|
ساعدوني جزاكم الله خير (فكرة هدية)
السلام عليكم ورحمة الله وبركاتة
كيفكم اعضاء هالمنتدى الرائع اللي استفدت منه فايدة عظيمة من قبل لاأتزوج ومن تزوجت مادخلت ههههههههه:24: <--- قاطع والحمد لله مر على زواجي اكثر من سنة ولله الحمد والمنة والله لا يغير علي ولا على زوجتي السالفة ببساطة زوجتي مابقى شي وان شاء الله بتولد ابي اجيب لها هدية حلوة وافرحها فيها كفاية عليها الحمل مهبل فيها ابي منكم اي فكرة تكفون ساعدوني بارك الله فيكم انا نويت اجيب عطر لكن جبت لها اكثر من مرة وابي اغير ابي شي جديييييد مرة وفكرة جونااان وشاكر لكم ومقدر اخوكم ابو شجون |
السلام عليكم ورحمة الله وبركاته ..
اول شي الله يسهل ولادتها ياربي ويقومها لك بالسلامة .. بس سؤال اذا ممكن عشان ممكن نجاوبك .. كم الميزانيه اللي حاطها .. واشكثر عندك من الوقت .. وان شاء الله لي عوده لانه عندي كم فكره :) |
هلا فيك اختي حاملة الهم الله لايجيب هم
وجزاك الله خير والله يعطيك العافية على ردك لاني منطق بالمنتدى احتري احد يرد ههههههههه بالنسبة للميزانية نقول 500 ريال ادري انها شوي بس الشكوى لله (كل شي صار غالي ههههههه ) والهدية مو على قيمتها والله لو كل اللي عندي ماراح اقصر معها بس لو رفعتها شوي بقصر باشياء ثانية وبالنسبة للوقت اختي مافيه وقت ابدااااا زوجتي لها يومين بالعاشر يعني يمكن اجي بكرة اقول ولدت وتحياتي لك والف شكر ومنتظر ردك على احر من الجمر |
منتظرررررر وبقووووووة ........
|
الله يقومها بسلامه بس بح بح المبلغ شوي موكل يوم بتولد وبعدين جابت لك شي مايقدر بملايين الدنيا هات لها جوال جديد بما ان الذهب بالعلالي واهم شي الكرت لا تنسى تكتب لها كلام حلو
|
هلا فيك
والله انا عارف ان هالشي مايقدر بثمن لكن الدنيا وظروفها طبعا فيه هدية غير هذي ومفاجأت مخطط لها من قبل بس بعد الاربعين حاليا ابي شي بسيط والله مو بخل لكن صعبة الواحد يتسلف والهدية مو بقيمتها الحين الاحوال ميب مثل قبل كل شي يختلف وكل شي صار غالي الله يعين الفكرة بالنسبة لي اهم من الهدية بمراحل لان الفكرة ترسخ بالذهن عموما منتظر الفكرة انا |
طيب رح لم درعة اذا انت بالرياض تلاقية بالمجد والعثيم مول
خذ شنطة مكياج تلاقي عندهم شنط حلوووة واسعارهم من الميتين الى ميتين وخمسين وخذ معها عطر فية عطور جديدة منها (بلاك اكس اس النسائي ,, بربري ,, عطر جديد عندهم اسمة فراولة وسعرة 150 بجد خطيرررر ذا العطر ) والله يسهل عليها وبالتوفيق لكم |
خاتم ذهب
او طقم ذهب |
اخي العزيز إن شاء الله تقوم بالسلامه
انا رائي علبت مكياج وقارورة عطر [info]عفواً لفظ المشيئة يكتب هكذا (إن شاء الله)[/info] |
السلام عليكم والله انا احب الرومانسية يعنى كافية تعمل ليلة حلوة وتولع شمع وتشترى ورد على عشا توصى على من برة يعنى شى بسيط الله يسعدكم مع حبى
|
الله يسعدكم والهدايا منها ساعة -عقد-ملابس داخلية-
|
بنظري لو تسوي لها حركات شموع وورد وكيك وتجيب هدايا بسيطه صدقني بتطير فيها الله يخليها لك لاني عن نفسي وعن كثير بنات اعرفهم ننبسط لما يسوون ازواجنا حركات رومانسيه وهديه بسيطه بعكس لو جاب لي هديه غاليه وبس
