|
:::التخاريف النسائية نفسي اعرف لمتى::: موضوع خاص بالنسائية والتوليد
السلام عليكم ورحمة الله و بركاته
كيفكم يا سيدات ويابنات حابة اتحدث معكم بشغلة بصراحة في كم تخريفة منتشرة عالمنتديات قاهراني كتير والمشكلة انو الدكتورات طلعو في كل الاماكن وقالوعنها تخاريف يعني معقول نترك كلام الدكاترة و نرد عكلام جداتنا طبعا هما فوق راسنا وبنحبهم من قلبنا لكن هما ماتعلمو ولا اخدو ثقافتهم من مصدر علمي لحتى نعتمد كلامهم ماحد يقلي الخبرة وما الخبرة في العلم والطب مافي خبرة الا مدعمة بالنظريات والاثباتات العلمية راح اقلكو عن شو بقصد::: 1- في فترة الدورة الشهريةوالنفاس::: المنتشر انو قال شو الوحدة ماتتحمم !!! طيب هادا كلام؟ متخيلين حالكو بهيك فترة ماتتحممو؟والله مش منطق وكل دكتورة سالتها بتقووول لازم الاستحمام لاراحة الجسم والاسترخاء لكن عدم الاطالة في الاستحمام و ان يكون الماء دافي واصلا حتى خبراء البشرة بقولو الافضل عدم الاطالة بالاستحمام عشان البشرة بتنشف وفي فترة النفاس معقول كل القرف الي الوحدة بتحس فيه بالاخر ماتتحمم!! والله مشكلة انا ماجربت الامر لسة لكن مش محتاج تجربة 2- بعد الولادة ::: منتشر انو بعد الولادة يعني قصدي بعد عملية الولادة مابنفع الوحدة تتحمم !!! بالله هادا حكي؟بعد عملية متل الولادة متخيلين الوضع مش محتاج شرح 3- في فترة الحيض والنفاس ماناكل قال ملوخية و رز ومدري ايش ؟وشو دخل؟اهم شي في الفترة هاي شرب السوائل الساخنة و تدفئة الجسم و المياه تكون جيدة البرودة لا صقيع ولا مغلية وهادا الصحي في كل فترات العمر مش بس فترة معينة... 4- برنامج فيافي ومدري ايش والتبخير واملح لو تعرفو مدى ضرره والدكتورة بنت النيل وضحت انو سيء جدا ومدمر واوردت تجارب الكثيرات ... انا سالت اكتر من دكتورة كانت تقلي: فيافي مين وخرابيط مين لاتردي عالهبل هادا ابدا... والي بتقول بعد الولادة لازم نغسل المنطقة بلمح وماء غلطانة لانو الدكتورة قالتلي الملح بخرب المنطقة وبخلي الغرز تسقط قبل اوانها وبتفكر الوحدة انو سقطت الغرز لالتئام الجرح وترجع لحياتها عادي وتكتشف انو الجرح رجع انفتح 5- العناية بالمنطقة الحساسة لاتكون الا بالماء والغسول الخاص بالمنطقة والتنشيف الجيد هو اساس صحة المنطقة ونظافتها وسلامتها واستعمال التحاميل الطبية والادوية من وصفة الطبيبة فقط لاغير يعني كتير قرات انو هادا احسن شي وانو الحمامات الي بنسمع عنها كلها مصيبة بابونج واعشاب و حجات غريبة المنطقة من اسمها حساسة جدا وتحتاج تعقيم مش اعشاب !!! الدكتورة دايما بتقلي اهم شي استعمال الغسول المناسب و التنشيف الجيد والتغير المستمر للملابس الداخلية وفقط ... وانا مابقول هالكلام الا لاني شفت ماما حفظها الله ماشاءالله لاقوة إلا بالله تبارك الله لاعمرها جربت فيافي ولا عمرها في الدورة امتعنت عن الملوخية والحجات الغريبة الي بنسمعها ولا عمرها استعملت حمامات بابونج او اعشاب العناية بالغسيل بالغسول والتجفيف وفقط والاهتمام بالصحة والتغذية وماشاءالله