مشكلتي مع بلكونة شقتنا
 

السلام عليكم ورحمة الله وبركاته ..

لحقوا علي يا اعضاء منتدانا .. خلاص يأست من هالحمام اللي كل يوم ياي يبيض في بلكونتنا .. وانا كل ما باضت الحمامه قلت حرام اخذ بيضها مسكينه وانطرهم لين مايفقصون ويكبرون واقول خلاص عاد مابخليهم يرجعون .. اروح اليوم ال 2 الا الاخت الحمامه بايضه لي بيض جديد ..

والله يأست منهم والحين بلكونتي وصخه الله يعزكم من الحمام ووضاختهم وماعرف اشلون انظفها .. قررت لو باضت الحمامه اخذ البيض وعاد تروح تدبر راسها شاسوي فيها يعني .. ودي اعطيها اياها بس اشلون بتشيله :11: ..



المشكله اني اخاف من الحمام ولازم انطر زوجي يطلع عشان يطيرهم ..

طلبي لو سمحتوا :

اشلون انظفها الحين اصلا من الوصاخه يعني بالمكنسه الكهربائيه والا اليدويه .. مع العلم انه بلكونتنا فيها اللي نفس السجاد بس الخارجي ماعرف شسمه اللي مثل الحشيش ..


واشلون امنع الحمام يجون مره 2 ..

والله ودي احط لبنتي بركه صغيره او اسوي عشا رومانسي برع .. بس وين مع هالحمام !!

ساعدوني الله يخليكم .

ضعوا زجاج أو ألمونيوم على البلوكة له نوافذ أو ستارة ثقلية تغلق متى تريدين وتفتح متى تريدين

امممممممممممم فعلا فعلا مصيبة
وانا اعاني منها عند الشبابيك

.................................................. ..


لا جد جد جاني حل سريع
شوفي اماكن اللي تبني فية الحمامة عشها وحطي فيه اي شي يمنع بناء العش
مسامير اسياخ علاقة ملابس .... والاشياء كثيرة

الرجاء التزام الجدية في الردود

اخوي شغموم .. شكرا على ردك ... بس للاسف اني ساكنه في عماره وممنوع احط الاشياء اللي قلت عنها :(

اخوي غير مسجل .. اما افكار !!!

عموما تسلم وجزاك الله خير



اخواني والله ماتدورن المشكله اشلون مسببه لي ازمه ياريت اللي عنده اي حل مايبخل علي ..

جزاكم الله خير

حبيبتي الله يعينيك بس فيه فكره انك تخلين البلكونه لها شباك او سلايد بلاستيك يعني تتسكر وتفتح بالوقت اللي تحبيه وما اتوقع تكون مكلفه

اما سؤالك عن التنظيف استغربته يعني اسهل شي مي وصابون واي منظفات اخرى .....وشطف شطف وكل شي بيزول ما في اسهل منها

الله معاك

جربي ثعبان لعبه !!

السلام عليكم ورحمة الله وبركاته ..

اخوي بوضحه جزاك الله خير ... من جد السلحفاه!!!

اشلون يعني الحمام يخافون منها!!

انا من وين طلعت لي هالسالفة مادري اختكم تخاف من جميع انواع الحيوانات والحشرات والقوارض وكل شي مب انسان

اختي توته ..

بخصوص الستاره وجي سالت تحت عندنا في العماره وقالوا لي ممتوع !!

اما التنظيف فهو مشكله بالنسبه لي لانه في نفس السجاده اللي تكون مثل الحشيش وماقدر اشيلها ... بس هو يتهيا لو طار الحمام ومارجع ما بخاف اني اطلع وانظف واجرب كل يوم شي لين مايتنظف المكان


اخوي حميدوفيتش :
ان شاءا لله بجرب هالحركه ويارب تنفع ..

جزاكم الله خير جميعا

واي افكار لا تترددون جزاكم الله خير

السلام عليكم ...

الحمامة من طبعها اختبار المكان قبل بنائها للعش ....وذلك بان تقوم بالهديل ...وتقف فيه بعض الوقت لمراقبة الوضع..

فأنا متعودة من يوم اسمعها ...اروح بسرعة واطيرها ..او اطق على الشباك علشان ما تحس بالأمان ولا تفكر تبني عشها فيه .... وحقيقة الطريقة من 5 سنوات وانا اسويها افتكيت من عش الحمام ..



دمتي في حفظ الرحمن ,,

فزاعة في البلكونة؟ ههههه و الله ضحكتوني!

ضعي مروحة مش كهربائية بل من النوع اللي يتحرك مع الريح

او انابيب الصغيرة اللي تعلق وتصدر صوت .

عزيزتي الحمام ما يبني عشه بيوم وليله :)

بالعكس هي تختار المكان المعزول وانت شكله مهمله البلكونه وما تطلعين كثير :) يمكن علشان تخافين


المهم

الحل

اولا :نظفي المكان زين ويفضل المكنسه اليدويه الصغيره واسفنجه وصابون
ابعدي فكره مكنسه الكهرباء لانك بتخربينها وبتنعدم من الريحه


ثانيا: عطري المكان ورتيبه على طول وضعي مسبح صغير وطاوله وكرسيين واحواض زراعه :)

ثالثا لا تهملي المكان يعني كل يوم تقريبا طلي عليه واسقي الزراعه ورتبيه وحلوه الجلسه والقهوه فيه :)

وكما ذكرت احدى الاخوات وضع اخشاب او مراوح هوائيه لاحداث ضجيج وايحاء بالحركه




والله يوفقك وتحولين بلكونتك من عشه حمام :) لحديقه غناء :)



تحياتي
دلوعه زوجي

أسأل الله أن يعينك

جزااااج الله خير وياربي يسعدج ويهنيج .. ان شاء الله بجرب هالفكره قريب ... وان شاء الله يارب تنجح ..
تسلمين لي