|
الحمل والولادة بالغربة
أهلين حبيباتي المغتربات إخواني المغتربين طبعا ما في أحلى من انك تسمع مبروك مدامتك حامل أو مبروك انت حامل بس لإلنا نحن المغتربين الطعم مر وعلقم صحيح في فرحة بس سبحان ربنا الحلو ما يكتمل والا ما نحزن يا له عمأ ستنى مشاركاتكم وتجاربكم مع الحمل والغربة الله يرد كل مغترب لدياره ويقرب المسافات ويلم الشمل ويطعم كل محروم ومشتهي الذرية الصالحة البارة ويقر عيونه بشوفتهم ويقوم كل حامل بالسلامة أم وليد |
اقتباس:
لقد إفتقدنا مشاركاتكِ فحياك الله دائماً وأبداً وكل يوم أدخل لعالم التهاني والتبريكات لأرى هل هناك أي خبر من أم وليد هل جاءت فاطمة أم لا أسأل الله تعالى أن يتمم لكِ بخير وأن يُسهل عليكِ الولادة المباركة وعندها سنفرح لك كثيراً يا أم وليد أسأل الله لك الخير حيث كان وأن يحفظ لك أبناءك وزوجك ودمت بخير أختي الكريمة |
موضوع جميل ....ولك كل الاحترام يا ام وليد ....انا رزقني ربي بطفلين بالغربه... ولا اخفيك انا فرحتي كانت عظيمه ولكن ينقصها الكثير ولكن ام محمد كان هناك شيء اراه في عيونها ....وكنت اراها دائمه الشرود بفكرها وحتى اني خفت عليها من اكتأب بعد الولاده....وخصوصا عندما تراني اقدم لها المساعده وهي متعوده على ان يرعاها احد من اهلها او اهلي اختي ام وليد مواضيعك دائما جميله.... بارك الله بك ...وتسلمي انت وابو وليد ...والله يرعالك الاولاد اخوك |
كان الله بعونك واردك سالمه
اختي الحبيبه لاتفكري الا في النونو الجاي فكري كيف را تستقبليه ويملاء حياتك بهجه وسرور صحيح الوضع متعب بس انتي كده بتعبي حالك اكثر استمتعي بحياتك الان واتاكدي انه ما في شئ بيفضل على حاله ولكي مني دعوات من القلب الله يسهل ولادتك ويعينك ربي على التربيه لا تنسي الدعاء فانه خير داء |
اقتباس:
أهلا و سهلا فيك أخي ابو أحمد ان شاء الله ماتفتقد لا غالي ولا عزيز على قلبك والله يحي اصلك ومعدنك الطيب بكل خير كلك ذوق وصاحب واجب بالنسبة لغيابي عنكم هو راجع لمشاكل صحية بسبب الحمل وكمان الاولاد بعطلة البنوتة لهلا ما إخترنا إلها إسم وماعدنا حكينا شي بعد موضوعي الاخير بس الله يوصلها بالسلامة وشو ما كان اسمها تقرر قيصريتي بأول أسبوع سبتمبر إذا الله اراد ومد بالعمر الله يطعمك ولا يحرمك ويرزقك شو ما تتمنى وزيادة ويرضى عليك رضا ما تشقى بعده في الدنيا ولا الاخرة يا هلا ومية مرحبا تشرفت عليم الله بمرورك |
اقتباس:
اهلا وسهلا بخيي ابو محمد الجميل هو هالمرور الطيب الله يسلم كل غالي على قلبك من كل شر ومكروه والله حاسة فيها لام محمد دايما في إشي محزنني وسبحان ربنا هيك الانسان شو ما أعطاه رب العالمين بيضل بده أكثر إحساسك انك وحيد بوقت المفروض كل العالم يكون معك كثير مؤلم الله المستعان الله يعينها ويعين كل مغتربة ومغترب الله يبارك لك في اولادك ويطعمك برهم شاكرة هالمرور ويا هلا فيك |
اقتباس:
إتعودت يا قلبي على الولادة بالغربة وما جربت غيرها بس هي لحظة بحس فيها الانسان بحاجة انو يحكي ويفضفض الحمد لله والشكر لرب العالمين وشو ما كتب إلنا رب العالمبن ما أحلاه حبيبة قلبي شاكرة دعواتك الطيبة الله يبارك لك في اولادك ويحفظهم لك من كل عين ما باركت ولا صلت ويطعمك ربي برهم أهلا وسهلا بهالطلة الحلوة تشرفت كثير بمرورك |
آخخخ الله يعين كل المغتربين و المغتربات و خصوصا في موضوع الحمل و الولادة هذا!!!