لاقوة إلا بالله تبارك الله عليها الله يحفظها صحتها تمام اقصد من نواحي الرحم والاشياء هاي بدون تفصيل واعرف كتير نساء متل هيك ماخبصو بحالهم ومازالو رغم مرور 3 عقود على زواجهم الا انهم لسة في صحة جيدة ماشاءالله لاقوة إلا بالله تبارك الله يمكن مايعجبكو كلامي لكن الي بخلي نساء تخطو ال50 باحسن صحة وبنفس الوقت صبايا بالعشرينات بشكو من اشياء غريبة مابشكي منها الا مفروض اناس كبار بالعمر اعتقد انو السبب طريقة العناية بالنفس والنظافة والطريقة الصحيحة بدون مبالغة انا اسفة عالاطالة لكن صدقا كلما ارى مواضيع غريبة متل هيك بحس بدي انجن وبقول يعني الناس تركت العلم وبتسمع كلام ناس ماعندهم علم؟ ياريت تناقشوني بالموضوع وتكونو فهمتوني واتمنى ماالقى وحدة بتدافع عن هالنظريات لانو احنا مفروض مثقفات وبنميز الصح من الخطأ الله يحفظكو كلكو يارب |
اي والله صاجه
يدتي تمنع اللى خلفو يعنى بعد الولاده 5 6 ساعات من شرب السوائلd: ما دري فى سبب طبي و لا لا |
موضوع حلو جدا و مفيد لأنه يساعد في تثقيف المرأة و إنعاد كل الأفكار الخاطئة و الخزعبلات
انا معك 100% و لا أصدق كل ما ذكرتيه من تخاريف فالحمد لله أستحم كل يوم سواء أيام الدورة أو النفاس بل أنني بعد إفاقتي من بنج العملية القيصرية أول حاجة عملت هي أنني استحميت طبعا بمساعدة الممرضات لأنني لم يكن بامكاني المشي بسبب إبرة الظهر لا أدري كيف يمكن لامرأة أن تتحمل وضعها بعد الإنجاب بدون استحمام؟؟؟؟؟ و نفس السؤال بخصوص الدورة الشهرية؟؟؟ أنت ربما لم تجربي النفاس بعد (إن شاء الله قريبا) لكن يمكنك تخيل الوضع. شكرا جزيلا على الموضوع المتميز |
اخت مينونة شكرا لمرورك الجميل
وجدتك عالعين والراس لكن المشكلة الجدات الله يخليهم النا ماتعملو ولامضطلعين عاي تطور طبي جايبين خبراتهم الغريبة من اماكن غريبة الجدات نسمع كلامهم في الحياة الزوجية في الطبخ والنظافة في الحياة لكن في العلم والطب مابعتقد كتير منطق ياريت ماحد يفهم اني بعيب عليهم طبعا لااا اخت مدمنة المنتدى شكرا الك كتير ماجربت النفاس عالطريق لكن متخيلة الوضع شبه وضع الدورة لكن القرف متطور بمراحل الله يعيني في تخريفة نسيت اذكرها !!!! طيب نعيش بجفاف احسن؟المية بتساعد على ادرار الحليب وجعلنا من الماء كل شيء حي |
صدقتي يالغاليه
عندكم نفس الخرافات اللي عندنا امي لماتنام اتحمم وقت النفاس لانها تمنعني الله يحفظها الليمون ممنوع البطيخ الملوخيه ككنت اسوي عصير برتقال علشان الرضاعه وصارت مشكله عند امي وهاوشتني ان العصير يخرب واشياء كثيره بس ترا فيافي مو انا لاتتهموني:) |
هههه فيافي ضحكتيني انا لما شفت اسمك قلت اكيد داخلة تدافع عن فيافي
بس يعني والله منا مقتنعة هي ماما ماعمرها طبقت شي من هادا وبتعيش طبيعي وماشاءالله لاقوة إلا بالله تبارك الله عليها مابعرف صراحة بعدين لو صح هالكلام كان لاقينا الدكاترة حكو عنو |
والله صدقتي اذا جتني الدورة جدتي تقول ماتتروشين كيف اقدر اتحمل نفسي والله بيكرهني زوجي اقعد اسبوع مااتروش ..
