|
لأهل التجربة (الزواج عن طريق الخاطبة)
السلام عليكم ورحمة الله وبركاته
طبعا اسمع كثير من الناس يواسون الاخوات الغير متزوجات بقول افعلوا شئ واعملوا وطبعا الكل يعرف انه المقصود بطرق شرعيه وليست محرمه طيب نجي لاول خيار وهو :- الخاطبه على كثر من يرشح هذا الخيار اسمع سواء من الناس او العامه صعوبته لان الخاطبه قد تمدح الرجل اكثر من اللازم وتكون الضحيه البنت طبعا وقد يرفض الاهل طبعا هذا التصرف وهو الإتصال على خاطبه وفي تلك الحاله يصعب الوضوع لان الخاطبه تحتاج مال وسياره لتتفق معها وقد يصعب على البنت وحدها عمل ذلك هذا غير المواصفات الكثيره التي يطلبونها من يذهبون للخاطبات من أهل الرجل ولكن إن كان ممن يقرا الموضوع وتزوج عن طريق خاطبه ونجحت فياليت يفيدنا وغير ذلك من إقتراحات...... ياليت تكون الإقتراحات مدروسه ومفيده وإن كنت أعلم انه لن يحدث شئ إلا بتوفيق الله |
عارفة يا أختي أجمل اقتراح هو الاعتماد على اختيار الواحد الاحد (لان بصراحة بعض قلت بعض الخطابات كذابات ) وصدق التوجه الى الله أعرف خاطبة اتصلت علي تقول إذا تمت الموافقة تريد 2000 يال مني ومن عريس الغفلة إلى جايبته 2000 ريال سعودي والله يكون في عونكم ياعرسان والله يرزقنا من فضله قولووووووووا آآآآآآآآآآآآآآآآآآمين
|
كثير يجوني عن طريق خطابات مدري من يدلهم علي
ولكن مشكلتي ما اقتنع ابداً بمبدأ الخاطبة ومقتنعة بأن الرجل الذي يستعين بخاطبة وراه سر ليه ماستعان باهله أو اقاربه ؟؟ وبالنسبة لي استحي اعرض نفسي على خاطبة مهما كانت حاجتي للزواج وليس الخجل من الناس ولكن من زوج المستقبل ونظرته لي ولأهلي بعدين .. ممكن تكون نظرتي خاطئة وقاصرة بس ما اقدر اثق .. |
مستشيره
طبعا يمكن المبلغ جعلك تشعرين بتعجب!!!!! ولكن...... الغريب وفي هذا المنتدى خاصه اسمع من ينصح باإتصال على خاطبه دون دراسة الفكرة فأحببت ان نوضح إيجابيتها وسلبيتها |
رواء الإيمان
أعتقد أن موضوع الخاطبه باب كبير وفعلا يكون هناك تساؤل كثير عن وضع الرجل الذي ياتي من او عن طريق خاطبه وهل؟؟؟؟ وهل؟؟؟؟؟ الله يستر على الجميع |
هذا الموضوع فتح لمناقشته لاهل التجربه ومن جرب الموضوع او سمع بقريب جرب هذا الموضوع عدد المشاهدات أكثر من الردود للأسف من الأفضل مناقشة الأمر ليستفيد الجميع
قد نوضح معلومات صعب الحصول عليها وأؤكد لاهل الخبره؟؟؟؟؟؟؟؟؟؟ معقوله لا أحد يملك معلومات ...... الله يعين |
والله انا من رائي الشخصي ان الخطابه عامل مساعد انا شخصيا جربت الخطابه وطلبت منها البحث عن عروسه لاخي لان تعبنا ندور ولا لقينا قلنا نشوف يمكن عندها شئ
