|
السكن مع أهل الزوج
السلام عليكم ورحمه الله وبركاته
اخواني واخواتي انا محتاره وامي خوفتني اكثر انا راح ادرس بمنطقه تبعد عن منطقه اهلي ساعتين وزوجي يبيني اسكن مع اهله انا وافقت بس امي قالت لي راح تصير لك مشاكل كثيره وانا قلت لزوجي لاتجبرني على مكياج او عطورات وحركات رومنسيه بما اني بسكن مع اهلك وموجودين اخوانك الاولاد يعني زينتي راح تكون حرام بما اني اتحجب عن اخوانك كمان في نقطه متخوفه منها اخت زوجي ملقوفه بدرجه جنونيه وتسبب مشاكل حذرتني منها زوجة اخو زوجي وعلمتني المشاكل اللي سوتها معها وانا قلت لزوجي اذا بسكن مع اهلك لايجبروني لوقت معين للوجبات او يجوا يدقوا علي باب الغرفه ويطلبوا مني اجلس معهم انا متعوده ع الحريه اذا حبيت اطلع اخذ اذنك انت ماراح اخذ اذن اهلك مايجبروني على شي كل هذا موافق عليه زوجي عشان بس لا اسكن وحدي بشقه انتوا وش رايكم بصراحه دايم اسمع عن مشاكل سكن البنت مع اهل زوجها |
بغض النظر عما ذكرتيه ..اختي الكريمة..استوقفتني عبارة
اخت زوجي ملقوفه بدرجه جنونيه وتسبب مشاكل حذرتني منها زوجة اخو زوجي وعلمتني المشاكل اللي سوتها معها نصيحة..لا تدعي مشاكل سلفتك (زوجة اخو زوجك) تؤثر على علاقتك باخته...فلا تنسي هي اخته..و عمة اطفالك.. و لا تدرين ما حصل بينهما..و ما الذي جعلها تقول مثل هذا الكلام.. فاعلمي الناس تختلف بطبائعها..و بعضهم يقول مثل هذا الكلام ليظهر بانه الجانب الحسن..و الشخص الآخر هو الجانب السيئ..(انا لا اتكلم عن سلفتك و لكن بشكل عام ).. و ما تسمعيه عن مشاكل يختلف من بيت لبيت..على حسب طبيعتكِ انت و زوجك..و طبيعة اهله.. |
الله يعينك بس انا ما اايد لانه مهما كان راح يكون فيه حساسيات ومشاكل الاهل يتذمروا من بعغ مو اهل الزوج
|
اقتباس:
انا ما اعتمدت على كلام زوجة اخو زوجي بالعكس انا جتني منها مشاكل اعظمها انها اتصلت على زوجي وقالت له اني احب اخوه تخيلوااا صحيح انها البنت الوحيده عندهم واخر العيال بس ماقبلتها منها وسويت معها فوضى وكلمتني امها وقلت لها انا زوجة اخوها ولي احترامي على فكره البنت عمرها 12 سنه بس عقلها كبير |
اقتباس:
بس في نفس الوقت ابي اراعي ظروف زوجي وبالذات انه مايبي يستاجر شقه ايجارها 23 الف ريال وهو راح يجي بالشهر بس اسبوع |
نصيحة اخوية رح تتذكريها لو عشتي معهم
ابش ما كانوا اهل زوجك طيبين معك... توقعي حدوث مشاكل معهم التدخل بالخصوصيات لا بد منه حتى لو قالولك مالنا بيكي شغل يقول المثل(ابعد تحلا) الاحتكاك معهم رح يسبب مشاكل... فلانة نظفت بالبيت .. جلت الجلي ولا لأ ... غسلت ... جاملت ضيوفنا.... الخ من المشاكل التي لا تنتهي والتي من الممكن ان لا تعيري لها اهتمام... وهما يبهروها ... هذا اذا ما تدخلو بينك وبين زوجك ... وممكن اكثر اذا بتقدري تضلي ببيتك ضلي اريحلك واريحلهم |
اقتباس:
زوجي بعيد عني المسافه بين المنطقه اللي حنا فيها ومكان عمله 8 ساعات ومو راضي اسكن بشقه لحالي |
الباب الي يجيك منه ريح سده واستريح
|
اختي اذا عاملتي اهل زوجك و كأنهم اهلك فأهنئى براحت البال
|
انا كنت اضحك معاهم واشرب معاهم واكل من نفس الصحن معاهم بس ما كنت ادري ان نيتهم عليه خبيثه .. كنت اسولف معاها حياتي ما سولفت مع امي بهالطريقه عاملتها مثل امي والفنهايه اكتشف انها سبب فخراب بيتي واحاول ان امسك زوجي بضروسي والله نفسيتي تعبت
|
اقتباس:
|
اقتباس:
امي اللي هي امي تغار بعض الاحيان من معاملتي الحسنه معاهم لاني بعض الاحيان اروح معهم وابقى اسبوعين او شهر عشان يشبعوا من بنتي الخوف مو من امه او ابوه والله انهم ينحطوا ع الجرح ويبرا الخوف من اخته |
اقتباس:
انا خايفه من اخته ومن المشاكل اللي تسويها |
انا لو مكانك اشتري راحة بالي خليه يستاجر شقة ب 23 الف اذا هو مقتدر ولا تبغين توفرين عليه على حساب راحتك وحياتك!! كلامه الحين كل شي يقولك ايه بس عشان تسكنين وبمجرد ما تسكنين بيتغير كل شي وتذكريني..
