|
زوجتي لاتهتم بي
السلام عليكم
وبعد اول موضوع اطرحه لكم وابي شوركم زوجتي وانا دوووم بسوء تفاهم احسها مو مباليه وهي كل ماااقول لها اسئلي وتطمني علي تقول ....تعرفني اني مو مباليه آخر مشكله صارت بيننا امس انا دوم اطلبها الاهتمام وهي الله يهديها مطنشه واليوم قلت لها والله راح اتزوج عليك وزعلت علي شرايكم يا اخواني وخواتي عفوا تم تعديل العنوان لتوضيح المضمون الاشراف |
سؤال
كم سنه لك متزوج؟؟ |
سنه زواج
|
حاول توديها او تجيبلها برنامج عن الزواج وكيفيه الاهتمام بالزوج
صدقني هي يبغالها شويه توعيه ولا مافي حرمه بالدنيا مو مباليه لزوجها واهم حاجه حببها فيك خليها تحبك لان لو حبتك راح تهتم فيك وامكن من حالها تدور وتبحث بكيفيه سعادتك الله يوفقكم يااارب ويحنن قلوبكم لبعض |
انا من رأيي انك تعاملها بالمثل
والنتيجه انها رح تضايق وتشعر بما تشعر به انت الله يصلحها ويهديها |
المشكله ياخواتي
ماتتقبل مني النقد حتى وان كان بهدوء تزعل وتكشر وتندمني على اني صارحتها |
اخوي شلون مومباليه؟؟؟
اشرح اخوي لوسمحت عشان نقدر نساعدك ان شاء الله ماتحتاج تنفذ تهديدك |
أسأل الله أن يصلح حالكما
و أن يجعلها قرة عينك |
بكل مره اطلبها تهتم فيني
بأتصالات او حتى مسجات وبصراحه ماتصدق على الله انها تبعد عني(لما تروح عند اهلها ما كأن لها زوج) حتى تاريخ زواجنا ناسيته مصيبه والله |
الله يهدي زوجتك ..
|
اخوي مشكلتك مثل مشكلتي مع زوجي ... تضاييقت وصحت وحالتي حاله ...لا انكر حبه وتعلقه بي لكن ابي دلع واهتمام ...ونفس حاله زوجتك ناسي تاريخ زواجنا :29:........اجيب له هدايا بالمناسبات ولا يجيب لي .......
لكن اتبعت اسلوب يمكن غير زوجي لكن والحق يقال ليس بالكثير لكن بدايه مشوارنا للحياه الزوجيه احسه انجاز صرت اهتم فيه بزياده ...لارحت لاهلي اكلمه اني اشتقت لك ...ارسله ... لا سافرت مع اهلي اشتري له هدايا لا صارت مناسبه عيد او ذكرى زواجنا اشتري له هدايا لاحظ هدايا مو هديه ...مع كل هذا صدقني الاقي برود في المشاعر حتى لما امد له هديه ما احس بشيء يتحرك فيه .........يوم مع يوم صرت اتجاهله عمدا صدقني صار هو الي يدق علي ما يمديني انزل من اهلي الا يدق ويسال عني وانه اشتاق لي ........وهالسنه مرت ذكرى زواجنا ظبعا هو متوقع كالعاده حفله وهديه بس قلت بصبر بشوف اذا يتذكرها مر اليوم من بكرى جاب لي ورد مع اني توقعت هديه زي ما اجيب له هدايا :( بس اعتبره انجااااااااااااااااااااااز :14: .........وطبعا بعد مرور اسبوع سويت الحفله الي كان منتظرها مني ........ ماادري بس احس لما تحسس الشخص الي قدامك انه مهم بالنسبه لك بكل تحركاتك وفجاه تتجاهله راح يسال نفسه ليش ويبدا يحسن ويطور من نفسه لين ما ترجع الامور لمجاريها واحلى :17: |
اقتباس:
|
