|
اخوات خطيبتي (يدخنون )والشكوك تدور في رأسي
السلام عليكم ...
كيف حالكم يا حلوين ... ..... انا عندي موضوع محيرني و محتاج ارائكم و مساعدتكم .... .... انا ملكت قبل تقريبا ثلاث شهور و كنت خاطب لاكثر من 6 شهور ... كنت اتكلم مع خطيبتي ايام الخطبة و علاقتنا صارت قوية جدا لدرجة انه ما نقدر نصبر على بعض لاكثر من ساعتين الا و نسمع صوت بعض ... .... انا شاب مالي في اللخطبة و لا الف و الدوران يعني ما اطارد البنات بالرغم انه كان الوضوع مهيء لي اني اصيع الين ما ادوخ خخخخخخخخخخخ الحمدلله ما هو ناقصني شي لكن الحمدلله الله هاديني .... اخواني و اخواتي .. ايش رئيكم في البنت اللي تدخن ؟؟ و ايش رئيكم في البنت اللي تقول انه عادي انه الوحدة تمشي مع وحدة متعرفة على شباب ؟ انا يوم بعد يوم اتفاجى باشياء بالنسبة لي غير مقبولة ... الحكاية انه اخوي جاء و قال لي انه الشغالة قالت له انه اخوات خطيبتي "زوجتي" يشربو دخان بس خطيبة اخوك ما شافتها تشرب دخان ... انا بعد هذا الكلام .. سالت خطيبتي ايش رئيكي في البنت اللي تدخن : قالت لي عادي !! ما فيها شي .. و سالتها غلط الوحدة تمشي مع وحدة متعرفة على عيال .. قالت لي عادي .. مو شرط الوحدة تمشي مع وحدة متعرف على واحد انها خربانة.. طالما انا واثقة من نفسي ما يهمني انا امشي مع مين ... و تقولي البنت المحترمة محترمة و البنت الداشرةداشرة ... طيب يا اخواني .. اخواتها قريبين من عمرها ... معقولة ما لهم تاثير عليها !!! طيب انتم ايش رئيكم بالله في البنت اللي تدخن .. بالله اللي ادخن ما عندها الجرأة انها تتعرف على شباب .... يمكن مو شرط بس الجرأة لوحدها تخوف.... انا اشوف البنت اللي تدخن انها تسوي شي مو صح و شي غير لائق ..... انا ما اطيق الدخان خير شر ما بالكم لو كانت اللي تدخن بنت ... بالصراحة انا ماني مرتاح لتصرفات اخواتها و لا اهلها و صار الشيطان يوشوش لي كثير من جد تعبت .... نفسي ارتاح و اتاكد انها مالها باللخبطة هذي ... من جد الشيطان بس يلاحقني ... انا ما اخفي عليكم حبيتها و هذا الشي اللي متعبني ... بس نفسي اصارحها و اقولها انتي تدخن زي اخواتكم !! و نفسي اتاكد اذا مالها او كان لها في اللخبطة ...بس راح تسالني مين قال لك ... اتوقع ابوهم ما يدري ان اخواتها يدخنو ... بس انا شب متاكد انها دارية و الدليل قناعتها ... شاكر لكم مقدما و يا ليت تشاركوني بارئكم الاشراف : تم تعديل العنوان ,بالتوفيق . |
اذا هذا رده الوضع عندها فري راقبها وشف هي تدخن ولا لا وشف هي تتعرف على شباب ولا لا واذا تأكدت استخر الله وتيسر ..
