|
هل اتقدم لها مره اخرى؟
السلام عليكم ورحمة الله وبركاته
انا شاب سبق وان تقدمت لعائلة قبل 5 شهور .. سألوا عني ووافقو وجلست مع اخوان البنت و ارتحت لهم كثير ورتاحوا لي لكن رفضو بسبب ان الاب ما كان مقنع ان البنت تتزوج وهي ما اكملت دراستها الجامعية. هل اتقدم لها مره اخرى؟ مع انني كنت رافض فكره اني اتقدم لها مره اخرى. هل تنقص من كرامتي خصوصاً اذا تم رفضي؟ ارجوا اعطائي ارائكم... وشكراً |
استخير لله وتقدم مره ثانيه واعلم سواء وافقو او رفضو انه لن يحصل الا اللي فيه الخير لأنك استخرت الله
|
تقدم مرة أخرى,,إذا أنت راغب فيها مرة,,وهذا لا ينقص من كرامتك,,
أنا تزوجت بعد ماتقدم لي مرة ثانية,,وبالعكس لم أشعر أن كرامته بقدر ما شعرت( أنه راغب فيني وأهلي) وكما قالت الإخت نايت(استخير )... والله يسعدك ويوفقك.. |
السلام عليكم ...
بعد الاستخارة دامك مقتنع فيها وفي اخلاقها ...توكل على الله ويقدم لك اللي فيه الخير والصالح دمت في حفظ الرحمن ,,, |
توكل على الله واستخير
والكرامه هون ما الها دخل خصوصا انهم رفضوك عشان دراسه البنت مش لشي بشخصيتك الله يوفقك |
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالا
|
اول شيء جس النبض اذا كان في قبول تقدم مباشرة
وبعدين الرفض كان بسبب الدراسة ماهو لشخصك يعني حط كرامتك على جنب ماحد مسها .. |
السلام عليكم يا اخي توكل على الله وتقدم مرة اخرى فهي لا تعتبر اهانة بقدر ماهي تمسك بالبنت استخر الله
يسر الله لك الخير حيث كان |
والله يا أخي لو كنت مكانك ... حتى جنب بيتهم ما أقرب ... أعتقد أنه ألزم ما علي كرامتي ... حتى ولو كان العيب ليس في شخصي ... إذا تم رفضي مرة ... فلماذا أعرض وجهي مرة أخرى ... أنا أعارض مبدأ أن يتقدم الإنسان مرتين ... ولو فعلتها ... فإنه لن يغيب عن بالي أبدا وربما يكون عكسيا عليها ... وجهة نظر قد لا تنطبق عليك ... ولكن أعتقد ان أغلب الرجال هكذا ... وأكبر دليل أن الرجال الذين ردوا في الموضوع أثنان شغموم وانا ... والكل معارض الفكرة ... والمؤيد النساء فقط ... لانهم لم يجربوا الموقف ... فهو والله صعب .... ومن قالت انها تعد هذا الامر .. انه راغب بها ... فهل يهين نفسه من أجل أنه راغب بفتاة ... والله لو كنت أحب إنسانة لعشر سنوات ... ثم تفاجأت بالرفض من أهلها ... فسيكون هذا أخر العهد .... ما زلت أكرر أنها وجهة نظر ... وفقك الله وسدد أمرك .... دمت بحفظ الرحمن ... |
مافيها حاجة أستخير و أتوكل على الله..أعرف كثيرين تزوجوا بعد ما اتقدموا أكثر من مرتين...و ألناس و أهل البنت أعتبروهم شاريين ..و زاد إحترامهم..كل واحد يأخذ نصيبه...
|
أخي منصور قلبت مواجعي لانني نفس حكايتك بشكل عام
لقد تقدمت لفتاه واهلها اعتذروا بسبب انها صغيره فالسن ولازالت الفتاه تشغل كل تفكيري وان شاءالله ساتقدم لها مرة اخرى وأسأل الله أن يتتمم موضوعي ويوافقوا على زواجي منها ويتتمم امرك وكل مسلم قولوا آمــــيين |
والله أخوي انا أشوف انه ما فيها شئ انك ترجع تخطب البنت مره ثانية
و بالعكس هذا يبين انك شاريهم و راغب فيهم و لكن نظرة النساء عموما للأمور تختلف عن الرجال فقد لاحظت ان جميع ردود النساء بأن التقدم للفتاة مرة أخرى أمر عادي بينما ردود الرجال بأن فيه أهانه لك .. فأنظر ما ترى و أي رأي تتبع والله يوفقك |
الي باعك بيعه والدراسه يمكن تكون عله بس يتعللون بها على العموم استخر والله يعينك
اخوك تعبت اعطي |
والله بنت جيرانا تزوجت بالخطبة الثانية..
