صحيح اني مجروحه بالذات بعد ما اكتشفت انها وصلت الى حد فظيع انا دائما على اطلاع على جوال زوجي من تزوجت وهذا اللي شككني اول ما احاول يكلم مع انه مسميها باسم زميل له لكن كنت استغرب مدة المكالمات اعرف زوجي اطول مكالمه ماتتجاوز ال5 دقائق وهذه غير,,,,,,,, هنا شكيت وتاكدت وطلع شكي في محله اللي في زوجي بخل مايحب يطلع الريال ابد واكتشفت ان كثير ناس عارفين هالطبع عنه واولهم اهله حتى اخواني لاني مره دخلت على اثنين من اخواني الشباب الصغير منهم يطلب الكبير فلوس والكبير رافض فقال اخوي الصغير عاد لاتصير ((((اسم زوجي ))) فهاللحظه انا دخلت احس انقهرت لان زوجي صاير مضرب المثل بالبخل |
اسمحي لي اختي بسمة...
انا مع الأخت نوران... الرجال اللي يقصر على اهله في الغالب فلوسه تروح على الخرابيط... يمكن انت ما كنت حاسة او دارية باللي صاير... بس مع المعاملة هذي والتقصير وعدم الاكتراث لمشاعرك ولاحتياجاتك الضرورية ,,,لازم تتخذي موقف..يعني تدخل الأهل ضروري علشان تحطي له حد... ان شاء الله مانكون ظلمنا الرجال والله اعلم ... |
حبيبتي حاسه فيكي وفي معناتك وحرقة قلبك
اختي لا تنسي ربك ادعيه فهو خير مجيب لا تتوسلي لاحد سوى الله وربي يفرج عنك همك |
السلام عليكم ..
هو قال ما خليك لين يصيرون في المتوسط علشان تربيهم له ... لأن بعد سن المتوسط كل واحد يشيل نفسه ويشرب نفسه ويأكل نفسه ...ما يحتاجها تسوي لهم شي ...ولا هو فاضي لهم الحين اذا راحت ورمتهم له ... انفصلي الى أن يستمع اليك ... واضمري الانفصال الى أن تزوري اهلك ... ومن ثم اتفقوا على العودة اليه وشروطها .. الله يسخره لك ولعيالك ويسعدكم دمتي في حفظ الرحمن,,, |
أختي الله يكون في عونك
|
أختى بسم الله ماشاء الله عقلك ناضج و بتحبى اسرتلك ولذلك ان شاء الله ربنا هيساعدك فى محافظه على بيتك
أختى زوجك فى أول طريقه للأنحراف سهل بل سهل جدا ان يرجع كما كان بل أفضل :) أختى مسئلة البخل صعب تغيرها لكنها عايزه منك شخصيه قويه + تصميم بأن زوجك يحدد لك مصروف شهرى لا يقل ريال ولا يزيد ريال ثانيا لا أحد فى بيت زوجك او بيت اهلك يعرف بخاينة زوجك لان معرفة الناس بل اقرب الناس سوف تضر بأسرتك واقصد بهم أبنائك فى المستقبل لان سمعة هى السيره الذاتيه لاولادك ان شاء الله لما يكبرون ويصيروا عرايس وعرسان ( لو اى احد عايز يخطب بناتك هيخاف من سمعة والدها ) فلا تخبرى احد لكن استعينى بالله وهتكونى قويه وتحلى مشكلتك بنفسك بالنسبه للخيانه فبالتأكيد بدون اى شك انتى انشغلتى عن زوجك بأولادك فبالتالى بحث عن البديل ولان زوجك بخيل فضل الحرام عن الزواج بأخرى فـــــــــ( افتحى دفتر وهاتى قلم ) واكتبى طلباتك وخطه للأهتمام بشكلك اولا لاتنسى النظافه الشخصيه لكى ولاولادك ولبيتك .... لان عدم النظافه تنفر الزوج ثانيا شكلك لابد وان يكون فى تجديد بصبغ شعرك وعمل قصه جديده ثالثا شراء ملابس جديده خاصه بالنوم وعطور ومكياج (فعالم المكياج كل يوم يتجدد ) اتعلمى ايه الجديد وابهرى زوجك بزوجته الجميله اطفالك تظبطى مواعيد نومهم بحيث النوم يكون 9 مساء زوجك سوف يجد بعدها الراحه فى بيته لان مايجعل الرجل دائما خارج البيت هو وجود اطفال فلو وجد ان الاطفال تنام 9 يعنى البيت اصبح هادى + زوجه جميله سوووووف يتغير بالتدريج تعلمى فنون الحديث وجذب