|
اختي وعصبيتهاواخواتي والامبالاة
السلام عليكم ورحمه الله وبركاته
عندي مشكله ومسببه لنا ولحياتنا طفش وملل والله احس كل الناس مبسوطين في جمعاتهم مع اهلهم الا انا واخواتي دايم مشاكل وزعل مستحيل ما نجتمع في بيت اهلي ومايكون فيه مشكله احيانا اقول يمكن عين لان اكثر الناس يقولون يا بختكم كلكم بنات وتجتمعون عند امكم اكيد جمعتكم تكون حلوه واغلبنا متزوجين ومتوفقين مع ازواجنا وامي عوضها الله بازواجنا وكانو لها مثل اولادها الي فقدتكم والله مدري دايم الناس حاطين عيونهم علينا المهم المشكله هي انو احنا 6 بنات وولد اخر العنقود اختي الكبيره عندها بنات وولدين واحد شاب والثاني سنتين واختي الوسطى عندها اربع اولاد وبنت والي اصغر منها عندها ثلاث اولاد وبنتين وانا عندي طفله واختي الي اصغر مني حامل المشكله هو ان اختي الي اصغر مني قبل الزواج وهي عصبيه واذا اجتمعنا لازم نبات عند امي وتخيلو البيت وكل هالاطفال الي يكسر:29: والي يلعب:17: والي يتضاربون :18: واختي هذي كانت تعصب وتقول روحو لبيوتكم وفكونا من الازعاج وبصراحه انا قبل لا اتزوج كنت مثلها اعصب لما يباتون عندنا اخواتي المشكله الاساسيه انو اختي هذي عصبيه بقله ادب واخواتي الي عندهم عيال باردين ومخلين عيالهم على كيفهم الان اختي هذي تزوجت وراحت مع زوجها لمدينه ثانيه والان هي عند اهلي لانها على وشك ولاده ابطال المشكله اختي الوسطى الي اكبر عيالها عمره 16 سنه ولدها منتهى الاخلاق كل الناس تحترمه ولكنه للاسف لما يجي عند اهلي 24 ساعه في الشارع وامه هي السبب والله لو يدري ابوه كان ياويله بس هي تخبي عنه تقول كل الناس كذا خليهم ينبسطون لاسفريات ولا شي المشكله انه احيانا ناس يقولون انه يمشي مع ناس مو محترمين واكبر منه وهي تقول ولدي عاقل وواثقه فيه كل ماقال لها شي قالت طيب وامي تعامل اخوي بنفس المعامله عمر اخوي 15 سنه يروح مع اصحابه للاسواق يسهر عند اصحابه للساعه 2 او 3 الفجر طبعا هم في نفس الحاره واختي الي اصغر من اختي الوسطى واكبر عيالها عمره 11 سنه وهذا قليل ادب جدا لا يحترم احد مزعج الفاضه وصخه واختي هذي عندها خمسه وزعلانه عند اهلي من زوجها زوجها تارك وظيفته واهله واهلي هم الي يصرفون على اختي وعيالها الان عيال اخواتي واخوي ولد اختي الي عمره 16 سنه واخوي الي عمره 15 سنه امي واختي يقولون هذولي كبار دايم في الشارع مايعرفون مين يمشون معه يطلعون مع اصحابهم للاسواق للمطاعم وعااادي معطينهم الحريه مخلينهم على كيفهم الا لما اتكلم انا واختي الي اصغر مني احيانا يتصلون ويسئلون عنهم وباقي عيالهم الي اعمارهم من 8 الى 11 سنه كم اربعه اولاد برضون يطلعون في الشارع يلعبون بالسياكل في الحاره ويروحون للبوفيه القريبه من البيت ولو احد يكلمهم يقولون وش دخلكم فينا لان امهاتهم راضين ومخلينهم على كيفهم نجي للي اصغر وهم بين 6 الى 7 ثلاث بنات وولد منتهى الشقاوه يكسرون يحوسون بيت اهلي ومحد يردعهم الا انا واخواتي الي اصغر مني وتخيلو كل هالاطفال بسم الله ماشاء الله يسهرون الى الساعه سبع ثمان واحيانا الى صلاه الظهر واهلهم مخلينهم تخيلو لما نجتمع عند اهلي 24 ساعه مقابلينا الاطفال لا سوالف زي الناس لاضحك لا وناسه وكله هواش ومشاكل عشان عيالهم والمشكله بيت اهلي صغير دور واحد يعني الاطفال في وجيهنا انا والله مو راضيه عن هالوضع وخاصه من امي واخواتي الي عيالهم 24 ساعه في الشوارع مايخافون عليهم وخاصه اخوي