ما اشوف فيها شي تسكنين بشقه انتي وبنتك وهو يجيكم كل ما سنحت الفرصة ترا راحة البال مالها ثمن.. |
خلك بعيد حبك يزيد..
|
اقتباس:
بس يقول لي كيف تسكنين بشقه لحالك شهر بدون رجال هو يقول لي اول ماينقلوني راح نطلع |
اقتباس:
|
طيب يعني مالقيتوا شقة ارخص من هالسعر
معققولة .. عموما ..حتى لو كانوا طيبين توقعي المشاكل هي طبيعة العلاقة كذا حساسة غصبن عليك بتنتقدينهم وغصبن عليهم بينتقدوك .. الله يعين كل وحدة عايشة مع اهل زوجها وإذا انتي معتقدة ان سعادة زوجك إذا سكنتي مع هله فأنتي غلطانة مليون في المليون سعادته بتكون براحة بالك انتي لو ماكنتي مرتاحة ماراح تريحيه على فكرة ان اقول هالكلام كله وانا مو متزوجه بس من اللي أشوفه حولي |
يالله مرة مرة كبروا الموضوع ...
اختي العزيزة خذي الموضوع من جميع الجوانب... السالفه موسالفة ايجار غالي اورخيص ... تخيلي نفسك ساكنه لحالك بدون رجال ولمدة طويله والكل عارف ان ماعندك رجل في البيت ..كيف ممكن تعيشي بامان؟؟؟ الشي الثاني .. وين تخلين بنتك الصباح ؟؟؟؟ اي احسن تامنيها مع شغاله مع العلم ان الشغاله بتكون عارفه ان البيت مافي رجال وبتكون عارفه مواعيدك ..والله العالم ايش ممكن تسوي ؟؟؟ وله الاحسن انك تخللي بنتك في بيت اهل ابوها معززة مكرمه ؟؟؟ بعدين يااختي ليه خوفوكي من اهل زوجك لهذي الدرجه الناس موحووش ... في البعثات التعليميه يسكنون مع اجانب فترة معينه لين يخلصون دراستهم ... يعني يعيشوون مع اغراب مومع اهل اغلى الناس عندك ... وانتي اصلا ماشفتي شر منهم ... بالنسبه لاخته لايهمك منها ... خليكي مع ام زوجك وابوه ومالك شغل بالباقي ... حاولي قد ماتقدرن ماتطلع منك الزله ... وان شاء الله ماتطلع لانك اصلا مبين من كلامك ماشاء الله انسانه فاهمه . وفي النهايه احس ان موقف زوجك محرج ان زوجته تسكن برا ولحالها وبيت اهله مفتوح ... وفي اسوأ الفروض لوظليتي فترة ولقيتي انك موسعيده ولامرتاحه ذيك الساعه حاولي تطلعين من عندهم على خير وبدون مشاكل ... وبشريني عنك ... |
من الاخر ..
انتي راااااااااااااااااح تتمشكلين معاهم كثير .. مو لشيء .. الا الان هالافكار براسك .. وانتي متأهبه للهواش .. خليك ريلاكس .. وصامته .. وترتاحييييييييييييييين |
حتى لوكنتي كافيه خيرك شرك لابد من المشاكيل وقيل وقال وحش
وتشييش الزوج وبلاوي متلتله ماندري عنها |
طيب أجلي سمستر لحد مايضبط وضع زوجك ونصيحه لاتسكنين مع أهل الزوج ...
|
اقتباس:
وتحبني بدرجه جنونيه ودايم تقول لي فهمي بنتي المجنونه لانها بسن المراهقه وتحاول تلفت الرجال باي شكل:29: لدرجه انها دايم تقول لي زوجتك ولدي واخذت بنت اختي لولدي الثاني بنت اختي ماتسوي لي اللي انتي تسويه تكفيني هذه الشهاده |
اقتباس:
راح اسكن بنفس العماره اللي فيها اخوي واما للبنت كل يوم راح اوصلها لجدتها وبعدين ارجع اخذها لان زوجي رافض مبدا وجود شغاله بالبيت |
اقتباس:
|
اقتباس:
لان ام زوجي حنونه وماتتدخل بحياتنا لدرجه اذا احنا البنات فتحنا موضوع نحش فيه وحده سكرت علينا الموضوع وقالت هم حريين بحياتهم عشان بتتدخل في حياة ولدها |
اقتباس:
انا موافقه على جلستي معهم |
حبايبي
جديد التطورات البارح سئلني زوجي اذا كنت موافقه على السكن او لا حاولت اوضح له اني مو موافقه والسبب اخته بس قال لي اذا ماتبي تسكني معهم اجلي دراستك الصراحه انا اجلتها بمافيه الكفايه وافقت بس طبعا بشروط وهو وافق عليها وقلت له اي شي يصير بيني وبين اختك انت ماتتدخل قال لي ان شاء الله |
الله يعينك يا اختي واسالي اذا عنده استطاعه تسكنوا برا فهوا الافضل
وبالتوفيق |
اقتباس:
ومهما شفتى من سوء من اهل زوجك لا تذكريه لاحد من اهلك او للناس |
شوفي يا حبيبتي
انا ببيت واخوي ببيت واصبحت المشاكل بيني وبين زوجي بسببه المشاكل لابد منها بس انا قررت اكبر دماغي واطنش والله يعين |
خذي الدنيا بساعة صدر كل هذا عشان زوجك ويقول المثل<لجل عين تكرم مرج اعيون>
|
| الساعة الآن 03:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©