|
بعد طول بحث وجدتها ولكن سكن اهلها بعيد (نصيحتكم )
انا شاب لي تقريبا السنه وانا ادور بنت الحلال وحتى الآن لم يكتب لي الله النصيب
مع اني ما اشترطت شروط خياليه كاي شاب يريد فتاه جميله وذات خلق ودين وليس شرط ان تكون ذات جمال طاغي المهم حطيت مواصفات معينه وحطيت في بالي اني ممكن اتنازل عن بعضها اذا وجدت المناسبه لي حاولت تقريبا اكثر من عشر محاولات مرات يعتذرون ومرات اعتذر انا آخر محاوله عشان ما اطيل عليكم حصلت ناس يقربون لي من بعيد لاني ما اريد اتزوج من الاقارب بس اذا صلت القرابه بعيده لامشكله ولكنهم في الدمام وانا مقر عملي الرياض البنت عجبت الوالده ومن خلاص وصف الوالده ماعندي مشكله في الشكل ومن عائله طيبه ولكن انا فكرت انها ماتعرف احد في الرياض وهذا يتطلب سفر دائم من الرياض للدمام حتى ولو مره كل ثلاث اشهر وتعرفون الشاب يحب يطلع مع اصدقائه او يكون معزوم صعب يجلس كل الوقت في البيت وصعب يتركها لحالها ويجلس ساعات برى البيت اخاف اتعذر ان اهلها بعيدين عنها واهلي ملوا من البحث لي عن عروس علما اني استخرت وكأني اميل اني ادور غيرهم اعطوني رايكم وجزاك الله خير الاشراف : تم تعديل العنوان , بالتوفيق. |
يا أخي اذا البنت مناسبة و عائلتها طيبة فتوكل على الله و لا تتردد
فكون انها ستنتقل الى مدينة لا تعرف فيها أحدا ليست مشكلة فليست هي أول فتاة تغترب و تعيش بعيدا عن أهلها ( و الا لما تزوج نصف الشباب ) و كونك خائفا من أ ن تبقى وحيدة اذا خرجت فتأكد ان هذا شيء طبيعي و ستتعود عليه مع الايام و كلنا عشنا هذا الشيء في بداية زواجنا و اذا كنت لا تريدها أن تبفى وحيدة فأذهب بها الى بيت أهلك ومع الايام يتكون لها صداقات وجيران وفقك الله |
أخي الكريم..
كل مواصفاتها زينة وتفكر تنسحب لأنها في مدينة بعيدة....برأيي الشخصي لا يُعتبر أمرا ذا بال لأن مواصفاتها عاجبتك + إن لك فترة تبحث ولم تُوفق!!! إخواني اثنين زوجاتهم في مدن بعيدة والحمدلله الأمور تمام.... هناك إيجابية لمن زوجته أهلها في مدينه أخرى ( البعد والشوق وكسر الروتين) والله يسعدك ويوفقك.. |
اولا اخوي استخير
ثانيا ... من ناحيه ان اهل زوجتك بمدينه وانت تسكن بمدينه اخرى فيها نقطه ايجابيه .. انك بين فتره وفتره ان زوجتك تجلس عندهم اسبوع او المده الي تتفقونها وصدقني هالشيء له مردود بحياتكم بشكل ما تتخيله انا وزوجي اسويها احيانا مع ان اهلي بالرياض وفعلا نتغير كثير .... اما النقطه السلبيه وما ودي اقول سلبيه بس الي انت متخوف منها انك كيف تسهر وتطلع وهي قاعده بالبيت هي لها حلول اما انك مثلا اذا بتطلع وبتسهر حطها عند اهلك بس لا تصر عليه ا يمكن هي تحب اهلك بس ما تحب ترتاح تجلس كثير معهم .. ومع الايام بتجيب بيبي وبتتقعد معاه وبتصير يالله تلحق ع البيت والبيبي اذا انت برا باعتقادي هالشيء ومن كثر مااسمع طبعا اعتقد انك شخص متفهم وما راح تصير طلعاتك شبه يويمه ع الاقل يومين بالاسبوع حلوه كسهره مطوله مع اصدقائك .. ووتقبل مروري |
استخير أخي الكريم وكلام الأعضاء صحيح
والدمام مش بعيده كتير عن الرياض برأيي لا تعتبر غربه الا اذا كنتو ببلد تاني وتقدر بالسياره وقت ما بدكم تزورو أهلها بالعطله او حاول تنقل شغلك في الدمام اذا في مجال لأنو الدمام كتير حلوه الله يوفقكم |
