|
لا تغلطو مثلي احذركم من ((قنوات الزواج ))
السلام عليكم ورحمة الله وبركاته
هذي أول مشاركة لي وأحب أبتدي مشاركتي الأولى بالتحذير من قنوات الزواج الفضائية اللي نصبت علي وعلى كثير مثلي حسبي الله عليهم ونعم الوكيل تصوروا كل رسالة بـ 3 ريال وآخرتها طلعوا أصحاب القناة يراسلوني على أنهم بنات تخيلوا مره صرفت 300ريال في يوم واحد على الرسايل ولا حول ولا قوة إلا بالله مثلاً / أرسل لوحدة أسمي كذا وعملي كذا وحالتي الاجتماعية كذا من بوكرا تجيني رسالة من نفس الاسم اللي مراسلها تقولي ( هاي ممكن أتعرف عليك ) حسبي الله عليهم ونعم الوكيل بأسبوع صرفت ما يقارب ألف ريال على الرسايل حسبي الله عليهم ونعم الوكيل أحذروا أحذروا أحذروا يا مسلمين لا تنخدعون مثلي وأدعوا عليهم الله يخليكم واللي قاهرني كيف تعطيهم شركة الاتصالات رقم تجاري يلعبون على خلق الله فيه يا شركة الاتصالات أجيبوا حفظكم الله وفي الختام سلام الاشراف : تم تعديل العنوان.بالتوفيق |
ينقل الى قسم المقبلين على الزواج مكانه المناسب
تحياتي |
والله انك صادق كلها نصب في نصب اعرف واحد من الشباب يبغى يتزوج
المهم راسل هالقناه وحاول انه ياخذ رقم وحده اعجبوا في مو اصفات بعض المهم يرسلها الرقم كل رقم برساله بعدين يرجع يعيد من اول اتضح انهم هم اللي يراسلونه نصب في نصب حسبي الله عليهم |
لا حول ولا قوة إلا بالله
صراحة أنا لا يمكن أرسل لهذه القنوات ... ما أرسل إلا لقناة المجد .. الله يوفقهم يارب |
لا حول ولا قوه الا بالله
ينصبون على الناس الله لا يوفقهم هم ما همهم مشاعر الناس المهم عندهم الربح |
معليش يا اخى
انت يعنى فى مجمتعك مافى بنات ابدا ابد ما لقيت طريقة تتزوج منها الا القنوات اسفة بس الحق عليك انت الغلطان بنات الناس معروف وين مكانهم |
اقتباس:
وانا اخوك معليش انت كم عمرك ؟ سبق لك الزواج ام لاء؟ والشي اللي بقولة من قالك ان زواج التلفزيونات والرسايل صحيح ياليت تفكر قبل ماتقدم على اي شي مثل امور الزواج تقبل عتبي كونك اخي |
..........
ان شاالله يكون درس والواحد يتعلم من اخطاءة |
لاحول ولاقوة الابالله ....
