|
ما هي الفترة المناسبة لإنجاب طفل آخر ؟
السلام عليكم و رحمة الله و بركاته
سؤالي ليس بشخصي و لكن للعموم جميعا و هو اذا فكرتم بانجاب اطفال بإذن الله فما هي الفتره المناسبة لانجاب طفل آخر؟ يعني مثلا وحده عندها طفل 6 شهور و ثم حملت بالاخر و و احده عنده طفل سنتان ثم حملت... و غيرها 3 سنوات و إلخ..... بعض النساء تقول الافضل التأخر و البعض تقول ( احسن اطفال ورا بعض). ما هي الفتره المناسبه او العمر المناسب للطفل حتى انجب طفل اخر؟ و هل يؤثر ذلك في التقصير بتربية الابناء؟ و كيف تكون تربيتهم؟ عطوني ارائكم عموما و افضل ايضا رأي المجربين اكثر. شكرا عفواً تم تعديل العنوان ليتضح المضمون الإشراف |
موضوع مرررة حلوو
ننتظر الاراء |
لدي ولدين الأول مولود في 2004 والثاني 2007 فرق جدا مناسب..
|
حلاتهم ورا بعض
ولدي الاول الفرق بينه وبين الثاني سنه طبعا من غير قصد صارت وكنت احاتي هالشغله بس الحمدلله بربيتهم والعنايه فيهم وناسه _ حلو تشوفين عيالج قريبين بالعمر ويتربون مع بعض الله يحفظهم |
اعتقد ان فيه حكمه الاهيه من كون الرضاعه الطبيعيه مدتها سنتان وتعتبر مانعه للحمل
من هنا اقول لك المفروض ان الوحده ماتحمل قبل يكمل طفلها سنتان لانه طول هذه الفتره بحاجه الى امه بكل ماتملك من صحه وحنان واهتمام وكلنا نعرف ان الحمل بحد ذاته بحاجه الى جزءكبير من صحة وطاقة الام |
شكرا لكم
و انا معك في الرأي يا زهرة نجد و لكن اريد ارآء بادره من واقع التجربه يعني انا ما اتخيل لدي طفلان الفرق بينهم قليل و اهتم بهذا و هذا مريض و تغير حفاظه و الثاني نعلموا عالحمام و حراره مرتفعه و تطعيمات و غيره و غيره ... عالاقل يكون واحد يكبير شايل عمره و الثاني ابدي اهتم فيه .... ( هذا تفكيري و لكن اريد الواقع ) ممكن تلد المرأه طفلان في سنه و احده ولا تجد في ذلك اي مشكله ( مو سنتين رضاعه و غيره من هالحكي و تكون في افضل صحة!) الي محيرني المفاريض شيء و الواقع اسياء و اراء .. اريد ليس فقط اراء و لكن ايضا مواقف حلصت لهولاء. هههمممممممممممممممم !!!!!!!!! |
انا افضل يكون الفرق سنتان
عشان الطفل يأخذ كفايته من الحب والحنان والرضاعه |
أفضل شي عزيزتي كل سنتين لك ولطفلك تكونين انتي استرديتي صحتك ويكون طفلك كبر شوي حتى اذا انجبتي المولود وشافه ما يتاثر كثير وتقدرين تهايئينه اما اذا كان اصغر ما يفهم ويمكن يتاثر نفسيا
|
يعني قصدكم بعد السنتين حمل ام اذا صار عمر الطفل سنه و ثلاث شهر مثلا على ما يجي الطفل الثاني يصير سنتان؟؟؟؟