|
اذا زوجتك رومنسيه وتحب الورد
ادخل عليها بالمستشفى ومعاك بوكيه ورد وقلب كبير بتلاقيها بمحلات الهدايا مكتوب عليه حرفك او حرفها يكون القلب زي المخده ممكن تحتفظ فيه وكمان كرت حلو مكتوب فيه كم كلمه حلوه وكيكه صغنونه مطبوع عليها صوره البيبي او صورتك انت وهي هالاشياء البسيطه تقدر تسويها وانت بالمستشفى وكمان تصوروها وتبقى ذكرى معاكم على طول الايام الله يقومها بالسلامه ويخليكم لبعض ويرزقكم بطفل سليم ومعافى يارب |
جزاكم الله خير على هالردود الحلوة
والله مدري وش اقول <-- كله خجل بالنسبة لفكرة الشموع فصعبة بالمستشفى اذا طلعت من الاربعين بحرقها شموع هههههههههه وورد وكل شي شكلي بجيب مكياج من درعة وعطر وأغلفهم واكتب كرت وبوكية ورد ووديها لها بالمستشفى واللي عنده فكرة غير يقول قبل لاتولد ومو شرط لي انا بس هالموضوع فيه زوار كثير يحتاجون مثل هالافكار ومشكوووورين كل اللي ردوا واللي سيروا وجزاكم الله خير والله يوفقكم ويرزقكم الذرية الصالحة |
اخوي بس اذا الهديه بعد الولاده مباشره
موحلوه تكون مكياج مكياج يعد الاربعين احلى بس وقت الولاده احسن روح جيب لها طقم عطور خفيفه من نكتار او بودي شوب حتى تقدر تستخدمها فتره النفاس وتكون مغلفه بطريقه مرتبه وجه نظري يعني احس وقتها اما المكياج فماراح تستخدمه الا بعد الاربعين |
المشكلة المبلغ أحسه قليل على المناسبة ...
لكن الخير فيما قلّ .... أهم شي إنك مفكر تسعدها يا ربي ما يغير عليكم و يسعدكم دوووم .. برأيي تشتري لها باقة ورد محترمة .. خلي الباقة كلها حمراء .. شي يبهر يعني .. و معاها هدية بسيطة ولكن قيّمة يعني مثلاً ميدالية فضية .. هذي ما بتلكفك كثير .. يعني برأيي لو اشتريت عطر أو شي من هالنوع يمكن ما تعجبها الريحة و ثانيا بتخسر مبلغ على عطر بتستخدمه و ما بيكون ذكرى لهالمناسبة العزيزة .. لكن الميدالية الفضية أو ساعة أنيقة مو شرط ماركة مثلاً بتظل ذكرى ,, و اسمها من فضة يعني من معدن ثمين .. و أيضاً سعرها مناسب أرخص من الذهب أكيد و لكن سعرها من سعر العطر أو يمكن أرخص .. و لا تنسى التغليييييف لازم يكون تغليف الهدية محترم و أنيييييق و يا حبذا توديه مكان متخصص في التغليف يحطون على البوكس ورود و شغلات هيك حلوة تونّس المرأة التعبانة الوالدة .. الله يقومها بالسلامة إن شاء الله .. و الأهم من هذا كللله ,,,, طريقة التقديم و البطاقة مع كلمات طالعة من قلب و أنا كإمرأة سأكون في غاية الفرحة لو قدم لي زوجي رسالة فيها تفصيل لمدى حبه و امتنانه و تقديره لتعبي طوال فترة الحمل ... و فيها تطلعاته للمستقبل لأسرتنا الجديدة بإذن الله ... أتمنى أكون أفدتك ... تحياتي سميدعة |
جزاكم الله الف خير
وأبشركم زوجتي ولدت اليوم الفجر وجابت بنت الله يصلحها ان شاء الله ويعافيها الهدية ان شاء الله باقة ورد ومعها اي شي عطر او ساعة او اي شي عموما مشكووووووووووووووورين الف الف الف شكر <-- طاير من الفرحة تحياتي لكم |
| الساعة الآن 11:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©