|
قصة ولادتي ... ب قلبي ...
مرحباااا اخواتي العزيزات
الحمدلله ولدت بالسلامه وجبت احلى بيبي بووووووووووووي وبقول قصتي بالتفصيل ... للحوامل البكريات .... هذا بكري ... وموعد ولادتي كان تاريخ 15 ... بس الحمدلله ولدت الفجر تاريخ 14 .....يعني قبل بيوم من موعد ولادتي امممممممم ماعرف من وين ابدا ... انا الله يسلمكم ... الاسبوع اللي قبل ولادتي كانت تضربني تقلصات مابين بسيطه لمتوسطه ف اسفل بطني ورجلي ...مثل آلام الدوره وبعدها ب كم يوم وقفت التقلصات وبدأت تنزل عندي افرازات بنيه .... وعرفت ان الرحم فتح ... ويوم الاثنين للثلاثا نزلت علي الافرازات المخاطيه المخلوطه بالدم ... وهنا اتأكدت ان الولاده قربت :24: وتقلصات تذبح ... متراوحه مابين الربع ساعه الى 10 دقايق وانا ايقنت ان هذا الطلق وصرت :22::d لاني قرربت افتك وقبل ولادتي ب يوم كان عندي موعد فالولاده ورحت وقلت للدكتور كل شي وقال لي هذي علامات ولاده وكشف علي اذا كان الرحم فاتح وطلع فاتح 3 لين 4 سانتي وقال ان صار الطلق كل 3 دقايق او نزل الماي تعالي وانا قلت له اوك ورحت البيت وزاد الالم وانا متحمله واقول مب ولاده لان للحين ماصار كل 3 دقايق وانا متحمله الالم واحسه مب الم ولاده مع انه مؤلم بس يمكن لاني مب متخيله اني اولد والدكتور نصحني اشرب خروع لان فيني طلق ومفتوح الرحم <<< لازم هالامرين يتوفرون عشان شرب الخروع ... ورجعت البيت واشرب قد فنجان القهوه خروووع وابتدى مفعوله >>> وقت الولاده المهم عالساعه 11 حسيت الطلق صار كل 3 دقايق وكنت اكتب كل دقيقه يرجع فيها الالم ف ورقه ورحت خذت شاور حااااااااااااااااااااار وخليته يتركز ع ظهري وبعدها تعدلت استعدادا ... ورحت برقد .. وريلي قال انا مب راقد لان احساسي اليوم ولاده وقلت له كيفك واحط راسي وشوي الا اقوم وانط واقول له ماقدر خلني اروح اجيك كم سانتي وارجع البيت <<< وقمت معاه وشليت بنت خالتي معاي بس مع ان الكل وصاني اقعده بس انا كنت حاطه ف بالي اني بروح وبرجع خخخ واول ماوصلت قالت الدكتوره مفتوح 5 سانتي يلا ولاده واروح غرفة الولاده وابدل ملابسي وانسدح عالسرير وعطتني الكمامه وكشفت وقالت بعده 5 سانتي وقالت تبين ابره الظهر قلت لها لااااااااااااااااااا انا مصممه مااخذها قالت ع راحتج حطو ف بالكم تتحملون وماتاخذونها والله ماتعذبت ولله الحمد لاني خليت نفسي اتعب لين اخر نفس وانا كل ماله ويزيد الالم وعيوني طلعت بس كله اجر ... وساعتها ماتفكرين ب اي شي بس انا كنت ادعي واستغفر واتوسل ربي يهون علي والحمدلله من لجأت له وصل الدكتور يكشف الا يقول 8 سانتي الا الدكتوره تقول لا اله الا الله ماشاء الله من دقيقه كانت 5 بس انا وايد استانست رغم الالم ان ربي استجاب دعوتي وفتح الدكتور علي الماي وهني قلبي ولدي خلااااااااااص ابتدا يدفع راسه يبي يطلع وع فكره اول مادشيت الولاده اسمع صراخ من كل صوب وانا اتألم ب صمت واقول لا انا شطوره خخخ واشجع