هل اطلق او انتظر امانه ادخلو خاصه النساء
 

انا تزوجت من وحده احبها وتحبني لدرجة الجنون عمري 30 وعمرها 29 سنه ضحت من اجلي وضحيت من اجلها خلاصة الحديث سافرناواي كلمه اقولها تسويلي في الحبه قبه المهم هيكانت حامل في شهرها الثالث يوم سافرنا وماكانت تحمل اي كلمه حتى لو اقول السلام عليكم قالت ليش تقول بعد رجعتنا من بيروت قالت طلقني وانا اكرهك وماحبك ومن ذا الكلام هددتها بالطلاق مانفع هددتها بالزواج مانفع الان في الشهر الخامس او الرابع تقريبا هل هي متوحمه علي او هل ماتعرف الوحام وهل لدرجة كذا تطلب الطلاق انصحوني انا مانام الليل كله امانه انصحوني وفي احد مر بالتجربه هذي وانا مستعد لاستفساراتكم

بداية كان الله في عونك

موضوعك فيه نقص .. كان ودي توضح فيه وضعك قبل حمل زوجتك وبعد الحمل .. وهل تصرفاتها هذي تعكس شخصيتها الحقيقة وإلا تحس إنها مو طبيعية .. الحلول كثيرة لكن لازم توضح العلاقة بينكم أكثر من أول الزواج وحتى الآن

هذا وحاااااااااااااام...

الله يصبرك بس انت داريها
و لو تكرمت و قلت لنا القصة او سبب الخلاف لان احس فيها نقص

بس على العموم هذا وحام الله يصبرم و يصبر زوجتك

يمكن متوحمة واهم دور للزوج في حمل زوجته
انه يتحملها بوقت الوحم ويقدرها ويصبر عليها

اخي والله اني اعرف وحده حصلت مشاكل بينها وبين زوجها وراحت لاهلها وكل ماكلموها عن زوجها قالت لا خلاص ماابيه ابي اتطلق وتركها عند اهلها وكان كل يوم يكلمها او يرسل لها رسايل ولما وضعت حملها احضر لها هديه ورجعت المياه لمجاريها لانها كانت متوحمه علية وهي ماتدري فحاول تصبر عليها ووديها لاهلها لين توضع وبعدين تهدا لان الوحم مره شين فيه حريم يتوحمو ا على ازواجهم يكرهونهم كرة شديد

واضح من كلامك

كنت تحبها وهي تحبك

اخي الوحام يسوي كذا واكثر
نصيحتي اصبر عليها الى ان تولد بالسلامة وشوف تصرفاتها بعد كذا

وطبعا اترك لها وقت ترتاح فيه من الولادة وتبعاتها

صدقني هذا الوحام وما يسويه ماتحس بالي تقوله
تعوذ بالله من الشيطان الرجيم
والله يعينك اخوي

بس انت اصبر عليها وحاول تطنش تصرفاتها وكلامها
ممكن يكون الامر هذا صعب عليك بس الله يكون بالعون هو الحمل كذا وش الواحد يسوي








يا حي يا قيوم برحمتك استغيث اللهم اصلح لي شأني كله ولا تكلني الى نفسي طرفة عين

لا داعي للقلق ماتمر به زوجتك طبيعي

وديها بيت اهلها لين تولد بالسلامة
هذ وحاام
الله يعينها و يعينك

هذا من كثر ما حبتك و حمت عليك :)

اخي الكريم

سواء كان ما يحدث مع زوجتك هو وحام او خلافه

فالصبر يا اخي الكريم الى ان تضع حملها

الله يقومها بالسلامه ويهون عليها

كن صديقها اخي بهذه الفتره ولاتثقل عليها

الله يثبتك ويلهمك سعة الصدر وقوة التحمل

الله يعينك ويصبرك
اياك ثم اياك من الطلاق ليش الزواج لعبة ؟؟؟
عليكم بالاستغفار
الله يرضيكم ببعضكم

أنا عندي أحتمالات كثيره يمكن يكون من الحمل بمعنى أنها متوحمه فيك

واما أنك أنت غلطت في حقها وهي شايله هالشي بقلبها ومو قادره تنساه بالذات أذا كان أنتم من النوع ألي تخلون المشاكل تمر بدون محاولة وضع الحلول لها أو المناقشه فيها

