|
مالعمل في ظل أسره متكاتفه
السلام عليكم ورحمة الله وبركاته سأحكي لكم موقف معبرا عن الحال وانتم لكم الحكم اتصلت اختي تحدثني عن سفر اخواني وهي كذلك مسافره تقول : ماسافرتي معهم؟ قلت لها : ماحد قال لي شي لو مجامله سمعتني امي وقالت : بالله عليك بتروحي مين بيطبخ لنا قلت لاختي اسمعي امي وش تقول / قالت اختي : ليه اول مين عندهم ؟تقصد أهلي اول كانوا اخواني يتناوبون عليهم قلت : قولي لهم ... مايرحمون لا وغير كذا تقول لي امي ( البنت ماتروح الا مع اهلها ) قلت يمه مين تكلمين بنت صغيره ولا مافيني عقل قلت لامي نسيتي يوم انا ببيت (مستقل)؛؛؛؛ كيف كانوا يتعاملوا معي :::كانوا يشوفون خاطري ويعزموني على السفر ليه بس علشان يبون يجون عندي ببيتي اذا زارواا المدينه اللي انا فيها والحين مالي لازمه وانا اصلن مابي اسافر بس تمنيت احد يجبر بخاطري ويقول لي انا مرتبطه بعمل حتى التوصيل ماحصل احد وهم كانوا موجودين واضطر اطلع مع واحده من الموظفات وانا بحرج اطلب الاخرين وادفع لهم اجره وهم ايضا ينحرجون اللي يطينها اني اشوف المطلقات اللي حولي معهم احد بالبيت خوات واخوان وانا ماغير ويا ابوي وامي والشغاله انا لوحدي ولا احد يسال فيني ابوي يراعي امي وخاطرها وامي تراعي ابوي واخواني لاهين بحريمهم وعيالهم انا مين يهتم فيني ويسال عني مين اهتم فيه امي ابوي اراعي خاطرهم لكن مافيه اي دلاله على رحمتهم بي وان قلبهم علي حتى لما اطبخ مايبان فيهم كله بس عذاريب وهم وربي حتى لما احط الاكل لهم كله بس يشوفون وش خاطرهم فيه وهات ياطلبات كلمة جبر خاطر لا حتى تعالي وكلي ومن هالكلام مااسمعه بس اسمعهم يقولونه لحريم عيالهم وخواتي لما يسيرون عليهم ... بالعربي طفشت |
أختى في الأنتظار ألا يسعدك أن تجدي جزاء ماتعملين من خير محفوظ لك يوم تلقين الله ويوم يوفي الصابرون أجورهم ؟؟ كوني دائما مع الله وأجعلى كل ماتعملينه لوجه الله وأصبري على ما أبتلاك فيه وربما لوعلمت ما أعد الله لك من النعيم لصبرك لتمنيتٍ مزيداً من شقاء الدنيا لتصبري عليه أسأل الله تعالى أن يسعدك بالزوج الصالح ويرزقك الأبناء الصالحين ويسعدك بالآخرة بالجنة والرضوان |
إذا جائكم من ترضون دينه وخلقه فزوجوه
أ
|
يا في الانتظار الله يجزاك خير لو تغير الخط تشوف خط اوضح عجزت أقرأ الكلام
|
الله يجزاك خير على خدمتك لوالديك
فبر الوالدين من أبواب الجنة والتي أسأل الله أن يجعلك من أهلها جزاء بما صبرتي ثم لماذا لا تحاولي انتي تغيير هذا الوضع اذهبي لبيوت أخوانك تقربي من زوجاتهم شاركيهم في مناسباتهم زوري صديقاتك او أقربائك أو حتى سافري لأختك يسر الله أمرك |
قووووووووووووولي آمين الله يعوضك ويعووووووووووض علي وعلى كل منطلقة ياااااااااااااااااااارب ويسعدكككككككك دووووووووووووووووووووووووم يارب يفرج همك وهمي وكل مسلمة امين
|
هلا عزيزتي... حيا الله هالطلة..
