|
عمة زوجي تطلع على خصوصياتي ..
السلام عليكم ورحمة الله وبركاته ..
بستشيركم بـ مشكلة صارت لي ولاتبخلون علي بـ إسدال النصائح .. زوجي آمس كان بيسافر للشرقية .. وطلب مني آني أروح آجلس طول اليوم ببيت جدته (لابيه) قلت طيب ..ورحت والبيت كان فيه جدته وعمته عمرها 29 ماتزوجت .. وآخذت لاب توبي معي .. بعد ماوصل زوجي وخلص آشغاله آرسل لي مسج ( آفتحي المسن ) وآول ماسمعت عمته جوالي قامت وفتحت جوالي وقرت المسج وراحت افتحت لاب توبي وقالت لي تكفين تعالي افتحي آيميلك .. قلت ليش .. قالت بس بشوف المتصلين الي عندك.. قلت شوي وافتحه عشان آجلس معك .. قالت يالله (تضايقت مني ) بعدين رجعت بفتح آيميلي وبجلس معها.. وقالت شوي آبي اللاب توب وبعدي عني وبعدت عنها .. وبعدها آفتحت الايميل وحصلت زوجي .. وهي قامت وكلمته وقلنا آسرار خاصة فينا .. وبعد ماخلصت قالت آبي اللاب توب قلت دقايق .. ورحت لسجل المحادثات بمسح المحادثة .. وحصلتها مسوية رقم سري على سجل المحادثات !! وسآلتها قلت سارة منو مسوي الرقم لسجل المحادثات .. قالت آنا .. قلت ليش .. قالت بقرى محادثاتك ..قلت ويش محادثاته ( وصرخت عليها ) .. قالت إلي كلمتيهم .. قلت ماكلمت الا زوجي وماابيك تقرين المحادثة .. قالت لا عادي نقرى ( قتلتني ببرودها ) .. وبعدين سويت للاب توبي رقم سري .. ورجعت قالت آبيه .. قلت آنسي .. وتجي تسوي حركات تبي تضحكني عشان آفك آيديني وتاخذ اللاب توب وبعدها صرخت عليها .. وبعدين سآلتها آمها قالت من تصرخ عليه هناااوي قالت علي قالت هذا جزى إلي يحشمها ويدخلها بيته تلوسن على بنتي والبنت عادي ماقالت شيء لانها تدري آنها غلطانة .. آنا بعد ماسمعت هالكلام طلعت منهم .. هل آخبـــــــــر زوجي ولا لا ..؟؟ وزوجي مستحيل يسكت ..؟؟ وزوجي من النوع إلي آتق شر الحليم أذا غضب .. ويش رايكم بهالحركة تفتح الجوال وتسوي رمز لسجل المحادثات .. |
لو انا مكانك
ايوه بقول لزوجي على كل شي صار حرفيا عشان يشوف حل كل شي ولا خصوصياتي احد يشوفها |
ضرورى تخبرى زوجك
لانه ممكن كان قال لها كلام سر على اساس انها انتى بالمسنجر |
اقتباس:
على قولتك كل شيء الا الخصوصيات .. مشكورة .. |
اقتباس:
ماكلمها بالمسن انا فتحته وجلست .. |
اختي هناوي اذا تشعرين انه راح تصير مشكله بين زوجك و عمتة .. فالافضل انك تعدي الموضوع.. مره ثانيه لا تاخذي اللاب توب معك .. مو كل شي ينقال للزوج ... حاولي انك تتصرفي بحكمه و بنوع من الحزم عشان مره ثانيه ما تتصرف عمة زوجك معك بهذه التصرفات الطفوليه و تعمل لك حساب .. الا اذا زودتها عمة زوجك ذيك الساعه قولي لها راح اخبر زوجي يمكن ترتدع .. |
لازم تعلمين زوجك لان في نقطة ماعملتي حسابها انو اكيد جدته راح تشكيله منك فاخبريه بدل ماهو ييجي يسالك
|
اقتباس:
كيف آتصرف معها .. هم مايحترموني ومايطيقوني لانهم كانوا يبون زوجي لبنت ولدهم ..؟؟ وانا خايفة آسكت تزودها .. آو آخبره تكبر المشكلة ..؟؟ محتارة .. |
هنااوي,,اولا لايحق لها او غيرها ان تطلع على خصوصياتك انت وزوجك.. اغراضك هي لاستخدامك الشخصي انت وفقط..و نبهيها لهذا الشئ...بعض الاشخاص عندهم مرض بمعرفة ما يدور بين المتزوجين.. ...و بالمناسبة..يجب ان تطلعي زوجك (زوج هنااوي) على ماحدث لانه سيقرأ ما كتبتيه هنا :d..و سيسألك لماذا لم لم تخبريه
|
اقتباس:
والله جبتيها .. وهي على آي زلة تتصل .. |
اقتباس:
لو نبهتها ماينفع معها هي من النوع الي تدخل كلام وتطلعه مايهمها مهما قلت .. بالنسبة للعضو زوج هناااوي بيندفن الموضوع ماقراه مايدخل منتديات ابد الا هذا المنتدى بالكثير مرة كل اسبوعين عشاني بس .. مشكورة .. |
أخيه هناوي..