|
اخوي انا اشوف انك لازم تصارحها وتسال سؤال صريح عشان تعرف راسك من رجولك واذا انت تدخن او لا
وعن نفسي اشوف ان التدخين كله ع بعضه غلط كييييييييييف لو كانت بنت... اما بالنسبة لردها على سؤالك ف الظاهر انها فررري شوي ولازم تحدد مدى استيعلبك لحريتها هذي والله يوفقكم يارب |
الصراحه راحه
|
يعني برئيكم اقولها ... سمعت ان اخواتك يدخنو .. انتي ايش رئيك ؟؟ كذا صح
ساعدوني ايش اقولها بالضبط |
إذا هذي علومها من بدري
أجل بعد الزواج بيكون الوضع زفت في زفت لا تتعب نفسك وريح عقلك إبعد بعيد حبك يزيد ودور غيرها أفضلك |
مثل ما قالو الاخوان .. لابد من مصارحتها واخبارها باللي سمعت لان الموضوع موضوع زواج وعمر مو ليلة وتنتهي وانت يا أخي الكريم فاتحها بالموضوع وخلك رسمي معها واسألها سؤال صريح : انا سمعت ان اخواتك يدخنون هل هذا صحيح ... لاني بصراحة ما احب اسمع كلام يمس زوجتي؟! بين لها انك خايف عليها وعلى سمعتها ... لاني اتوقع ان هذا بيشفع لك ويخفف من وطأ الكلام عليها اتمنى اني افدتك والله يكتب لك الخير ولا اوصيك بالاستخاره |
اخوي من الاحسن انكم تتصارحون قبل الزواج على كل شيء قبل لاترتبطون ببعض .. اجل مافائدة المكالمات قبل الارتباط ولازم تفهمها على كل الاشياء اللي ماترضيك واللي ماتقتنع فيها وتحطها بالصورة عشان اذا لاسمح الله ماحصل اتفاق يكون الانفصال اللحين افضل ...
|
مرحبا
الف الف مبرووووووك يا اخي الكريم والله يسعدكم يارب بصراحة كلامك كلو صح في صح واكيد راح تفكر كدا وتفكيرك كان تفكير منطقي وعقلاني وكمان يحقلك كدا تفكر ما دام انو عرفت انو اخواتها واخوانها يدخنو عشان كدا يا اخي الغالي لازم من مصاراحتها قبل الزواج وقبل لا تكير الامور بيناتكم وانت طبعا حاول انك لا تضغط عليها ولا تحسسها نو دا الموضوع ماسر عليك بس حاول تبينلها انك شوي مضايق وانو دا الشي ما يناسبك ( انو البنت تدخن ) وبصراحة ترى معاك حق بنات يدخنو مرة شي صعب وتحسو شي غريب ونصيحتي لك يا الغالي انك تصارحها مادام انك تحبها وتحبو بعض ولله الحمد حرام تضيعو حبكم فصارحها احسن وحاول انك تكون معاها ريلاكس ولو لا قدر الله طلعت تدخن زيهم حاول انك تمسك اعصابك وتقنعا انها تسيبو بطريقتك واصبر عليها وان شاء الله ما يسير خاطرك في الموضوع دا الا طيب عشانك انت طيب واكيد راح تلاقيها طيبه زيك تستاهلك والله يسعدكم يارب ودمتم بود |
رئيكم.........رأيكم رئيكي.......رأيكي حتى في الموضوع الرئيسي ؟؟؟؟؟؟؟؟؟؟؟؟؟؟؟؟؟؟؟ |
ممكن أسألك سؤال...
