|
عدت لكم بمشكلتي ،طفلي ،،، smsh
السلام عليكم ورحمه الله وبركاته
كيف احوالكم ... اشتقت لكم كثير وودي اعرف اخباركم وصدقوني قلبي عندكم بس الحمدلله على كل حال انشغلت عنكم ببعض الظروف ورجعت لكم اليوم وانا اعااااااااااني من مشاكلي مع ولدي الله يحفظه وابغى مشورتكم فيها اكيد بتقولون هاذي ماتدخل الا تبغى حلول لمشاكلهاوتطلع وتنسى لكن الله العالم انكم ببالي دايما مشكلتي العويصه نوم طفلي ويمكن بعضكم رد علي من قبل لكن المشكله الان زادت مع بدايه فتره الاسنان الله يحفظه كمل 7 شهور ويقولون انه بدايه الاسنان بكاء اغلب الوقت ومزاج معكر واحيانا سخونه بسيطه واي شي على طول يحطه بفمه عشان يعض جبت له عضاضات الي فيها مويه وبالثلاجه ويرميها و و و و ماعلي من كل هذا المشكله بالنوم هو اصلا نومه قلق يعني يصحى كل نص ساعه او ساعه حتى لو شبعان وكان ممكن ادور فيه شوي و يرجع ينام الحين لالالالالالا صار من اول الليل الى اخره يبغى يرضع (وانا ارضعه طبيعي الحمدلله )يعني ماتصدقون لو اقول انه من الساعه 1 الليل الى الصبح 7 او 8 وهو اغلب الوقت يرضع او يمص بس خلاص باتجنن واول ما احطه بسريره يصحى يبكي ونومه مررررره قلق يعني طول الوقت يتقلب ويرفس ويشد بشعره ومافي اي محاوله تهديه الا اني اعطيه صدري يعني كذا صح ،،هاذي حاله طبيعيه المشكله الاعظم ان وزنه زايد جدا وقال لي الدكتور لازم توقفين الحليب الصناعي عشان مايزيد اكثر لكن احيان اتعب واعطيه رضعه وبدون فايده يصحى بعد ساعه ونص او ساعتين يبغى يرضع لاتقولون يمكن جوعان انا متاكده تماما انه نظيف وانه الغرفه مناسبه وكل شي تمام لكن هو قلق وش الحلول كيف انومه ؟؟؟يعني الي عندها اطفال وتعرف هل هو بهذا السن ممكن ينام لوحده يعني يكون بسريره وينام من حاله والا يحتاج الى الان اني ادور فيه واحطه بحضني الى ان ينام ارجوكم لاتبخلون علي انا من جد تعبانه ولاعندي احد استشيره والدكتور ما يعطيني فرصه للتفاهم يقول اعطيه مويه قبل النوم ينام عليها خلاص لاترضعينه طول الليل وهو يبغى شي يحطه بفمه مع العم انه رافض المصاصه جمله وتفصيلا بكل الانواع والاشكال والاحجام وش الحل والله العظيم تعبت انا تقريبا مواصله الليل بالنهار ماعاد انام ساعه على بعضها بانتظاركم |
حبيبتي لا املك لكي سوى الدعاء الله يريح بالك ويهنيك ويعطيكي حتى ترضين ويقر عينك بولدك ويهديه ويجعله من عباده الصالحين المقربين ويرزقك بره اميييين يارب العالمين
حاسة بيك بأدن الله مع الوقت سينتظم نومه جربتي ان تعطيه الاعشاب الدافئة المهدئة للاطفال المعروفة مثل الينسون الكراوية بدور الكمون نفسها وليس الكمون المطحون بدون ان تحليها لان السكر يزيد من نشاط الاطفال كما سمعت .ممكن تحليها بسكر النبات او ما يسمى بالسكر الفضي وبعض نقاط من ماء الزهر فهده غاية للاطفال الرضع وان شاء الله يتحسن الوضع وربي معاك حبيبتي |