مابني على باطل فهو باطل...... كيف بالله تخطب فتاه من تلك القنوات فرضاً..كانت تمتلك عقيده مخالفه .......مبادئ متحرره ...... ياأخي الكريم الفتيات متواجدات بكثره في جميع الدول والمجتمعات وجميعهن يبحثن عن الاستقرار ..... أجعل احدى قريباتك تبحث لك وستجد المئات من الفتيات ذوات الدين والخلق وطلب الستر ..... رحمك الله ووفقك الباري للطريق المستقيم ..... اختك أم عبدالرحمن..... |
اخي صدقت
والزواج له قنواته المعروفه(الاهل والاقارب والمعارف) |
الله يرزقك الزوجة الصالحة
وفعلاً هالقنوات كلها كذب ونصب وفي الاصل مين يرضى يرتبط ببنت بهالطريقة شكراً على النبيه |
الله يرزقك الزوجه الصالحه
جميع قنوات الشات ربحيه فقط وتستغل الناس الله يعينك والحمد لله وصلت إلى هذا الحد في رعاية الله |
الله يرزقك بنت الحلال
قنوات الزواج ؟؟؟؟؟؟؟؟؟؟؟؟؟؟؟ بنات الحمايل ببيوتهم ماهم بالقنوات الله يهديك اخوي لكن الانسان يتعلم من اغلاطه الله يرزقك بنت الحلال |
قنوات الزواج ؟؟؟؟؟؟؟؟؟؟؟؟؟؟؟؟؟؟؟؟؟؟ بنات الحمايل ببيوتهم مهوب بقنوات الزواج بس هذا درس نتعلم منه الله يرزقك ببنت الحلال ويعوضك عن ماخسرت خير
|
جزاك الله خيراً
|
الله يجزاكم خير على النصائح والعتب والمشاركة ما قصرتوا فكرة مراسلة قنوات الزواج الله يكفيكم شرها اضطررت لها كوني لا أثق بالخطابات الله يكفيكم شر بعضهن ، الزين في الزواج من خارج بلادي الحبيبة إني أقدر أشوف في اليوم 100 بنت وأختار وحدة بس عندنا إذا بغيت تشوف بنت يبيلك يسألون عنك أهلها وأسئلة لا حصر لها والله العظيم صارت معي مرة جالس مع الرجال اللي جاي أخطب أخته من ضمن أسئلته يقولي وش هواياتك وياليت بس هذا السؤال إلا قبله 100 سؤال ماله داعي قلت له هواياتي المراسلة وجمع الطوابع وزعل الشاهد الزواج صعب وسمعت الشيخ القرني يقول إن فيه إحصائية جديدة تقول بأن يقابل كل رجل ثلاث نساء ، يعني العرض أكثر من الطلب في الزواج والحل هو التعدد والحين طالعة موضة المسيار شفت مرة واحد يبي يتزوج مسيار يبيها عمرها 15 وحلوة ودلوعة ومزيونة وحورية وممشوقة القوام ... إلخ وين بيلقاها يمكن في الحلم ،،،،،،،،،،،،،،،،،،،،، شكرا لكم على المشاركة |
شفت مرة واحد يبي يتزوج مسيار يبيها عمرها 15 وحلوة ودلوعة ومزيونة وحورية وممشوقة القوام ... إلخ وين بيلقاها يمكن في الحلم
:d:d:d أخى الله يسهل امورك وتجد ان شاء الله البنت اللى تسعدك يارب:22: |
اخوي...بنت الاصل ماهي معروضة...
وبنات الحمايل والاصل والعفه مصونه.. واكيد اهلها يخافون عليها.. هم تعبو في تربيتهم.. لا عندهم استعداد يرمون بناتهم على حي الله شخص مر.. لانه يدورون من يكرم بنتهم.. ويعزها.. وانت ولد الصانع يعني اما من السعودية او الكويت.. وبنات الخليج مافيهم قصور... وانت ما تحكم من خلال اثنين او ثلاثة جربتهم... سؤال ماعندك اهل؟؟؟ ماعندك قريبات؟؟؟ كيف تغامر تتزوج وحده ما تعرف عن اصلها شئ ولا ماضيها.. ولا عقيدتها.. الزواج ماهي متعه تقضيها.. الزواج عشرة عمر وعيال.. وشئ بتتحاسب عليه بعد موتك.. اذا انت جبت مرأة جميلة من منبت سيئ .. شلون بتربي بناتك وعيالك عليه .. خصوصا من تموت.. لاتعتقد انه المسأله بسيطة خصوصا من تنظر لها للشريعة الاسلامية.. كلكم راع وكلكم مسؤول عن رعيته.. اذا انت معترض على المحتشمات.. وعاجتبك اللي ما يندرى وين تروح ووين تجي.. بكرا هذا راح يصير مصير بناتك.. هل ترضاه على بناتك؟؟؟ وانت ما كنت جاد بالبحث وسؤال القريبات.. وشوف قرابتي والله نحتار مين نخطب لهم.. ؟؟؟ كلهم يحتوون نفس الشروط علم ودين وجمال وبنات اصل وحمايل وشرف.. |
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©