|
هل استسلم ؟ فهي اقل من عادية
وجدت اخرى ونظرت اليها ولكنها اقل من عاديه هل استسلم واتزوجها ام اواصل مسيرة البحث التي استمرت مايقارب ال 4سنوات علما انني نظرت الى الكثير فتارة تعجبني ولايحصل اتفاق وتاره لاتعجبني وتاره لا اعجبها ماذا افعل الاشراف تم تعديل العنوان |
انت ماوهقك إلا
ال (تاره) هاذي!!! ترى الرجل كل ما كبر تقل فرصته بالزواج _ ترى السنين تركض!! |
الله يعينك
|
اقتباس:
انا ماهمني عمري يعني صراحه كلما شفت وحده ولا صار نصيب اتعب نفسيا |
اقتباس:
بس مو كلهم انا رفضتهم باالعكس فيه منهم رفضوني ولا قلت شي اجل وش فايده النظره الشرعيه |
ياخي خل اهلك يقولون المواصفات دقيقه لجل تعرف قبل تروح
مثل الى تقول نحيفه ليه اهلك ما علموك عن نحفها؟؟؟؟؟؟؟ لاتروح للنظره الا انت متاكد 50% من البنت والباقى عليك لكن بعد الاستخاره لا تروح للنظره الا بعد استخاره ودعاء |
مع إحترامي الشديد
المشكله فيك أنت ولا أربع سنوات ونت تبحث ؟؟؟؟ ماذا تريد أن تكون البنت ملكة جمال والله حاله ما أقول إلا الله يهديك ويغفرلك |
اقتباس:
اخي كل شيء من حقك لكن بالمعقول فأنت تختار شريكة حياتك...الله يوفقك |
اخي
اسمح لي ماذا يعني اقل من عاديه؟؟ وماهي مقاييسك التي تبحث عنها؟؟؟ لا تقل لي مقاييس جماليه تلفزيونيه لاني ببساطه ساخرج من موضوعك مسرعه ضاحكه ليس سخرية منك انت بل لانك تطرد خلف السراب حدد مقاييس اخلاقيه لا اقول الشكل غير مهم لكنه ليس كل شي فهناك الاخلاق والتعامل والمحبه والالفه لاتحكم على الامور من هذا المنطلق فانت تظلم نفسك قبل كل شي |
ياناس انا ماطلبت مواصفات خرافيه
كل اللي طلبت ان ارتاح لملامحها علما ان من ضمن من رايتهم ارتحت لهم ولا كن لاحصل نصيب معهم |
اقتباس:
اخي يجب عليك تغيير حجم الخط بردك الآخير حتى يشاهده من يريد ان يرد عليك هكذا (علما ان من ضمن من رايتهم ارتحت لهم ولا كن لاحصل نصيب معهم) والا سوف يكثر النقاش بأنك شخص غير جاد وانك تبحث عن ملكة جمال |
[QUOTE=السهل 20;1937551][center]
ما ارتحت لهذه الكلمة وشلون يعني ياخذ حي الله ؟؟ @@@ ال (حيالله) هاذي رح ينجبر ياخذها لو تأخر فيه الوقت لأن كل ماكبر بالعمر يضطر يتنازل عن اي شروط يبيها في شريكة حياته _هذا اللي قصدته _ |
أخي نصيحة لا تتزوج إلا عن إقتنااااااااااااااااااااااااااااااااااع وراحة,,,,,,,,,الله يوفقك ويسعدك:14:
|
اعرف واحد جنن اهله بالمواصفات اللى يبغاها وتعبو اهله وهم يدورون وكل مره يطلع عيب وفي الاخير اختار هو وحده وتزوجها والمصيبه ما فيها اي من المواصفات الى طالبها وكانت بوصف اهله اكثر من قبيحه لدرجه انهم قاطعوه من الزعل لسنوات لكن الحمد لله صلحة الامور في النهايه وهو عايش معاها مبسوط
اللى اقصده الراحه النفسيه اهم شي وبكره ان شاء الله اذا تزوجتو تشوفها ملكة جمال باخلاقها ومعاملتها الطيبه اهم شي تستخير وتقتنع بقرارك |
طيب شلون يعني اقل من عاديه
لا والله يااخوي لاتوهق عمرك وتوهق بنت النااس وحده مارتحت لها ليش تأأأخذهااا وعاادي الرجل مهما كبر اشوف انه رجل لايعيبه عمررره أنت مااعندك خووات ليش مايدورلك افضل عشان ماترووح ونظره وتكسر خاطر البنت أسال خالاتك عماتك اخواتك قولهم ابي ملكة جمال ..<< وترا ملكة جمال هذي بتكون عاديه بس قولهم ملكة جمال عشان مايوهقونك وبالعكس ماشاءالله تبارك الرحمن البنااااات كثير والجمال اكثر ... لمن جيت اخطب لااخواني وقبلهم خوالي وعمي بعد كنت اتووه واتحير ايت اختااااااااار وألا ليش البنات يحضرون عروووس ومناسبات:29: ....اتمنى لك التوووفيق .... بس الموضوع الجاي نبيه زوواج :30: |
أهلك ماقالولك إنها أقل من عادية ؟؟؟