افراي عليه وسمي بالرحمن ونوميه
والله يعينك حبيبتي |
هلا وسهلا فيك يالغالية
الله يخليه لك ويصلحة طفلك مثل اولادي مشاكلهم كلها في النوم ونظامة رايي انك تعطينة وجبة قبل النوم زبادي او سيريلاك او اي شي يحبة وتعطينة مغلي النعناع وتاكدي من نظافتة مو بس الحفاظ ادهنية بفازلين بعد التغيير ولاتلبسية ملابس ضيقة لبسية بجامات للنوم اذا لزم اعطية فيفادول لانة مسكن للالام .. يمكن فية شي متعبة ماانتبهتي له وبرضة مفيد وقت التسنين .. وقبل هذا كله ادعيله وسمي عليه واقراي عليه قران ربي يخليه لكم ويصلحه وتشوفينه عريس . |
اختي هل ياخذ دواء ربو مثل الفانتولين؟؟ ؟ لانه يسبب العصبيه والقلق
ولو كانت اجابتك لا .. فجربي تحمميه بمنتج البابونج من جونسون .. حتى في الدعايه اعلانهم انه قبل النوم لانه يهدي الاطفال |
حاولي تحطي عسل في المصاصه (اللهايه) يمكن يحبها
|
اختي اغلب الظن ان ابنك يبي حظنك ... وليس الحليب .. لانك عودتيه ينام في حظنك .. وهذي مشكله انا الحين احاول افطم نفسي عنها قبل لا افطم ابني عنها .. وحاليا قاعده احاول اتحايل عليه بتعليق العاب فوقه عشان يفكر فيها لين ينام .. وشوي شوي قام يناغيها .. لحد ماينام مع وجودي فوق راسه بس عشان اطب طب على صدره ويده وامسح راسه لحد ماينام .. واللهايه في فمه يمص فيها لين ماينام
ومثل ماقريت في مواضيع احد الاخوات .. ان الطفل بالكثير ممكن يعذبك اسبوع لحد مايتعود على النظام الجديد ولكن ستنفع ان شاء الله فتوكلي وحايليه وصيري اقوى منه ولاتخليه يسيطر عليك |
اختي العزيزه
انا اعاني نفس معاناتك والفرق ان ابني وزنه ناقص عن الطبيعي واذا نام ساعه بالليل وجلس يجلس مصحصح وكأنه نايم يوم كامل ويجلس معصب ويصيح ويرفس ويشد بشعره وما اعرف وش اسوي له؟ ويرضع طبيعي وصناعي بس هالفتره معتمد على الرضاعه الطبيعيه هذا الي مطفش حياتي والصناعي يرفضه ما ادري وش الحل ؟ غيرت الحليب ونفس الشي بس اقولك شي مجرب وانا مجربته شامبو جونسن ما قبل النوم صدقيني احممه به واطلعه البس فيه وهو نايم ؟؟عن جد صدقيني واحسه ينام مرتاح ويطول بالنومه هذي تجربتي بس لما شفته كذا خفت ان يكون ورا هاشامبو اضرار فخففت استخدامه اصبح للضروره القصوى من اجل النوم |
قبل ماينام عطيه رضعه صناعية عشان تشبعه الى الصبح ..
واقري عليه فلربما مرتاع .. او محتاج حنانك كوني بقربه .. لاتخلينه ينام بالنهار .. |
تأكدي من صحته العامه مع طبيب الأطفال قد يكون لاسمح الله يشكي من ألم غير الأسنان وأنت لاتعلمين..
