|
تمت الشوفه ولله الحمد
تعرفون بناتنا في الشوفه الشرعيه
ماتقدر تاخذ منها حق ولا باطل عساها ترد السلام وتقولها كيف الحال تسمع كلمة(طيبه) خافته جدا وبعد كذا يصير الموضوع استجواب يا أيه أو لا واجابات مختصره جدا وهي ماراح تسألك عن شي أبد وراح تكون منزله راسها تحت من الحيا وتقول في نفسها متى تنتهي هالدقيقتين وافتك من وجهه هههه ابي اسلوب أو موضوع اقدر اسحب البنت وادخل معها في حوار من غير ماتحس تلقى نفسها تسولف وتهذر كيف؟؟ مو مدح بنفسي بس تقدرون تقولون اني محاور جيد وجرئ مابيها تحس اني ابي اتفلسف عليها او احرجها ماراح اقول وش مفهومك عن الحياة الزوجيه لأن هالسؤال مهوب مقياس لنضج تفكيرها وثقافتها التربيه هي الي ترسخ هالمفهوم ابي مواضيع ممكن تخلي الفتاه تتكلم وابي اعرف اذا جابت العصير آخد اوقف واشيل العصيرات منها ولا آخذ كاس وانا جالس علموني اصير اتيكيت لاتبخلو علي بأي نصيحه راح تفيدني في الشوفه ابي ردود عاجله مثل ماعودتوني لان بكره الشوفه يارب وفقني |
السلام عليكم... اولا...تكلم عن نفسك....بس بطريقة مختصرة.... ثانيا...اسالها عن دراستها(او وظيفتها)...ولية اختارت هالتخصص الفلانى مثلا...ومن هالكلام.. الله يوفقك..ويرزقك الزوجة الصالحة... |
انا اقول خلك على طبيعتك ولاتصنع شيا لنفسك لاتعلم مقداره
واجعل من كلامك الاحترام والذوق وعدم على مايقولون " اللقافه " واسمح لي على التعليق :) لاني جربت قبلك خلك عادي وسولف سوالف عادية البنت تحب الشبابي المرح وسيع الصدر تكره الحساس بشكل يعني هيك وهيك على مايقولون انت بس لاتتحمس كثير كانك في مقابله شخصية لا طبيعي احسن لك ولها |
شف حوار ما راح يصير حوار (ادري احبطتك) ما لك الا وانا اخوك طريقة الأسئلة بس خل اسلوبك في الاسئلة يكون بطريقة سواليف موب تحقيق وبالنسبة للعصير انا اشوف انك تاخذه وانت قاعد احسن اخاف تقوم تضرب فيها ولا تطيح الصينيه ولا شي تعرف الاحراج يسوي كلش والله يسر امورك ويكتب لك الي فيه الخير
|
طيب وليش المحاورة أصلا ؟!!
صراحة ماشوف لها اي معنى .. هي من اسمها شوفة بس يعني ايش اللي بتستشفه من شخصيتها في هالدقيقتين .. البنت تكون منحرجة موووووت ويدوب بتقدر ترد عليك لاتقول لي تبي تكتشف جانب من شخصيتها مستحيل هذا يصير أصلا ماراح تكتشف شخصيتها إلا إذا صارت في بيتك حتى فترة الخطوبة ماراح تعطيك أي انطباع عن شخصيتها الحقيقية لأنها فترة تجمل وأقنعة .. وبالنسبة للحوار وقت الشوفة أعتقد كلمة حوار جدا كبيرة .. اي حوار هذا اللي بينتفتح في موقف حساس مثل هذا إذا كان ولا بد اسأل عن دراستها (إيش تدرسين) إذا كانت طالبة وعن عملها (إذا كانت موظفة) يدوب بتقدر تسمع صوتها .. الله يوفقك |
اقتباس:
هي تخرجت السنه الي راحت من الثانوي علمي بس نسبتها ما اهلتها تدخل الجامعه يعني ممكن اسألها اذا عندها نيه تدرس الجامعه واي قسم تفضل حاب اطول معها شوي عشان اشوفها زين مابيها تقوم بسرعه يعني اذا حست ان كلامي خلص اكيد بتروح |
اقتباس:
يعني ممكن اقول شي يخليها تبتسم بس مابي اجيب العيد ابي اوزن كلمتي قبل تطلع ابي المزحه محترمه بس عشان ترتاح شوي من خجلها |
اقتباس:
الله يعينها |
[quote=عزوبي مخضرم;1941599]على فكره طبيعتي احب امزح شوي بس مادري بهالموقف ماظن
يعني ممكن اقول شي يخليها تبتسم بس مابي اجيب العيد ابي اوزن كلمتي قبل تطلع ابي المزحه محترمه بس عشان ترتاح شوي من خجلها[/quot :14::14::14:اول شي مبرووووووووووكووفقكما الله ثانيا: يااخي خلك على طبيعتك على قولهم كلما قل حلي_بكسر الحاء-ولاتطول معها زيادة اخاف تسيبك وتروح ترى البنات في موفق لا يوصف من الخجل والاحراج اخاف تطول معها تصدر منها مالا يحمد عقباه اومنك......:25::11::11::11: |