نفسي ... للعلم دشيت الولاده بنفسي ولما وصل 8 سانتي دخلو بنت خالتي عندي بس كانت لاتهش ولا تنش بروحها خايفه خخخخخخ وقلت فالاخير دام الراس يبي يطلع خلني اتألم ب صوت عالي ومع كل دفعه صرخه واقول دكتوره يبي يطلع وهي تضحك وتقول خليه يطلع وادفعي صح ع فكره انا اللي تعبني اني كنت ادفع غلط ... يعني كانت تقول ادفعي كأن فيج امساك وانا كان دفعي اني كنت اسكر حلجي وادفع ب حلجي بعد وهذا غلط الصح اني ادفع الدفع يكون متركز تحت يعني ادفع وانا فاتحه الحلج واول مااتقنت الدفع الا الممرضات يشجعوني 4 ع راسي ويقولون شاطر شاطر <<< خخخ الا ثواني وتموم ع حضني والله اني كنت اتالم ومن شفته قمت وتربعت وابوووووووووسه واصاااااااارخ فديييييييييييييييييييتك فديت قلبك هذا ولدي هذا حياتي ودموعي اربع اربع والكل يطالعني ومستانس وحسيت اني محظوظه وقعدت اصيح واشكر ربي ولين اليوم كل مااشوفه عيوني تدمع واشكر ربي وتوته توته خلصت الحتوته ادعولي الله يجعله ولد صالح وبار ف والدينه والله يرزق كل محروم ومحرومه يااااااااااااااااااااااااااااارب ويذوقهم شعور الامومه يارب |
الحمد لله على سلامتك يالغاليه
والله يخلي لك تميم وتشوفينه معرس ويرزقك بره الله يرزق كل محروم ومحرومه اللهم آمين اختك بالله جينز :) |
الحمدلله عالسلامة أختي انتي و البيبي و مبروك ما جاكي الله يجعله من الذرية الصالحة
.. كنت أقرأ قصتك و أضحك .. ما شاء الله ولادتك سهله ونفس يلي صار معي تقريبا اانا ولدت بعدك ب 12 يوم 26-6 وقبل موعد ولادتي ب 4 أيام بس الحمدلله اجاني الطلق ليلة ولادتي خفيف ومنتظم رحت المستشفى كان الرحم مفتوح 4 سم حولوني ولادة على طول و بعد ساعه كنت والدة و جبت أحلى بنوته الحمدلله ... الله يرزق الجميع يا رب |
ما شاء الله, أنا تجربتي مع الولادة كانت مريرة لدرجة انني كرهت الحمل و الانجاب و الأطفال
ربنا يجعل ولدك صالح و بار |
الحمدالله علي سلامتج الغاليه ...^^
اسأل الله ان يجعله من الصالحين البارين ... وفقك الله لما يحب ويرضي |
الحمد لله على سلامتك أختي الكريمة
|
الحمد لله على سلامتك اختي العيون و يتربي الولد بعز الاسلام و عزكم .. اسلوبك رائع يا عزيزتي في سرد الحدث ... اسمحيلي اختي اشاركك في كتابة قصة ولادتي في صفحتك لاثراء الموضوع .. انا ولدت قبل شهر بالضبط 25-6-2008 وهذه ولادتي السادسه .. كانت ولادتي بطلق صناعي لاني تأخرت عن موعد الولاده .. حطت لي الدكتوره الطلق الصناعي الساعه 7 الصبح .. وكان الطلق عباره عن شريط من القماش لونه ابيض طول الشريط 20 سم .. وكان زوجي موجود معي ... بعدين رجع زوجي البيت .. وكان المستشفى يبعد عن بيتي تقريبا ساعه .. رجع لي زوجي مره ثانيه الساعه 12 الظهر .. وكان الطلق بدا يشتغل عندي .. قلت لزوجي الساعه وحده الظهر ارجع البيت لان الطلق شكله راح يطووول واذا ولدت ان شاء الله راح اتصل عليك في البيت .. الساعه 4 العصر كان الرحم مفتوح 3 سم .. الساعه 4 وربع جاني ابني الكبير و هو يدرس في الجامعه .. جلس معي في غرفة الانتظار بعدين جاتني الدكتوره و قالت لي خلاص راح ندخلك غرفة الولاده و نفتح لك كيس الماي عشان تولدي بسرعه لانك طووولتي .. وبما اني في مستشفى خاص دخل معي ابني غرفة الولاده .. وظليت مع ابني نسولف و تدردش .. طبعا ما فتحوا لي كيس الماي لان الطلق صار يزيد .. انا خلاص بدي صوتي يطلع بس مكتوم ( اممممممممم) يقول لي ابني يمه ما اقدر اسمعك (تونين) طبعا كان موجود والممرضه تجهز عدة الولاده و هو طايح تصوير بجواله والممرضه تضحك عليه .. الساعه 7 المغرب الطلق صار مؤلم و انا على الصااااامت .. قلت لابني قووم يا ابني صارت صلاة المغرب .. الولد نزل المسجد يصلي و رجع بعد 20 دقيقه انا خلاص صار صوتي يطلع .. دخل مره ثانيه ابني الغرفه وقلت له خلاص يا ابني خليك خارج الغرفه الساعه 8 الا ربع صرت اقووول آآآآآآآآه ه ه ه ه ه بقووووه .. وابني واقف عند الباب يفصل بيني وبينه ستاااره .. الساعه 8 و عشر دقايق كشفت علي الدكتوره عشان تفتح لي كيس الماي قالت لي لسه الرحم مفتوح 3 سم .. انا خلاص اسودت الدنيا في عيني ... الالم شديد و انا صرت اضرب الصوت في الصوت .. سحبت البطانيه على وجهي و صرت ابكي و ابكي و ابكي و ابكي .. والممرضه و تقول لي معلش تحملي .. طبعا ابني واقف في الخارج يسمعني اصرخ و صار كل دقيقه و الثانيه يروح يتوسل في الدكتوره يقول لها تكفين روحي شوفي امي .. دخلت علي الدكتوره تقول لي اميرات حرام عليك لا تصارخي ابنك المسكين خايف عليك .. و زوجي يتصل علي ولدي يقول له اذا ما تقدر تظل في المستشفى ارجع البيت .. ولدي يقول ما اقدر اترك امي .. وانا شايله المستشفى صرااااااخ .. قالت لي الدكتوره لسه الرحم مفتوح 3 سم خليني اعطيك ابرة الظهر .. انا رفضت .. قالت لي خليني اعطيك ابره اللي ترخي العضلات عشان ترتاحين شوي .. انا رفضت لاني مجربتها تخليني دايخه ولا اعرف كيف اولد .. الا فجأه اقول لها .. دكتوره احس اني ابغى ادفع .. قالت لي .. لسه 3 سم لا تدفعين كشفت لاقته 7 سم .. دكتوره ابغى ادفع .. وهي تقول لي لا .. لسه 7 سم .. تكشف تلاقيه 9 سم .. كله في 5 دقايق .. خلاص الراس بيطلع .. انا اذكر اني دفعت 3 مرات .. المره الاولى حسيت اني اطلع الصوت من حلجي .. تذكرت اني لازم اخذ نفس و ادفع الي تحت .. دفعت الدفعه الثانيه و الثالثه .. بعدها ما اذكر وش صار و كيف طلعت بنتي .. اذكر ان الممرضه حطت بنتي على صدري و انا داااايخه .. واسمع من بعيد ولدي يقول للمرضه بنت او ولد لان سمع صوتها و هي تصيح .. وقف عند الممرضه و هي تنظف اخته .. طبعا بيني و بينه ستاره و هو يقول لي الحمد لله على سلامتك يمه .. بعد ما خلصت الدكتوره الخياطه و انا اصرخ لان البنج خفيف و انا اتوسل فيها زيدي البنج يا دكتوره مو قادره ورحمتني و زاذت البنج و ذيك الساعه انا صرت على الصامت .. بعد ما خلصت مني الدكتوره و دخل علي ولدي الغرفه و شاف البلاوي و الدم و المشيمه .. والله كنت منحرجه .. لكن الفضووول قاتل ولدي .. وتوته توته خلصت الحتوته .. واسفه على الاطاله .. |