|
حبيبتي الله يهدي ابنك
ابني كان عنده نفس المشكلة رح اعطيكي الحل بس بدها شوية صبر 1.حممي ابنك قبل النوم بماء ساخن _حسب قدرة تحمله _ 2.اطعميه وجبة العشاء وبعد شوي ارضعيه 15 دقيقة اذا طبيعي او زجاجة اذا صناعي 3.اقرأي عليه المعوذتين وارقيه وآية الكرسي 4.لا تطعميه شيئاً بعد العشاء والحليب حتى لو بكي 5.ققط نامي بجانبه غني له او هزيه شوي سيتعود على هذا الوضع خلال اسبوع ان شا الله يعني انا مجربته لانه ابني كان مطلع عيوني لحد ما جربته والحمدلله كله صار تمام المهم كوني رايقة ولاتعصبي وتضايقي ايام وبتمر |
لاينام كثير في النهار
استحمام قبل النوم ثم عشاء يملأ المعدة وليس حليب .. سيرلاك مثلا ا لأذكار هدوء ونور خافت جدا |
السلام عليكم
أسأل الله أن يفرج همك و أن يحمي صغيرك حاولي أن لا تتركيه ينام ساعات طويله نهاراً |
اقتباس:
الف شكر لك اختي الكريمه وجزاك الله كل خير من زمان ما اعطيته يانسون كنت اعطيه وهو اصغر بالشهور الاولى لكن ممكن اكرر الوصفه لانها فعلا مهديه اشكرك مره اخرى |
اقتباس:
جزاك الله كل خير |
اقتباس:
بما انك ذكرتي الزبادي حبيت اسال عنه الكثير يقولون لاتعطون الصغار زبادي لان فيه خمائر وانا ماعرف ايش المشكله بالضبط فيه وناس يقولون اعطينا عيالنا عادي انتو وش رايكم ؟ وبالنسبه لنصحيتك اشكرك عليها وانا ذكرت ان المشكله في انه حتى لو شبعان من وجبه العشاء الا يبغى يرضع يعني طول الوقت يبغى صدري بفمه ،،،مغلي النعناع فكره حلوه لانه فعلا مهدي تسلمين ان شالله والله يخليلك عيالك ويفرحك فيهم |
اقتباس:
وتجربه شامبو جونسن اجربها يوميا شاكره لك جزاك الله خير |
اقتباس:
العسل مضر قبل العامين والمصاصه مضره بشكل الاسنان وعلى كذا جربتها ولم تنفع ابدا كل الحيل شاكره لك مره اخرى |
اقتباس:
الله يعين جربت علقت له العاب يلعب شوي ويمل والمشكله فيني ان ماعندي صبر يبغى لي اقوي قلبي وعلى قولك اسبوع تعب وراحه بعدها ان شالله الف شكررررررر |
اقتباس:
اما عن شامبو جونسن فجربته ويعني مو دايم يعطي النتيجه المرضيه الحلو فيهم انه على قولك ينام ساعه ويصحى مصحصح الله يحفظهم ويصلحهم الف شكر لك وجزاك الله كل خير |
اقتباس:
الصناعي حذرني منه الدكتور لانه بيزيد وزنه وهو ما شالله تبارك الله زايد وزنه عن الطبيعي حكايه محتج الحنان فهو دلوع يعني الله بيعين ان شالله اما عن نوم النهار فهو اصلا بالليل والنهار نومه قلق يعني يصحى كل شوي فما يقوم الا العصر وياخذ له غفوه المغرب عشان يرتاح بتقولين غلط باقولك ماقدر احرمه النوم لانه يتعب بزياده نومه مقطع ولا ياخذ كفايته شاكره لك وجزاك الله خير |
اقتباس:
شاكره لك |
اقتباس:
جربت الغناء والهز وكل شي ومانفع يعني بيوم جلس يبكي بكاء حاد جدالاكثر من ساعتين وماهدي الا يوم اعطيته صدري بعدها نام يعني جدا متعب الله يهونها يبغى لها الصبر والمشكله اني ماقدر اكون رايقه دايما جزاك الله كل خير وان شااله ربي يهدي ولدي وولدك وكل الاولاد المزعجين اقتباس:
شاكره لك اقتباس:
الله يفرج همومنا اجمعين وياعيوني هو اصلا بالليل والنهار ماينام ساعه طويله جزاك الله خير |
يوميا ضعي يدك على رأسه واقرئي المعوذات ثلاث مرات
هكذا كانت ابنتي وبعدين تحسنت 50% |
| الساعة الآن 03:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©