أولا كثر من الاستخارة
ثانيا .. تأكد إنك ما راح تظلمها في العشرة .. يعني إذا أنت يوميا طالع .. وكل أسبوع كاشت يوم أو يومين .. فحتما ما راح تعدل مع البنت إذا استمريت على وضعك وما لها أقارب في الرياض .. لن لو أنت ناوي تستقر في البيت .. وتدور على بنت تعينك على الاستقرار والتقليل من الطلعات (وهو الأفضل) فأنصحك إنك ما تفرط فيها إذا توفرت فيها رغباتك ثالثا .. أنصحك بالمصارحة قبل الملكة .. قل لهم وضعي كذا وكذا .. علشان ما تتفاجأ البنت لو كثرت طلعاتك رابعا .. اجعل العلاقة بين زوجتك وأهلك قوية بحيث تكون مثل بنتهم .. لو صار لك أي طلعة توديها لهم ولا تقول لا .. في النهاية .. انصحك وبشدة بالاستقرار في المنزل .. وابحث عن فتاة تعينك على ذلك .. قال النبي صلى الله عليه وسلم (وليسعك بيتك) مما يدل على أهمية الاستقرار في البيت والاهتمام بشؤونه .. ولا تقول إذا جاني عيال راح أستقر لأن اللي ما يتعود من بداية الزواج على الاستقرار صعب يتعود بعدين وفقك الله أخي الكريم |
شاكر لكم تفاعلكم اخواني
ام الجود في صمتي لك كلام فيه نقطه نسيت اذكرها لكم وهي اني ساكن عزوبي في الرياض اهلي في محافظه تبعد عن الرياض 300 كيلو جنوب اذا قلتوا ممكن تحطها عند اهلك طبعا لي اخت واخوان متزوجين هنا بالرياض وكثير من اقاربي بس هي مالها احد بالرياض اخت شيهانه صحيح ما اخفيكم فيه ايجابيات للي اهلها بعيد تكون قريبه جدا لزوجها ويكون كل شي بحياتها بالاضافه ان الشوق يتجدد كل ماراحت اهلها فتره ورجعت له بس السلبيات زي ماقلت لكم يجيها اوقات تشتاق لامها واهلها مابيها تحس انها وحيده وطبعا الزوج مايغني ابد عن الاهل مهما حبته وحبها مدام آلاء صحيح الدمام مش بعيده بس احسبي حساب اني اذا حطيتها برجع عشان آخذها بعد اسبوع ولا اسبوعين اخوي تبا للعزوبيه صدقني انا ما فكرت في الزواج الا اني واثق ااني قد المسؤوليه وماني من النوع الي يهمل زوجته اعرف مشاعر المرأه ومستحيل اخليها اوقات طويله لحالها واطلع اتمشى مع الشباب يهمني اسعدها مثل ما انا ابغى الشي نفسه منها لازم يكون عطاء متبادل وماكتبت هالموضوع الا تقديرا لنفسيتها هل ممكن تكون مبسوطه بعيده عن اهلها او لا دخلت في نقاش مع اخت كبرى لي قلت لها تخيلي نفسك مكانها لانها هي مع بعدها عن اهلي لكن جنبها زوجات اخواني كلهم يقربون لبعض وطلعات كل اسبوع وروحات وجيات يعني الاقارب كثير تخيلي نفسك هناك بالدمام بتكونين مبسوطه ؟ راح احاول استخير اكثر واكثر وان شاء الله ربي يكتب لي الخير |
ياليت اشوف ردود اكثر تطمني وتقنعني
وتعقيب من الي ردوا |
لو تعرف المسافة بيني وبين ديرتي وأهلي
أهلي بقارة وانا بقارة بدك البنت والا ما بدك اياها هون المشكلة ولا تتعلل ب3 ساعات سيارة الله يوفقك لما فيه الخير أم وليد |
اخي في الله يسر ولا تعسر
بصراحه صعب الواحد يلاقي طرف يناسبه استخير الله وتوكل عليه ولا تجعل الشيطان يوسوس لك باشيا تجعل زواجك لايتم وهناك امر جدا رائع الوالده راضيه علها توكل على الله،الحينكثير ازواج ساكنين من دول ومن مناطق مختلفه ايضا |
استخير ..
