|
المهر متضمنا للشبكه ارائكم لو سمحتوا!
السلام عليكم
اخواني اليومين الجايه راح اقدم المهر باذن الله والوالده مصممه على اننا نزيد في المهر ونخليه متضمن للشبكه لسببين 1- انه ممكن ذوقنا ما يعجب البنت 2- انه ممكن تتحكم في سعر الشبكه على كيفها يعني لو بغت خذت زياده من المهر او نقصت من الشبكه وزادت في المهر وانا افكر انه لو اشتري لها الشبكه بنفسي يكون افضل لأني احس يكون لها طعم ثاني لما اقدم لها الشبكه بنفسي . وش رايكم يا اعضاء منتدانا الغالي ؟ |
أما أن ذوقكم ممكن ما يعجب البنت .. فهذا صحيح .... والأفضل أن تكون للعروس حرية اختيار شبكتها ودبلتها .. وكذلك ذهبها إن كنتم ممن يقدمون ذهباً للعروس غير الشبكة.
بالتوفيق. |
انا بقول الطريقة اللي صارت معي
قدم لي زوجي المهر في الخطبه, وبعد الملاك طلب مني اني اختار طقم و دبله طبعا هو راح و شاف وفي الاخير اتفقنا على واحد, وبعدين اشتراه وقدمه لي,, انا رايي ان هذه افضل طريقه, بالتوفيق... |
سلاماً من الله عليكم مبارك مقدماً ، وأسأل ربي أن يتمم لكم على خير أخي الكريم "الاختلاف في الرأي لا يفسد للود القضية" حيث كل فتاة تحب اللحظة التي تختار فيها الطقم الذي تحلم به في هذه اللحظة ويجبر الخاطر ،ولكن قبل كل شئ بمراعاة ميزانية الخطيب ، فإذا كانت خطيبتك من هذا النوع فلك أن تتيح لها المجال ، أما إذا لم تكن كذلك فأفعل ما تجده في مصلحة كلا الطرفين دون التجريح والتقصير على الطرف الآخر والله ولي التوفيق تحياتي ضيآء القرآن |
السلام عليكم ...
الرأيان صحيحان .. وعليه ...ارى ان تذهب على ما ذهبت له العادة ..أو شاورها ...تحبين تشترينه ولا اجيبه على ذوقي ..؟؟ هذا اذا كنتما عاقدان .. دمت في حفظ الرحمن .. |
لا علم لي بهذه الأمور ... ولكن اخي الحبيب : :: : أرى أن تجعل لهم حرية الأختيار ... فالرجال بيني وبينك أغلبهم أذواقهم مو شي ...:23::23: سهل الله عليك امرك ... وستر عليك في الدنيا والآخرة ... اللهــــــــــــــــــم آميـــــــــــــــــن ... دمت بحفظ الرحمن ... |
الف مبروك أخي
المهر غير عن الشبكه وانت الي بتحدد قيمتها وانا الي صار معي ايام خطبتي اتصلت معي أمه وقالت لي بدنا نيجي عندك وتروحي معنا نشتري الشبكه لأنو ما كنا مالكين واجت ام زوجي وأخته وذهبنا واشترينا الشبكه وطبعا كان في اتفاق على مبلغ الشبكه لأن الشبكه تعتبر هديه من الخطيب وما النا حق سواء انا او أهلي بتحديد المبلغ وطبعا هادا برجع لكرم الخطيب ان شاء الله تتهنو |
السلام عليكم،
هل الشبكة تخرج من قيمة المهر أم هي داخلة فيه؟ وإذا كانت تُحتسب خارج المهر، فهل هذا عُرف سائد بين الناس مثلا!؟ |
الشبكه ما بتدخل بمبلغ المهر تعتبر هديه من الخاطب لخطيبته
وهي عرف... يعني في ناس ما بعتبروها الزاميه بتعتمد على كرم وزوق الخاطب |
هو يمكن الشبكة ما تعجب العروس