الحمد لله على سلامتكن يا غاليات .. عقبالي يارب دعواتكم حبيباتي .. تقبلن تحياااااتي .. |
فديييييييييييييييييييييييييتج يالعيون
وحشتيني وااايد واااايد الحمدلله على سلامتج وسلامة البيبي يتربى في عزج ان شاء الله الف سلامة عليج يالغلا ههههههه تعطينا نصايح اولية للولادة الله يرزقني ان شاء الله واحمل واجيب كتكوت عاد حزتها كل يوم باايي وبقرى موضوعج علشان احط في بالي التوصيات ^.^ ربي يسعدج ويخلي لج النونو ييارب وبرزقج وابوه بره ان شاء الله ويجعله من الصالحين وينبته نبات حسن امييييييييين يارب |
الحمدلله على سلامتك عسوله
وسلامة البيبي الله يخليه لك ويحفظه ويحميه ويجعله من الصالحين البارين الحافظين لكتاب الله.. شفت رد لك بأحد المواضيع وطيرااان سويت بحث باسمك أدور على مشاركاتك الحمدلله على سلامتك.. |
الحمدلله ع سلامتك والله يجعله من عباده الصالحين ياااارب
ويبر فيك يااارب.. |
الف الحمدلله على السلامة
|
جينز
الله يسلمك ويسعدك يارب علامة الجوده الحمدلله التساهيل من الله واللي يلجأ ل ربه مايخيب ظنه ان شاء الله والف مبروك ع البنوته فديتها امال الحمدلله ع السلامه والصحه ... والله يرزقج المره القادمه هون الحمل والطلق يارب غرشوبه دبي هلا والله ف بنت بلادي الله يسلمج ويعافيج ويسمع منج يارب اخو امة البديع الله يسلمك يااخوي اميرات اشتقت لج .. وللحين متذكره اسمج الحمدلله اللي الله رزقنا الذريه ومشكوره انج نورتي موضوعي ب قصتج بس ياويلي وديتي الولد معاج .... :) زين عشان بكره لما يتزوج يحس زوجته ويحن عليهاااا .. ويحن عليج بعد لانه شاف تعبج اول مره اعرف عن الطلق الصناعي انا دوم في بالي انه مثل التحميله .. هنونه الله يسلمج والله يهون عليج ويفرحج بشوفة الكتكوت بالسلامه دمعات الروح حبيبتي والله اشتاقت لج العافيه والله انا افتقدت هالمنتدى الرائع اللي من وانا مخطوبه تعلمت منه اسس الحياه الزوجيه الله يجزيه خير اللي جمعناااا على الخير وان شاء الله بكون متواجده معاكم ويااااااااارب يرزقج كتكوت حلووو مثل كتكوووتي الحلم الدافئ يسلموو ياقلبي لكم وحشه والله يسلمج ويعافيج ... كلي رومانسيه الله يبارك فيج يااااااااااااااااااارب يكون بار فيني الله يحفظه حبيبي دوما الله يسلمج |
السلام عليكم
الحمدالله على سلامتك و مبروك شكرا على كتابتك قصة و لادتك علشان البكريه تستفد من التجربه انا باقي على ولادتي شهرين ابي دعواتكم إن إن شاء الله ربي يسهل و لادتي |
الله يسهل عليج حبوبه
وركزي ع طريقة دفع الطفل عشان ماتتعذبين .. |
الف الف مباارك فديتج..
والحمدلله عى سلامتج وسلامة البيبي بووي.. يتربى بعزكم ان شاء الله واتشوفينه معررس.. |
الله يباركك في ابنك ويحفظه لك من كل سوء
|
حمدلله على سلامتكِ وسلامة النونو.