زوجتك يمكن لسه صغيره في السن و لازالت متعلقه في اهلها .. واكيد ما عندها ثقافه زوجيه و كيف تتعامل مع الزوج .. هذا يجي مع الوقت و الخبره .. طووووول بالك عليها يا رجال .. خلها تدخل المنتديات المتخصصه في العلاقات الزوجيه عشان تشوف كيف الحريم يهتمون بازواجهم .. وربي يسعدكم .. |
أنا مع الاخت اميرات
يمكن زوجتك باقي صغيره ومالقت من يثقفها ويعطيها بعض النصايح كن انت لها المعلم والاستاذ خليها تقرأ وتتعلم جيب لها كتب عن الحياة الزوجيه او خليها تدخل المنتديات اختار الطريقه اللي انت تبيها والاريح لك أصبر عليها وتحملها الى ان تتعلم وتتثقف وفقك الله واسعدك |
بصراحة ما اجمل ما بدأت به سؤالك عن زوجتك
يدل على انك انسان متفهم وتتعمل بالمبدأ .. ومن أجل ذلك طلبت ان يكون التعامل بالمثل وهذا أكبر خطأ بين الزوجين .. لو انك تتعامل ع احد الاصحاب او الزملاء وتتصل به وهو لا يهتم عندها تقوم بارسال رسالة له تقول انك لن تتصل به بسبب تجاهله لك ام الزوجة فهى ام العيال هى السكن هى المكان الذي تعيش فيه انت ولا يعيش غيرك اهتم به واحسن جمالها وزد في سؤالك عنها واكثر اهتمامك بها وان شاء الله لك الاجر ولن يضيع جهدك ابدا فالله سبحانه وتعالى عدل ولا يظلم مثقال ذرة |
أخوي زوجتك ناقصها تثقيف من هالناحية هذا اول شيئ
ثاني شيئ أنت ابدأ عاملها بالشيئ اللي تحبه واتخذ من قول الرسول صلى الله عليه وسلم مبدأ لك في حياتك (عامل الناس كما تحب ان يعاملوك ..) ثالث شيئ ابدأ بالتطبيق من اليوم يعني لما تكون في الدوام اتصل عليها وقول لها صباح الخير ودي تصلحين لي على الغدا كذا وكذا او ارسل لها مسج قولها حبيبتي لا تتعبين نفسك اليوم كبري المخده ونامي والظهر بنطلع نتغدا بره مثلا في بيت اهلها فاجئها ارسل لها مسجات ارسل لها هدية وهي في بيت اهلها خلها تتفشخر قدام اهلها صدقني في كثير امور تقدر انت تسويها وتخليها تتعود على طبعك عاملها ولا تتسنى النتيجة اليوم والا بكرة لا اعمل هالشيئ ابتغاء الاجر وصدقني راح تلقى ربي بيعوضك باللي ما تتصوره ولا تتوقعه << هالكلام خلاصة زواج ومعاناة دامت ثلاث سنوات وبالاخير سبحان مغير الاحوال .. |
لا أريد أن أقول كلاما يكون على حسرة يوم القيامة ... ولكن أخي الحبيب سؤال إلى شخصكم الكريم ... هل تزوجتها وهي مقتنعة بك أو مجبرة عليك ...!؟؟ بعدها سأحاول أن أجيب بحسب إجابتك ... دمت بحفظ الرحمن .... |
اقتباس:
بصراحة .. مهما كان عمرها .. ومهما كانت قلة ثقافتها الزوجية وجهلها بالحوار الزوجي .. فلا أرى انه من الطبيعي أن يكون ردها (تعرفني اني مو مباليه) |
ياخوي حالي من حالك انا نفس وضعك
بس ما عمري قلت لها تطمني علي اذكر مره قلت لها ليش ما تسالين زعلت من بعدها ما قلت لها خلها تجي من نفسها طول بالك وعش حياتك ياشين الشي اذا كان بالطلب ومع ذلك اسال انا دايم الله يحنن قلوبهم علينا |