اسألها عن دراستها وهالكلام راح تتجاوب معاك وخذ الصينيه منها راح تنبسط منك
بالتوفيق |
اقتباس:
اما العصير من جد لو ينكب مشاكل ههه الله يجزاك خير |
أمة الله
ما اقصد بكلمة حوار مفهومها المعروف بس ابي احاول آخذ واعطي معها مو عشان اكشف شخصيتها عشان بس يحصل ارتياح اذا جات عيني بعينها وهي تكلم هالكلمتين يمكن تشعرني بشي من الطمأنينه ام مزنه لييييييش هههههه ابكتني ذنوبي لا عاد ذي قويه بس انا راح امدحها باسلوب يخليها ماتنام ذيك الليله بقول ماشاء الله وش هالزين شرايك ملفوف خاف ناخد الصينية ثم نجيب العيد ههه احس راح يجي التصرف تلقائي في وقتها |
ما أقول إلا الله يكتب لك الصالح وييسر لك الخير
عاجلاً غير آجل الخبرة - 100 % في مثل هذه الأمور أخوك عزوبي:21: بس:d رجل:30: دمتم بحفظ الرحمن |
وابي اعرف اذا جابت العصير آخد اوقف واشيل العصيرات منها ولا آخذ كاس وانا جالس
علموني اصير اتيكيت لاتبخلو علي بأي نصيحه راح تفيدني في الشوفه أنا مقدر افيدك اي طريقة مناسبة أكثر و كل طريقة اصعب من الثانية بالنسبة لها ( لأنها بنت ) و يمكن تدخل عليكم من دون العصير :d >>> مدري ليه الشوفة يربطونها الناس بصينية و عصير ؟؟!! يمكن تكون أنك تاخذ الكاس أهون لأنك لو مديت يدك بتاخذ الصينية يمكن تطيح من يدها من الخوف و الربكة هههههه و بتقعدون تنظفون الفرشة بدال الحوار ههههه بالنسبة للمواضيع اللي بتسألها عنها : برضو مقدر أفيدك و يمكن الشباب يفدونك أكثر بس عندي لك كلمة وحدة اذا شفتها و عجبتك قول ((( ما شاءلله تبارك الله ))) و بعدها يجي الكلام :22: الله يوفقكم و يسعدكم و يسخرها لك زوجة صالحة ودود ولود تعينك على امور دينك و دنياك اللهم آمين ملاحظة : توني أنتبه لردك أنك بتقول : ماشاءلله وش هالزين !! >>> ترى بتخق البنت و بتقول موافقة :17: |
ماشاءالله تبارك الله
الله يتمم لك على خير يارب ويسعدك انت وهي ويجمعكم على خير ويكتب لكم الخيره الطيبه اخي الكريم خلي الامور على طبيعتها اذا على العصير خذ الكاس وانت شبه واقف يعني لاتجلس مريح يعني بين الواقف والجالس وقولها تسلمين ماشا ءالله عليك وبعدين كيف الحال؟ كل عام وانت بخير وشهر مبارك عليك كيف استعدادك لرمضان؟ وبعدين اعطيها فرصه انها تطالع فيك وتشوفك كيف؟؟ بأنك تسولف شوي مع ابوها او اخوها اللي جالس معاك ولاتطالع فيها خليها تسرق كم نظره شوي فيك:11: وخلاص هي اكيد مارح تطول وشوي وتقوم هي وانت اسرق النظر وهي طالعه وخلاص صدقني هي دقيقتين او خمس دقائق راح تعدي مثل ماعدت على الكل فلاتفكر انك بتكون احسن من غيرك وتاخذ اكثر من 5 دقائق:11: الا انت ونصيبك اهم شي توكل على الله وصلي واستخير قبل لاتروح واكشخ من احسن مايكون والله يختار لك الطيب وننتظر البشاره يارب موفق الله يحفظك |
اقول ياعزوبي مخضرم - ادعي لي لما اصير مثلك ياخوووووووك تريد يعني مثلا نكته تقووووولها انا عندي لي حركة حلوووووووووووه - عشان تعجب فيك البنت ومن شخصيتك لما تجيب العصير البنت خذ العصير - لو كان برتغال مثلا - قووووووول اوووف أنا ماأحب البرتغال ، احب الفيمتو صدقني احلى حركة ههههه وبعد الحركة بتدعي لي اسأل الله ان يوفقكم لما يحب ويرضى وان يجعل هذا الامر يتم بما يرضي الله وان يسهل امرك |
أقول ياخوي مبروك مقدما وخلك ايجابي وطبيعي ولاتقلب الجلسه استجواب وتحقيق كأنك في مركز شرطه ولا قاضي في محكمه..