والبنات الي حاطين اسمهم عند الخطابه مافيها شئ ليش تستحي الناس مو كلهم يعرفوا بعض وبعدين ممكن تكون البنت ماتطلع كثير ولا لها زيارات واهلها ايضا موحقين خرجات فالاستعانه بخطابه امر طيب وبالنسبه للرجل كما ذكرت نحن الي طلنا منها تبحث لنا وليس اخي نجي للمساؤ الخطابه الخطابه الله يهديها غالبا يكون همها مادي يعني مالها الا ان تكسب مما عانيناه معها اننا نطلبها موصفات معينه مثلا العمر اللون الحاله الاجتماعيه المستوى المادي للعائله تقوم تجيب موصفات مختلفه تمام واحنا نتنقل معها بس لما شدينا معها شويه وقلنا لها يانفس الي نبغاه ياروحي مانبغى خدماتك مو معقوله تدخلينا نص بيوت جده وانت عارفه الموصفات المطلوبه كانها عقلت شوي وبدت تدل على موصفات قريبه ثانيا 000 الخطابه مالها اي دخل في اخلاق الخاطب او المخطوبه وهذا شئ معروف واشوفه عاادي هنا يجي دور الاهل في السؤال عن العروسه او العريس ويعتبروه كانه جي عن طريق اي ناس ثانين يعني حرام نظلم الخطابه لان هذا مو دورها بعض الناس يفرحوا ويزوجوا على طول واذا مانفعوا الطرفين لبعض سبوا فيها وقالوا جابت واحد ماينفع ليش هي مااجبرت احد هي دلت فقط وعلى الشخص التحري الدقيق والسؤال هذا ماعندي على فكره في الاخر لقينا وحده لاخي دلتني عليها صديقتي وتم النصيب يعني مااخذنا من طريق الخطابه رغم انها ماقصرت معانا الله يزوج كل من يريد الزواج |
الاخت سويت شكرا لمشاركتك
بس عندي سؤال ماهي نظرتكم وبصراحه للبنات اللي عن طريق الخطابات وما كنتم تنظرون لهم نظره أقل من اللي عن طريق ناس ويمكن تشعرون انكم بتدفعون فلوس ولستم مظطرين للتنازل عن شروطكم؟؟؟؟؟؟؟؟ خاصه انكم بتدفعون فلوس؟؟؟؟؟؟ ياليت الصراحه |
أنا أرى أنه من المهم تفعيل دور أئمة المساجد
فإمام المسجد يجب أن يكون له دور في دلالة الناس على الزوجات الطيبات كونه يعرف جماعته جيدا وكون الناس يثقون في أمانته ( وهذا هو الغالب ) وليس شرطا ان يكو ن كل إمام مسجد ثقة وأنا بحكم كوني إمام مسجد يأتي إلي أناس من جماعة المسجد سواء من الرجال أو النساءببخصوص هذا الشأن وبالنسية للخطابات فالحكم فيهن يختلف من واحدة لأخرى ,, وأنا أدعو بهذه المناسبة إلى مقاطعاة الخاطبات الاتي يأخذن مبلغ 5000 ريال وهن كثر الله يغنينا عنهن[ |
اقتباس:
بالنسبه للنظره لاوالله ماكنا نشوفهم اقل من غيرهم يعني لو جابت وحده مناسبه كان والله اخذناها والموضوع خارج تمام عن اخلاق المخطوبه وحده وتبغى تستر نفسها ولم تمشي في طريق حرام اش المانع لما تكون عن طريق خطابه او غيره طيب احنا مابقينا احد ماسالناه لا من قريب ولا من بعيد والخطابه من ضمن الناس ويعلم الله دخلنا بيوت جدا جدا محترمه وبنات قمه في الادب والاخلاق ولكن النصيب انا واهلي واخوتي وكثير من اقاربنا ليسوا ضد الخطابه ولا معها ان دلنا احد نهتم بالسؤال عنه في كل مكان مكان عمله او عملها دراستها الجيران المقربين يعني هكذا على فكره انا سبق وسجلت بنات من اقاربي دون ان اخبرهم وصار الاتصال بيني وبين الخطابه قلت لها ابوهم عصبي صعب يعرف انهم كلموا خطابه او احد كلملهم خطابه اعرفهم تخيلي 9 بنات ولا وحده تزوجت واعرفهم حق المعرفه ادب واخلاق وجمال وعلم ولكن امهم ماتخرج والبنات كذلك مايخرجوا من دون امهم ومن المدرسه للبيت ومن البيت للمدرسه وال يسهل ويرزق كل من اراد الزواج |