أما أنها السببين كلهم في هذا الحال تكون مصيبه لأن نفسية الحامل تتغير مع الحمل وبالنسبه للطلاق أبعد عنه ولا تفكر فيه نهائياً حتى تولد بالسلامه أن شاء الله

الله يعينكم ويصبركم

عليك بالأستغفار ..والرقيه الشرعيه ..حتى وهي حامل كلم اهلها يرقونها وتشرب ماء رقيه

الله يشفيها ويخليكم لبعض

الله ييسر امورك يارب وان شاء الله ترجع زي ما كنتوا

امورك بسيطه باذن الله اعتقد انها وحم والله اعلم

اكيد وحام وخصوصا انك بتقول انها ضحت من اجلك اصبر الله معاك
ولما تقولك طلقنى قول لها مابقدر لانى بحبك يمكن قلبها يحن

لان شكلك بتحبها

لكن اخى اهتم بيها اكتر لانك شكلك مش عارف هى فى اى شهر 4 او 5 اى واحده بتحب زوجها يهتم بيها فترة حملها يمكن هى حاسه انك بعيد هنا

لله يجزاكم الف خير والله ماسمعت صوتها يمكن شهرين ولا شفتها ولا مره بعد سفرتنا الله يعين بس اكيد وحم مو

الله يصلح شانكم هذا والله اعلم وحم

شكله وحم ..
والطلاق يقع حال الحمل خلاف لمن قال بغير ذلك , لقوله تعالى في سورة الطلاق ( وأولات الأحمال أجلهن أن يضعن حملهن ), والله تعالى أعلم ..

اخوي اصبر عليها

انا كلرهت زوجي واهلي واهل زوجي حتى نفسي مو طايقتها حتى الاكل

من يدخل زوجي احاول افتعل مشكله لاي سبب والله العظيم غصب عني ولمى يطلع زوجي برا البيت اتندم واقول راح اعتذر

ولمى يدخل انسى كل الندم وترجع حليمه لعادتها القديمه

انا الان ببدايه الشهر الخامس حسيت بتحسن نوعا ما

لاكن ماراح انسى موقف زوجي وتحمله لي كل الي الي يسويه لمى يحس انه مايقدر يتحمل يروح ينام حتى مايرد علي بكلمه ويجرحني

السلام عليكم

اخي الكريم
هذا شي طبيعي خاصه الاشهر الاولى من الحمل
انا لما كنت حامل صرت انام بحجره غير حجرة نومي
والله صرت ما احب ريحة زوجي حتى والحمدلله زوجي كان متفهم الوضع واستحملني

اصبر عليها وان شاء الله ترد مثل ما كانت واحسن

الله يسعدكم

ذكرتني بصديقتي تموت في زوجها وتوحمة فيه..

كنت اموت عليها من الضحك... وهي تتكلم بقرف عن زوجها.. و وتقولي لا تقولين اسمه لا تذكريني فيه.. كنت اقولها مو هذا الحبيب..


ويهي تتتكلم بقرف عنه..


مسكينة متوحمه عليها.. وهو تعب معها..


وراحت عند بينت خالها كذا شهر..


وبس قربت تولد رجعت طبيعية.. حبه حبه.. ومن ولدت طااااااارت في زوجها تبيه.. وقبل يومين كنت اكلمها.. وهي تقولي انا عندي زوجي.. وقلت لها الله يهنيك..وانا اتذكر سوالفها كيف كانت ووين صارت..



وهذا امر طبيعي..



اعرف وحده ركبت سيارة وهربت من بيت زوجها.. وراحت لبيت اهلها وزوجها مو بالبيت.. ما قدرت عليه .. وجلست اطلق اطلق اطلق.. قالوا له خلاص طلقها بس اشاروا عليه انه انتظر لين تولد..


بس جاء الولد.. على طول تسأل عنه ووينه وابيه.. وفعلا رجعت المياة لمجاريها.. والحين بدل الولد عندها 3 اولاد..

اخوي وااااااااااااااااااضح وضوح الشمس انه وحام .. طول بالك واصبر عليها ..