|
اقتباس:
اعتقد الرغبه هي الي تحكم حاس اني ادور اعذار غير مقنعه ما اقدر الحين اقول ابيها ولا لا بعد الشوفه كل شي يتحدد بس انا قلت قبل اشوفها ادرس الوضع |
جزاك الله خير نايت
الله يبعد عنا وساوس الشيطان ويكتب لنا الخير مثل ماقلت قلب الأم دليلها ولو مارتاحت لها مانصحتني فيها ان شاء الله مايكون بعد اهلها عائق |
بنت ابوها
انا استخرت كثير وصارت امور بعدها الاسبوع الجاي شوفه شرعيه ان شاء يحصل ارتياح يخلينا نتغاضى عن مشكلة البعد |
وعليكم السلام ورحمة الله
أخوي أعرف اثنين من الزملاء من أهل الرياض واحد منهم أهل زوجته من الشمال و الثاني أهل زوجته من المنطقة الجنوبية ، وعايشين أحلى عيشة .... أخوي حتى لو كانت البنت من الرياض ، يعني كذا بتريـحك للطلعات مع خوياك وأنت بترتاح كل مرة توديها لبيت أهلها ، ما صارت حياة زوجية ...!!! الذي ملاحظة من كلامك أنك تبني قرار قبولك ورفضك للبنت على طلعاتك وتمشياتك ، بينما المفترض لما تتزوج تعدل كل ما تعودت في عزوبيتك على وضعك كمتزوج ، يعني تبدأ تقل الطلعات، وما هو كل مرة ملزوم تطلع ، يعني ترتب أمورك على وضعك الجديد - كـزوج - وليس العكس .... ويا أخوي ليته مكان عمل بعيد عن مقر سكنك ، كان ممكن تحسب لهذا الموضوع ألف حساب.... لكن طلعات وتمشيات ، ورفض وقبول .... ماتجتمع ..!!! اسمح لي أخوي على الصراحة...... أخوك عزوبي:21: بس:d رجل:30: دمتم بحفظ الرحمن |
سعيد بتواجدك زميلي عزوبي رجل
والله ياغالي ماني راعي طلعات واستراحات الا قليل جدا بس تعرف امور الدنيا لازم تطلع هذا غير اذا كنت في العمل وكنت مشغول بالمساء ومابنيت قراري على هالاساس بس تمنيت انها ماتطفش اذا جلست ايام واسابيع ماشافت احد هذا القصد وماخذيت رايكم الا عشاني اشوف انه مو عذر كافي اني ما اطلبها |
انا اشوف انك متردد
دامك متردد لا تقدم على اي خطوة الا اذا انت ماكدة 100% ابحث بعد على بنات لا تقول اهلك ملوا و ما اعرف ايش..خلاص ابحث و فيه كثير و اذا انت مقتنع و المانع هو فقط المنطقة لا تشيل هم و روح اطلب ايدها لكن اظاهر انك انت ما مقتنع..لهذا توقف ترا هذا قرار لطول عمرك |
سبب غير مقنع .... هو نوع من التوهمات
الزوجه الصالحه هي الصديق والام والاخت .... وسوف تملأ عليك حياتك فلا يكن هذا السبب مانعك ..... والله يوفقك |
سعيد بتواجدك زميلي عزوبي رجل
والله ياغالي ماني راعي طلعات واستراحات الا قليل جدا بس تعرف امور الدنيا لازم تطلع هذا غير اذا كنت في العمل وكنت مشغول بالمساء ومابنيت قراري على هالاساس بس تمنيت انها ماتطفش اذا جلست ايام واسابيع ماشافت احد هذا القصد وماخذيت رايكم الا عشاني اشوف انه مو عذر كافي اني ما اطلبها |
اقتباس:
اشكرك يا الغلا وجزاك الله خير |
اقتباس:
الزوجة متى التحقت بزوجها ، فهي تدرك أن زوجها سيكون لها كل شيء وستألف بقاءها وبعدها عن أهلها ، بل زوجها يمثل أهلها وكل حياتها ؛ متى أكرمها وأحسن إليها .... وبعدين من بعد الشرقية أصلاً ، عطلة الأسبوع وتلقاك مسنتر أنت وإياها عند البحر.....:d أكثر من الإستخارة والدعاء أن يكتب الخير لك دمتم بحفظ الرحمن دمتم بحفظ الرحمن |