وولد اختي الي في سن المراهقه كل ما حاولنا ننصحهم قلبو السالفه علينا وحطوني راعيه مشاكل مره قلت لزوج اختي قالت انتي ملقوفه وش دخلك فيني ت بين تسببين لي مشاكل ومن هالكلام عقبها قلت مالي دخل فيهم هم الي بيتحسفون الان نجي لاختي الي اصغر مني بصراحه دايم نفسها في خشمها مع انها حلوه ومتزوجه وحامل وزوجها عسل والحمد الله مرتاحه واهل زوجها بيئتهم غير بيئه اهلي يعني لا بزارين ولا ازعاج يعني ناس كلاس عيالهم مؤدبين ماشاء الله بس اختي دايم معصبه اذا جينا لبيت اهلي تكون دايم نفسها في خشمها مره رن الجرس وكانت اختي الكبيره وقالت يعني لازم تجي مع ان اختي هذي ماعندها اولاد الا اثنين واحد صغير وواحد شاب يسلم علينا ويطلع والباقي بنات بس هادين انا عصبت من اسلوبها حسيت انها قليله ادب ودها ما تشوفنا لو شهر كامل واذا نمنا عند اهلي تعصب اكثر وتلمح بالكلام يعني الي عنده عيال يروح لبيته وهو في الحقيقه معها حق المفروض ان محد يبات عند امي خاصه لما يكونو عيالهم كثير ومزعجين بعد اخر مره كنا عند اهلي كانو العيال سهرانين لحد الفجر بعد صلاه الفجر رحت انا واختي الي اصغر مني (( العصبيه وهي حامل في الشهر التاسع )) وقلت لهم يلا نامو خلاص يكفي سهر كانو جالسين يتفرجون فيلم في الملحق الخارجي حق الشباب طلعتهم ورفضو وتعالو شوفو الالفاض والله ماننام مو على كيفكم وش دخلكم وصارت مشكله وقفلت اختي البيبان الخارجه والداخليه وقالت يلا كل واحد يروح ينام عند امه وجلست تصرخ وخفنا عليها وهي على وشك ولاده واخواتي مسكو عيالهم وهم معصبين وما يبون لان عيالهم والله يبغون يفطرون لازم العاده هذي لازم كل صبح يروحون للبوفيه ويشترون فطور انا قلت لاختى ماله داعي العصبيه الزايده هذي خليك مثلي دخليهم ينامون وقفلي البيبان وماعليك منهم وشوله الصراخ وقله الادب اهم شي انك انتي تربين عيالك تربيه كويسه لا تخلين عيالك يصيرون مثلهم اما اهم وعيالهم بكيفهم مو كل مره نجتمع تصير مشاكل بسبب العيال احنا مو راضين بالي يصير لا من امي ولا من اخواتي بس خلاص هم كذا بكيفهم وبعد ما نمنا امي خذت المفاتيح وطلعو عيالهم وراحو يشترون فطور وافطرو هم وامهاتهم امس فتحت معي اختي الي اصغر من الوسطى الموضوع وقالت اصلا فلانه قليله ادب ماودي اروح لاهلي وهي عندهم ماغير تتحكم ومعصبه كل الناس يسهرون كل الناس خلها تروح وتشوفهم قلت لها صح كل الناس يسهرون وانا ماقلنا لا يسهرون بس خلاص يصلون الفجر وينامون قالت والله جايعين مشتهين ياكلون من البوفيه قلت مو لازم اي شي يبونه يصير تراهم اطفال مو كل شي على كيفهم نبي نجلس مع بعض نسهر نفطر احنا الحريم لحالنا بدون ازعاج وقلق عصبت اختي ولا اقتنعت وقالت اصلا انتم متخلفين ومعقدين الناس يوسعون صدورهم وانتم تضيقون الصدر وانا في نفسي اقول والله انتم الي تضيقون الصدر لا تقتنعون ولا شي اهم شي عندكم عيالكم وبس وش رايكم في هالحياه من الغلطان انا واختي والا امي واخواتي وتربيتهم الغلط لعيالهم والا فعلا احنا مكبرين السالفه والمفروض يسهرون الى بعد الفجر واحنا ما نلاقي وقت نرتاح فيه من الازعاج؟؟ وش رايكم |
بصراحة انا ساكنة ببيت حمولة ودوخة ومبزرة ازعاج وانا نفس اختك اعصب بس انا اروح اقفل علي وبسلامتهم لو يحترقون اختك الصغيرة مالها حق تمنع خواتك من امكم مثل ماهي تبات هم بيباتون ماتتدخل بحياة احد وخليهم يفطرون ويسهرون الحياة قصيرة وفانية بس لابد وضع حدود للسهر لانه مضر ..