لكن أخوي المتعارف عليه أن الشبكة ما لها علاقة بالمهر و انما يجيبها لخاطب على ذوقه ومن اختياره واذا كنت تشوف انك ما تعرف في هالأمور خلي امك او خواتك يختارون لك بس مو حلوه تعطيها فلوس و تقولها اختاري بنفسك و تأكد لو تجيب اشين ما في السوق بيعجبها يكفي انها من زوج المستقبل :d الله يوفقك |
إذا كنت تقصد بالشبكة الهدية العروف إهدائها للعروس في بداية الخطوبه
فهذه معروف(في السعوديه) أنها تكون من ذوق العريس و لا علاقة لها بالمهر وفقكم الله |
ياشيخ انت اشتر لها الشبكة لانها لوتحبك بيعجبها لو انه اكسسوار
|
ام الجود
ميه_ميه_ كلامج |
شكرا للجميع على النصايح ويبدوا اتي سوف اتجه للخيار الاسلم :25: الي هو اقتراح الوالده الله يحفظها والله يكتب الي فيه الخير
|
انا مع راي الوالدة
كبنت أفضل إني أختار الشبكة حقتي لأنها بتضل معي على طول فلازم تكون عاجبتني تماماً |
اولا ان شاء الله الف مبروك بس يا اخي المهر لايتضمن الشبكه فالمهر حق الزوجه والشبكه هديه العريس والتي تظل حامله للذكري الجميله على مر الزمان .... هناك حل وسط لو انتوا خايفين انه ذوقكم ما يعجب العروس وهو انه تنزل انت وامك والعروس وامها وتشتروا الشبكه مع بعض وتكون الفرحه فرحتين . وان شاء الله ربي يسعدكم .
|
أنا أشوف أنك تخلي أحد يروح معك يختار الشبكة أمك أو أختك و تقدمها مع المهر
بيكون لها طعم بالنسبه لها لأنها مفاجأة . |
المهر شيء و الشبكة شيء آخر ,, لا انصحك بان تدع خطيبتك تختار الشبكة لانها قد تختار شيء لا تقدر عليه فتكون بذلك وضعت نفسك في موقف محرج !
يفضل ان تستعين بوالدتك او اختك او احدى قريباتك عند اختيار الشبكة فالنساء ادرى بهذه الأمور |
أنا من وجهة نظي تعطيها المهر
وبعد العقد تحدد لها مبلغ معين تشتري فيه الشبكة على ذوقها واذا حبت تزيد تزيد من عندها الله يعينكم الذهب غااااااااااالي |
احنا عندنا يجيب الشبكه بعد الملكة والمهر قبل
اما الشبكة يطلعوا سوى لسوق الذهب وتختارها ... طبعا هي يكون عندها فكرة عن ميزانيه الرجال وماديته فلا تختار اللي فوق طاقته انما تطلب من البائع يوريها الشبكات اللي ضمن المبلغ المحدد وهي تختار منها .. يعني بيكونوا متفاهمين بهالنقطة اكيد بالتوفيق |
انا ان شاء الله بملك قريب .. وحسب عاداتنا راح اجيب صندوق خشبي متوسط الحجم انحط فيه المهر كامل وبالاضافه الى علبة دهن عود فاخر والشبكة بتكون معاهم .. صراحة ما ابي اجرجر البنت لي السوق عشان تختار شبكه . والشبكة حلاتها تجي كأنها هدية من الزوج ولذتها يوم تعطيها الشبكة منك ماتخليها تختار .. طبق هالشي على نفسك .. ايهو افضل ؟ هل ان احد يجيب لك هدية في عيد ميلادك مثلا .. او يقولك تعال السوق واشتر الهدية وحدك السعر الفلاني ؟ وبالنسبة للذوق .. ياخي جيب امك واختك وقريبتك وغيرهم وخلهم يروحون السوق .. وشوف كلهم يتفقون على ايش ؟ مستحيل يتفقون على شي بايخ لان الاذواق تختلف .. .
تحياتي |
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©