الله يسعدك...ويبعد عنك الهم....أنا مع من يرى أن تخبري زوجك..بالموضوع بلطافه... فعلمه بالموضوع منك أفضل من أن يسمعه من الجده...واطلبي منه بدوره تهدئة الوضع...وكسب الجده |
اقتباس:
امين يارب وياك .. رآيك على حق .. وفقك الله .. |
بسم الله عليك ياهناااوي
اقترح ان تخبري زوجك بنفسك لان الاهل لهم تاثير على ابنائهم مهما كان......... الله يتمم سعادتكم ويبعد عنكم الحساد |
بسم الله عليك ياهناااوي
اقترح ان تخبري زوجك بنفسك لان الاهل لهم تاثير على ابنائهم مهما كان......... الله يتمم سعادتكم ويبعد عنكم الحساد |
تبين الصراحة الموضوع مايستاهل انك تقولي اصلاً لزوجك وتوجعي راسه بمشاكل مالها داعي
لسه القادم مذهل اكثر من مشاكل اهل الزوج واقاربهم وعشان كذا ياختي حاولي تغطي على امورك وعامليهم بدبلوماسيه عاليه جداً عشان تتكفي وجع الرأس والمشاكل |
اقتباس:
وانا برأيي تقولي لزوجك بس مو على شكل شكوة تقوليله تصدق عمتك اليوم مادري شصاير بمخها و قوليله القصة كاملة بدون ما تعصبي حتى يكون عنده علم بالسالفة اذا احد كلمه و بنفس الوقت اسلوبك ماراح يستفزه لعمل مشكلة لان شايفك هادية |
اقتباس:
احسن تكون منك ولا تجي من غيرك |
مو زوجك عضو في المنتدى
اكيد بيقرا يعني |
علميه كل شي
|
سلاماً من الله عليكم أختي الكريمة يفضل أن تخبري زوجك بتفاصيل الأمر بهدوء وبالابتعاد عن التكلف ، أي لا توضحى له استيائك فقط خبريه بالموضوع وانتظري ابداء رأيه فيه ، بهذا سيعلم بالأمر وفي نفس الوقت لن تحدث مشكلة أو حزازية لسوء التفاهم بينك وبينه ... وإليك نصيحة لا تتخاذلي أو تتساهلي في إخبار زوجك أو اطلاعه على أبسط الأمور فهي في النهاية مركز المشاكل والتعقيد بين الزوجين والله ولي التوفيق تحياتي ضيآء القرآن |
اقتباس:
كيف يااثرون عليه من اي ناحية ..؟؟<< خافت اميييييين مشكورة .. |
اقتباس:
كيف يااثروووووووا عليه ..؟؟ اااااامين .. مشكورة .. |
اقتباس:
في مشاكل اكبر من انهم يطلعون ع الخصوصية ...؟؟؟؟ يسلمو .. |
اقتباس:
لان زوجي طلب مني ومو معقولة اقطع فيهم .. وفكرتك حلللللللوة .. |
اقتباس:
اخيرا فهمت كيف التاثير .. بس حبيبتي زوج هناااوي مايدخل المنتدى بيندفن الموضوع وهو مادخله .. مشكورة .. |
اقتباس:
الاموجود بس بنيدفن الموضوع ماقراه .. |
اقتباس:
مافي غير كيذا .. |
اقتباس:
حبيبتي كلامك عين العقل .. يسلمو ماقصرتي .. |
مادام انها ماشافت المحادثات الخاصه
خلاص انتهى الموضوع والله سالفه ماتسوى عديها واذا هم خبروه وضحيله انتي السالفه عالاقل ماراح يقول عنج تدورين مشاكل |
اقتباس:
بس اخاااااف يتمادوووووووون علي بحركاتهم .. |
هلا هناوي لا تسكتينن على الموضوع والله قالت حياء لوانا بمكانك كان خبرة زوجي
|
اقتباس:
مافي غير كيذا بس الله يرد لي زوجي بالسلامة .. |
بلغي زوجك وريحي رااااااسك
علشان يكون بالصوره عالاقل يعرف حتى لو لم يفعل شي |
اقتباس:
بس اخاف ما يسكت .. |
بصراحه تضايقت على اللي صار لك
لوصار لي والله ماخليها خير ان شاء الله هذي خصوصيات اذا شنطتي ماارضى احد ينبش فيها فكيف بجهازي اه ياصبرك تصدقين حتى اجهزة خواتي اذا جيت استخدمها لازم استاذن ولا احب اتصفح كل شي لانه مو جهازي فاكيد بستحي نصيحتي لك خبري زوجك وبس |
اقتباس:
انا نفسك مااحب انبش حق احد .. خبرت زوجي ع اساس انها سالفة بس .. ويقول بكرة يصير خير .. |
جا بكرا كثير وماعرفنا التطورات قولي لنا وش صار ترانا معك..
|
اقتباس:
ياقلبي قلبك معي الله يفرح قلبك .. آتصل زوجي على عمته وقالها كم الرقم ومن سمح لك تسوينه قالت استهبل على هناااوي قال هبال تطّلعين على خصوصيات هناااوي مانبيها وقالت له الرقم حق سجل المحادثات وانفتح .. وبعدين اتصلت جدته عليه تقول ليش تهاوش عمتك اكبر منك عشان كمبيوتر وصااحت وقالت تعال عندي ابيك قال بيت هنااوي مطرودة منه ماادخله وصااحت حبتين عليه وانا جدتك وكلااام وراح لها وعمته ماطلعت له ... وهذا الي صااار .. ومشكورة يااقلبي ان بالك معي الله يوفقك .. |
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©