انت لاتستعجل.. اصبر لعل في الامر خيره.. وحدى قريباتي خطبها لمن كان عمرها 16 ورفض ابوها.. وسبحان الله رجع خطبها لمن صار عمرها 24 وتزوجوا والحمدلله مبسوطة جدا معه.. بس اقولك هم جسوا النبض قبل.. يعني هل نرجع نتقدم ثاني مره او لا؟؟ |
في الخطوبة والزواج حط كرامتك في الثلاجة مؤقتاً إذا أعجبتك البنت خلك نشبه حتى لو رفضوا جبلك واسطات لا تفوتها وقبل تخطبها مرة ثانية دور غيرها وإذا ما لقيت مثلها أرجع لهم مرة ثانية نصيحة أخوية الله يوفقك آمين
|
أخي أنصحك بالاستخاره
و بالنسبه للكرامه ما شوف فيها شي بنت الناس و انت راغب فيها و جيتهم بالأصول ما عليك غلط بإذن الله بس يا أخي إذا رفضوا بحجة الدراسه و انت تبيها و مستعد تنتظر شوي علمهم انك مستعد تنتظر يمكن يتغير ردهم أسأل الله لك التوفيق |
اشكر الجميع على الرد .. الله يعطيكم العافية
احب ابين ان الدارسه مو حجه لقاها ابوها علشان يردني .. لانهم سألوا اول ثم شفت البنت ثم رفض الاب عموما بفكر في الموضوع مع اني مو متقبل الفكرة.. خصوصا ان امي في بالها اللحين بنتين بتشوف عنهم... مشكورييييييين |
و فقكم الله
|
اقتباس:
عقب ماشفت البنت يعني الامور كانت طيبه الى ان جاء شي وتخربط الموضوع وصرف الموضوع بأنها سوفا تكمل دراستها عزيزي الغالي اولاً بنات منصور مالي الصور ومن لايعدك ربح وانا اخوك عده خساره خله بنته عنده والله يستر عليهم وتوكل على الله وابحث عن غيرها لايهمك الارتياح الي بعد الشوفه والتشوق بأنها سوفا تصبح حليله لك ولايهمك الاعتقاد شبه الخاطئ خطبتك لهم بالمره الثانيه تبين انك شاريهم >سواليف هالمقوله انا خاطب 7 حريم ومن ضمننهم وحده خطبتها مرتين ولكن لم اتوفق وندمت والحمد الله وهذي بنته عنده لها اكثر من ثلاث سنوات من خطبتي لم يتقدم لها احد فلا نعلم مابالغيب وحط في بالك الي مايشتريك بيعه وهو متأكد وسائل عنك واتضح ان امورك الدينيه والاخلاقيه طيبه قله سلام عليكم |
اقتباس:
لا تتقدم وشوف أفظل منها اقتباس:
تحياتي |
الف اشكر اخواني على الردود
قررت اني ما اتقدم .. وهي كانت فكرة فقط وماادري كيف فكرت فيها اصلا وفعلا اللى باعني ابيعه و اذا يبوني وشاريني يعرفون كيف يحصلوني مو انا اللى اجيهم مره ثانيه. وشكرا مره ثانيه. |
لا ما ينقص من كرامتك اخوي
الخطوبه والرفض ما فيها كرامة او مجاملات او غيره بالعكس احس بتكبر بعيونهم ويعرفوا انك شاريها ... وانت مرتاح لاخوانها وهذا شي حلوو انا اقول توكل على الله ... واذا رجعت انرفضت هذا نصييييييب ماهو شي تندم عليه ابدا لان اي خاطب معرض للقبول او الرفض بنسبة 50 % - 50 % بالتوفيق |
اقتباس:
يمكن جاها خطاب كثير وانرفضوا لانهم غير مناسبين ؟ مااظن هذا موضوع الواحد يتشمت فيه والبنت ما سوت جريمة لانها رفضتك مرتين هذا حقها واقل من حقها .. انت اللي دقيت بابها مو هي اللي دقت بابك الشماته مو حلوة وانا اختك والموضوع ما يسوى ياريت نرتقي باسلوبنا شوي :11: |