النظرة الشرعية حلال ولكن كسر الخواطر حرام تحرى وخل أهلك يوصفون البنت وصف دقيق قبل لا تتم النظرة الشرعية .. موفق |
النظرة الشرعية حلال ولكن كسر الخواطر حرام
|
النظرة الشرعية حلال ولكن كسر الخواطر حرام
انتبه اخي واخي هل يهمك الوزن ام الملامح لان في فرق تلك الفتاه لماذا لا تخطبها مره اخرى مادام كانت جميله كما ذكرت لكنها نحيفه ،النحافه كما وضحنا لك في امل كبير تسمن اي افضل تبقى بلا زواج او تاخذ من ترتاح لها وهذه الفتاه من اي ناحيه اقل من عاديه ؟؟؟ احذر اخي ربما تجرح وانت لا تدري من حقك وانا اتمنى لك فعلا ان تجد من تناسبك وفقك الله |
ادعي الله انت رجل والله سبحانه قادر ان يرزقك ما تريد
انت بيدك الخيار لكن الجأ لله ااذا نحن الفتيات ما ذا نفعل الله المستعان |
والله رجال هالزمن ما يعجبهم العجب ولا صيام برجب
مع احترامي لصاحب الموضوع بس لأنه فيه كثير من هالشاكلة يفرفرون بيوت الناس ومن بيت لبيت كأنه رايح لمعرض |
لا حول و لا قوة إلا بالله
أخي هل فكرت في تقديم تنازلات عن بعض الشروط ربما عليك فعل ذلك و مع هذا لا تتزوج بغير اقتناع |
اموووت واعرف ايش المواصفات الي تبغاها..
|
سبحان الله الي يطولون في البحث يتوهقون
بس عجبتني كلمة تاره ياخوي اذا مامدحوها اهلك ليش تروح تشوفها ؟ انا الوالده اذا شافتها مو الي ابي كشكل تقول لاتشوفها ماراح تعجبك ترا عورات الناس مو شي سهل وانا اخوك والحلو مايكمل لابد تلقى شي يخرب والكامل وجه الله فيه ناس وسيمين جدا خذوا عاديات وعايشين مبسوطين مافيه شي اسمه استسلام اذا شي منك عن قناعه ولا لاتقدم |
الزواج رضى وقبول واقتناع.. اذا انت مو مقتنع فيها اقتناع كلي ولا ارتحت لها لا توهق عمرك معاها.. ومن حقك ترفض او تقبل بعد ما يسير تبني سعادت غيرك على تعاستك هذه من حقك .. واذا ماقتنعت فيها لا تجازف.
|
والله ياجماعه البنت ذكي تركت اجمل منها بكثيرررررررررر
ياجماعه انا احب الجمال وهذا زواجي الاول ونا اعتقد فيني مواصفات جيده اني اطلب حلوه وما اقول هالكلام غرور والشئ اللي اخاف اكثر منه اني اوافق وبعدين مايكون فيه حماس للزواج وتصعب طريق الرجعه |
12 بيت!!
والله يااخى الكريم لايعقل هذا الامر.. بالنسبه لموضوعك لااااااااا تستسلم ..اذا ماكان فيه ارتياح وقبول لا تتهور.. هذي حياتكم عشره عمر بارك الله فيك.. |
ابي حل
|
اقتباس:
اقرا على نفسك أو روح لشيخ يقرا عليك أنت تقول ماترتاح مو معقول 12 بنت ولا وحدة ريحتك ملامحها أحيان الزوج يطلب شروط ولكن بمجرد الرؤية الشرعية يرتاح للبنت وينسى بعض شروطه تعوذ من الشيطان وحاول تستشعر قيمة الزواج وأهمية الزوجة وركز على ذات الدين ومارح تندم بإذن الله |
الله يعافي الصالونات والمكياج يمكن يكون هذي احد الاسياب!!!!!!!!!!! في مشكلتك الطافيه على السطح بالوقت الراهن!! ( موبس انت المثقف) والله اعلم |
الله يهديك
بطل تشوف الفضائيات شهر ثم اطلب الرؤية الشرعية مرة ثانيه الجمال مطلوب .... لكن ليس هو العنصر المحدد في الاختيار حسب كلام الرسول صلى الله عليه وسلم ( فاظفر بذات الدين تربت يداك ) فالجمال مهم ولكن الاهم هو الدين ثم ان الجمال نسبي ولن تجد الجميله الكامله ان كان وجهها جميلا قد تكون قصيرة وان كانت سمراء قد تكون طويله وتقول امي حفظها الله ( ما يجتمع زين وصلاح ) فكن معقولا .... حتى تطاع اطلب ما يستطاع ولا تكن مترددا .... فإن التردد ... افة النجاح والله يوفقك |
صلي صلاة الاستخارة
والمهم اسال عن البنت اخلاقها واهلها لان الجمال مع مرور الزمن يذبل لكن تبقى الاخلاق |
’,