رأيي بكل صراحة إنك غير مقتنع بالبنت
و عدم الإقتناع من البداية غلطة إنت ممكن تظلم البنت لأسباب تافهه إذا إنت غير مقتنع و إذا إنت طلعاتك كثير اترك البنت أفضل لك و لها البنت تتزوج عشان تستقر و تطلع مع زوجها و يعيشوا مع بعض حب و استقرار و رومانسية و ليس لأن يضعها على بعد مئات الكيلو مترات عن أحبابها ثم يخرج مع أصدقائه يلعب و يمرح الزواج مسئولية يعني لو كنت تنوي أن تستقر في بيتك معظم الوقت فأهلا ببعد المسافة حتى لو في قارة أخرى و ليس فقط مدينة آخرى أما من كلامك فأرى إن البنت ستظلم معك و تمل و تتضايق و إنت لك الإستخارة أهم شيء ربنا يوفقك |
أخي انصحك بالاستخارة
و بعدين انت اطلعها هي و اهلها على ظروفك و بإذن الله إذا تزوجتها و انتو مقتنعين ببعض ماراح تلقون هالأمر مشكله أعرفلك حريم ساكنين بعيد عن أهلهم أكثر من 6 ساعات بالسياره و لا لهم بديرة رجالهم قرايب كثير و أوضاعم _ما شاء الله تبارك الله _ ماشية :::: وفقك الله و سدد خطاك ::: |
كما قلت لك اخي يسر ولا تعسر
|
الله ييسر لك امورك ..
|
صدقت اخوي عزوبي بس رجل
الشرقيه مو بعيده شاكر ا لاهتمامك نوران انا لسى ماشفت البنت عشان ما اقتنع فيها ومثل ماقلت انا ما اقدمت على الزواج الا اني ان شاء الله قد المسؤولية ووالله ماني كثير طلعات ولامن هالشباب الي هايتين بالشوارع |
اقتباس:
رح استخير واكرر الاستخاره والله يكتب لي الصالح دعواتكم |
ياخي في ناس تتزوج من بره الدوله بكبرها ماقالو شي
الله يهديك بس |
أهلا بعودتك نايت اكيد هونها وهي تهون
اصغر اخواني جزاك الله خير راح اشوفها الاسبوع الجاي ادعوا لي الله يبارك فيكم فدعاء المسلم لأخيه في ظهر الغيب مستجاب بإذن الله |
اخي الكريم
انا مريت يوم من الايام بهذا الشي مع اختلاف بسيط انا من الرياض وتقدم لي شخص ايضا من اهل الرياض لكن مقر عمله في الشرقية وبدون اي نقاش او النظر الى اي مواصفات اخرى في الشاب رفضت لاني اعرف نفسي واعرف ماذا احتاج وما لايمكنني تحملة اذكر لك ذلك لاذكرك بان هذا قرار الفتاة وليس انت هي من يقرر اذا كانت قادره على هذا الوضع ام لا هل هي قادرة على تحمل الوضع الجديد طبعا بمساعدة منك ام انها لا تستطيع مهما تعاونت معها توكل على الله وتقدم لها ودعها هي من يقرر ذلك واحترم قرارها ولا تعتبره شخصي والله يوفقك |
أخوي لا تأمن الشر !! صدقني الإنسان ضعيف إنت بتكون في حاجتها وهي أكثر سواءا ماديا أو معنويا ولو تغتني ماديا يبقى الفراغ العاطفي إنت ماشفت المرأة الي نفذ فيها حد الزنا في حائل !! شئ يقطع القلب !! والزوجه ماهو شرط تزني والعياذ بالله إذا سافرزوجها لكن إذا كانت صغيره بالسن ترا إحتمال تدمن ثرثرة الشات !!أو مواقع غير مناسبه والمعصوم من عصمه الله أمنياتي لك بالتوفيق
|
اقتباس:
الله يرزقك الزوجة الصالحة التقية الولود الودود التي تسرك إذا نظرت إليها وتحفظك في حضرتك وغـيـابـك ، و تقصر طرفها عليك وتقصر طرفك عليها ... وتكون حبيبتك في الدنيا وحوريتك في الفردوس الأعلى بالجنة ،،،، دمتم بحفظ الرحمن |