أصعب شي على المرأة بكل ما للكلمة من معنى :( |
السلام عليكم ورحمة الله وبركاته
الاخت الفاضلة ام وليد لم احب ان اخرج بدون ان اضع دعوة لك بتيسير امورك اسال الله العظيم رب العرش العظيم ان ييسر امورك ويريك الذرية الصالحة وان لا يحرم كل مشتهي من نعمة الاولاد كل التقدير |
ان شاء الله يجعلك الله ولاده سهله زي ولادتي في نوران باذن الله جاني الطلق 30و2 وجيت نوران 20و3 وان شاء الله يتمم نفاسك علي خير وياريت لو تعرفي تعملي دعوه لوالدتك او احدي اخواتك هتكمل الفرحه بجد انا اتفقت مع زوجي ان الولاده الجايه ان شاء الله هجيب امي معي وربنا يقومك بالسلامه انتي والنونه بادن الله
|
الله يسهلك ويسهل لي يارب..
انا مثلك مغنربة وعندي طفل صغنون وحامل..الله يكون بالعوون ويسهل بارب |
لازم تقلبي المواجع؟؟؟
انا هادا اول حمل الي واول معرفت اني حامل بكيت بكا بوزع عبلد وكنت ماسكة صور ماما و ببوسها وبقول اخ يا ماما كل شي بصير وانت بعيدة عني كنت بتمنى اكون جمب اهلي المشكلة انو انا غير كل العالم لاني اهلي في غزة والطريق مسكرة وحاسة بالسجن حتى وانا برة بلوة عن بلوة بتفرق كل الناس اهون لانو بتشوفو اهاليكو ببساطة الي سنة و 4 شهور بالحال هادا وولادتي شهر 11 إن شاء الله وطبعا المخطط انو ماما تيجي لعندي بس انا مش متاملة بشي ابدا لانو كترة التأمل بتعمل احباط بالاخر وهيني لما كنت اتعب بالحمل وهيك كنت بتمنى اكون جمب اهلي اشتهي اكلة يجيبوها الي ازهق او اتعب من الحمل ابات عندهم يومين حد يجي يطل علية حد يقلي وين انتي هون زي الصحرة عاملة زوجي بكون عندو ضغط شغل صادف الفترة الي فاتت من حملي وانا متت الفين مرة وبكا وحالة وضيق وهيو بكرة إن شاء الله مسافر ليوم الخميس وانا حامل ولحااااااااااااالي غير الغربة والوحدة كمان حامل شي بعمل كآآآآآآبة لو بدي افكر بالامور هاي كل يوم اخرتي شهر ومستشفى المجانين مكاني بس الحمدلله عكل حال ونعمة الزوج الصالح وبالنهاية انا بخير واهلي بخير وإن شاء الله تنفرج ونشوفهم قريب بس مش متخيلة كيف حيكون موقفي بالولادة ازا بالحمل بكيت كيف الولادة؟؟؟ بشوف هالعالم بتروح وبتيجي لاهاليهم وازا وحدة ولدت بيجو لعندها في غربتها بتحسر ايش اقول غير الحمدلله والله يفرجها عالجمييييييييع |
الله يا ام وليد .. اش هالمواضيع الحلوه اللي تفتج النفس ..