الاخر وخاصه الزوج اهتمى بزوجك واغنيه عن الحرام فالمتعه الحلال لاتقدر بثمن استمتعى بسنك وبيومك اطفالك بكره يكبروا ويتزوجوا ويتركوا البيت ولا يظل إلا رفيق العمر (زوجك) فهو يستحق العنااااااااااااااااااء للمحافظه عليه اختى واااااااضح انك مقصره مع زوجك لكن نحن لا نرى عيوبنا وانا بلفت نظرك ان نفور الرجل من البيت رقم واحد هو الاطفال :15::15::15: وان النظام فى كل شيئ يجعل النجاح تفوق وانتى بالتأكيد تريدى ان تكونى زوجه ناجحه وام فان السعاده تبداء بزوج وتنتهى بباقى الاسره وهم ابنائك فأن اشبعتى زوجك اشبعك واسعدك واهتم فيكى وبالتالى مزاجك يتحسن فاتهتمى اكثر بأبنائك :15::15::15: أبدئى من اول بكره بتنظيم موعد استيقاظ الاطفال وموعد نومهم يتعلم الطفل النوم فى غرفه منفصله بعدها سوف تجدى الوقت للأهتمام بمظهرك بعدها سوف يأتى زوجك وهو سعيد بالبيت الهادى والزوجه الحبوبه ولا تنسى ان المعاصى والذنوب سبب مشاكلنا فلا تنسى ذكر الله فى بيتك وتشغير القرآن فى البيت كل يوم وراعى زوجك ولا تجعليه جااااااااااائع على الحرام:( |
بخصوص نقطة البخل وعدم الاهتمام بطلبات البيت وكلامه اطلبي من اهلي فشليه عند اهله واطلبي بعض الاغراض حتى يكون امام الامر الواقع ويستجيب لكي وبالنسبه لعلاقاته النسائيه حاولي اشغاله بنفسك حتى يرجع الى رشده وبالوقت الذي يكون رايق ابحثي معه جميع المواضيع التي تخصك وتخص ابنائك وافهميه انه رب عائله ومسئول عنهم امام الله وقدوه لهم وحثيه على الصلاة والعباده والله يهديه ..
|
مشكورين اخواني الله يجزاكم خير
اختي المصريه من ناحية اهتمامي بنفسي انا ما اهملت نفسي ابد انا طبيعه فيني احب اهتم بنفسي علشان انا اكون مرتاحه قبل لايكون اهتمام له (( بالعكس من انتقادته لي دائما اني ابالغ بالاهتمام بنفسي مع اني اهتم في حدود المعقول لكن هو ماتعود وعنده لما تكون ادوات العنايه كامله لدي هذا تبذير يكفيك شامبو وبس )) حتى مع انه مايشتري لي كنت اشتري ملابس للبيت وادوات العنايه الشخصيه بدون علمه ومن مالي الخاص ((ابيع ذهب لي بدون مايدري )) وكل هذه اذا رحت عند اهلي لاني اقدر اشري اللي ابيه هناك فكنت ارجع حاسبه حساب 4 شهور اجلسها فبيتي ومأمنه اغراض هالفتره لكن في الفتره الاخيره ماعدت اقدر اامنها .... ذهبي على وشك ينتهي فاكتفيت بالملابس اللي عندي باختصار ماعدت اجدد بالملابس ااو اخذها من اخواتي لانها جديده بالنسبه له هو وماشافها لكن هو لما اتهمني يحاول فقط يبرر تصرفه لانه ماكان له عذر ابد لانه رفض يعترف بشيء معين بس يقول مسااامحك مسامحك بس انا اللي قلت له قصدك اجدد\ بالملابس بشكلي انت اللي ماتعطيني فلوس فعلى طول قال اي هذا قصدي وانا متاكده من ناحية نفسي ماقصرت بشيء ابد من ناحية اطفالي مثل ماقلتي انومهم الساعه 9 وهذا نظام البيت بمجرد اعشيهم الساعه 9 انومهم مباشره انا نفسي ارتاح وافضى لنفسي شوي مع انه مايجي الى الفجر بس وقت طويل لنفسي والنت والتلفزيون وكل هالوقت عيالي نايمين الحمدلله مشكورين اخواني والله يجزى الجميع خير |
والله ان مايستحي علي وجهة ان لومكانك كان رحت بيت اهلي اكرم لي أشحد علشان علبة شامبو عجل في العيد شو سوي فيكم الله المستعان ؟لية رجال كذا اش صار في الدنيا؟؟
|
اختي انسي زوجك.. وانسي عيالك.. وانسي كل شئ.. حواليك..
