|
مفكرة أكمل الماجستير بس ..
السلام عليكم ..
صراحة انا من النوع اللي ماعندي كثير طموح يعني كان ودي بس أنهي الجامعة واتوظف معلمة وخلاص وماكان عندي هدف آخر بس من كم يوم اقنعتني زوجة اخوي بإكمال الماجستير .. بحثت في الموضوع كثير ..لقيت تخصص واحد ممكن يناسبني .. راح أبقى على رأس عملي واداوم الصبح والدراسة راح تكون مسائية خليني اكون صريحة معاكم أنا أبي شي يشغلني وابي يكون عندي شهادة أكبر من شهادتي .. شي حلو لكن الصراحة هدفي مش العلم بحد ذاته أنا اتكلم بصراحة مطلقة .. ابي اشغل وقتي ابي اعوض النقص اللي فيني وعدم الزواج .. على الأقل احس اني انجزت في حياتي ولما الناس تقول اعذروها تقول اعذروها اللي عندها الماستر وبعدين حابة أطور نفسي مهنياً والقى وظيفة غير التدريس المشكلة وين ألحين ؟ في خوفي ان موضوع الماستر يصير عائق في موضوع الزواج يعني أخاف ما انخطب بسبب اني أدرس ماستر مع اني الاحظ الشباب عندنا يقبلون على الزواج من الجامعية بشكل كبير حتى لو شهاداتهم ابتدائي !! بالنسبة لي ماعندي مشكلة اتزوج واحد شهادته اعداي او ثانوي .. أهم شي يكون على رأس عمل ودخله طيب عشان يقدر يفتح بيت لما قلت لاهلي شجعوني كثير انا أحس ان هم يبوني املى وقت فراغي الموضوع راح يكون مرهق .. يعني دوام صبح ومسا .. لكن ماعندي مشكلة ..إيش وراي لابيت ولا مسؤولية انا جالسة أستخير الحين وكل الشروط المطلوبة متوفرة فيني انا بستخير وبقدم وبشوف حظي .. على فكرة الدراسة 4 سنين ثمان فصول بمعدل مادتين في الفصل الواحد والله أخاف العمر يمشي واندم إني ماكملت دراستي وفي نفس الوقت اخاف أدرس ويشردون الخطاب محتارة جدا .. |
حبيبتي شيلي الافكار من راسك
اولا طلب العلم عباده والافضل لك تكملي دراستك وبعدين الزمن يتغير وما يقبلو الوظائف الا بالماستر يعني اتوكلي على الله وكملي دراستك ولو جاكي النصيب ربي يعينك فيه |
وعليكم السلام ورحمة الله وبركاته
عليك أختي بالاستخارة في البداية .. هذا تذكير فقط .. وإلا فمثلك لا يُعلَّم رأيي في الموضوع .. قدمي على الماستر وأنتي مغمضة عيونك .. إذا عندك فرصة للدراسة فلا تفوتيها .. إذا كان بعض الخطاب ما يرغب باللي تدرس ماستر .. فالبعض الآخر يدور على اللي تدرس ماستر وممكن تكون الدراسة فاتحة خير لك .. ممكن تتوفقي بأحد عن طريق الدراسة .. يرسل لك خاطب وتتزوجي .. طلب العلم عبادة .. وطالما أنتي مخلصة لله تعالى .. فأنتي على خير ووالله .. من خير ما يشغل به المسلم وقت فراغه .. طلب العلم توكلي على الله .. وقدمي .. وإن شاء الله قدامك كل خير |
وعليكم السلام ورحمة الله وبركاته
اخيتي,,,, توكلي على الله أسأل الله ان يوفقك لما يحب ويرضى وبالنسبه لموضوع الدراسه لن يؤثر بأذن الله على زواجك اعتبري نفسك تدرسي بكالريوس بالتوفيق |
والله خطووووووووووووووه رااائعه يالغاليه
اول شئ استخيري يالغاليه وبعدين توكلي على الله وصدقيني ماراح تندمين ياقلبو فيه احد يحصله يكمل ماستر ويقول لا :d وصدقيني الزواج ماله علاقه بالمستو الدراسي بس اشوف الي حواليني اغلبهم يبونها موظفه ومستواها العلمي مرتفع :) الله ييسر لك ويسهل امورك ويرزقك الزوج الصالح الي يحبك ويدللك:) |
