|
اليوم كان ختان ابني..اسوء يوم في حياتي وعندي استفارات
السلام عليكم
اللهم لك الحمد اليوم كان موعد ختان ابني في المركز الصحي طلع الصبح وجهزت ابني للذهاب برفقة ابوه وعمه (مناسبة سعيدة) الموعد الساعة السابعة والنصف وكنا اول الواصلين وفعلا تمت عملية الختان بدون ان يدخل احد مع الطفل حسب اوامر الطبيب بعدها قالوا انتظروا نصف ساعة للاطمئنان على الطفل. اثناء النصف ساعة امتلاء الحفاظ بالدم الطفل ينزف؟؟؟ ادخل مرة ثانية عند الطبيب وبدون تخدير وما ندري ماذا يفعل بالدخل المهم اخرجوه بعد دقائق وانتظروا نصف ساعة الطفل نزف مرة اخرى . بعدها قال الطبيب خلاص خذوه المستشفى ونفس الشيء غرجان من النزف والطوارء انتظار لين جا الطبيب المختص يشوف الحاله والصغير يبكي بكاء لا يوصف مثل ما قلت اسوء يوم ومنه للقسم عشان التنويم وكان المسكين يبكي والناس تتجمع ايش حاصل بكاء مش طبيعي الطبيب يقول عملية عاجلة وطبيب التخدير معارض لان الصغير راضع وجلسنا ثلاث ساعات اشوف ولدي ينزف ولونه يشحب قدام عيني الحمد لله ابتلاء المهم دخلوه العمليات كان خلاص تعبان بعدها طلعلي بالسلامة وكل حد يقول كلام مختلف ( وريد مقطوع -شريان مقطوع جرح العصب-واخرها تهتك قي الجلد) اللهم لك الحمد وبعدها بست ساعات تقريبا جينا البيت. الحين عندي كم استفسار للي عندها خبرة كيف اتعامل مع الجرح من حيث التنظيف والتغيير ؟ ايش اعطيه عشان يعوض الدم اللي نزفه؟ لاني خايفة ينزف عليه ماأعتقد أنه يستحمل تنزل منه قطرة دم وحدة بعد اللي صار اليوم اعذروني على الاطاله |
الله يحفظه لك
ما عندي خلفية والله |
حبيبتي كان الله في عونك والهمك الصبر على ما اصابك وحفظ لك حمزه يا رب
انا اشوف انك تتابعي مع دكتور اطفال حتى يفيدك اكثر |
شوفي حبيبتي أنا الدكتور ألي ختن أبني قالنا ثلاث أيام مانلمسه ولانحممه ولا يقرب منه الماء ووصفلنا مرهم بعد الثلاثه أيام أستخدمه يعني بعد مانحممه
وهو طبعاً غطى الجرح وقال مانلمس الغطاء نخليه يطيح لوحده ويوم حممناه طاح وبديت أستخدم المرهم عليه لمدة ثلاث أيام مرتين باليوم حتى طاب الحمد لله وأنتبهي ماتشدي الحفاظ عليه وماتضغطوا على المكان وان شاء الله مايشوف شر والله ماألومك يوم تقولين أسوأ يوم بحياتك أنا ماقدرت حتى اوديه للمستشفى امي ألي وودته الله يحفظها لي ولايحرمني منها لاني ماأقدر أتحمل صوته وهو يبكي من الألم فما بال لوكان حصل مثل ألي حصل معاك ولو رجع الدم ولاشي لاسمح الله على طول على المستشفى الا كم عمر أبنك الآن ؟ |
حبيبتى شربيه عصير فريش
واكليه كويس انا مااعرف عمره علشان احدد لك نوع العصير الله يشفه لك والله يسامحه الدكتور شكله غبى بالنسبه للتغير مش الدكتور قالك ازاى و كام مرة تغيرى |
الحمدلله على سلامته00
اخطاء طبيه كالعاده00 الله يكفينا شر المستشفيات00 اهم حاجه تتأكدي أنه يتبول00 اما من ناحية الجرح00 كيف غياره00شاش او بلاستيك حلقه00 تفرق اختي00 والأحسن ما تجيها ابدا00 فقط طهريها بالمطهر 00ووفق ما خبرك الدكتور المعالج00 التمر جدا مفيد للدم00 تمره مهروسه في كوب ماء مغلي00 ثم تصفى وتبرد00 وتعطى للطفل00 الله يشفيه00 ويطمنك عليه يارب00 |
أشكركن اخواتي
اليوم حمزة عمره 3 أشهر و 12 يوم |
في المركز الصحي كانو حاطين حلق بلاستك
والحين بعد العملية مدري أتوقع حلق جديد بس ملفوف بالكامل ومحطوط له بلاستر والتوجيهات : (كل شيء عادي مثل كل يوم ) أول ما وصلت عطيته عصير برتقال فريش ومن الصبح بعطيه تمر ان شاء الله |
الله يحفظه ويرعاه بس اسالي دكتور احسن
|
يا اختى اول شىء حمدا لله على سلامته
ثانى شىء يا اختى فى اول ثلاثه ايام يجب ان يكون هناك ممرض او دكتور للتغيير للطفل على الجرح وانتى عليك تتاكدى من الشاش ما يكون قاسى على الجرح حتى يستطيع الطفل ان يتبول والدكتور لازم يعطيك مطهر حتى تضعى على الجرح بين كل فترة وحتى ما يلتهب الجرح او يكون هناك برهم للجرح وسلامته ان شاء الله |
الحمد لله على سلامته ..