موفق ولاتنسى تبشرنا في ركن التهاني والتبريكات..الله وياك |
اقتباس:
وان شاء الله انا وياك نخلص من العزوبيه عاجلا لان الوضع الآن ماعاد يحتمل التأجيل ابد الله يوفقنا وياك |
وفقكم الله تعالى
|
اقتباس:
ايه لابد من المدح ولا وش بتقول عني البنت اذا مامدح في اول شوفه ولا ماراح يمدح ابد ههههههه لو ابوها ماراح يسمع كان قلت ياعمري:d انا شكلي اباخذ كاس واقول انتي الي مسويته ؟<<< ترى قلت نكته هههه جزاك الله خير منتهى والله يسمع منك ويوفقنا وياك |
اقتباس:
يسلم غاليك ومغليك روح الغالي والله ينفع بنصايحك المشكله اذا ماقدرت ترد حتى على كيف الحال نكمل ولا نوقف هههه رمضان احس بدري عليه نسولف فيه مو ؟ انا قاعد اتدرب على كلمتين مثل ماقلتي كيف الحال وش اخبارك طيبه ؟ بعدين بقول ناويه تكملين دراسه ولا لا وكم كانت نسبتك اكيد بعطيها فرصه تناظرني وبرجع اناظرها يقولون النظره الثانيه تختلف عن الاولى ناوي اسوي فيها مقلب اذا راحت بقول لابوها خلها ترجع ماشفت زين بعدين اذا رجعت بقول تراك ماشربتي عصيرك ههههه من ناحية الكشخه تطمني هذي لعبتنا واكيد الدعاء والاستخاره قبل كل شي والله يختار لنا الصالح (( لمن يشاهدون الموضوع الآن لاتحرموني من دعائكم في هذه الساعه المبارك في ثلث الليل الأخير)) |
حلووووووووه ياولد ابو ظبي
بس اخاف تصدق وتروح تجيب فمتو هههههه انتم اللاحقون ولد ابو ظبي الله يوفقنا وياك saapna81 ان شاء الله ماراح اقلبها تحقيق واظهر على طبيعتي بدون ارتباك يمكن اشيل هم قبلها بوقت بس اذا جيت عندهم يزول القلق بإذن الله اطياف الله يوفقنا وياك يارب والله يكتب لنا الخيره وانا راضي بما كتبه الله لي سواء تم هذا الامر ام لم يتم استخرت واقدمت ووكلت امري لخالقي (( لمن يشاهدون الموضوع الآن لاتحرموني من دعائكم في هذه الساعه المبارك في ثلث الليل الأخير)) |
كنت بطلع بس لما شفت طلبك للدعاء قلت لابد من دعوة صادقه لاخينا اسال الله العظيم رب العرش الكريم ان يكتب لك الصالح ويخيرك الخيره المباركه وان يجعلها ودودا ولودا لاتذوق غمضا حتى ترضى ويؤلف بين قلوبكما ياكريم عقبال ماترحل من هنا لقسم المتزوجين تصير متزوج ناشئ يارب |
فيافي نجد
ما أجملها من دعوات حيث تكون من قلب صادق لايريد من ورائها جزاء ولا شكورا أرجوا من الرحمن المنان ان يكتب لك الأجر وأن ينفع بدعواتك انه كريم مجيب الدعاء |
الله يكتب لك الخير و يسهل أمرك
و ان شاء الله ما تقوم بسرعة علشان يمديك تمقل فيها زيييييييييين :d الله يوفقك وننتظر البشارة:14: |
نقول يارب يا ام الجود
والله انا متفائل بدعوات الوالده ودعواتكم الطيبه بارك الله فيك |
مساكم الله بالخير