أنت مدخن؟ |
مساله البنات يدخون
فهذا الشي وللاسف منتشر ولابعد عادي عندهم يشيشون او ((يعسلون)) بعضهم هباله وبعضهم موضه وبعضهم الاهل عادي عندهم وبعضهم برستيج وبعضهم حقاااااااااااااااره وللاسف كثروا البنات الي يكلموا شباب ودام الرجال يكلمون فطبيعي ان هناك بنات يتكلمون مع شباب والا مين بيكلم الرجال؟؟؟ يعني وللاسف الشي هذا كثر الله يهدي شباب وبنات المسلمين وخصوصي مرحله الثانويه والطامه بنات المتوسط والله لمى اسمع السوالف ياراسي اني احسه بينفجر ؟؟؟احسهم حرام لسى صغار بس الظاهر ماعاد فيه صغار هلايام واذا البنت صادقه فاانا اقولك والله مو ذنبها ان الي حولها كذا اهم شي نفسها واذا هي واثقه من نفسها لانه طبيعي بعد الزواج راح تبعد عن هالبيئه الي عايشه فيها وبتسير معاك الدخان ليس استحقار بقدر اضراره ونتانته سواء للرجل او المراءه لكن لو طلعت انت تدخن هذي اكبر مصيبه ؟؟؟؟لانك ماراح تقدر تقنعها انه شي غلط لا انكر وانا امراءه اني كل مره اشوف بنت تدخن استحقرها واذا كنت اعرفها احاول اني اتجنبها ولو تجمعنا اول لمى كانوا عندي اولادي كنت حاطه حد لمى اكون موجوده ما اسمح بها الشي علشان اولادي لاني راح اخرج وماراح اجتمع معاهم البعض اقتنع واحترم والبعض تطننننننننننننننننننننش وتزيد والحمد لله ضروفي اضظرتني لاني ابعد عنهم من فتره طويله وماعاد لي اتصال الابوحده وهي الي كانت تحترم وجودي حاول تفهمها من هالحين ان هالامور مرفوضه عندك ودامك كل يوم تكلمها كثر فمن الافضل ان تخصص لمستقبلك انت وهي مكالمه وحده تبين فيها الخطوط الحمراء في حياتك الله يكتب الي فيه خير لكما ويسره ياااااااااااااااارب |
لا تحكم ع البنت من أهلها أو اخواتها
الزمن تغير واصبح هناك نوع من الإستقلالية الفكرية وهذا هو الأساس ودام البنت صارحتك برأيها فهذا دليل إن البنت صادقة ومعدنها أصيل بقي شي واحد لازم تتأكد منه أسألها عن اخواتها وصارحها وإذا انكرت هذي مشكلة كبيرة .. أما إذا اعترفت اعرف انها بالفعل صادقة وحاول أنت بدورك تأثر فيها وتحميها من المؤثرات إذا أنت مؤهل نفسياً لتحمل تلك المسؤلية فلك الأجر لأن بتأثيرك تقدر تأثر على اخواتها باعتبارك مثل اخوهم الآن .. أما إن تجد في نفسك صعوبة لتقبل ذلك فالإنسحاب أفضل حتى لا تدخل في دوامة الشكوك .. ينبغي أن تكون لدينا جرأة وشجاعة للتعايش مع الفتن ومحاربتها بأساليب ذكية وايجابية .. |
التدخين انتحار بطئ هلاك للصحه هذا غير ان الأب المدخن أو الأم المدخنه تزيد نسبه اصابات التشوه عند الأطفال المواليد فياأخي الواحد مو ناقص هم أطفال معاقين لاسمح الله..الموضوع ماينسكت عنه والصراحه أفضل والله يعينك..
|
نصيحتي أخي الكريم انك تتركها بما انك شاك فيها ومو عاجبينك اهلها واخواتها ماراح تعيش سعيد حتى لو هي طيبه
شكك فيها ماراح يقل والله المستعان بس لا تنسى تستخير |
اتاكد يااخوي من كلام الشغاله اولا يمكن الشغاله تالف عليهم وين اهلك واخواتك مايشوفون البنات والحين ينعرف الي تدخن او ماتدخن استخير وخلي حبك على جنب وخلي عقلك يحكم لانها بتصير زوجه وام لعيالك وتاكد زييييييييييييييين علشان لاتتهم احد باطل وكلام الشغالات كثير ماينتهي وياماكثير شغالات فرقوا عوائل موخطيب وخطيبه الله يكتبلك يااخوي الطيب ان شاء الله
|
اخوي لازم تصارحها
|
عندي عدة نقاط على موضوعك..