والملوخية اول مرة اسمع فيها .. والي يقولون الي والدة ماتشرب الماء بالنفاس كله تعوض بعصيرات احس انهبلوا اربعين يوم مافي ماء.. |
الاستحمام المفروض على سواءا دوره او نفاس أوعادي
هاذي قناعه عندي لاتحتمل النقاش لما كنت اناقش أمي وجدتي عن هالتخاريف هذي ان النفاس ما تتحمم الا بعد اسبوع يقول ان بعد الولاده الوحده تكون تعبانه حدها وجسمها مفكك واذا اتسبحت راح يدخل الهواء داخل جسمها ويتجمع بالرحم وهذا مضر جدا للرحم ويخربه _ وكثرة الماي تسبب رطوبه بالرحم وايضا اتخربه لكن الصراحه اول مره اسمع ان في اكلات تمنع في فترة النفاس!! يسلمووو |
لا حول ولا قوة الا بالله .. و الله شي غريب
على فكرة احنا كمان بفلسطين في عنا خرافات بس مختلفة .. بس بالاخر خرافات .. |
والله حبيبتي انا اول ما ولدت وكانت قيصريه اول شي لما قدرت اقف على رجلي بعد ساعه من الولاده اتحممت لاني كنت مش قادره اتحمل وبعد ما اتحممت وغيرت ملابسي وسرحت شعري حسيت بانتعاش واني احسن من قبل... وفي النفاس كنت اتحمم كل يوم لان مع الرضاعه والنوم بالسرير الجسم يعرق ومافي حل الا حمام دافىء هادا احسن شي
|
والله انا سمعت هدا الكلام ايضا ولم أعرف ادا كان صحيحا ام لا سمعت ان الاستحمام وقت الدوره يخربط المبايض لا أعرف لمادا؟؟؟؟ قبل الزواج كنت لازم استحم وقت الدوره وعااااااااادى جدا وبعد الزواج نصحونى بعدم الأستحمام وقد سمعت أيضا عن عدم قص الشعر اثناء الدوره( بس دى واسسسسسعه شويه) حاسه انوا ملهاش علاقه خالص............يقينا الله دائما من هده الخرافات بأدنه
|
اقتباس:
اهلا هناوي شرفتنيي معك حق كيف اسبوع مانتحمم مش منطق كل كتب الطب والدكاترة بقولو حمام دافي يوميا بيساعد على الاسترخاء والراحة قال مانتحمم والله بس تيجي الدورة بكره حالي وبحس بالقرف رغم الحمام والنظافة كيف من غير حمام ههههههههههههههه والوالدة مانشرب مية اقسم بالله تخريف وشي بحزن انو حد يسدق التخريف هادا بدي انجن عقولتك انهبلو اربعين يوم مافي مية جفاف ولا ناويين يموتونا اني بس نفسي افهم التخريف هادا من وين طلع شكرا الك |
اقتباس:
مش قادرة استوعب بعد قرف الولادة الوحدة تقعد اسبوع بوساختها انا ماجربت الولادة بس بسمع انو بنزل دم وسوائل وفعلا قرف اي والله لو وحدة تقعد اسبوع مش متحممة اشك انها حتموت او يشيلو الها الرحم من الي حيصير الها وغير البيبي مايرضى يرضع منها لو هالحكي صحيح كان الطب اعترف فيه ونصحنا فيه الله عرفوه بالعقل والاكلات انا كمان بسمعها من الناس بس ماعمري عملت فيها في فترة الدورة لانو هادا هبل شكرا الك |
اقتباس:
اهلا بنت بلادي انا ماحددت مصدر التخاريف هاي لكن بشوفها عالمنتديات واغلب الي بكتبوها من اهل الخليج لكن انا ماقصدت حد معين يعني انت فهمتو انو قاصدة حد معين لكن مش هادا غرض الموضوع انا قلت الي بشوفو عالمنتديات لكل بلد تخاريف وتقاليد ماتخافي كلنا لها بس انا خرافات فلسطين مابعرفها كتير الي عن التوليد والنسائية الله يعين وشكرا لمرورك وردك الكريم |
اقتباس:
طبعا لازم تتحممي والله لو حيقولو حتموتي بعد الحمام لما اولد إن شاء الله حروح اتحمم والله مصايب الدكاترة بقولو الوحدة تتحمم في النفاس والدورة لكن ماتطول كتير بالحمام واصلا هالشي احسن كل فترات السنة مافي داعي الوحدة تنقع حالها بالمية لكن تتحمم عادي ايش فيها شكرا الك |
اهلا اختي شرفتي الموضوع
والله قبل الزواج قعدت اتحمم في الدورة كل يوم وماخربطت مبايضي وحملت ماشاءالله ! طيب فهميني كيف ممكن تتحملي ماتتحمي وقت الدورة؟ الواحد مهما تحمم و راعى النظافة بحس بالقرف والضيق كيف بدون تحميم قص الشعر مابعرف ليش مالو علاقة الله يحميكي ويحمينا |
الله يكفينا شر الخرافات..