ختى والله نفس مشكلتى
عايزه اكمل وخايفه بسبب ان الماجستير سوف يرفعنى اكثر واكثر بعدين مش هلاقى عررررررريس على كده غير خايفه تكون الجامعه رفعة ثمن الدرااااااااااسه اكتر لان انا بدرس فى جامعه خاصه وغير مسموح اعمل ماجستير غير فى جامعه خاصه بالاضافه ان عندنا فى مصر رفعوا الدعم عن كل القطاع الخاص يعنى مثلا انا ايام الجامعه كنت بدفع فى السنه 20 ألف جنيه بعد رفع الدعم اصبح 40 ألف جنيه فهيكون مكلف جدا على بابا فعندى تردد رهيب معرفش اقدم ولا لأ |
نعم الاختيار عزيزتي ،،فالعلم من أفضل مايشغل به المرء وقته ،،
أما مخاوفك بالنسبة للزواج فلاأرى لها مبررا ؛حين ترتقين علميا سترين كيف تتحسن نفسيك للأفضل غيرأنك مأجورة بطلبك للعلم ،اما الزواج فهورزق من عندالوهاب يهبه من يشاء فاجتهدي بالدعاء،،،، دعواتي لك بالتوفيق في خطوتك الرائعة وأن يرزقك الله بزوج تسربه نفسك،،، |
أنا مؤيدة لكِ , ادرسي والله يوفقك , ولو لك رزق ماراح تقطعه دراستك إن شاء الله .
الله يوفقك . |
يااااااااااااااااااالله
انتي تدري اش السبب اللي يخليني اتمنى اتزوج !! اتمنى اتزوج عشان اقدر اكمل دراستي اتمنى اكمل الماجستير .. واهلي مو متحمسين للفكرة !! من جد فرصه طيبه لك .. الله يوفقك ويبارك لك ويرزقك زوج بتفكير راقي يساعدك وياخذ بيدك عشان ترتقي بشهادتك وعلمك اختاري ياقلبي تخصص ينفعك في دينك ودنياك .. عشان ماتكون شهادة عالفاضي عشان فعلا يستفيد عقلك وقلبك .. ومايكون اجهاد نفسك عالفاضي ومودايما كل الرجال يرفضوا ان الوحده تكمل دراستها اعرف دكتورتي في الكلية تزوجت وهي في المتوسط .. ووقفت دراسة .. وبعد ما انجبت طفلين .. زوجها أصر عليها تكمل واكملت الثانوي انتساب عشان يسير تكافؤ في مستواهم العقلي والان ماشاء الله بارك الله اخذت دكتوراه في العقيدة وفي طرق التدريس دايما ادعي ربي يرزقك بزوج تفكيره راقي .. وحتى انتي بعد الزواج لو عملتي توفيق بين دراستك وبيتك رح يكون شي مرة طيب لكن لاتعتبري الدراسة عائق للزواج ابدا بالعكس .. الله يوفقك يارب ويرزقك من حيث لا تحتسبي |
لن يشردوا ( على قولتك المعاريس ) بسبب انك طالبه ماجستير
بالعكس ستنجذب نوعيه اخرى اليك وهي النوعيه المحبه للعلم |
اتوكلي على الله حبيبتي وكملي
الدراسة شي ممتع قبل لايجيك زوج يرفض الموضوع بطريق غير مباشر(مثل حالة أختك):d مع أن كل الشروط تؤهلني للتقديم على الماستر.. ولاتأخذيها من باب قضاء الوقت فقط صدقيني الطموح شي جميل:22: والله يوفقك ويسعدك ويرزقك من خيري الدنيا والآخره.. |
امة الله
الدراسة ليست لملء الفراغ الدراسة مجهود مظني خصوصا في التخصصات العلميه فكيف اذا كنت تعملين الدراسة ما كانت ولن تكون معوفا للزواج .... لكن التوفيق والرزق من الله الدراسه ليست البديل الوحيد لملء الفراغ ( هوايات مثل القراءة ، زيارة الاقارب خصوصا كبار السن ، الاعمال الخيرية، مراكز تحفيظ القران ) وغيرها كثير ..... اهم شيء صدق النية والله يوفقك الى الخير وييسر لك الزواج انتي وبنات المسلمين اللهم امين |
والله اختي اذا فاتتك عليك فرصة الماجستير.. وتاخر العريس راح تدركين تماما انها كان تفكير غبي جدا.. وراح تندمين عليه..