واخوك وولد اختك معك حق بس بصراااااحة اللحين ماتقوينهم لانهم بيشوفون الاسواق والمطاعم مستحيل بيجلسون لابد من المراقبة والنصح .. |
اختي نصيحتي لك ماتطولين الجلسه عند امك يعني اذا اجتمعتي انتي وخواتك عند امك اجلسو وتعشو بعدين كل واحد يروح بيته واذا هم يبغون يباتون براحتهم بس انتي روحي لبيتك كذا اريحلك لاتغلطي عليهم ولايغلطو ا عليك وتحمليهم الكم ساعه الي احتجلسوها مع بعض مهماكان هم خواتك واكبر منك محاتقدري تغيري طبعهم ولاحتقدري ترضي بالغلط اذا خففي الزيارة وهم موجودين وباتي عند امك لوحدك اذا كانوا مو موجودين والله يهديهم الى الصواب
|
هلا عزيزتي ...
*من وجهة نظري ..إنه ما له داعي النوم ببيت أهلك إلا (أخواتك إلي خارج المدينة) البيت صغير والوالدة كبيرة وجمعت الأطفال والمراهقين ما وراها خير. *بالنسبة لإختك ( العصبية) إنصحيها بينك وبينها وأكيد الحمل مأثر عليها( تحمليها) إذا ما تحملنا حبايبنا مين يتحملهم؟ *إحنا نجتمع في بيت جدتي (الله يرحمها)سابقا وعدد خالاتي أكبر ويحدث كما ذكرت بالضبط ( فلا تضعي في بالك العين) وحتى بعض الأحيان( النادرة) تصير بين خالاتي زعل بعدين يرجعون أحلى من العسل. *كل الذي ذكرتيه كوم وإخوك وعيال إختك المراهقين كوم لابد من متابعتهم .....يعني تشوفون يمشون مع مين؟ يحافظون على الصلاة في المسجد أولا؟ وكإقتراح ربما لو سجل أخوك في برناج صيفي أو دورة يكون البديل عن الحارة وأنصح يكون وقت الدورة الصباح حتى يساعد تنظيم النوم . أسعدك الله وحفظ الله لكم أبنائكم وأخيك ...وأصلح ذات بينكم . |
الله يعطيكم العافيه على الردود
انا ما احب ابات كثير الا اذا امي لحالها في البيت بس المشكله في اخواتي الي عيالهم كثير ومزعجين لازم يباتون وماعندهم في احد انا كم مره اقولهم باتو بس سنعو عيالكم ادبوهم على الاقل عطونا فرصه نجتمع ونسوالف ونضحك والاطفال عطوهم وقت معين للنوم بس هم مخلينهم على راحتهم كل شي على كيفهم وهذا الي يقهر وبالنسبه لاختي العصبيه هي عصبيه قبل لا تتزوج مو انها عصبيه عشان الحمل ودي اغيرها بس ما نفع |
ياريت تعطوني حل لارضاء الطرفين كيف اقدر اقنعهم بوجهه نظري اختي العصبيه غلطانه واخواتي الكبار برضو غلطانين بس محد مقتنع كل واحد يشوف نفسه الصح والثاني غلط
|
أعتقد أن الحل ليس بيدك ( مع أحترامي الشديد لشخصك الكريم ) ... ولكن الحل يكمن في وقفة جادة من أمكم حفظها الله ... فهي الوحيدة التي لها الصلاحية لتوضيح الحدود ووضع النقاط على الحروف ... دمت بحفظ الرحمن ... |
كتبت لك رد طويل وللاسف انمسح بالغلط بحاول اختصره لك..