اقتباس:
وبعدين السالفه مو شماته السالفه نصيحه وارشاد والتكرار يعلم الشطار والموضوع مو بالبنت البنت تبي مثل ما انا ابي لكن والدها يتعذر وهذا ليس موضوعاً ذكر للاحاطه دققي بالموضوع اكثر لكي تعرفين مابداخله ليس الهجوم المباشر بصفتك بنت يعد من الدفاع عنها وانا لااتشمت (اللهم لاشماته) فلا احد يعلم علم الغيب واعجبتني كلمتك الاخيره |
اقتباس:
من باب اني دايما احط نفسي بمكان غيري ولا ارضى لو كنت بالموقف ينقال عني كذا (احب لغيرك ماتحب لنفسك) بالنسبة لخطوبتها او عدمها حتى كونك قريبها ما يعني انك تعرف ادق تفاصيلها فيه ناس بنفس البيت واذا فيه خاطب ماحد يعرف الا الشخص المعني بالامر عموما الله يرزق كل انسان على قد نيته بالتوفيق |
اقتباس:
اقتباس:
لكن يا اختي ناس ردوني ما ابي اطق بابهم مره ثانيه ..لان لو انهم شاريني ومتحسفين بردهم يقدرون يوصلون لي ووالله اني ادعي لي وادعي لها ان الله يرزقني ويوفقني بخير منها.. والله يرزقها بخير مني اللى يسعدها وهذا نصيب في الاول والاخير الله يوفقنا وجميع المسلمين |
اقتباس:
بطبع كلامك وبعلّقه بغرفتي ! |
اخي الفاضل لو ان المسألة في الدراسة ما كان الرجال يدخلون بنتهم تنشاف ثم يتذكرون انها بتدرس مومعقوله اخي فكر فيها!!! اللي بنتهم بتدرس كيف يستقبلون خاطب ويجلسون معه ويتعرفون عليه ويقبلون شوفه ويدخل على بنتهم يعني شاف عرضهم عوراتهم حرمة بيتهم ثم يقولون لا بنتنا بتدرس!! وانت ماعندك مانع انها تدرس...................!
ولكن احتمال ان البنت ما ارتاحت ولا ماحد يقبل شوفه الا بموافقه مبدئية يعني من طرف الاخوان والاب وبعد الشوفه الرأي للبنت..انا ابوي كان لابغى يرفض احد من الخطاب تعذر بدراسة منعن للاحراج واللبيب بالاشارة يفهمو.. وانت اذا خاطرك فيها مره مرة استخير وارجع اخطب دام انهم كانوا موافقين مبدئين لانهم اسمحوا بشوفه يمكن يقنعون بنتهم وتوافق و انا اشوف ان هذا الافضل لك حتى لا تبقى تهوجس في البنت وخاصة انك شفتها اما انك تملك عليها ولا لو ارفضوك اطيح من نفسك وتنساها اخاف لو تزوجة غيرها تبقى الاولى تجي في بالك وعشان لاتظلم نفسك ولا تظلم احد معك ارجع اخطبها ونصيبك ماياخذه غيرك. |
اقتباس:
عموما انا ما تعلقت فيها.. وهي كانت فكره فقط ..... وبنات الحلال كثير شكرا لك اختي الله يوفق الجميع |
اعتقد يا اخي لا تتقدم ثانية .لأن اذا كان توجد نية الموافقة فأعتقد انه لايرفض وانما يؤجل موضوع الارتباط الي بعد الدراسة
او يجعلها خطوبة لحين الانتهاء من الدراس . وفي الاخر يا أخي استخير الله ثم توكل علي الله |
| الساعة الآن 03:33 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©