الله يسهل عليك ولادتك ان شاء الله وييسرها ويبارك لك في فطومتك ان شاء الله .. صراحة الحمدلله والشكر لك يارب تجربتي مع الولاده كانت روووعه هنا .. بس اول مادريت اني حامل قعدت اصيح لاني ظنييت اني لازم اترك زوحي وارجع اولد في بلادي .. بس قرنا انا وزوجي اني اولد هني ونعيش التجربه مع بعض .. الحمدلله كانت تجربه ولا اروع .. حست اني صج صرت ام .. اسوي كل شي لبنتي .. اسبحها وابدلها واشربها وكل شي مب نفس يوم ف البلاد .. امي فديتها تسوي كل شي .. الحمدلله اللي ربي عطاني هالفرصه عشان اعرف قيمة الامومه .. وبضحكج يا ام وليد الحين صرت مضرب المثل في العيله .. كل كلمتين قالوا شوفوا ام فطوم مشاءا لله عليها سوت وسوت ههههه .. الله ييسر لج ياربي ويسهل عليج ولادتج .. اختج .. ام فطومه :) |
ياحياتي ياأم وليد
تسلم عليك أبلة اعذروها وتقولك أحبك كثيررررررررررر واتمنى لك كل خير |
يااهلين بام وليد
ماعندي تجربه الغربه الحمدلله هي كلها صيفيه نسافر فيها وقلبي يتقطع ابغى ارجع بسرعه سبحان الله احس بشوق وحنين كيف لو هي غربه وسنين الله يرجع كل مغترب على دياره واهله وحبايبه لكم الاجر ان شاء الله انا بس حبيت اسلم لاني من اول والله افتقدتك وابغى اعرف اخبارك قلت يمكن ولدتي يمكن انا مقله بدخولي وعدم تصفحي لجميع المواضيع لكن اكتشفت انك فعلا انت كنت غايبه والحمدلله انك بخير كنت نفسي اسال عنك بس ماعرفت كيف لان الرسايل الخاصه ممنوعه قلت استنى الا مااشوف رد لها والحمدلله اتطمنا عليك ووحشتينا الله يسهل عليك ويقومك بالسلامه يارب |
الله يقومك بالسلامه يا ام وليد
الولاده بالغربه ذكريات منها اخر ولادتين فعلا عرفت ان الانسان بهلدنيا يولد ويموت لوحده ،،، و نعم بالله وقت الولاده من يبدا الوجع يزيد زوجي ياخذني للمستشفى اوصيه علاولاد و على نفسه وياخذهم ويرجع ينتظر و باخر ولاده الي تولدني قالت لي انت تعرفي الموضوع كله اتركك و انا لوحدي اراجع ذكرياتي و استغفر و ادعي و تجي تطمن علي كل شو ي انه ما ناسيتني اخر شي حسيت انه بنتي حتشرف قلتلها لا تتركيني راح اولد قالت لي انا معاكي و انا مو لاقيه احد امسك بايده ولدت و الحمد لله تيسرت من عنده عرفت بعدها اني ماكنت لوحدي كان معي الله وسعت رحمته كل شي و كلمت زوجي وجا ثاني يوم هو والاولاد ولادتي الحمد لله كانت بالليل ابني الكبير جا يجري ويحضني انا اتفاجئت و ظل ماسك في كمان استغربت وبعدها رجعت للبيت و الروتين قبل فتره كنت اتكلم معاه قال لي ماما انا اخاف انك من تروحي تولدي لوحدك ونروح للمستشفى ناخذك يقولون النا انه البيبي بصحه بس الام راحت،،، ماتت ضحكت بمراره ،،، ياربي همه كمان عندهم الافلام العربي اضطرينا نضحي بالام انصدمت كنت افكر اني مغتربه عن اهلي امي و ابويه و ناسيه هالاولاد و مفكره انهم ما يفكرون قلت اصحي يا ام اثير من الغيبوبه و الحمد لله من بعدها تدريجيا وصلت لعقل جديد و فكر جديد و الحمد لله فيا ام وليد خلينا نفرح و نفرح اولادنا و ازواجنا احنا ما ضيعنا اعمارنا احنا كسبنا خبره و اولاد و حياه جديده |
اقتباس:
الله يعين كل واحد بهالدنيا خاصة هالمغتربين تسلمي لي يا رب على هالمرور الطيب الله يسعدك ومن تحبي |
اقتباس:
يا أهلا وسهلا بأخي أبو عمر إن شاء عمر وأهلك بخير كلك ذوق خيي الله يسعدك ويرضى عليك يهون عليك غربتك يا هلا |
اقتباس:
الله يخلي لك نوران وأبو نوران بتشكر دعواتك الـطيبة الله يبارك لك في بنوتك ويطعمك برها اتشرفت بمرورك |
اقتباس:
الله يهون عليك ويسر امورك ويقومك بالسلامة انت والبيبي يا أهلا وسهلا |
حبيبة قلبي " أم وليد " العسل حبيت والله أدعيلك وأوصّل سلامي الله ييسّر أمرك يارب وتقومين بألف سلامة وتأتين تخبّرينا ببنوتة مثل القمر :) اللهم آمين |
اقتباس:
اقتباس:
والا ما اكون أم وليد:d اسفين عم نقلب المواجع والله والله اذا حكيت إلك ليكفي حزني كل اليمن ويضل فخلي الي بالقلب بالقلب ولا يطلع لبرا خليها على رب العالمين هو ارحم بنا من امهاتنا اهون يا ملوكتي تتعبي وتضلي وحدك ولا إنك تتعبي وما عم تقدري حتى تتسطحي على ثختك لانو عندك صغار ومو ذنبهم امهم تعبانة وما عم يفهمو انك هلكانة وبدك ترتاحي او مليتي من صراخهم بالنسبة للاكل على الاقل بتضمني هنيك الاكل حلال هون إخوانك العرب الله يهديهم يصلح احوالهم خاصة اللبنانية منهم عم يغشو إذا اشتهيتي شي وبدك تجيبيه ما فيك توثقي فيهم لانه بالغالب ما بيكون حلال فملزومة تطبخي اذا مو عشانك عشان هالاولاد إذا بالحمل وبكيتي بالولادة بدك ترقصي لشوفة عيونه للنونو الله يرحم الحال ويعين كل مغترب ويقومك بالسلامة تسلمي لي يا رب من مكروه والله يوصل النونو لحضنك وحضن ابوه بالسلامة يا أهلا وسهلا بملوكتي |
اقتباس:
بالسبة لالي كتجربة ولادة ماعندي مشكلة ربنا بيصرها إحساسك بالوحدة هو المؤلم صحيح بالغربة الازواج غير عم يساعدونا ويراعو نفسياتنا بس دائما احس انو في شي مو مكتمل او ناقص على قولتك عم نحس بجرعة الامومة زايدة تسلم لي فطومة وأم فطومة من كل شر مشتاقين لك يا قلبي ولاخبارك الله يرجعك لديرتك بالسلامة ويحفظ لك زوجك واهلك ويطعمك الرضا لترضى شاكرة هالمرور ويا هلا ومية مراحب |
يييه نسيت اقلك الله يقومك بالسلامة ويسعدك ويهدي ولادك المشاغبين
بعدين يعني بكرة بس يصير عندي متلك اتنين واجيب التالت حيكون نفس الوضع متسطحة وتعبانة وهما مش راضيين يفهمو الموضوع هههههه كلنا لها قررتي تسمي العسولة فاطمة؟؟؟ الله يخليها الك حبيبة امها صح بالنسبة للاكل معك حق بضل بلاد العرب اهون من الغرب الي ماعندهم ضمير ولا دين ويعني انا موكلاها لرب العالمين وبضل اقول ازا ماما مااجت معناها في خير الها والي اكيد الله بدو يحميها من شر كان حيصير معها هون او بالطريق بعيد الشر عنها وبهيك بريح راسي هههه في احسن من هيك؟؟ الله يهديلك ولادك يارب ويقومك بالسلامة حتولدي قيصري؟؟؟اول شهر 9 الله يقومك بالسلامة انا ولادتي مفروض عنص 11 بس بتوقع اولد قبل لانو السونار دايما بطلعلي اسابيعي اكتر من المفروض رغم انو حسابي انا 900000% هوة الصح يلا كلو خير مع محبتي و دعواتي الك يشهد الله اني بحبك ونفسي تكوني صحبتي ساكنة جمبي :d |
اقتباس:
يعلم الله مشتاقة الك وانا بالاكثر يا عمري الله يسعدك وين ما كنتي ويرضى عليك ويرزقك ربي الزوج الصالح عاجلا غير آجل ويعجل بجيته يا حق |
اقتباس:
الله لا يوريك غربة ولا يذوقك طعمها بتشكر هالمشاعر الطيبة وهالاخوة الصادقة ريثني ما انحرم منها ولا من هالدعوات الطيبة تسلمي لي يا رب ويسلم كل غالي على قلبك من كل مكروه يا أهلا وسهلا ومية مرحبا بالطيبة وناسها |