اهلا بك اخوي بعطيك نصيحه صغيره جدا جدا اذا بتاخذها لانك تعبت اربع سنوات اقولك لا لاكن اذا انت مرتاح نفسيا لها وعارف اخلاقها زين خذها وماراح تندم الجمال يروح والاخلاق تبقى واسال عن اهلها قبل وبس الله يكتب لك اللي فيه الخير |
اقتباس:
البنت شكلها حبوبه لان جمال لم تجذبني ابدا اخلاقها ممتازه واهلها ممتازين |
اقتباس:
انا مابي ملكه جمال ابي وحده ملامحها حلوه وجسمها وارتاح لها بسسسسسسسس علما ان من ضمن من نظرت اليهم مسبقا وجدت جمال وراحه ولكن لم يحدث نصيب وشكرا |
انا اقول خذ فتره راااااااااااااااااااااااااحه
اقرا فيها على نفسك واكثر من الدعاء وربك كريم |
مسامحة يا خوي بس شكلك تبي حورية من الجنه :( |
اقتباس:
ما دام الدعوة فيها أخاف وتفكر بخـط رجـعـة ... إذا منت متزوج ووضعك وتفكيرك كـذا مجرد ذكرك لهذا الشيء يدل على أمور أنت منت منتبه لها ولا جلست جلسة مصارحة جادة مع نفسك ،،رح خذ لك لفة على مواضيعك ومشاركتك السابقة ، وناظر لها نظرة غير نظرة متوهق بعمره وستجد السبب بين ثنايا ما تكتب ،،،،،،،،، أسأل الله أن يلهمك رشدك ويكفيك شر الشيطان والنفس الأمارة بالسوء أخوك عزوبي:21: بس:d رجل:30: دمتم بحفظ الرحمن |
معقووووووووووووووووووووووووووووووووووووووووووووووو ووووووووووووووولة اربع سنوات ماحصلت اللي تتزوجها ؟؟؟؟؟؟؟؟؟؟؟؟؟؟
وفين كلام الرسول صلى اله عليه وسلم فاظفر بذات الدين تربت يداك........... |
سلاماً من الله عليكم أخي الكريم 1- تناول صفحة بيضاء في يديك 2- قلم 3- عقل صافي 4- أفكار متفتحة 5- تنازلات 6- الابتعاد عن التعقيد 7- ما يرتاحه عقلك وقلبك 8- وقت صلاة الفجر بعد تأديتك لصلاة الفجر ، اكتب في الورقة البيضاء : قُل (*( اللهم ألهمني رشدي وأعذني شر نفسى وأنزع الضعف والخوف عني ولا تكليى إلى نفسي طرفة عين وأصلح لي شأني كله )*) 1- الدين والأخلاق. 2- الواجبات الدنيوية. 3- التفوق الدراسي " المستوى الدراسي " . 4- مشاكل صحية أو عيوب خلقية . 5- الحالة الأجتماعية ، وزملاء العمل والأصدقاء ماهيتهم. 6- العلاقة بالوالدين. 7- نشاطات خيرية أو تطوعية. 8- طموح مستقبلية. 9- اللطف ،الرقة والطيبة. 10- الملبس المرتقي " أي منه ستعرف إذا كانت ممن يتبعلون أم لا ". 11- مناطق التي تذهب إليها " من مجمعات ومحلات للتسوق ". 12- المسؤولية. 13- الشخصية. 14- الهدف في الحياة. 15- مهارة في الطبخ وتنظيف المنزل. 16- ما هو مفهوم الزواج \ وواجباتها نحو الزوج وبيتها. 17- التفهم. 18- الحلم. 19- التوافق بين العمل والبيت. 20- الهوايات. أخي الكريم ، إذا كانت الأمور الحسنة من هذه النقاط تتوافر في شريكة الحياة ، فهل ستضع أمر الجمال عائق في حياتك إلى أن تصل لمرحلة العزوبية؟ ، بما أنك لا زلت شاب وبما ن هناك الكثير من الفتيات على قدر من الجمال لك أن ترتاح لأحداهن وببعض التنازلات لك أن تصل إلى مرادك.. والله ولي التوفيق تحياتي ضيآء القرآن |
الله يكون في عونك أخاف هالبصبصه هي اللي حاستك... تبي القاعده اللي طلعت منها !!! ترا دايم على هالتشرط بتاخذ وحده اقل من عاديه بعد لا تتشرط كثيير أقلها اطلب وحده مملوحه موب تدقق بخشمه وعيونه وما ادري ايش...
خالي من كثر ما يتشرط قلنا حشا هذي ذبيحه صارت هههه واخذ وحده اقل من عاديه !! صديقاتي 2 وحده عاديه ووحده شييينه بتقدير الجميع كل وحده زوجها أحسن من الثانيه!!! من جد ( يدي الحلق للي بلا ودان) بس أخيراً لا تاخذه اذا ما اعجبتك بس اختار زين المره الثانيه وترا البنات اذا انت سعودي عندنا والله فيهم جماااال وراح تلاقي.. بس طمنا وش يصير معك وحط صورتك عشان نشوف تستاهل زوجتك بالمستقبل انك تبحث عنها 4 سنين:d |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©