واقولك غبي لانه مريت فيه.. حرمت نفسي .. لمن كنت بالحج وهي فرصة ممكن ما تتكرر بالعمر.. عملت افراد بالحج.. والافضل التمتع .. رفضت اسوي تمتع.. عشان شئ واحد ما اقص شعري.. كذا مره.. ما ابي شعري يقصر.. اخاف يجيني خطيب.. وما ابي شعري يكون قصير... تفكير جدا غبي.. وبعدها رجعت وقصيت شعري يمكن 5 مرات.. ومرت السنة وره السنة وره السنة.. والعريس ما جاء.. والشعر طال.. والحج بقت حسترة بقلبي طيرت علي فرصة يمكن ما تتكرر على عريس الله وعلم يجي او لا,. عشان كذا اقولك كملي دراستك.. الفرص تمر مره وحده.. والشباب يبون الانسانه الواعية.. ما يبون وحده جلست بالبيت بس تتحسر على عمرها.. كملي دراستك.. وخذي اعلى الشهادات.. ووراصلي في طريق العمل.. وادعي الله.. ليل ونهار.. ويمكن تتهيئ لك ووتزوجين جامعي مثلك وانسان راقي بالفكر والعمل.. وميزان الاخلاق هو اللي ياثر... وانا اتمنى لو تجيني فرصة التعليم العالي والله ما افوتها على نفسي.. بس للاسف المبالغ فوق طاقتي بكثير جدا.. ولا اقدر عليها.. |
كلام الأخت وجيه فكثير من الرجال لايرغبون في التعليم العالي لزوجه لأسباب يرون أنها موجودة فيها منها
أولا : أنها تكون في الغالب فاشلة في أعمال المنزل ولا تقوم بها ووقتها كله للدراسة ثانيا : أنها تكون متفتحة عقليا فتطلب اشياء لا تطلبها المرأة العادية ثالثا : أنها تكون مجادلة في الحديث كثيراً رابعا : التكبر على الزوج سواء بالفعل أو القول خامسا : أنها لن ترضى باليسير من المأكل والملبس والمصروف والمركب سادسا : أن الأهل وهم الأخوات و الأم في العادة لايحبذون المرأة الأعلى شهادة منهن بل يفضلون الموازية لهم أو الأقل فمثلا إذا كانت الأخوات جامعيات فلا يحبذون أن تكون زوجة الأخ ماستر أو دكتورة من باب الغيرة وهل تتم الزواجات إلا عن طريق الأهل سابعا : الخشية من تعليق الناس وتهكمهم في كون الزوجة أعلى مستوى تعليمي منه ثامناً :الخشية من الرفض المتقدم بسبب التعليم فتجد الشاب يقول لن ترضى بي فلانة عريس وهي ماستر أو دكتورة تاسعا : توقع كبر العمر لها فيعدل الشاب عنها عاشرا : عدم نفع الشهادة للزوج فلا فرق عنده بين جامعية وثانوي و وماستر إذا كان ليس له اهداف ماليه اخرى وغيرها الكثير فالتعليم جيد لكن لا يغب عن بالك أن دائرة الخطاب راح تقل عن ذي قبل والأرزاق من عند الله وهي مكتوبة فكل واحد سيأخذ رزقه |
اختي العزيزة أمة الله
استخيري الله عزوجل وتوكلي عليه ولا تضيعي سنوات أكثر من عمرك يصير لا إنك تزوجتي ولا إنك كملتي دراستك والله يوفقك ويقدر لك الخير وين ماكان اخوي الناصر 2007 الله يسامحك على هالكلام <<<<< جاها احباط والله من واقع تجربتي أشوف ان الشهادة مالها دخل بالعكس فيه بنات مؤهلهم ثانوي أو حتى متوسط ويشوفون نفسهم على أزواجهم الجامعيين ويرهقونهم بالطلبات ويصرون على شراء الغالي وياما زوجات مو موظفات ومهملات في شغل البيت والعكس صحيح يعني فيه موظفات موفقين بين العمل وشغل البيت من وجهة نظري أشوف ان شخصية البنت نفسها وتربية أهلها لها هو المهم وليس الشهادة تقبلوا مروري |
اللي بيرفض انك تكملي ماستر بديهي بيرفض انك تعملين
|
مين قال إن الماستر بيكون عائق في موضوع الزواج؟
أنا الحمد لله أكملت رسالتي من هنا و انخطبت من هنا يعني في نفس الوقت تقريبا لكن الفرق إني ما عملتش فاصل بين إنهائي الأربع سنوات في الجامعة و تقدمي لرسالة الماجستير لذلك انهيت دراستي و أنا 24 سنة, كذلك رسالتي استغرقت أقل من سنتين. استمري حبيبتي و أكملي دراستك فلن تندمي و إن شاء الله نفرح بك قريبا |
اختي الغالية ..