اسف ماقدرت ادخل امس واقولكم وش صار انشغلت امس بالاستخاره والتفكير والاهل الحمد لله تمت الشوفه وارتحت للبنت وتقبلت شكلها وقبلتها مثل ماتوقع بعضكم ماجلست اكثر من ثلاثين ثانيه اصلا ماجلست قدمت لي العصير ووقفت عند الباب!! كيف الحال شلونك والدراسه كيف التفت عشان اخليها تشوفني ورجعت التفت عليها الا وهي تروح المهم قلت لاخوها ماش خلها ترجع وفعلا رجعها قلت لها شفيك مستعجله ههههه نزلت راسها قال اخوها شوفوا بعض زين باركت لها الشهر وبصوت خافت جدا قالت الله يبارك فيك وراحت المهم حسيت بارتياح ناحيتها رغم اني ماشفتها زين كانت واقفه عند الباب كنت ابيها تجلس اقرب اقولكم نفسيتي بعد ماطلعت حسيت بارتياح حتى اني اتذكر وجها وابتسم اتصلت بالوالده هاه صلحت لك قلت ايه صلحت لي بس فيه ملاحظه (ماقدر اقولها) راح افكر الليله اتنازل عنها واقولكم قراري النهائي بكره الي هو اليوم من البارح لليوم وانا استخير واستخير وافكر احس اني اميل للموافقه بس مو 100% تقريبا 80% علما ان الشرط الي ابي اتنازل عنها موجود فيها بس مو بالشكل الي كنت احلم فيه واتمناه اقول في نفسي لايكون اقبل واتنازل بس خوف اني ما القى احلى منها واطول في البحث غير انه مايصير اشوف بنات الناس ولا اوافق لا ابي اقبل وانا مقتنع قناعه تامه انتظركم دعمكم النفسي قبل ساعات من اتخاذ قرار العمر والله يكتب لي الخيره |
اقتباس:
الحمد لله مادمت وجدت ميول ولو 50 % يكفي توكل على الله واعتبر هذا الارتياح بداية للاستقرار النفسي وزرع روح الموده بينكم الله يوفقك ويتمم لك بخير |
اختي فيافي
تشوفين ان ترددي شي طبيعي يعني ماراح يأثر بنفسيتي مستقبلا ؟ |
اخي عزوبي فيه ناس بعد النظره الشرعيه يحسوا بنفور اوتبلد في الاحاس لكن انت ضحكت وانت عندها طلبت عودتها مره اخرى تبتسم حين تذكرتها تتذكر كلماتها بصوتها الخافت كل هذه دلائل على راحتك النفسيه باذن الله لاتتردد فتدع للشيطان عليك مدخلا لان هذه المرحله بالذات يكون الشيطان فيها حريصا على التفريق |
اقتباس:
ولكن ودي أضيف وأجاوب من واقع خبرة أخي عزوبي مخضرم مافي شيء اسمه 100% أنا وافقت 40% وترددت 60% وقعدت أفكر وأفكر لدرجة إني رحت في مكان بعيد عن زحمة المدينة ومظلم في نفس الوقت ، وطلعت من السيارة وجلست فوقها لوحدي مثل الجني وقعدت أفكر وأفكر و أفكر وخلص الوقت وماطلعت بنتيجة المهم توكلت على الله وحسمت أمري وكملت أموري وتزوجت والحمد لله توفقت ، والمشكلة التي جعلتني اتردد هو ماحدث وقت الشوفة من تصرفاتها وتصرفات اهلها وجرأتها ، والتي أتضح عكسها بعد الزواج بمعنى أنك لاتعتمد على الأحداث التي صارت بوقت الشوفة ، بل خذها كمؤشر واعقلها وتوكل والله الموفق |
اعوذ بالله من الشيطان الرجيم
الله يجزاك خير ويكتب اجرك |
اخي في الله
المشاركه للكل ولا كنت ماكتبت الموضوع هنا ومدام اني مستخير ان شاء الله متطمن ان ربي ماراح يكتب لي الا الخير بإذن الله انا من امس قلت لاهلي اني شبه موافق بس خلوني لحالي اليوم وبكره يجيبكم العلم الاكيد انا بس مابي شي يخرب فرحتي مثل التردد وكثرة التفكير ابي اتخذ القرار وانا متحمس ومبسوط بالقرار جزاك الله خير اخي في الله |
عشان تتخذ القرار وأنت مقتنع جب ورقة وقلم واكتب الميزات والسلبيات ، وش يترتب على وجود كذا ؟ وش يترتب على عدم وجود كذا ؟