1)معقول تبني شكوك على كلام الشغالة؟؟ ( إذا جاءكم فاسق بنبأ فتبينوا ) ترى كثير من الشغالات يتبلوا على أهل البيت... أعرف واحدة شغالتها مسافرة...قبل السفر جاءت عندها وقالت لها..إنه زوجها ( زوج راعية البيت) حاول يفعل فيها الفاحشة ولعياذ بالله ..مع ‘نه زوجها محترم وملتزم و رجل فاضل...ولمن راحت المطار ..قالت للزوج : بابا إنت لمن تروح شغل في رجال كثيرين يدخلوا عند مدام.. 2) أنت ليش مستنكر تدخين الحريم..الرجال يدخنوا أكثر..وعدد المدخنين أكثر من المدخنات خصوصا الشباب و يعسلوا ليش ما تستنكروا عليهم...حتى في رجال يدخنوا و يستنكروا إنه حريمهم يدخنوا..نسوا القول : إذا كان رب البيت بالدف ضاربا...فسمة أهل البيت الرقص...يعني المفروض ما يستغربوا و لا لهم أصلا عين إنهم يمنعوا حريمهم و أولادهم و بناتهم..من التدخين... ليش الرجل يرفض الفتاة لمن يعرف إنها تدخن..و يستنكر لمن الفتاة اللي يتقدم لها ترفضه لسبب واحد إنه مدخن.. ليش الأخوة و الأخوات لمن واحدة تقولهم خطيبي مافي منه بس مدخن ..يقولوا لها معليش..خذيه بالراحة أنصحيه ..شجعيه على ترك التدخين..خسارة ترفضي عريس بس علشان مدخن .. لمن واحد يقول خطيبتي تدخن على طوول دي ما تنفعك...سيبها..دي إنسانه فاسدة ..وممكن تتجرأ على أمور ثانية..ما يقولوا له إمكن غلطانه..حاول تساعدها تبطل .. 3) يا أخي حتى لو أخواتها مدخنات..لاتزو وازرة وزر أخرى...يعني كنت حتسيبها لو كان مثلا واحد من أخوانها أو ابوها يدخن..تقول لالا دول مدخنين ممكن بنتهم تكون زيهم مدخنة..ليش أستنكرت البنات؟؟ المهم خلاصة الكلام تأكد إنها تدخن و لا ...اسألها سؤال مباشر...وشوف الصديقات اللي تمشي معاهم..؟..ولا تربط التدخين بالمشي مع الأولاد.. أنت لو عندك صاحب مدخن ..هل معناته يمشي مع بنات..أو يالطيف يزني؟؟ خليك عقلاني.. 4) بالصراحة انا ماني مرتاح لتصرفات اخواتها و لا اهلها أيش الأشياء اللي لاحظتها عليهم..ممكن توضح..وهل لاحظتها قبل ما سمعت كلام الشغالة و لا بعد.. طبعا أنا ما أقول إنه البنات أو الرجال المدخنين مهم غلطانين أو سلوكهم صحيح |
الله يكون فى عونك
بصراحة موقف مو سهل لا وكمان هى جريئة شوية فى اجابتها وهذا يدل يا على شيئين 1 يا ما شخصيتها قوية جدا 2 يا اما جريئة جدا انا ما قصدى اكرهك فيها بس انت شوف روحك من هالحين وانقذ نفسك بدرى بدرى |
والله اخوي انت زوجتك ايش المنطقة الللي ساكنة فيها.. وايش عائلتها..