أمة الله 28 توكلي على الله ، وأكملي دراستك ولكن اصلحي نيتك واجعلي طلب العلم لوجه الله .. وسوف تفتح عليك أبواب الرزق باذن الله .. "ومن يتوكل على الله فهو حسبه" .. وعقبال مانشوفك دكتورة ان شاء الله.. |
اتووكلي على الله وربي يووفقك ويسعدك
|
أيتها الأخت الكريمه عندي سؤال جدا مهم هل الماجستير يتطلب أن تكونين تحملين مرتبة الشرف ضروري جدا
ياليت توضحين لي لو عندك معلومات الله يجزاك خير |
توكلي على الله يا اعذورها و كملي دراستك
و ياليت تعمليها اكثر من درسين في كل فصل , الاربع سنوات للماستر طويلة يا اختي |
أشجعك صراحة
و الزواج أمره بيد الله تعالى توكلي على الله واصلي دراستك.. بعد الاستخارة وفقك الله تعالى |
اعذروها أنا رأيي مايحتاج وأنا أختك مايبيلها تفكير توكلي على الله وان شاء الله تعدين بامتياز..فكره ممتازه أنت :22::22: واتركي عنك:25::25::25: وان شاء الله بعد الدكتوراه :14::14::14: بالعريس اللي يستاهلك وتستاهلينه...
موفقه غلاتي..أتمنى لك كل ماهو أجمل بالوجود..في رعايه الله |
بالنسبة لي أرى
أن الرجل الذي يعزف عني لآني إنسانة طموحة و بحب التعليم رجل لا يستحقني و الحمد لله إنه بعد عني يا حبيبتي الرجال اللي بيحبوا التعليم و العلم هم من سيبحثون عنك قد يتقدم لكِ الجامعيون و من هم يدرسون ماستر و من لديهم دكتوراه أما أقل من ذلك فبالنسبة لي أرى أن الله غني عنهم لا أعرف عنك لكن المستوى الفكري و العقلي من مقومات الزواج لدي و أرى أن الأمر ليس بالهين أبدا كيف تتفاهمين مع شخص تعليم اعدادي أو ثانوي ؟؟ لا أتخيل الوضع الأربع سنوات الخاصة بكل دراسة تنقل مستوى التفكير درجات و درجات الطموح لا يجب أن يرتبط بالزواج حبيبتي بل اتركي الحياة تسير و من يتقدم لكِ فيجب أن يتقدم لكِ لأنه يعجبه وضعك العلمي و الإجتماعي و خطأ أن تقللي من شأن نفسك حتى تعجبي الخطاب ربنا يوفقك |
شوفي يا اعذروها انا لما كنت بالجامعة ما كنت افكر أكمل دراستي نهائيا
لكن لما تخرجت حنيييت للدراسة كثيييير لأني أحب مجال دراستي (علم شرعي) ولله الحمد حتى إني بعد تخرجي كنت أحضر للمحاضرات استماع فكرت بعدها أقدم وكنت مترددة لأني كنت موظف جديدة ما صار لي سنة وصعب أقدم إجازة وانا ما كنت أبي الإجازة أصلا واستخرت ربي وقدمت أوراقي وكان عدد البنات اللي مقدمين ع الماستر واااايد وكلهم متفوقات وعندهم طمووووووح كبير إنهم ياخذون الماستر والدكتوراة أما أنا ما كان هامتني الشهادة بس أبي طلب علم يعني كنت فاقدة الأمل إني أنقبل ومع ذلك انقبلت بتوفيق من الله تعالى ولكن بعدها راودني الشعور اللي إنتي خايفة منه فغالب الشباب ما يحبون وحدة أعلى منهم بالتعليم فكتمت الأمر في البداية فقط أهلي المقربين جدا هم اللي يعرفون والدوام خشيت عنهم ولكن الكل عرف بعدها لأني اضطريت آخذ إجازة دراسية حق الاختبارات وعرفوا بالموضوع وأنا لازلت في بداية مشواري آخذ مواد بالقطارة .. كل اللي معاي سابقيني وانا متأخرة عنهم كثير لأني مو ماخذة المسألة جد بس أبي طلب علم وأشغل وقتي ومع ذلك أحس بضغط كبير دراسة وشغل بنفس الوقت صعبة .. معظم اللي معاي قدموا تفرغ دراسي إذا مو كلهم إلا أنا .. والله المستعان شكلي مارح أكمل خاصة إنه مهنة التدريس تاخذ وقت مني بالتحضير فنصيحتي انج تستخيرين الله تعالى وربي يكتب لج اللي فيه الخير ولازم يكون عندج طموح حتى تقدرين تواصلين لأن دراسة الماستر أصعب بكثير عن البكالريوس وتحتاج إلى صبر وإذا قدرتي تكتمين الموضوع ولا تقولين حق أحد يكون أحسن والله يوفقج |
