عودة الزوج من سفره و الزوجه غاضبة
 

السلام عليكم..اخواني مااطول عليكم ..عندي استفسار وابغى اجابه


اذا الزوج رجع من السفر وزوجته كانت زعلانه ورجع وهي واصله حده بالزعل



يعني لااستقبال ولاغيره لدرجه انها ماتسلم عليه وتصد عنه ودي ادري





وش شعوره كزوج في تلك اللحظه تتوقعون انها تطيح من عينه

عفواً تم تعديل العنوان ليفصح عن المضمون
الإشراف

طيب ياريت نعرف ايش سبب الزعل علشان نعرف
ايش راح يكون ردت فعله من الزوجه

ايوه صح
وش القصه اساسا؟
ممكن توضحي؟

طبعا يا اختي العزيزه اكيد ان هناك سبب للزعل و لكن اريد الفت نظرك لشيء مهم


و هو

انه

مهما كان السبب و ادا كان للزوج دخل فيه او لا او هو كان السبب الرءيسي لزعلك و هوجاي و عارف انك زعلانه و لا هو مش عارف و لا على باله المسكين و لا و لا ولا.....

شيء واحد فقط الزوجه الدكيه لازم تحطه فبالها و هو انه الرجل جاي من سفر و مشتاق لك و لاسرته يعني من باب الاحترام و سمو الاخلاق انك تستقبلي زوجك بكل حب و شوق ا ا بعدييييييييين في ساعه صفا لما يرتاح من تعب السفر .. قولي له كل اللي عندك و بالتوفييق ... دعواتي

خلوسبب المشكله على جنب لانها ماراح ترضى السؤال لو صلحت الحركه هذي راح تطيح من عينه او كيف يكون شعوره

اذا كان الزوج سافر الى بلاديكثر فيها الفساد وهي زعلانة من سفره هل تستقبل الزوج بالفرح والزغاريد مستحيل لانها بذالك تشجعه على السفر دوما

ولكن اذا كان الزعل ماله علاقة بالسفر فالتسامح والصلح وخيركما الذي يبدأ بالسلام

أنا أشوف إذا السبب قوي أفضل إنها ماتستقبله تمام...
عادي تسلم عليه ببرود!!!
ليش ,, عشان مو إذا غلط مرة ثانية وزعلت يروح يسافر ويقول في نفسه أروح أستانس وأرجع عشان هي من حالها ترضى وتستقبلة ولا كأن صار شي!!!!!!!!!!!


طبعا كلامي هذا على حسب السبب من الغضب والسفر

يا الله مريت بالموقف هذا وأمر منه بكثير ... سافرت يوم الاربعاء الصباح لجده وقلت دام بروح جده أخذ عمره وطلعت من البيت بلبس الاحرام واعتمرت ولله الحمد يوم الاربعاء ... وكانت العودة يوم الجمعه العصر المهم يوم الخميس قلت بما اننا في وقت مناسبات وفيه زواج ناس يقربوا لنا وكانت قبل اروح تقول ودي اروح السوق اشوف لي فستان من الجاهزات عشان الزواج قلت يله خلني اروح السوق وأشتري لها قماش وتوديه المشغل بيكون احسن من الجاهز رحت شريت قماش بـ 950 ريال ولا ابالغ ان قلت القماش روعه وعلى ان قيمته مو غاليه مره لكن يعتبر راقي جداً ومتأكد بأنه سوف يكون أفضل فستان بالزواج واشتريته قلت مايغلى عليها ورحت محل اكسسوار وشريت شنطه نفس اللون واكسسوارات ( خاتم واسواره وتعليقه للرقبه نفس اللون لون القماش يعني وقعدت اتخيلها فيه . واخذت هدايا للبنات من سواتش وغيره من المحلات وجا يوم الجمعه يوم العوده واتصل عليها من المطار على الجوال ماردت اتصلت على البت ورد الولد قلت انا جاي على المغرب ان شاء الله ووصلت البيت بالضبط على آذان العشا دخلت البيت عااااااااااادي فقط استقبال الأولاد وهي ما شفتها جلست بالصاله وطلعت الهدايا للأولاد وشافوا الكيس قالوا ايش هذا قلت لأمكم اخذوه ودخلوا الغرفه واسمعهم يكلموها وان بابا جابه لك وانا دخلت الغرفه قلت ابدل ملابسي واخذ شور الا وتقول هذا ليش جبته قلت جبته قالت بكم القماش قلت 950 قالت الحمد لله رب العالمين من قال لك انا كنت اقول لك ابغى اروح اشوف لي فستان جاهز وسعره مايعدى 400 ريال لكن علشان تفتك من روحتي معك للسوق شريته ولا هو من زينه بس عشان تاخذ راحتك تدوج بالأسواق رحت وشريته قلت يعني ماكنت اقدر ادوج بالسوق على قولتك بدون ما اقول لك وبدون ما اجيب لكم شي وبالحاله هذي ماتدرين اني دجت بالأسواق لكن لا شكلي مقدر ادخل السوق الا في حالة اني اطلع مشتري من عندهم لكن القماش زين والا لا قالت لا قلت اوكي خليه بكيسه وأنا أعرف من اعطيه قالت حلوه هذي والله ماتاخذه .... اخذت شور ورجعت للصاله انتظر شاي قهوه مافيه قلت يمكن تبي القهوه بعد الطبخة اللي مسويتها لي على العشا لأنها من العصر عارفه اني جاي ... جلست انتظر العشاء قلت مابدهاش وين العشاء قالت مافيه العيال حطيت لهم سندتشات تونه قبل لا تجي بشوي وانا مالي نفس بالعشاء وانت اطلب لك عشا والا اطلع تعش برا مع انه مفروض مريت على المطعم وتعشيت وانت جاي ..... وكان هذا هو استقبال زوجتي لي بعد سفرية لم تكمل 48 ساعه بين مكه وجده هذا باختصار غيض من فيض يومي ( وانا اكتب الرد جابت لي البنت وجبت العشا طالبن من كودو ... حنا والمطاعم قصه ود لا تنتهي ) قال زوااااااااااااااااااااااااااااااااااج قااااااااااااااااااااااااااااااااااااااااااااال

اشكر الجميع على الردود0000وقصة الولهان شكل هذا الي يبي يصير 000وبيني وبينك الموقف فيه نظر بس لازم يطبق من اجل ان تستمر الحياة

لو سمحتو ابي اسئلكم سوال ليش شبابنا يحبو السفر الي.... بالذات للسهر والوناسة