مستغربه من وضع الاطفال اللي يسهرون ويتهاوشون ويكسرون يعني اطفال عندهم طاقه والحين اجازة صيف وين تبينهم يصرفونها؟؟ واختك ما تنلام حامل وتعبانه وتبي تروق وترتاح مع اني مو معها بتصرفاتها مهما كان هذا بيت امك وهي مالها حق تقفل بيبان ولا تطرد احد.. يعني الزبدة اجلسي مع امك لحاااالكم وفهميها بالتفصيل ان الناس الحين ما تترك عيالها بالاجازة بهالشكل شوارع وسهر الناس تسجل عيالها بمخيمات صيفية ونوادي ومراكز تعليميه لكن بما ان اخواتك مطنشين هالنقطة انتم لازم تسوون شي.. اذا عندكم حوش ممكن تروحون السوق تشترون مراجيح و المسبح الجاهز اللي يتعبا على طول وسوو جدول للاطفال بشرط انهم ينامون بوقت محدد ويقومون بوقت محدد واللي يخالف ما يدخل بالجدول.. يوم سباحه ويوم لعب حر ويوم تودونهم مطعم ويوم ملاهي واخواتك يتوزعون بالجدول كل يوم وحده تكون مسؤولة عن الاطفال وهالموضوع اجباري مو اختياري لازم امك تقتنع وتقترح الموضوع لانكم انتي واختك مالكم كلمة في بيت امك وهي اللي لها الكلمة بكذا يكون فيه كم ساعة هدوء في البيت.. لازم امك تقتنع قولي اختي تعبانه وعلى وشك ولادة واحنا باجازة نبي نجتمع ووننبسط ونسولف مب اطفال 24 ساعه بوجهنا ما فيه وقت ننبسط ولا نسولف ولا حتى نروق.. بالنسبه للمراهقين والشوارع اشوف لا انتي ولا اختك ولا امك لكم دخل الام والاابو فقط المسؤولين ومعه حق يوم قالك لا تتدخلين لا تزعلين بس فعلا مالك دخل وبما انهم برا البيت وما ازعجوكم ماعليك منهم امهم وابوهم مسؤولين عنهم خليك بس مع البزران اللي مسوين لكم ازعاج وقلق.. ممكن تسوين مسابقات او بالنسبه للبنات ترا مرة مرة يحبون الرسم والاشغال ممكن تجيبون من المكبتة اغراض كراسات والوان واقمشة ومقصات واغراض ولا تخلونه كل يوم يصير ماله طعم خلو يوم كامل رسم واشغال وبكرا تشيلون الاغراض خلا صبرنامج ثاني وبعد كم يوم ترجع الاشغال والرسم عشان يتشوقون لها.. كذا احنا في القرية اذا اجتمعنا كلنا في بيت جدي وماهو كبير على فكرة ما قد انزعجنا من الاطفال مع انهم كثار بس ما شاء الله كل يوم برنامج لدرجة اخر يوم مسوين لهم حفلة توديع الاجازة وكيكة ومسابقاات وهدايا وشي مرة مرتب وكل يوم ينامون بدري ويصحون بدري عشان يشتركون بالبرنامج يوم رسم ويوم سباحة ويوم يطلعون مطعم مع انه بالقريه مافيه ملاهيات ولا امااكن طلعة كثير ومع ذلك رتبو وضعهم.. ممكن بالليل تشغلون لهم افلام كرتون كانه سينما صلحو بوب كورن مثلا وسكرو اللمبات وشغلو افلام كرتون قولو هذا السينما كل يوم من الساعه 10 الى 12 وبعدها ينامون واللي ما ينام بكرا ما يدخل السينما.. ممكن تشجيع الاطفال بهديه مثلا اخر الاجازة كمبيوتر او قيم بوي شي يحمسهم والامهات يشتورن الهدايا او ممكن قطة بينكم كلكم واخر الاجازة تتوزع الهدايا على الاطفال اللي التزمو بالجدول..ممكن الطفل المثالي يكون القائد بكرا ويقرر وش برنامجهم اليوم.. ممكن لوحة للاطفال الملتزمين والاطفال المشاغبين بروسومات او صور.. ممكن جدار كامل تغطينه بورق وتجيبينلهم اقلام وتقولون شخبطو على كيفكم بالجدار شوفي كيف ينبسطون ويفرغون الطاقات.. جيبي انشطة كثيرة ووزعيها.. الاطفال مساكين لازم ينشغل وقتهم ولا مايدرون وين يودون طاقتهم هذي نصيحتي لك وضروري تقنعين امك فيها وتخلينها تفرض هالنظام على خواتك فهميها انه لراحتكم وراحتها ولا كل ما يمر الوقت بيستفحل الوضع.. |
اختي العرووووووس ..
