|
ابي اجابه بسرعه الله يعافيكم..((زيت الخروع لتسريع الطلق))
عندي استفسار عن اللي جربت شرب زيت الخروع في الشهر التاسع يقولون انه يجيب الطلق ويفتح الرحم .... انا صديقتي شربته والحمدلله ولدت نفس اليوم...
المهم انا رحت شريته ومرة متحمسه ابي اشربه عشان ابي اولد وانا اللحين في الاسبوع 38 .. بس لسه ماجاني الطلق والصرااااااااحه مليت ابي اولد ... ماتتخيلون وشلون زهقت ... المشكله انا خايفه اشربه من اللحين ولسه ماجاني الطلق واتعب على الفاضي ... يعني اخاف انه مايسوي شي الا مع بداية الطلق ... للمعلوميه صديقتي اللي شريته دكتورة وقالت لي مايضر ابدا .... افيدوني اليوم وجزيتم خير باذن الله ... ولايتنسوني من صالح دعائكم والله يهون علي وعلى كل حامل . |
الله يهون عليك يارب ويجعلها ساعة سهلة ويقر عينك بابنك / بنتك
|
الله يهون عليك يارب ويقومكم بالسلامه وتفرحي بطفلك وانا اعرف انه زيت الخروع كويس ويولد الله يسهلك
|
بصراحة زوجتي نفس الشي بس اتصلت على الدكتوره وسئلتها عن زيت الخروع قالت لاتستخدميه يمكن يجي الطلق والرحم لم ينفتح بعد ويضطرون لعملية ولاده قيصريه.
|
سمعت والله اعلم التمر يعجل الولاده
|
ياأختي أنا جربته في ولدي الأول بصراحة يشعرك بالغثيان يارب لك الحمد والشكر,,,,,,,
بالإضافة إلى إنه بعد الولادة يسبب غازات بشكل موطبيعى ومحرج جدااااااااااااااااااا,,,, بعدها لم آخذ منه أبدااااااااااا,,,,,, وصدقيني إذا لم يأذن الله له بالخروج فلن تنفع معك اي وصفات إلا بإذنه,,,,,,, أكثري من الدعاء والاستغفار,,,,,,,,,,,, وإنتظري الفرج من الرحمن ,,,,,, ذهب الكثير ولم يبقى إلا القليل بإذن الله,,,,,, أسأله تعالى أن يهونها عليك وعلى كل مكروبة,,,,,,, |
أكثري من أكل التمر لأنه أحس زيت الخروع ثقيل ويثقل على الجبد يعني ماأتصور روحي أشرب دهن أكثري من قراءة سورة مريم والله يقومج بالسلامة...
|
ما أعرف عن زيت الخروع بس حبيت أدعبلك أن الله يسهل لك ولادتك و يعجل لك فيها أن كان في العجلة خير لك
|
مشكورين جميعا على المشاركه .... وجزاكم الله خير على الدعاء ...
المشكله اني اخدت منه بس مااستفدت صار لي اربع ساعات ماخذته ولاحسيت بطلق بس فيني دوخه وغثيان موطبيعي ... الله يهون علي ويعجل بولادتي ... قولوا امين.. |
اختي الله يهون عليك
اشربي دارسين وامشي كثير |
الله يهووون عليك قلبي
سألت امي تقوول يجيب مغص مو طبيعي وغثيان وماينفع سبحان الله كل شي مقدر وبوقته الله يسهل عليك عزيزتي |
بناءا على كلام دكتوره استشاريه كنت اراجع عندها كانت تقول زيت الخروع موزين لان اذا صار طلق والرحم مومفتوح راح تتأذين انتي
كل شي بالتدريج عليج بالدارسين كل يوم شربي قلاص والمشي والله اللي يسهل |
حبيبتي اكثري من اكل التمر وانا سمعت انه شرب اليانسون و الكمون يجيب الطلق .. الله يهون عليكي
|
من اخذته صارلي يومين اللحين ومافي فايده ... تعبت منه كثير غثيان ودوخه موطبيعيه غير الحمام الله يكرمكم كل شوي ...لكن للاسف كل هذا وماجاني طلق .. الله مومقدر لي الولاده في ذاك اليوم .