فيافي أيش يسوى البرتقال ؟ أنا الدكتورة بعد القيصرية قالت لي لا تشربي حليب و لا برتقال عشان الغازات.. أما الإستحمام فتقريبا يوميا استحم في الدورة و النفاس..و الحمد لله ما قد صار شيء..الله يبعد عنا كل شر .. |
والله انا صار معي شغله لما ولدت اول ما صحصحت بعد الولاده عل طول حضرت ملابسي وفتت أتحمم
بعدها بكمن ساعه صارت عظام جسمي توجع وصرت أبكي من الوجع ناديت الممرضه وشرحتلها قالتلي الله يسامحك ليش اتحممتي قولتلها مش طايقه حالي قالتلي ما بصير الوحده تتحمم بعد الولاده قال شو عشان الجسم والعظام بتكون مفتوحه طبعا انا ما فهمت شو الي قالتو الوجع دابحني ومش قادره اتحرك أعطتني ابره ما بعرف شو هي المهم اني طبت من الوجع واجت صاحبتي عندي على المستشفى وقلتلها الي صار معي قالتلي نفس الي قالتو الممرضه وانو كمان الوحده لازم ما تستعمل الليفه والميه السخنه والي بدها تتحمم بعد الولاده لازم بماء دافئ وبدون ما تليف جسمها عشان ما تضغط على جسمها...الله اعلم بس بصراحه لما توجعت وصرت اصرخ من وجع عضامي قلت يمكن الي بقولو صح بالنسبه للميه والملح طبعا هاد شي غلط بعد الولاده بس بمي وشويه صغيره من الديتول الطبي عشان عشان ايضل مكان الجرح والغرز معقم هيك الطبيبه قالتلي وعملت بكلامها... بس ملح ما عمري ما سمعت بهادا الكلام |
ومنك نستفيد
|
انا بعد الولاده اخاف اتحمم
لان الدم يصير ينزززززززف وبغزاااااااره تقريبا اسبوع وخفت اني انزف بالحمام ويصير لي شي احاول اني اصير نايمه وماده رجولي حتى وقف النزيف وبعدها صرت اتحمم يوميا |
اخت جليم اهلا فيكي هوة الحليب بشكل عام بعمل غازات مش بس للوالدة خاصة الحليب البارد لكن الحليب بعرف كتير مهم لادرار الحليب فالوحدة تاخد احتياطها بانو ماتاخد برد والله يحميكي من كل شي
مدام آلاء شرفتي الموضوع منطقي انو ما تكون المي سخنة كتير و مانليف بقوة يعني ليفة خفيفة وتلييف نااااااعم وعالسريع يعني اي شي بسرعة لكن انو مانتحمم ابدا مستحيل وحمدالله عسلامتك:)عطتيني نصيحة حلوة خلص لما أولد إن شاء الله حتحمم بسرعة ومية دافية و بليفة ناعمة مش خشنة ولا حضغط عحالي شكرا الك وعموما كل الي بعرفهم تحممو بعد الولادة وماصارلهم شي انت يمكن بتكوني طلعتي وجو بارد او شي الله يحميكي اخت سحايب شكرا الك اخت مدلولة شكرا عالافادة انا مو قصدي يكون الحمام طويل انما اي شي عالسريع لنظافة الجسم شكرا الك |
| الساعة الآن 01:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©