من زمان ما قرأت لك (مشاركات) !! ذكرني موقف والدتك( الله يحفظها) <<< سمعتني امي وقالت : بالله عليك بتروحي مين بيطبخ لنا >>> بموقف والدتي قبل إسبوعين: كنت تعبانة (راسي يوجعني مررة ومعي حراارة )وأقولهاإني تعبانة طالعتني بأسى وقالت ما ودي ما تتعبين يا شيهانة فقفز قلبي طربا (أصدق ولا ما أصدق).....بعدين كملت لأني بكرة طالعة مين بيمسك البيت؟؟ بس والله من قلب ما زعلت ....تراهم كبروا ...ولازم نتحملهم...حتى الأكل صارت عذاريبهم كثيرة عليه ...ومع ذلك نمشيها...وسعي صدرك حبيبتي...كله فترة وتفرحين بزواجك قريب بإذن الله ما أدريي ليه قصتك ثابته في ذهني أكثر من أي قصة قرأتها في المنتدى ولذلك أنت في دعائي.. حفظك الله ورعاك وملأ قلبك رضا ويقين... |
أحتسبي الأجر عند الله..على برك لأمك و ابوك..
أكيد أمك و أبوك يحبوك..بس مهم متعودين يعبروا عن مشاعرهم...أو إنهم شايفين إنه هذا واجبك و لا شكر على واجب.. و لمن يدعوا حريم أخوانك لأنهم ضيوف و اغراب..و أنت من أهل الدار.. عموما الله يرزقك الزوج الصالح إللي يعوض صبرك.. |
عزيزتي ماانكر عليك احتياجك بأنك تبين تحسين باهتمام الي حوالك
بس صدقيني كذا بتتعبين لازم في علاقتك مع الي حولك تبرمجين نفسك على يالله السلامه يعني الشخص الي مايضرك هذا حطيه فوق راسك لاتتعبين عمرك بقوله ماسألو عني وماعزموني وهالامور لانه باختصار ماحد سأل عن احد ..انتي بس اسألي عن روحك ودوري وناستك وراحتك والله انشا الله يفرجها لي ولك ولبنات المسلمين... |
في الانتظار
هذا حال الدنيا لو اتبعنا اهوائنا لضعنا ولكن ابوك وامك مالك عذر فيهم حتى ولو ما سمعتي كلمه جبر خاطر ابدا فطاعتهم مقرونه بطاعه الله عز وجل انا اقدر وضعك النفسي واتمنى لو تبعددين عن الحساسيه فانتي حساسه زياده عن اللزوم وتاكدي انه مافيه اب او ام ما يحب عياله تاكديي انهم ينامون ودموعهم على خدودهم من اجلك ولكن اصبري واحتسبي وكفى بالله وكيلا اسال الله العظيم رب العرش الكريم ان يريح بالك ويرزق بالزوج الصالح |
حبيبتي الغالية في الإنتظار
وسعي صدرك , إحمدي ربك إنك مع بابا وماما .. أنا ببيت لحالي , أحيانا أبات لحالي , أهلي بمدينة ثانية .. مرة طب علي حرامي , وقام يحاول يفتح بالباب , وأنا وبنتي اللي عمرها تسع سنوات بس بالبيت , تخيلي .. أحمد ربي كنت قافلة الباب ودقيت على بنت خالتي تنقذني هي وزوجها , والحمد لله .. أتمنى إني مع ماما وبابا لو ماشافوا خاطري , يكفي يملون علي البيت وأحس بالأمان .. |
حبيبتي
الناس الحين مهم أنفسهم و نادر تلقين اللي يراعي غيره بصدق لا تزعلين نفسك و لا تكبرين الأمور عشان ما تتعبين عيشي يومك برضى و راحة بال حافظي على الأذكار يومياً تزيني بالابتسامه و بإذن الله بتحسين الحياة أكبر من مجرد مجاملات أو كلام من ناس ممكن يكونون غير صادقين أسأل الله لك التوفيق و السداد |
اختى العزيزة اولا اسال الله رب العرش العظيم ان يقرج عليك همك
ثانيا اعتقد ان معاملة والديك لك شى طبيعى جدا ولايزيدوا عن الاباء الاخرين شى هم حقا يحبونك ولكنهم لايفهمون احتياجتنا لنوع معين من العاطفة والدلال والطبطبة!! لذلك اختى ما لك الا الصبرومرعاة ظروفهم خصوصا انهم كبروا فى السن وصدقينى حالك حال الالف وانت بس احتسبى الاجر عند الله والله باذن راح يعوض صبرك خير |
صدقني ما مثل امك وابوك بالدنيا احد..