اقتباس:
جزاك الله خير |
اقتباس:
أكيد هي عندها خبر وماعندها مانع مدام ابوها ابدى موافقته اني اجي اشوفها الناس ماتعرف وين نصيبها فيه يمكن تكون سعيده مع البعيد اكثر من القريب وبصراحه ابوها احرجني بطيبته وقال انه مايهمنا البعد حنا متطمنين ان بنتنا عند رجال بيصونها وهو عرف اني متردد بسبب البعد وقال متى مابغيت اتصل فيني وتعال شوفها ولك القرار وان شاء الله الاسبوع الجاي نشوفها وان حصل ارتياح وقبول ان شاء الله المسافه تهون في هاليومين اقتنعت من كلام الاهل ان هالعايله خساره تتفوت ومن كلام الاعضاء ان البعد مو مشكله ابد النصيب كذا ماتدري وين |
اقتباس:
والله الستار والحامي واذا اختار الشاب ذات الدين راح يطلع لعمله وهو متطمن وواثق انها بتحفظ عرضه واذا الزوج يخاف الله في زوجته راح يغني عن اي شي خطأ بعد الله سعيد بتواجدك ستر الرضا |
اقتباس:
أشهد بالله أنك رجل والرجال قليل كثر الله من أمثالك ولاهنت |
الجديد في الموضوع
ابوها عرف اني متردد على فكره ابوها انسان متفهم جدا ومتعلم وقال لاتشوفها الا انت عازم ما اقدر اسمح لك تشوفها وانت متردد المشكله اني الى حد كبير شبه مقتنع ان المسافه لن تكون عائق ولكن بقي الشوفه هل سأكون مرتاح بعدها ولا لا الآن ما اقدر احكم من خلال كلام امي عنها فيها تقريبا 80% من المواصفات الي طلبتها وعشرين في الميه ممكن اتنازل عنها مثل الشعر انا كنت اتمنى الي ارتبط فيها يكون شعرها طويل بس هذي للأسف شعرها مقصوص بس ماعليه بكره يطول واخلاق البنت وطيبة أهلها تغطي عن البعد والشعر ولكن باقي الشوفه الشرعيه اتمنى اذا شفتها ارتاح نفسيا لها واتقبلها استخرت كثير مرات احس اني مرتاح ومرات لا الآن كثرت هواجيسي صرت دايم افكر ومهموم تعبت حتى ماعدت اشتهي الاكل عاد الوالده كلمت ناس ثانين بخصوص بنتهم وقالت انت شوف الثنتين وصرت الحين مشتت بس الاخيره عندي هنا بالرياض انتظر ردهم خلال هاليومين عشان اروح اشوفها مجرد فضفضه |
ياخي توكل على الله
|
اقتباس:
وهل بنات الناس سلعة تتمشى وتختار من بينها وتقارن ؟؟؟ جزى الله والد بنت الشرقية خيرا اللي حس بترددك وقدر بنته عن ما تنوي ان تفعل ... اتق الله في بنات الناس ... |
اقتباس:
أو إن أبوها عارف إن أهلك كلموا ناس ثانيين ... وبعدين من رأي شخصي - والله أعلم بمدى صحته - ان البنت التي تبعد عن بيتها وأهلها ومحيطها الخاص ،،،تبدأ تستقل وتضع كل اهتمامها في حياتها وبيتها الجديدة وتصير متابعة لك وشريكة بالفعل .... وتفتك من زنة ودني لبيت أهلي .....:d طبعاً أهم شيء كيف أخلاقها وش تتميز فيه من صفة طيبة، إن كنت تستطيع تتعرف عن طريق أهلك فاسع وما شاء الله أبوها باين عليه من كلامك أنه رجل ...وعاقل وهذا مكسب وميزة ....خذها بالك... إبدأ بها إن كتب الله بالشوفة الشرعية فيها نصيب فالحمد لله ولا تكلم أسرتين بنفس الوقت.....:29: الله يوفقك ويكتب لك الصالح..... أخوك عزوبي:21: بس:d رجل:30: دمتم بحفظ الرحمن |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©