عن نفسي كنت فاشلة جداً أثناء الولادة .. لأنه أساساً لم يخبرني أحد عن مسألة من فوق ومن تحت!! .. لذلك فقد اضطررت للاجتهاد ;) .. وللأسف لم يكن اجتهادي على المستوى المطلوب ولم أتمكن من الدفع بطريقة صحيحة!! وفي آخر الأمر كنت قد تعبت تماماً .. وكلما حاولت أن أدفع أفقد القدرة على التنفس فأوقف كل شيء لأنني أريد هواء!!! والولد فديته كان هو الآخر قد بدأ يتعب .. وللأسف اضطرت الطبيبة إلى سحبه بمعرفتها ;) .. والحمدلله ربنا ستر. الحمدلله على نعمة النسيان. |
ضايعه بالدنيا
الله يبارك فيج ويسلمج يارب ...تسلمين ع المرور الطيب بيبي توث الله يبارك فيج اختي مهره الله يسلمج ويعافيج ... والحمدلله اللي مشت امورج تمام انا عن نفسي كنت وايد اثقف نفسي عن كيفيه الولاده وماظل حد ماسألته خخخخ |
هلا والله بعيوني
ماشاء الله تبارك الله الحمد لله والشكر لله على سلامتك ومبروك ما إجاك يتربى بدلالك وعز ابوه اهلين بست أم تميم بنادي يا ليل ما أطولك :25: وقت الكل نايم وحضرته الشيخ تميم ما بده ينام:) ام وليد |
ماشاء الله تبارك الرحمن الف مبروووووووك الله يخليه لك
|
مبروك ياأم تميم الحمدلله اللي جنبني اكشن الولاده الطبيعيه..
|
اللهم بارك
|
لحمد لله على السلامة
|
الحمدلله علي السلامة
وان شاء الله اصير زيكم بعد 5 او 10 سنوات لاني مافكر اجيب الحين بعد العذاب الي شفتة بكري واربعة شهور في المستشفي حتي الحمام تكرموا علي السرير الممرضات يغيروني بسبب المشيمة واخر شيء تطيح بالسابع واولد قيصرية عذاب ما بعدة عذاب وياليت خلصت الا خربت المرارة من الحمل وعدم الحركة من نومة المستشفي وعملية ثانية عشان المرارة يشيلونها توني مسيوتها قبل 14يوم وخلاص تعبت هذا كلا صار وانا في اول سنة زواج ما جلست مع زوجي يمكن شهرين بس. وكلا يابيت الاهل او المستشفي ادعولي بعد 5 سنوات عشان ارتاح والحمد لله علي السلامة |
ألف الحمدلله على السلامة
ماشاء الله تبارك الرحمن إن شاء الله ولادتي تكون مثلج والله يسهل على الجميع ويقوم كل حامل بالسلامة ويرزق كل أم محرومة.... |
انا ولادتي قصة طويلة تخيلو من الساعة 6 صباحا وانا فقط يخرج مني مويات ورحت للمستشفى الساعة 7 صباحا وقالو فاتح الرحم 3 سم وكل ماتيجي الممرضة تكشف ينزل موية كثيرة ولا يوجد مغص فقط تقلصات بسيطة لين جات الساعة 5 المغرب اعطوني طلق صناعي وبدات التقلصات تزيد وكل ماكشفو تنزل مويات لين احس ان الجنين خفت الموية خقتة و واخذت اكسجين وقلت نبضات قلب الجنين وقالت الدكتورة اذا لم تتحسن نبضات الجنين لابد من عملية فتح بطن ولكن الحمد للة تحسنت وحسيت ان راس الجنين بيطلع وقلت للمرضة وكشفت وقالت لا لسا فاتح7 سم واخذت رجولي وسكرتها على بعض وقالت لسا وانا خلاص النونو بيطلع احس حاجة حاشرتني بيطلع ماني قادرة وهاوشتني وقالت لاتدفعين انتظري الدكتورة وانا خلاص واللة توكلت على الله وفتحت ارجولي ودفعت النونو وجات الممرضة وامسكت بالنونو وهي زعلانة تقول ليش تدفعين انتضري لين تجي الدكتورة ويش ايكم
|
| الساعة الآن 02:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©