موضوعك متشعب .. ومواضيع الحريم يفتونك فيها الحريم .. بس اختي كثير من العوائل يوجد عندهم مثلكم(ازعاج وتكسير من الاطفال) ولكن يحكم العقل في مثل هذه الاموووور .. وراحة لكي في فترة ازدحاااام البيت .. الاتنامي عندهم ترددي عليهم .. يوم ويوم .. بس بالنسبة للشباب لازم وضروري مراقبتهم وسنهم خطير سن المراهقة .. يعتبر بداية الضياع بداية الخراب بداية الانحراف لاسمح الله .. لانه كما ذكرتي ان احد الابناء يماشي من هم اكبر منه .. وهنا الوووم الاباء بالدرجه الاولى ثم الامهات لانهم مؤتمنون على ابناءهم في غياب الاباء .. اختي العزيزة برجاحة عقلك .. وتفكيرك السليم ممكن ان تجعلي دور الوالده يكون مؤثر وفعال من ناحية اخيك وسهره الى 2و3صباحا حتى لو كانوا في نفس الحي .. يعني من بسنه لايزيد عن الساعه 12 الاوهو في المنزل اختي الكريمة من ناحية ابناءاخواتك .. رايتك بيضاء وماقصرتي سبق وان تكلمتي مع والد احدهم .. الله ييسر لكم اموركم ويرزقنا واياكم السعادة في الدااارين .. |
الله يذكر الوالد بالخير ... إن ما كنا في البيت الساعة 9,30 وإلا باب البيت يكون مقفل ... وفي الصباح الخيزرانه تشتغل ...:23::23: حفظك الله يا والدي الحبيب ... دمت بحفظ الرحمن ... |
برد رد مختصر وبكره برد على كل رد لوحده
اشكر الجميع ............ يا ابو وضحه بس المشكله ان والدي متوفي ولا عندنا اخوان كبار يعني مافي رجاجيل في البيت عشان كذا العيال ماخذين راحتهم وزوج اختي مايرضى ولا يدري ان عياله كذا مهيتين في الشوار وعلى فكره ابو زوج اختي مثل ابوك بعد صلاه العشاء على طول نوم حتى لو ان الولد شنبه اطول منه ايييييييه بس تربيه الحريم كلها عواطف مو مثل الرجاجيل الله يرحم ابوي |
اللي يصير في بيتكم يصير في كثيرر من البيوت ,,,
بس يا أنك تقنعين أمك ,, يا تنامين في بيتك أأأأريح لك,, بس ماقلتي رآآئ أمك في الازعااج ؟؟شكلها مبسوطه بجمعتكم..تحيتي.. |
مرحبا اشكر الجميع على الرد
بالنسبه لامي الله يخليها لنا طييييييييييييييييبه بزياده ما تحب تتكلم ما تحب الازعاج ودايما تصلح البيت والكل يخرب امي طيبه لو شخصيتها قويه ماكان صار هذا حالنا هي تحب الهدوء واذا رحنا تستانس وحتى اذا جينا تفرح تحب جمعتنا بس احس انها ماتبي احد يبات عندها بس ما تبي احد يزعل عشان كذا تسكت وتعطيهم وجه ونسبه لاخوي وتعاملها معه كم مره نكلمها ونقول لها انه كذا بيخرب وهو ولدها الوحيد وماعندها غيره بس ما تقتنع مخليته على كيفه واختي مثلها تقول كل الناس صارو كذا شوفو اصحابهم يطلعون واهلهم مخلينهم واذا قلت لو انه عادي قولي لابوه انه يطلع 24 ساعه ولا يرجع الا الفجر تقول اصلا ابوه معقد يكبر السالفه المشكله حتى الجيران تكلمو ونصحوهم ونبهوهم انهم يمشون مع ناس اخلاقهم شينه بس ما يقتنعون خاصه اختي تقول كذابيه والمشكله مو واحد الي تكلم كثير عشان كذا انا انقهر من برودهم واخوي وولد اختي حلوين ومحترمين اخاف عليهم واخاف يخربون خاصه ان اخوي مالنا غيره وولد اختي بكرها وفرحانين فيه نبيهم يكبرون ونفتخر فيهم بيهم رجاجيل بمعنى الكلمه اما بنسبه لعيال اخواتي الباقين هذولي ما يعترفون بمراجيح وزحاليق يبيون طلعات وشاليها ومسابح ودبابات هذا الي يبونه بالنسبه للبنات والاولاد الصغار ممكن نشتري لهم الوان مثل ماقالت الاخت البحله بالنفس فكرتك حلوه بس المشكله انا اكثر وحده تدفع في طلعات وتمشيات زوجي الحمد الله مايقصر معي دايما انا