كل منطقة لها خصوصيتاها... عندنا بعض المناطق بدون ذكر اسماء عادي جدا التدخين عندهم... ويعسلون البنات قدام ابوهم والام ماهو اشكال تقوله بنتي تدخن.. ووكثير من عاداتهم التدخين يكون بعد الغدى مع شاي الظهر.. لازم كل يوم.. يعني ترجع للمنطقة اللي عايشه فيها زوجتك.. ترجع لعائلة زوجتك.. لانه قلت لك بعض العوائل عادي جدا جدا جدا كل شي تسويه البنت.. ويعتبرون البنت اللي تتكلم مع شاب عادي... وسبق مرت علي عوائل الام تقول بنتي تغني مع زميلها فلان وبنتي تقول هيك للدكتور فلان .. وسبق مرت علي زميلات يعزموني لبيتهم.. ويقولون انتي تدخنين او لا.. اذا ادخن يستقبلوني بغرفه خاص للمدخنات.. واذا لا استقبال يكون في المكان العام.. وعشان يحضرون لي انواع السجاير..!!!! ارجع اقولك شوف المنطقة اللي عايشه فيها زوجتك.. شوف عائلتها واحتكاكها ... غير كذا مو تقولها الشغالة قالت.. قولها هل انتي تدخنين ؟؟ هل اخواتك يدخنون؟؟ وترى ممكن تكون بنت زينة ودخن.. حالها من حال الشباب كل الشباب الا ماندر يدخنون.. وفيهم الصالح والطالح.. |
اانا كل اخواني يدخنون لكن لا انا ولا اختي ندخن...لا تخلي الشيطان يلعب براسك
|
أنصحك بأن تتأكد و من ثم تتخذ من القرارات ما تراه مناسبا
و التأكد أفضل من أن تستسلم للوساوس أو أن تبني حياتك على جهل بأمور أساسية ==== أسأل الله لك التوفيق و السداد |
دلوعة ومنحوسة
كل منطقة لها خصوصيتاها... عندنا بعض المناطق بدون ذكر اسماء عادي جدا التدخين عندهم... ويعسلون البنات قدام ابوهم والام ماهو اشكال تقوله بنتي تدخن.. ووكثير من عاداتهم التدخين يكون بعد الغدى مع شاي الظهر.. لازم كل يوم.. يعني ترجع للمنطقة اللي عايشه فيها زوجتك.. ترجع لعائلة زوجتك.. لانه قلت لك بعض العوائل عادي جدا جدا جدا كل شي تسويه البنت.. ويعتبرون البنت اللي تتكلم مع شاب عادي... وسبق مرت علي عوائل الام تقول بنتي تغني مع زميلها فلان وبنتي تقول هيك للدكتور فلان .. وسبق مرت علي زميلات يعزموني لبيتهم.. ويقولون انتي تدخنين او لا.. اذا ادخن يستقبلوني بغرفه خاص للمدخنات.. واذا لا استقبال يكون في المكان العام.. وعشان يحضرون لي انواع السجاير..!!!! ارجع اقولك شوف المنطقة اللي عايشه فيها زوجتك.. شوف عائلتها واحتكاكها ... ماشاء الله عن اي كوكب تتكلمي..؟؟ ما أتوقع الموضوع مرتبط بالمنطقة..بل بنفس العائلة..و الناس.. |
اللي هذا اوله ينعاف تاليه
لازم تصارحها وتعرف كل شي قبل يوم الزواج |
ما دام الشغالة قالت لك ان هي ما تدخن ليش توسوس من راسك و بعدين اهي صاجه الواحد اذا واثق من عمره حتى لو يمشي مع اي حد ما يأثر فيه ، مثلا احنا لما كنا ندرس بالمدرسة والله كان في بنات كثير و منهم صديقاتنا يمكن بعد و يعرفون شباب بس عمرنا ما تأثرنا فيهم لان واثقين من عمرنا و من مبادئناو ها احنا الحمدالله متزوجات و ربات بيوت و قد احد تكلمنا عنا لذا انت اول شي صارحها بس لا تشك فيها و لا تبين انك مو واثق فيها لان هذا يضرك ويمكن تظلمها و هي مظلومة ما لها دخل في كل هالاشياء والله يوفق بينكم ان شاء الله