هم كبار وما يفهمون هذي المراعاة اللي تبينها.. اختي صديقني امك وابوك حنونين من خلال كلامك عندهم.. فيه والله بعض الامهات من تتطلق البنت تلعن امها مثواها.. حتى الاكل تمنعها تاكل معهم.. وتراقبها .. تشك فيها.. وياويلها اذا اكلت شئ من الثلاجة بدون تستأذن.. وكل شوي تعاير بنتها.. وتمنعها من الجلسه معهم.. وتمنعها من انها تطلع من البيت او تعزم صديقاتها..وتخلي اخوانها يذلونها.. لين تطق البنت من شين المعاملة وترجع لزوجها وحتى لو كان يمسيها ويصبها بالضرب..وهو سكران.. هذي حياتكم من يوم يومها كذا.. بس انتي اللي تغيرتي لانه وضعك تغير.. وانتي كل شي تسوينه احتسبي انه صدقه .. ورضاء لامك وابوك وادعي الله كثير وربي يبارك فيك.. |
قد يفتح لك الله أبواب السعادة والتوفيق من خدمتك لوالديك
|
الأخ أخ مراااته والخايبه تحلف بـــــــ حياااااااته :d
. . . . ده مثل بنقولوا فى مصـــــــر,, أن أخوانك الرجال بعد الزواج اهتمامه الأول والأخير هم زوجته وأولاده وحتـــــــى لو زوجته طيبه وهو طيب ,, لن ترتاحى معهم لأن ظروف المطلقه بتختلف (أنتى سيده سبق لكِ الزواج) فوجودك مع رحلات اخوانك صعبه .. على نفسيتك وممكن زوجة أخواتك تكون تحب المشاكل ترمى لكِ كلمه تحرق قلبك بها أنتى الأن بعيده عن الشــــــر ومتنسيش تغنيله :25: أما بالنسبه لوالديكِ ربنا يحفظهم ويطول فى أعمارهم,, أنا أثق بالله أنهم لم يقصدوا جرحك لكـــن هم ليس عندهم اى درايه بمشاعر المطلقه وحساسيتها الشديده من وجودها فى بيت اهلها بعد ما كان لها بيتها الخاص لذلك الصبــــــــر :) وأنتى خير الصابرين ان شاء الله أختى ربنا يعوض عليكى بزوج صالح يارب وتنتهى احزانك ويكون لكى قصــــــر مستقل:14: مليء بالأطفاااااااااااااااااال:15: |
أشكركم أخوتي كل بإسمه ورسمه مباركين اينما كنتم
وكلامكم عين العقل وشيء مفروغ منه لاهنتو |
حبيتي واختي الغالية ..
في الانتظار .. أنت كنز من العطف والحنان لأبويك الكبيرين .. صديقيني لو تزوجت لبكوا عليك ليلا نهار .. لأنهم سيفقدون حنانك ورعايتك .. فلاتنسي ياحبيبتي ذلك .. وهناك أمر آخر ... لاتجعلي سعادتك مرتبطة بأي شخص في هذه الدنيا .. بل تعلقي برب السموات والأرض .. برب رحيم ودود كريم .. هو أرحم بنا بأمهاتنا وآبائنا .. غاليتي .. أحبك في الله ..وأسأل الله ان يجمعني واياك وجميع أخواتي الحبيبات على مقاعد من نور يوم القيامة .. وأن يعوضنا عن صبرنا خيرا .. |
| الساعة الآن 02:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©