حبيبتي هذا مو طبيب هذا جزار حسبنا الله عليه وعلى أمثاله .. المهم... ولدك لا تقربه المويه من 3 إلى 4 أيام ..مسحيه بمنديل معطر وابعدي عن الجرح .. بعدين استخدمي زيت الزيتون ..قطرات بسيطة على الجرح ..أو المرهم إذا الطبيب وصف لكم مرهم .. وما قدامه إلا العافية .. |
مشكورة اختي
لكن ما وصف لي مرهم أو اي دواء موضعي فقط مضاد حيوي وتحاميل ادول( مسكنه ) |
يا الله وش هذا والله الاولاد عذاب الله يكون بعون الاهالي
ما اقدر افيدك لاني ما عندي اولاد بس مو صغير على العصير ؟؟؟ الله يخليه لك ويشفيه في رعايه الله |
الحمد لله على سلامت ضناك
ذكرتيني بختان أخواي نزفوا كثيررررررا مثل الذبيحة ربنا يحفظ المسلمين مع الفارق أنهما كانا أكبر من ولدك الله يحفظه هنا في بلد الغربة يختنون الأولاد بعمر الأسبوع على الأكثر ان شاء الله يعوض الدم اللي فقده بس ارضعيه جيدا و ملاحظة الأخت فوفو في محلها فطفلك صغير على أي شيء غير الحليب و الماء |
الله يسامحك ليش ماعملتوا الختان أول أسبوع من ولادته..وجراح الأطفال هو المختص بالختان مو الجراحه العامه أو المسالك البوليه كما يعتقد البعض.. وهنالك تخدير موضعي كريم يوضع على المنطقه قبل الختان ثم بعد 30 دقيقه تجرى الجراحه..
عموما حمدلله على سلامته والحياه تجارب ودروس وان شاء الله تستفيدون من هالتجربه وماتكرروها مع أخوانه..عورني قلبي عليه..لاتنسين طمنينا عليه..شكله أول فرحتكم يسلم قلبه.. |
انا عندي ولدين وافضل شي زيت الزيتون الدافي تصبينه على عضوه ولاتغسلينه بس تغيرين الحفاظ ولا كريمات ولاشي وان شاء الله كم يوم ويطيح بس نصيحه لاتحاولين تنزعين الحلقه اليلاستيك ابدآآآآآآآآ انتبهي هي تطيح من نفسها لأنها متصله بعروق وخطر عليه ينزف مره ثانيه
وافضل وقت للختان في الأسبوع الأول من الولادة لأن الطفل يكون مايحس بالألم كثير كل ماكبر كل مازاد الأحساس عنده |
ياقلبي عليه ذكرتيني بطفلي حصل معه نزيف
ورجع الدكتور فك البلاستر ومدري شو عدل ورجع حط له بلاستر ثاني وقال خلوه لمدة يمكن 5 ايام وقال نحط عليه زيت الزيتون دافي شوي كل يوم شوي صبح ومساء لين ينفتح البلاستر لوحده ,وبالفعل كنت احط عليه كل يوم لين مر يمكن 5 أو 6 أيام وانفتح لوحده بس اعتقد من دكتور لدكتور يختلف ،بعضهم يقول رديه وهو يفتح لوحده يعني على حسب ما خبرك الدكتور واتبهي من المخروج اكرمك الله يلامس مكان الختان لانة على طول تبكثر احذري اشد الحذر والله ايام صعبة مرة عليا هذيك الفترة واستنفار تام الله يعينك فترة بسيطة وتعدي ومثل ما قالو الاخوات ابنك صغير على ان تعطية اي شيء فقط الحليب وان شاء الله يتعافى ربي يحفظه لكم |
اختي الافضل أن تتركيه لفترات بدون حفاظ لكي لايلتهب الجرح كل بعد كم ساعه اتركيه يتهوى واذا عفواً أمكن جعله يتبول على نفسه فهو الافضل لانه يساعد على الشفاء جربتها بولدي من نصيحه لامرأه كبيره بالسن وافادتني كثيراً أيضاً كما قالت أحد الاخوات اسكبي زيت زيتون عليه أنا وضعت نارجيل لينشفه وليمنع اللصق من الالتصاق ليسهل تغييرها ولكيلا تألمه وقت النزع فهي تكون ملتصقه بالجرح الف حمدلله على سلامة طفلك |
الله يخليلك حمزه ياام حمزه,ويحفظه من كل مكروه,وانامثل الاخوات الي قالولك عن زيت الزيتون انامجربته مع ولدي وكان كويس, ومثل ماوصوك الحلقه لاتشلينها اوتعبثين فيها,اناابني طولت الحلقه معاه ولماطاحت ضل جزء منها متعلق,وديته المستشفى وشالوها بمعرفتهم
|
الحين قرات ردودكم بعدم اعطائه عصير