|
الدخان غلط عالبنت والولد مافي اي فرق
بس اللي تدخن مو شرط انها "صايعة" ولا اخلاقها خربانة ... انما هي في ابتلاء اسئل الله يفكها منه والاسباب اللي تدعي البنت للتدخين نفس الاسباب اللي تخلي الولد يطيح فيه .. والله يهدي الجميع وبرضو البنت اللي معاها صديقات يكلمون .. يعني انا بالنسبة لي مااتدخل بخصوصيات صديقاتي وما علي الا من الظاهر .. وحتى لو عرفت عنها شي ممكن انصحها لكن مااتدخل دامها ما طلبت رايي وانت بعد ما يصير تدقق على كل شي بحياة خطيبتك من صديقاتها لادق تفاصيل حياتها .. انت ما خطبتها الا وانت مقتنع انها انسانة ناضجة وعارفة الصح والغلط ومؤهلة تكون ربة بيت وام عيالك ان شاالله |
بصراحه الاخوات
ساعدوك ولكن القرار بيدك أنت لكن ألحظ شيئ فيك غررررريب !؟! أنك أخذت موقف وبداء الشكوك بعد كلام الشغاله وهذا إن دل على شيئ فيدل إنك شخص مرررررريض للأسف تشك وتبنى اوهام بمجرد كلام شغاله ولفت نظرك تصرفات اخواتها بعد الكلام وكل شيئ سيئ ظهر ايضا بعد الكلام دليل أنك كلمه تجيبك وكلمه توديك (ربنا يكون فى عون من تتزوج مثلك ) |
والله يا اخي سامحني على الي بقوله ،،، اذا هي عندها كل شي (( فري )) ياليتك تعيد النظر بزواجك منها .
|
اخي الكريم اول شي البنت الي تدخن مش شرط تكون منحرفة او تتعرف عشباب
التدخين عادة حرام وسيئة ولكن ليس شرط معناها ان يكون اخلاقي بالنسبة للبنت يعني في كتير نساء شفتهم بدخنو لكن مافي احسن منهم عاديين يعني الشغلة عادة سيئة وحرام يعني بطل زي زمان و زي الافلام الي بتجيب البنت المدخنة ساقطة وقاعدة في ملهى ليلي الايام هاي بطل الامر هيك لكن متل مقلتلك عادة سيئة وحرام ومضرة يجب الجنسان مايعملوها وصراحة عادة مسيئة جدا للانوثة لانو البنت مفروض تكون مليانة رقة مش تدخن زي الرجال وريحتها دخان بدل الروائح العطرة وسنانها صفرة وشفايفها زرقا ضد الانوثة فعلا وعموما انت بتقدر تتاكد ازا خطيبتك بتدخن او لا من ريحتها المدخن ريحتو بتبان خاصة ريحة الفم وازا كنت خايف تكون بتعمل احتياطها قبل متيجي يعني بتعطر تمها او مابتدخن قبل متيجي فائجها بزيارة بنص النهار اما موضوع البنت الي تمشي مع بنت متعرفة عشاب محير ويمكن خطيبتك فري او انها بتقول كل واحد الو بنفسو يعني في بنات هيك بتفكر بتقول انو انا مادخلني بالشاب الي بتمشي معاه المهم انا وماشية معها ماتعمل شي غلط يمكن من هادا الباب خطيبتك تتعامل مع الامر لكنو سيء طبعا ولازم تنبهها الحل اجلس معها مصارحة وازا كانت مش عنيدة و مش راكبة راسها وعندها استعداد للتغيير والتنازل ممكن تتفق معها عالتغيير و الاصلاح بعد الزواج ازا قبلت وكانت لينة بالامر ومش عنيدة يعني والله يجمعكو عخير |
اخي في الله
للأسف في بعض الدول العربيه وفي دوله خليجيه عادي عندهم مساله الشيشه والتدخين يسمونهم عجم عندنا انت حاول تكون سبب بهدايه عايلة خطيبتك وانصحها باسلوب غير مباشر ولك الاجر ان شاء الله |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©