عطي نفسك فرصه 3 شهور.. واتمنى تنفذينها.. ثلاث شهور.. خليها كلها صلاة ودعاء واستغفار.. حاولي تنسين لك شئ.. فقط اعتمدي على الله.. كثير اشياء راح تتغير في حياتك... وممكن تتدهور الامور اكثر واكثر.. لكن لا تستسلمين. خليك متعلقه بالله.. مو معنا كلامي تتركين بيتك او تهملين او تقصرين.. اللي قصدتك بالتفكير.. خلي تفكيرك يكون مع الله وبالله.. استعنيني فيه ادعيه انصاف الليل قبل تنامين توظي ونامي وانتي على وضوء.. واذا فزيتي بالليل ادعي.. اعترفي بربك بذنوبك وادعيه يغفرها,. وكثري الدعاء والاستغفار.. وادعي اللهم هب لنا من ازواجنا وابنائنا قرة اعين واجلعنا للمتقين اماما.. ادعي بدعاء اللهم اني اعوذ بك من همزات الشياطين واعوذ بك ربي ان يحضرون.. وخلي سورة البقرة في البيت.. صدقتي ما راح تخلص 3 شهور الا متغير حالك للافضل... كثر زوجات مر عليهم اشد منك.. بس بالصبر والدعاء ربي يسر لهم.. والله قريبتي كانت تعاني معاناه ما يعلمها الا الله.. من زوجها وكونه جاهل بكل شئ بالزواج.. وتسلط اخوات زوجها وضعف شخصيته.. قدام اهله.. يجي من العمل تعبان يبي ينام تتصل اخته وديني السوق.. يحي الخميس والجمعه تتصل اخته فلانه تعال جيبني عندكم.. اخته فلانه ساكنه 1000 كيلو عن بيته.. يعني تصوري سفره يلزم لها 8 ساعات .. وكذا اخواله ... اوامر ونواهي على كيف الكيف.. وهو كان صغير فسامع لهم.. بخيل جدا جدا جدا عليها فلوس ما تعرفها.. بنت بالعشرين والله كانها بالاربعين..ملابسها نفس ملابس العجايز قديمة ..ذهبها باعته كله... وكل يوم يقولها بتزوج عليك...بتزوج عليك..وهي حملها بصعوبه.. وكل مره تجيب بنت.. وصار يزنون عليه تزوج عليها جيب لنا ولد.. هذا غير سفراته للخارج.. لحاله.. وسفره لدول مجاورة وتقفيل الجوال.. صبرت اكثر من 10 سنوات مر مايعلمه الا الله.. كنت اقول لو انا مكانها ما اعيش يوم معه... والحمدلله ربي اجاب دعاءها.. وتغير زوجها نسبيا للافضل.. واخوات زوجها كل وحده بلشت بحالها.. وارتاحت هي منهم.. والحمدلله ربي بعد حرمان وصل 15 سنة جالهم ولد.. يعني اصبري وادعي ادعي ادعي ادعي |
اقتباس:
100 % كلام ولا اروع يعطي العافية وانا اشاركها بالرأي |
| الساعة الآن 07:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©