المشكله اني ماامشي يمكن هذا اللي ااخر ولادتي؟؟؟؟ ولارحت سويت قياس عشان اشوف الرحم مفتوح او لا؟؟؟ دلوني شنو اسوي ؟؟؟ سبحان الله صبرت 9 شهور ومو ابرة اسبوعين او اقل ... |
شوفي هداك الله
الجنين ما يخرج حتى يستوي فانتبه تضري نفسك وجنينك |
روحي شوفي الرحم مفتوح ولا لا
اذا مفتوح 3سم خلاص ولادة وهم يعملون اللازم الله يسهلها |
الله يهون عليك حبيبتي
خلي يجيك طلق من ربك احسنلك وللجنين ونهايه الصبر خير |
لله يهون عليك ولادتك اذا كنتي لم تلدي الا لان زيت الخروع ممتاز ممتاز ممتاز ممتاز اتعب وانا اقول عنه انه ممتاز انا اخذته في ولادتي قبل سنتين وسوف اخذه في ولادتي القادمه باذن الله زيت الخروع الكثير يجهل متى يواخذ وما فائدته عندما تكملين الشهر التاسع يكون بنك اكتمل ووقتها تستعدين للولاده فتاخذينه لنه يسبب مغص اسهال اعزكم الله ومن ثم يهيج عضلات الرحم فيبدا الطلق وينفتح الرحم وهذه فائدته اما من يقول انه وقت الطلق يوخذ فغلط لان مفعوله لا يبدى الا بعد عشر ساعات انا اخذته على دفعات منذ الساعه الثانيه ضهر وبدا الطلق الساعه الثانيه ليلا وولدت الساعه الرابعه فجرا وكانت ولاده سهله بحمد الله وفضله لانه فتح الرحم لذلك انصح به اي ام حامل وقبل بدا الطلق لانه يضل احسن من الطلق الصناعي اتمنى ان اكون افدتك فلا اريد منك سوا الدعاء لي بضهر الغيب
|
حذرت تحذيرا شديدا من استخدام زيت الخروع لتسريع الطلق
|
الله يهون عليك كل شئ ابوقته التمر زين بداية التقلصات مع شرب الدارسين
|
والله أنا شربت الخروع ومشيت كثير ولدت في نفس اليوم وبعض الدكاترة ينصحو فيه والله يهون عليك ويسهلك
|
اختي الحبيبة اختي جربت الخروع الانها كانت دخلت في الشهر العاشر اخذته على جرعتين بوصفة الطبيب الجرعه الاولى ماسوت شي بس مشت بطنها والجرعه الثانية بغت اتموت لان جاها اللم شدييييييييييييييد في بطنها ولا نزل شي اعزك الله فصارت تستفرغ وبعدها داخت وبعدها بدء مفعول الخروع صارت بس جالسة بالحمام والله بربع ساعة قلب حالها لدرجة انا خفنا عليها تولد بالحمام وفعلا ولدت بنفس االيوم بس بعد ماطاح حيلها وراحت كل طاقتها وفي حملها الثاني برضها تأخرة للعاشر فطلب الدكتورة تكشف على الرحم حتى تعرف مفتوح ولا لأ وضغطت على الرحم مره مره وبدأت الالم وطلبت ثاني يوم تراجع وضغطت ثاني بالكشف وولدت بنفس اليوم واختي هذي بمنطقة بعيدة عن اهلي ولبغت تولد تجي قبلها بشهرين والظاهر ان هذا سبب تاخر ولادتها الانها تبعد عن زوجها ومايصير جماع الان اثبت ان الجماع بشهور الاخيرة يسهل ويحرض عليها وهذا اللي سواته الدكتورة من توسيع للعنق الرحم وضغط كان المفروض يصير طبيعي من بعد الجماع. واتمنى تكوني فهمتي ايش مفروض تسوي الان وان كان زوجك مسافر بلغي الدكتورة واطلبي تكشف على الرحم وتضغطه حتى يفتح.والله ييسرلك كل عسير
|
اقتباس:
الله يهون حملج و ييسر و لادتك ..طمنينا عليك |
والله يالغالين اشكركم من كل قلبي على ردودكم... والله يخليكم لي ...
طبعا للحين ماصارت ولاده ... اول مااولد ان شاء الله ببشركم ... بس اتمنى من كل وحده تدخل تدعي لي الله يهون علي ويعجل بالولاده ... |
يقولون الاكل الحار و المشي و الجماع
مجتمعه يسهل الولاده و مثل ما قالت حمامه طيبه توسيع الرحم من الطبيبه يعجل بالولاده الله يهون عليك الولاده وييسرها |
أنا شربت خروع بالليل على الساعة عشرا تقريبا...
وولدت (بأحلى ولد) من بكرة الظهر...الله يهون عليك ويرزقك بالصالح .. |
| الساعة الآن 04:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©