شيء جميل بدت تطلع الاراء المشرقه شكرا كملوا معي و اذا اردتم النقاش فالساحه ساحتكم :) |
[info] عفواً يُنقل الموضوع إلى عالم التربية و الحوار الأسري حيثُ مكانه الأنسب[/info]
|
الفرق بين الطفلين يفضل أن يكون سنتان لكي تتهيأ الزوجة للحمل الثاني وتسترد صحتها وعافيتها ولكي يأخذ الطفل الأول حقه الكامل من الحب والحنان والدلال والتربية الجيدة
|
عزيزتي انا عندي طفلين بينهم سنتين ونص واحس الفرق جدا مناسب
اما اختي ما تحمل بالطفل الثاني الا لما يكمل الاول ثلاث سنوات تقريبا واحس الفرق بينهم شوي كبير صحيح اريح كثير للام وهم صغار بس ما بدو ينسجمون مع بعض الى في فترة المراهقه بالرغم من انهم بنات اما اختي الثانيه فبالغلط جابت بنتين بينهم سنه وثلاث شهور وتعبت كثير في حملها وفي صغرهم وحتى الان تعبانه منهم وتعاملهم مع بعض اكثر من اخوانهم الثانين بالرغم من انهم الان وحده يتكمل الخمس سنوات بعد شهر والثانيه ثلاثه ونص والى الان متعبينها |
أنا عندي بنتان والفرق بينهم سنه صراحه الوضع جدا متعب بذات في البداية وكلما كبروا أحس التعب يخف
بس الحلو في الموضوع أنهم كأنهم صديقات دايم مع بعض كأنهم يونسوا بعض وأن نامت وحده طفشت الثانية لكن الى مايصير تقصير في التربية وحتى يصير تقصير في الحنان يعني أحس أنسب فرق سنتان ياخذ الصفل كفايته من الرضاعة الطبيعية وهي أهم شي |
انا لما جبت ولدي الثاني كان باقي للأول شهرين ويكمل ثلاث سنوات
وتربيتهم والاهتمام فيهم صعب في هالفتره واقتنعت ان هالفتره ماهي كافيه و بعد عون الله أفكر أحمل لما يجي لولدي 4سنوات .وحتى زوجي معاي في هالشي يقول لسى الولد صغير عمره الله يحفظه سنتين وثمان شهور. وفي الاخير هذا كله بيد الله عز وجل والله يكتب اللي فيه الخير |
آنه ولدي لما صار عمره سنة وشهر حملت في الثاني وآنه أحس أنه لما أنجيبهم ورا بعض نكون أحنه منغمسين في التعب فنتعب مره وحده ويكبرون مع بعض آنه أمي جابتنه كله وره بعض وحلو انه يلحقو على بعض في المدرسة كل واحد يهتم في أخوه والكبير يهتم في أخوه الصغير ويدافع عنه في المدرسه وقت الضرب:)
الله يقومني بالسلامة إن شاء الله وأجرب أشلون تربية طفلين مع بعض ويمكن عقب الولادة تتغير نظرتي وأخلي الثالث بعد عشر سنواات..مشكورة أختي على طرحج لهذا الموضوع فعلا يحتاج إلى نقاش ونبي نسمع آراء الجميع وعن تجربه علشان نستفيد |
السلام عليكم ..