اقتباس:
أنا شخصيا .. أفضل البنت اللي راغبة بالزواج على البنت اللي ما طقت خبر بعض البنات ما اهتمت .. تقول إن جاء خاطب حياه الله ولا مب لازم لكن بعض البنات متشفقة على العرس .. ومب عيب .. ومثل هذي غالبا تكون مستعدة للزواج .. وترغب بتكون أسرة حقيقية .. إذن لا عيب فيها أحيانا تكون فيه أسباب معقولة .. ممكن يكون الأب يرد الخطاب بحجة إن البنت ما تبغى الزواج .. وبالطريقة هذي يعرف الخاطب إن البنت ترغب بالزواج فعلا |
فعلا طرحت قضيه مهمه وهي إمام المسجد
وفعلا تفعيلها جدا رائع ومفيد بس أعتقد ممكن تكون أكثر للرجل....... |
والله اختي من عائلة لعائلة تفرق تماما..
زمان صديقتي كانت تتكلم معي ورحت تقولي انهم يتزوجون عن طريق خطابة.. انتقدتها كثير وسبيتها .. طبعا من جهلي وغبائي بذاك الوقت.. وبعدين عرفت ليش هم ياخذون من خطابة.. هم عائلة كبيرة جدا.. عدد بناتهم كثير جدا جدا يفوق عدد الاولاد بكثير.. تقريبا 70 بنت.. وغير كذا هم ساكنيني في غير المنطقة اللي ساكنين اقاربهم.. واقاربهم عايشين بقرية.. وهم بنات جامعيات واخوانهم دكاتره ومهندسين.. ومن عائلة غنية.. صعب يعيشون بقرية(( بدو ))).. ومافيه احد من اقاربهم تقدم لهم.. وهي بنفسها قالت لو احنا ما نقدم على خطابه مين بيخطبنا.. خصوصا مالهم اقارب ذكور في نفس مستواهم.. لا علم ولا ثقافه.. والحمدلله تزوجوا عن طريق خطابات وتزوجوا ناس متعلمين مثلهم.. وجامعيين.. وفيه احدى القرى.. عندهم البنت اذا صار عمرها 20 وما تزوجت وما احد يتقدم لها الا الشياب.. وهي من بنات هذي القريه لكن وهي ساكنة في منطقة بعيده ومتحضره.. ولا فيها تسكن بقريتهم اللي تبعد عن مدينتها 2000 كيلو تقريبا... فايش تسوي... وعندنا الان عائلة من نفس عشيرتي بس امهم شديدة جدا جدا جدا ممنوع تطلع اي بنت من البيت .. ولا احد يعرفهم..انا نفسي ما كنت ادري انه فيه ناس بهذي الاسماء الا بالكلية.. والكل تقريبا ما يعرفهم .. ونادر جدا من شاف هذولي البنات.. وعمري ما شفتهم على انهم ما يفصلنا عنهم شئ بنفس الحي ساكينين.. ولا احد تقدم لخطبتهم.. واصغر بناتهم اكبر مني.. وكل شباب العائلة تزوجوا.. فهذولي من يعرفهم؟؟؟ وكيف يتزوجون وكل شباب عائلتهم تزوجوا.. والبنات 4 منهم عمرهم فوق 30 سنة.. ووقريبات من الاربعين سنة؟؟ ونظرتي لها احترام .. انها بنت طلبت تتزوج عن طريق شرعي.. وتكمل نص دينها.. لاهي اللي ارحت تعرض نفسها على الشباب بالحرام.. ولا تجملت وتزينت ونزلت حجابها عشان تتزوج وتغري الشباب فيها.. ولا هي اللي رضت تقيم علاقات قبل الزواج..تدفعه انه يتزوجها خوف من الفضيحه.. وسواء خطابة.. او امام مسجد.. او مراكز دينية.. مافيه اشكال.. دامها ما خالفت شرع ربها.. وبغت الشئ بالحلال.. |