أو سو مثل زوجي قبل مايبدأ يدور كتب كل الي يتمناه في زوجته المستقبلية في ورقة ولما ذُكرت له كتب بالورقة أمام كل صفة هل هي فيني أو لا وبنسبة كم ! وأنت احسبها إذا كانت نسبة عالية توكل على الله وإذا لأ فاسأل الله إنه يوفقك بغيرها .. وماتدري بعد ! يمكن هي كانت تتمنى فيك شي معين وماحصلته لكن كلامك الطيب وروحك الحلوة معها خلاها مرتاحة ومطمئنة لك .. |
اقتباس:
اولا أسال الله أن يتصلح جوالك :30: بالنسبه للورقة والقلم انا قرريت عنها وجربتها بدون ورقة وقلم الشرط الاول صح الثاني صح الثالث مو خطأ صح بس مو مره الرابع صح اخذت الاهم فالاهم لقيت نسبة تطابق الشروط عاليه طبعا مافي انسان كامل بهالدنيا |
الله يعين الضعيفة والله انت صح خطا وهي تنحرق من الهم الحين
ياخي حاول تستعجل انا معك لكن رحمتها والله |
زين حلو
يعني اغلب المواصفات موجودة فيها وحتى الصفة اللي تتكلم عنها موجودة بس مو بالدرجة اللي أنت تبيها ,, وحتى لما حطيتها من خياراتك حطيتها رقم 3 ممتاز اتوكل على الله الله يعينا على الرجال شروطهم كثيرة وصعبة |
ماشاء الله تبارك الله
البارح انا مادخلت البارح الا شوي وداخله اليوم متحمسه للموضوع تصدق اول ماشفت ردك وكيف صارت الشوفه لاشعوريا دمعت عيني من الفرحه انا متفائله خير توكل على الله هذا ايام مباركه والبارح كانت ليلة مباركه الله يجعل فيها البركه ويجعل فيك البركه لها ويألف بين قلوبكم ويتمم لكم على خير وان شاء الله على العيد زواجكم يارب ورمضان اللي بعده يكون عندكم اول طفل بإذن الله انا متفائله خير وسعيده الله يتمم لكم على خير يارب وهذي :14: :14: :14: :14: :14: :14: :14: :14: :14: :14: :14: ماشا ءالله تبارك الله قد اكون سبقت الكل بالـ:14: لكن من جد ان متفائله يارب ييسرها لكم |
أخوي عزوبي بس مخضرم .......:d
الحمد لله واضح أنك مرتاح والنفسية تمام التمام ...ومرتاح للبنت بنسبة كبيرة وقليل التردد اللي تحس به مجرد وسوسة شيطان ولو تأملت في ترددك ما لقيت يمت للواقع بصلة مجرد وهم ، وقرار يميل للموافقة ,,, فتوكل على الله وخبرهم ....:14: الله يجمع بينكما بخير ويتمم لك أخوك عزوبي:21: بس:d رجل:30: دمتم بحفظ الرحمن |
توكل على الله وكمل باقي إجراءات الزواج
طالما إنك استخرت الله فامضي في أمرك وليس بشرط أن تشعر براحة بعد الاستخارة وإنما إن مضيت في الأمر وتيسر فهذا دليل أنه خير لك يعني خلي أمور الزواج تسير بشكل طبيعي فإن تيسرت فهو خير لكن لماذا لم تقل لها كلمة مدح مثل ما كنت معزم تقول : ماشاء الله وش هالزين ؟!! أخشى أن يكون سبب ترددك شكلها ؟! الله يكون بعونها يعني حتى لو ما مدحتها كنت طمنها انك مرتاح ع الاقل انا اقول ياريت امك تتصل عليهم وتقول انك مرتاح للبنت عشان تطمنها وعسى الله ييسر أمورك ويتمم لك على خير |
| الساعة الآن 08:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©