احجز شاليها واستراحات عشان ينبسطون البزارين بس والله كل ما طلعنا ينكدون علينا لما نتقهوا يهجمون علينا لما نبي نتسبح في المسبح يسبحون معنا كم مره اخذ استراحه واقول لهم ترا بحجز استراحه وينبسطون واقولهم بس بشرط احنا الكبار نتسبح اول واذا خلصنا انتم تتسبحون يقولون طيب اول ما ندخل الاستراحه على طول كلهم سيده للمسبح ولما اعصب واقول لامهاتهم يضحكون بكل برووووووووووووود وانا انهبل واخر مره حلفت قلت والله ما عاد احجز اي شي تبون انتم احجزو لانفسكم ولعيالكم وبعدين خواتي ازواجهم على قدهم ما يقدرون يدفعون فلوس عشان يسجلون عيالهم في نوادي والله هذا احسن حل بس حالتهم الماديه ماتسمح يعني كل شي متعقد والمشكله ان خواتي ما ادبو عيالهم عيالهم غير مؤدبين ا |
احنا ما شاء الله بعد عائله كبيره عندي ولله الحمد اخوة وكل واحد طالع لوحده بيت مع عائلته بس في الصيف وايام الاجازة يجتمع الكل في منزلنا لانه هو منزل العائله
وكل الناس يحسدونا على جمعتنا والحمد لله ورغم ان بيتنا كبير والحمد لله وفيه غرف كثيره ولكن لان تجمع الاطفال لابد من وجود ازعاج كبير وهواش بين الاطفال ولاني انا ليسا ما متزوجه وجالسه في بيت العائله مع امي وبصراحه انزعج كثير من صراخ الاطفال وخصوصا انهم الله يهديهم كثير ما يكسرون الاثاث او يوصخون الفرش والوالده الله يحفظها كثير ما تزعل مني اذا شافتني اهاوش احد وتقول لي اذا تبي رضاي لا تزعلي احد من اولاد اخوانك عشان كذا كنت احاول اقضم غيضي منهم ههههههههههه مع اني احب جيتهم كثير وعندما لا يكونوا موجودين يصير البيت هادي جدا ههههههههه الله يحفظهم المهم عشان كل هذا فكرت ان اضع برنامج للاطفال بحيث اننا نشغلهم وبهذا يقل ازعاجهم وصراخهم في البيت مثلا نخصص لهم غرفه في البيت تكون لهم يلعبوا فيها كيف ما ارادوا واحيانا اقسمهم لتنظيف وبذالك يحسوا ويشاركوا في نظافه البيت الافكار هذي تنجح احيانا كثيره اختج لانها تزوجت وعائلت زوجها مثل ما تقولي هادئه فاكيد اختك تعودت على تلك الحياة صدقيني انا بعد اختي لما تيجي لزيارتنا بعد تكون متضايقه شوي بس بعدين تتعود على الازعاج اختي اذا كانت بيوتكم قريبه يعني خلي الاجتماع مره في الاسبوع مثلا ومو لازم كلكن تباتن في نفس اليوم |
اختي احنا نجتمع كل خميس ونروح الجمعه اختي الكبيره ما تبات
واختي الي اصغر من الوسطى زعلانه من زوجها من سنه عند اهلي وعندها خمسه وانا عندي طفله وحده وصغيره يعني لو ابات شهر اهلي يستانسون لانهم يموتون على بنتي وبنتي هااااديه وكل عيال خواتي اهلي يحبونهم بس تعرفين هم شياطين وغير مؤدبين واختي الوسطى عيالها كثار ولاااااااااازم تبات وبيتي وبيتها جنب بعض ونروح ونجي لاهلي مع يعض وانا مرتبطه فيها غصب عني بس زوجي يقول تعالو مع بعض وروحو مع بعض |
السلام عليكم
أختي لا تزعلي نفسك ما دام ما بيدك شي اجتمعي معهم بالنهار و روحي نامي بيتك و ريحي راسك أسأل الله أن يصلح حالكم |
اليوم الخميس واختي الوسطى مو رايحه لبيت اهلي تقول ما بي هواش ومشاكل
كله عشان اختلي الي اصغر مني وعصبيتها الي مالها داعي |
مشكلتكم يبي لها رجال لازم تكلمون والد ابن اختك واخوك كلمو احد يخاف منه خال عم والصغار سوو لهم برنامج اشترو لهم مسبح صغير حطو لهم جدول بالاعمال امرهم سهل مو بالنسبه للكبار انتبهو لهم الموضوع خطيرررررررر الله يجمع شملكم ويسخركم لبعض
|
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©