اياك وتفويت الفرصه
اختي خطوه موفقه واحمدي الله على توفر الفرصه الثمينه لك فوالله كثر هن من يتمنينا الفرصه ولا تحصل لهن والله من اعظم امنياتي اني استطيع اكمال ماستر ادعي لي ربي يفتح علي واستطيع الاكمال |
جزاكم الله خير جميعا
طبعا كل آرائكم مأخوذه بعين الاعتبار بإذن الله وانا استخير في هذا الموضوع وسأسعى وآخذ بالاسباب والله يكتب الخير لنا جميعا |
ادرسي وان جاء نصيب ماراح ترده الدراسة
نصيحه اخويه ادرسي اخوك |
استخيري ثم توكلي على ربك
إذا ودك لا تأجلين أكثر لأن الشروط كل مالها و تصعب الدراسة شيء حلــووو و بمقدورنـا أما أمر الزواج فهو بيد رب العباد سبحانه |
لاتتحكمي بالرزق وتقولي يمتنع الخطاب
فلربما من اول سنة تحضيرية يبلغك نصيبك وانتي ستصبحي دكتورة بإذن الله فتكونين مهدوفة لغرضك ومن الغلط ان تمنعي نفسك من اكمال دراستك من اجل رزق لم ياتي بعد |
اقتباس:
معليش صاحبة الموضوع عن اذنك ابرد على هالحرمة :d لا مو ضروري مرتبة الشرف انا تقديري جيد جدا بدون مرتبة الشرف والخمدالله قبلت في جامعه الامام اهم شي التقدير العام مايقل عن جيد جدا والدورات مفبدة الاختبار التحريري مجرد ماتبدعين فيه وتسهبين بالكتابة اللي تدل على انك مطلعة وواعيه و وملمة بالقسم راح تمشين حتى لو ماكانت اجابتك هي المطلوب بالسؤال لكن انت تملصي من الاجابة بطريقة سلسلة واسهبي ماان تجتازي الاختبار تتساوي مع المجتازين يعني الاختبار ماله درجة انما مجرد اجتياز والقبول يعتمد على المقابلة والنسبة والافضلية اذا كنت تبين اتكلم لك عن المقابلة ابشري من عيوني:11: |
الله يوفقك عزيزتي
,, فكرتك رائعه جداااااااااا ,, توكلي على الله واستخيري قبل كل شئ وعلى قولة البعض ,, بالعكس ستنجذب نوعيه اخرى اليك وهي النوعية الراقية وربما دكاتره ,, أتمنى لك التوفيق |
لا ياقلبي في شي يكون سبب لشي .. طيب ليه ما تقولين ان الماستر يجيب لك عريس بالعكس الحين كثيييير يرغبون البنت المتوظفه ..الله يوفقك .. |
كل ما أشووف هالموضوع أتذكر موضوع لي قبل سنة
و بالأخير درست ولله الحمد الأوضــاع تمآم |
توكلي على الله و أدخلي و إنت مغضمه عيونج
إنت دخلت عشان تعفين نفسك و تشغلين وقتك وصدقيني ربي بيعوضك بالرجل اللي الصالح و الماجستير إن شاء الله بيكون فاتحة خير عليك |
أختي الكريمة
الدراسه شي حلو ومميز وانصحك تكملين دراستك ولكن لابد من شي مهم النيه في الدراسه مسالة ان تقضين على وقت فراغك شي طيب ولكن انوي ايضا ان تنفعي امتك الله يرعاك ويوفقك |
ثبات
مشكورة جدااااااااااااااااااااااااا الله يجزاك خير نفس الشئ كلية التربية وجامعة الملك سعود |
| الساعة الآن 03:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©