انا قايمة من الصبح وشكله شاحب وكفوف يديه لونها ابيض عصرت له برتقالة في الرضاعة وعطيته خلاص وعن ليش ما ختناه في الاسبوع الاول ان المستشفى يحدد الموعد على ثلاث اشهر وتفاجئت زميلتي بالدوام والدين انا وياها في نفس اليوم قالت انها حضرت واسطة وختنوا ولدها بالمستشفى من زماااااااااااااااااااااااااااااااااان ويارب زوجي ما يقرا هذا الرد لانه كثير متحسف وشكله قاعد يلوم نفسه وعيونه حمرا ليش ما سمع كلامي ووديناه مستشفى خاص للختان |
الله يشفيه و يعافيه
|
السلام عليكم ورحمة الله وبركاته
اولاً اتمنى الشفاء العاجل لابنك لان شاء الله، والله يعينك على ما تشعرين به من الم على ابنك لاني مجربة هالوضع. ثانيا انا ولله الحمد وحدة الذي لا يشكر على مكروة سواه ختنت ابني مرتين مع مشكلة بعد المرة الثانية:30: المرو الاولى تم الختان وهو بعمر الشهر او بالاصح 27 يوم وياح ونهنه لكن عدت وبعد فترة شككت بالموضوع وكنت دائما اسال والكل يقول طبيعي الا ان راجعت الطبيب وطلب مني ان اعيد الختان :( المرة الثانية تم الختان وهو بعمر 3 شهور الا اسبوع واعطاه الدكتور مخدر وتحميله للالم لانه يعتبر كبير شوي وقالي يمكن اطول شيوي لين تسقط الحلقة لانه كبير شوي وجلدة اقسى من قبل وعاد شريط الصياح والنهنه والالم ولانه اكبر شوي من قبل حسيت فيه اكثر لا نه كان ينظر في عيوني وصيح كانه يطلب مني ان اغيثة وليس باليد حيله واصيح معه وتشب بي طول فترت 5 ساعات وبعدها الحمد لله كان احسن ولكن الطامة الكبرة انه عندما كنت اسبحة (احممه) وهذا كان بعد 6 ايام تقريب ولانه كان ما شاء الله عليه حركي قام بمسكها بيده وسحبها بقوة كان بدية تعلمه لمسك الاشياء ونتشها وبدء بالصيح بشكل هستيري ونزل عليه شوي دم وانا جننت وخفت :24:واتصلت على طول بالدكتور قالي الدكتور: :20: نظفي الجرح و اشتري مطهر من الصيدلية ( كحول للاطفال) وحطي شاش واعطاني اسم تحاميل مسكنة للالم من الصيدلية واهو كا معطني كريم ييساعد على التأم الجروح في ختانه وحطيتله منه اكريم جداً رائع من الاعشاب حتى انه ينفع لتشقق الحلمات للامهات المرضعات والحمد لله في الليل زال عنه الشر ولكن كان يشعر بالالم عند تبديل الحفاظ والتغير على الجرح بس الحمد لله الامور سارت بسلام. اختي العزيزة ام حمزة اذا كنتي بحاجة الى اسم الكريم وتسالي عنه الدكتورك فانا حاضرة وما يصير خاطرك الا طيب؟؟؟؟ عزيزتي حبيت اسالك يصير تعطين طفل عصير برتقال وهو عمرة 3 شهور بس مع العلم ان دكتورتي قالت اني ما اكله الا بعد 6 شهور مع اني ناويه اكله بعد كم يوم بيصر عمرة 4 ونص لانه ارمضان قادم وباصوم وما اقدر اعتمد على الرضاعة فقط واما اصلا ادراري خفيف ، انصحوني بخبرتكم ومعلوماتك وخبرت اهلكم؟؟؟؟؟؟؟؟؟؟؟؟ شاكرة لك كل الشكر اتمنى لطفلك الشفاء العاجل ومبروك على الختان وان شاء الله تفرحي فيه وهو عريس |
الله يطمنك عليه يارب
|
مشكورات اخواتي
اليك أختي الريم هذا الرابط فادني كثير حيث اني اعتقد ان الطفل اذا عمرة ثلاث شهور و ايام يعني هو في الشهر الرابع ارجو اني ما اكون غلطانه http://www.66n.com/forums/showthread...E1%D1%C7%C8%DA اكثر شيء اعمل رز مع الحليب نظفت بعض الرز ثم غسلته ونقعته في الماء مدة ساعتين ثجففته تحت اشعة الشمس وطحنته جيدا وافضل النخل بالمنخل بعد الطحن ثم يطبخ مع الحليب |
السلام عليكم ...
الله يشفي لك ولدك ويصبركم يا رب ... بخصوص زيت الزيتون لاأتوقع ان ينفع اذا كان الختان قد رافقه نزيف ..فاحذري .. فالزيت يصلح لحالة الختان العادية وليست في حالة ابنك .. الله يخليلكم اياه |
السلام عليكم ...
الله يشفي لك ولدك ويصبركم يا رب ... |
| الساعة الآن 01:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©