يا أخي بدي اقلك شي
زوجي الله يخلي لي اياه كمان دائما يشتكي ماعم تتصلي لتطمني علي ولا هاممك امري ذخلك شو جد بالامر من 8 الى 9 ونصف الصبح لاتصل كبر عقلك خيي اذا في شي مهم بتصل فيه مثلا رايحة مشوار او ابنك صار له شي او لازمني شي عدا هيك خلي الحكي ليوصل بالسلامة والله والله احسها بلا طعم كل شويتين اتصل هلا حبيبي شو بتعمل بيرقص يعني ما هو بيشتغل او هو يتصل شو محضرة او شو بتعملي او مشتاق الك حلك تشتاق وانت لسا ما قعدت على مكتبك مني فاضية وراي :18: مسؤولية وولاد وهم اسود فلا تزعل اخي وكبر إلنا مخك على فكرة لو قارنت مشاكلك مع واحد زوجته عاملة إله إرهاب تلفوني ومحاصرة من النوع الثقيل والله والله لتحمد ربك على النعمة الي قال مجبرة ليكني بحبه لزوجي الله يخلي لي اياه ولا يحرمني منه الله يسعدك اخي أم وليد |
كم عمر زوجتك؟؟؟
|
السلام عليكم ورحمة الله
ارى ان يكون الحل بالحوار اتمنى ان يكون الحوار والنقاش بطريقة سليمة بدون حساسية اختيار الاوقات المناسبة للنقاش مهم طبائع الناس تختلف والتعبير عن الاهتمام ايضا يختلف فهم الطرف اخر مهم نتمنى لكم حياة زوجية سعيدة |
ليش حوار!! ونقاش!!
هي موأزمه سياسيه الحل السريع والأكيد هو >عطها سكيب شويه وحاول تثير غيرتها شويه> وشوف النتيجه :ملاحظه_ عطيتك سر من اسرار النساء !!__ |
الله يسخرها لك وانااشوف انك تطنشها علشان تحس وتتقرب منك او حسسها انك ناوي تتنزوج بس كتلميح مو تصدق وتتزوج!!
|
الله يهديها ممكن تسالها هي ليش بتعمل هيك
طيب ممكن سؤال انتا بتهتم فيها يعني عيد ميلادها او طلعات وهيك مع بغض يعني ممكن يكون الشي بدا منك |
اقتباس:
ماشاء الله عليج اخي انا كنت بعطيك هذا الحل وصدقني مضمون بس يبيله شوية صبر وحيله وبتشوف الفرق باذن الله |
اقتباس:
والله عندك حق وكلام عين العقل لكن انتا جيت تكحلها عميتها يعني لما تقولها بتزوج راح تبالي يمكن هي الي تدورلك عروس |
الله
جان زين انا نفسها انا بموت من كثر التفكير وهوا طاااااااااااااااااف لدرجه اني انطويت على نفسي وقاعده بالبيت بس افكر فيه كنت وايد اسأل عنه واهوا يصدني ويدقرني حتى بالعلاقه كان يمنعني اتحرش فيه صارت فيني صدمه صدقني زوجتك مرتاحه خلها براحتها شي غصب ماله طعم وبكون فتره وبروح |
الله يعينك
لازم تححسها إنها هي بحاجتك أكثر من كونك بحاجتها .. مو بالكلام .. لكن بالتصرفات والإحساس بالمسؤولية حسسها إنك ولي أمرها .. إنك المسؤول عنها .. سو عليها مواقف تخليها تستحي من بعض الجهل اللي عندها جب لها كتاب (الرجال من المريخ والنساء من الزهرة) وإن شاء الله راح تستفيد |
الله يوفقكما
|
الله يعين على هالنوعيه من الزوجات
|
| الساعة الآن 07:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©