اقتباس:
يا أهلين حببيبة قلبي ست أم أثير والله والله دائما افكر فيك ما أكذب عليك هالمرة نفسيتي ربنا وحده عالم بيها تعبت كثير وما عدت قادرة استحمل هالوحدة بتصدقي اعوذ بالله من الشيطان أحيانا تجيني افكار أحمل اولادي وروح لاهلي ولا عاد بدي شي من هالدنيا ولا هالغربة ابو وليد مو عارف ليش هيك انا دائما معصبة و حزينة ويئبر عيوني شايل بقلبه وساكت قال اذا بدك تولدي عند اهلك روحي بس ما إلي قلب اترك هالاولاد وروح الله بيعين يا قلبي طمنينا عنك وعن اولادك ان شاء الله الكل بخير الله يسعدك ويطمن بالك ويطعمك بر اثير و إخوانه |
ربنا يقومك بألف سلامة ويطمنا عليك
ويجعلها ولادة سهلة الغربة تعب ... ربنا يعطينا الأجر أعانك الله وقدر الله كل خير وعقبال ما تبشرينا بقدوم المولودة الغالية . |
اقتباس:
شو هالنهار الرايق كل حبيباتي هون يعلم الله هالمشاعر وهالكلمات الصادقة كالبلسم عم تخفف على قلبي وتنسيني ولو للحظة اني بغربة يا رب يطعمك شو ما تتمني وزيادة ويرضى عليك رضا ماتشقى بعده دنيا وآخرة يا أهلا وسهلا بالعسل والشهد |
اهلا ام وليد لكي وحشه يا غاليه
آآآآآآآآآآآه والف آآآآآآآآآآآآآه يا ام وليد انتي مش بس قلبتي المزاجع انتي فتحتي جرح بحاول اكتمه ومش قادره تخيلي انا بكلم ماما كل يوم تقريبا اسألها هياكلو ايه النهارده زي المحاريم بالظبط تعبت ونفسي الشمل يتلم بقى واكون جنبهم لكن كمان في نفس الوقت مش قادره اسيب جوزي لوحه صعبان علي لكن الحمد لله على كل حال ربنا يهون علينا ويعينا ويجعله في ميزان حسناتنا يارب شكرا على الموضوع المميز |
اقتباس:
شو احكي لاحكي لك على هالاولاد :25: والله لهلا ما قررنا شي وما عاد جبنا سيرة الاسم شو ما كان اسمها المهم توصل بالسلامة ايه اذا ربنا اراد باول اسبوع من شهر 9 بولد السونار هو الادق مع فرق يومين ثلاثة بس وانا كمان يعلم ربنا بحبك كثير وبعزك وبتمنى لك الخير الله يسعدك ويوفقك في حي اتك ويطمن قلبك على اهلك ويقومك بالسلامة مع البيبي |
اقتباس:
بتشكر مرورك الطيب ودعواتك الطيبة الله يطعمك بر عبيد واخوانه ويهديهم يا حق اتشرفت بمرورك يا هلا |
حياك الله
نورتي أسأل الله تعالى أن يسهل عليك و أن ترزقي بطفل سليم معافى و أن يجمعك بمن تحبين أختكـ / أطياف |
اقتباس:
القلوب عند بعضها و انا كمان افكر فيك و باولادك و باجواء كندا و اقول ان ام وليد مجاهده تقطع مسافه ساعه ونص بالسياره حتى اولادها يتعلمو عربي و اسلام الله يبارك لك بيهم وتفرحي وتقري عينك بصلاحهم و تفوقهم يارب جددي نيتك دايما و ابدا وخليها لله والله يرزقك يا اختي السكينه و الطمانينه و ان شاء الله غمضي عين و افتحيها تلاقي نفسك والده و رايحه لاهلك و اهل ابو وليد و انت شايله البنوته الحلوه و العرسان واقفين يطلبون رضاكم عدي هالكم يوم يا ام وليد ابو وليد كمان متغرب و تعبان عليه مسؤليتكم انت و الاولاد حبيت اسالك اذا ممكن تولدي بنهايه الثامن حتى ما تروح على عروستنا الحلوه السنه الدراسيه لان احنا عدنا الي يولد بالشهر التاسع تروح عليه السنه |
هلأ معلش بدي اغلبك