افضل ان يكونوا اثنين بينهم سنتين الى سنتين ونص ... وبعدين استنى خمس سنوات وجيبي اثنين كمان بينهم سنتين .. هذا اللي افضله ...والله يعطي الجميع الصحة والعافية لتنفيذ هذه الخطط دمتم في حفظ الرحمن ,,, |
انا كمان اشوف سنتين مناسب
والله اعلم |
على راحتك لو بعد سنه من الطفل الاول
|
أنا أرى أنه لابد أن يكون بين الأطفال فترة أقلها سنتين بعد تجربتي في بناتي الله يحفظهم الفرق بينهم سنة ونصف يعني حملت وبنتي الأولى عمرها 9شهور وصراحة عانيت معهم كثييييييير في تأكيلهم وتنويهم وتغيير الملابس والحفائض (أكرمكم الله) أما السفر فحدث ولاحرج من المشقة والتعب وووو
وبعد ما كبروا شوي (4سنوات ونصف /3سنوات )أصبحوا الله يحفظهم أشقياء للغاية لإنهم يقلدوا بعضهم و صار فيهم عناد شي غير طبيعي فقررت أني بعد كذا أخذ درس ولا أحمل إلا بعد فترة عشان أقدر أربيهم وأعطي كل طفل حقه .....وفي النهاية كلها أقدار وأرزاق لايد لنا فيها والله يكتب لنا وللمسلمين مافيه الخير ويارب أصلح لي ذريتي وللمسلمين ذرياتهم |
شكرا لمشاركتكم
و الله الاراء حتى الان تتفاوت بين السنين الى الثلاث و البعض قال ان التعامل مع طفلين صغار متعب جدا و السائد ان يبدأ الحمل بعد السنين ! حتى يأخذ الطفل الاول كفاتيه من الاهتمام و الحب و الحنان. و لكن قولوا لي: هل مسألة الحمل في الثاني مسألة قرار و خلاص ام مسأله يراد لها تهيئه؟ حيث ان هناك بعض النساء لم يشعرن بأنهن ارتحن من الحمل الاول اصلا؟ وقد يتأخرن اكثر من 3 سنوات؟ و ما نظرتكن لهن؟ و سؤال للرجال كزوج : هل عندك مشكله في الانجاب المتتالي ام بفترات؟ و هل تجد ان تعب الام عذر مناسب للتأخير؟ هل تقدر ذلك و تحترم رغبتها؟ و ايضا سنناقش: ان الانشغال بالاهتمام بالاطفال خصوصا اذا كانوا صغار يؤثر بعلاقتك بزوجك بحيث يظن ان لاوقت لديك له؟ و انك مقصره بحقه؟ و انت كزوج هل كثرة اهتمام و انشغال المرأه باطفالها تطفشك و تجعلك تغار؟ |
الافض
|
ما في احد يشارك و ينفعنا بخبرته؟
|
صراحة موضوع جه بوقته
انا عندي طفلين ربي يحميهم ويخليهم ويجعلهم بارين النا وجميع اولاد المسلمين الولد صف ثالث والبنت السنه صف اول في فرق 3 سنوات لكن انا متوقفه الان من خمس سنوات عن الحمل والان الاهل والاصدقاء وكل من حولي يطلبون مني الحمل وانا محتاره ايام اقول يكفي وربي يخليهم ايام اقول يلا كمان سنه وصدقا محتاره هل اتوقف عن المانع واحمل او ارضى بنصيبي مع العلم ان زوجي معي باي شيء ااطلبه ولله الحمد انتوا ايش رايكم |
اقتباس:
الله يخلي لك عيالك انشالله بس 5 سنوات فتره طويله اذا حاسه نفسك و مستعده لطفل اخر احملي احسن لان عيالك ماشالله كبار شاركونا يا اعضاء و اقرؤا الردود و الاسئله و ناقشونا! |
بصراحة احس ان الفترة تكون من ثلاث لاربع سنوات مررررة حلوة على مايتعود الولد عالحمام ويلبس لحاله وياكل كل شئ معانا ويتكلم ويفهم وترتاحين شوي من الحفايض والرضاعات بعدين يجيكي الثاني وانتي مشتاقتله وماخذه راحتك من قبل ومايكون عندك الا هو وطفلك الاول راح يساعدك شوي اذا وصيتيه يجيب حاجة من المطبخ او الغرفة او يجلس عند اخوه شوي لما يكون عندك شغله بسيطة مثلا بتروحين الحمام الله يكرمك او بتغسلين رضاعاته
انا ان شاء الله وباذن الله راح اسوي كذا لاني الصراحة ماعندي احد يساعدني بالمرررررررة وولدي الشهر هذا بيكمل سنتين ولسه ماتعلم الحمام فصعب احمل في الوقت هذا |
| الساعة الآن 01:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©