ما فيها شي الخطابة
إذا كانت واعية و صادقه و هدفها مو مادي أسأل الله لنا و لكم التوفيق |
ماادري يمكن يختلف تقبل الخاطبه من مجتمع لمجتمع... الله يوفق الجميع .. |
الخاطبة مجرد وسيط
تدل ناس على ناس وبس أما السؤال فالغلط من الأهل أنهم مايسألون عدل انا سبق تقدموا لي 2 عن طريق الخطابة ورفضتهم لأنا مااعتمدنا على الخطابة بس ..سألنا عنهم كثيرررررررر والخطابة كانت صريحة قالت انا ماعرف شي ,..انتوا اسألوا انا مجرد وسيط بالنسبة لي رفيجتي تخلي اسمي ومواصفاتي عند الخطابة فما انحرج لاني ما كلمتها شخصيا |
مشكوررين الاخوات على ارائهم القويه بس عندي سؤال مهم ولكل اللي أيدوا الفكره فكرة الخطابه
ما رايكم ببعض الامور؟؟؟؟ في حال عدم تقبل الاهل للفكره وتمسكهم بمبدا لا لن نتصل باحد ماذا تفعل البنت علما انها لاتستطيع وحدها الموضوع يحتاج مال ومقابلة الخطابه...... في حال انها تخاف انه مالذي جر هذا الرجل للبحث عن زوجه عند الخاطبات .... مثلا في حال خافت ان يتناقل او ينتشر خبر ان البنت الفلانيه سالت خاطبه ان تبحث لها عن احد يتزوجها في حال كان أغلب من عند الخاطبات يطلبون مواصفات خياليه ومعروفه أعتقد عند الجميع....... فما رايكم بهذه الحاله |
نصيحه ابعد عن الخطابات وشكرا
|
بالنسبة لاجمل صدفه. سؤال الثاني..
اختي الله يعين البنت اللي كذا حالها.. بس تسعى بالجمعيات الخيريه.. واذا عندها صديقة يكون افضل.. وفيه بعض البنات يسعوون لتزويج صديقاتهم وقريباتهم.. وبعضهم ائمة المساجد يعطونهم خبر.. كل ناس على حسب.. وفيه بعض الرجال هم من يسعون لزواج قريباتهم ودفع المال بدون علم احد.. |
الخاطبة طريقة من طرق التعارف الشرعية للزواج..و ما أعتقد فيها حرج..المهم يسأل الأهل عن الطرف الثاني جيدا..
أعرف خاطبات ما تأخذ و لا تطلب شيء ...إلا لو حبوا يعطوها شيء ... المفروض نتحترم الناس إللي يلجئوا لها ..لأنهم يبحثوا عن الحلال بالطرق الشرعية.. |
عموما يا أخوات أردت أن نشرح الموضوع ونحلله بكل الجوانب السيئه والجيده حتى لا نغلب جانب على جانب ونذكر فقط الجيد فكل شئ له مميزات وعيوب......
وعموما أعتقد أن الذين يلجاون للخاطبه لهم صفات معينه إما شكليا او ماديا أو غيره.... ولا ننسى ان الرجل يسهل عليه الامر أكثر من المرأه |
ياليت اللي سمع تجربه أو عنده خبره بها الموضوع يفيد الاخرين ويذكر تجربته
|
| الساعة الآن 06:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©