كيف السونار ادق انا واثقة من حسابي بما لايقبل الجدل ابدا حتقولي ليش لانو حاسبة منيح منيح متاكدة بشكل لا يقبل النقاش ابدا بستغرب عالسونار بخرف لانو بحسب الحمل صار بايام كانت الدورة علية يعني تخريف بس احكيلي كيف ادق ولا حسب الحجم بحيث انو الولادة حتكون بحجم الطفل اكتمل ولا كيف |
السلام عليكم ورحمة الله و بركاته
كيفك اختي ام وليد انا بحب دائماً اقرا مواضيعك لاني بحس انها بتحكي عن حالي و حال كل المغتربين بس كل ما اجي بدي اشارك ما بعرف ايش اكتب بس بدعي لك من كل قلبي و حسيت بغيابك الفتره اللي فاتت وكنت كل شويه ادخل اشوف يمكن الاقي لك موضوع جديد بس الحمدلله اطمنا عليكي ربنا يتمم لك على خي وثقر عينك بشوفة البيبي واولادك على خير وعافيه انا باولد قبلك بشهر يعني موعد عمليتي حيكون في 1/8 و الحمل هذا تعبت فيه كثير ومن اول يوم عرفت فيه اني حامل حسيت ان فرحتي ناقصه وكمان خبيت على الوالده لانها بتقلق كثير و مش حابه ارفع لها السكر بس حلمت فيني ان معي بيبي و كلمت اخواتي والكل قال لها انه مش معقول اكون حامل و ما اخبرهم و ظلت تبكي وتقول لهم بنتي فيها شي لغاية ما كلمتني و قلت لها ايوه حامل فما كان منها الا انها بكيت ودعت لي طبعاً ما قلت لهافي اي شهر انا و لا بتعرف انو انا ولاداتي بقيصري و دايماًبحكي لها اني بولد طبيعي عشان ما تخاف علي المهم شكلي بكتب لك قصة حياتي ما صدقت افضفض لاني والله تعبت وانا شايلاهم انا عندي ثلاث اولاد بسلامتهم و اعمارهم 13 بنت 11 ولد 4 ولد و القادمه الجديده بنت ان شاء الله ونويت اسميها انيسه على اسم ماما طبعاًهذا الاقتراح جا من زوجي وشايله هم كيف بروح اولد واتركهم لحالهم مع ان لي صديقات عرضو عليا انهم يخلو الاولاد عندهم فترة ما انا بالمستشفى بس اولادي مش راضين و على هذا الاساس يمكن ابوهم يكون معاهم وانا ابقى لحالي في المستشفى وهذه مرحله صعبه بتحسي انك محتاجه حد يكون معاكي في هذا الوقت بس ربنا ان شاء الله بيعين ويعديها على خير ومن ضمن مشاكل الحمل هذه المره انو جاني سكر حمل ووزني كل شويه بينقص و الدكاتره عاملين لي قلق و ربنا يسهل وهذه حكايتي مع الحمل في الغربه بالمختصر المفيدههههههههههه كيف لو كان بالتفصيل و يارب يهونها عليكي و ييسر امورك كلها على خير |
اقتباس:
وانتو والله الكن وحشة الله يعينك يا عمري ويلم الشمل ويقرب المسافات ويقومك بالسلامة ويقر عيونك بشوفة البيبي |
اقتباس:
شاكرة هالمرر الحلو والدعوات الطيبة الله يسعدك ويرضى عليك |
اقتباس:
الله يعين يا قلبي اللهم امين على هالدعوات الي تشرح القلب الله يبارك لك في اولادك ويطعمك برهم إحنا لغاية 30 سبتمر ما تضيع عليها السنة والله يا قلبي مشان هالولاد قررت هالتاريخ اول اسبوع بسبتمر يعني اسبوع على دخولهم المدارس ما ابغاهم يتبهدلو عرفتي كيف اول أسبوع مدرسة ما بيكون دروس ومراجعات ولا واجب الله يسرها من عنده على كل مغترب لك تسلم لي هالطيبة يا رب وما ننحرم منك ولا من دعواتك |
اقتباس:
والله يا عيوني بالسونار فيهم يعرفو بالضبط عمر البيبي هيك عم تقولي دكتورتي اقولك كيف بيحسبو طول مثلا الاعضاء كالارجل او اليدين وبعملية حسابية بيعطوك عمر البيبي بس كلو بضل نسبي وكل شي بعلم رب العالمين كلها كم شهر وتفرحي بشوفة عيونه للبيبي الله يقومك وكل حامل بالسلامة |
| الساعة الآن 04:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©