|
أريد أفكار مبدعه لرحلتي مع زوجي
سـلامٌ قولا من رب رحيم كيف هي احوالكم اخواتي واخوتي الكرام اريد استشارتكم في موضوع وتعطوني ارائكم بالبداية حاصلة وبيني وبين زوجي بعض الحزازيات وشيئ من العتابات والمشاكل الصغنونة الي ان شاء الله ماتكبر ابدا ابدا فقط لولاها ماستطعمنا الحياة بحلوها ومرها كما نعلم بهارات الحياة الزوجية هي وحرصا مني على ان نستريح شي من عناء الضغط والمشادات الي حدثت بينا وضغط عمل زوجي حبيت ان نريح أعصابنا شوي من الشد خصوصا مع جو الصيف الحارق هذا ولانه بقرب حلول شهر رمضان المبارك حبيت اصفي القلوب ونجعلها تنشغل في طاعته فقط بعيده عن الضغائن والاحقاد والدنيا دار فناء كما شبهت بيومان ولا تسوى زعل كما انه سوف ننقطع عن بعضنا في شهر رمضان المبارك لاسباب اتحفظ على ذكرها ^_^ فحبيت بشي لا ينتسى الاسبوع الجاي ان شاء الله زوجي جاي الويكند واستشرته في امر انه نحجز لنا استراحة فيه بركة سباحة ورحب بالموضوع من جهته واحسب من بينكم مبدعين خدومين يحفظهم الله اتمنى يزودوني بأفكار جميلة علما بأني السنة الفائتة ذهبا لمسبح واستمتعنا فيه والسنة هذي نعاود الكرة هربا من شر الصيف النحيس:29: هذا هو الربط لرحلتي السابقة للمسبح علشان لا تتكرر الافكار ودي بأفكار جديدة http://www.66n.com/forums/showthread.php?t=134875 وهل أذهب لنفس المسبح ام اجرب مسبح أخر هذا زوجي تحجج عليه في البداية لانه مو مغطى كامل بس كان بعيييد عن عيون الناس وسط بستان بس كان جدا متخوف احد يطل علينا ولا يشوفنا ولا شيئ اتحفوني يا اصحاب الاراء الحكيمة ومشكورين سلفا ^,^ عفــواً تم تعديل العنوان لتوضيح المضمون الاشـــراف |
الله يتمم عليكم ويخليكم لبعض انا احب التغيير اذا كان زوجك يايد افكارك احجزي بفندق لو ليله وبكذا تكونون غيرتوا جو بحفض الله ورعايته
|
صمت السكون
هلا ومرحبا فيج غلاتي ويخليج ويبقيك لكل مغلينك خيوتي بس احنا اتفقنا على فكرة المسبح انا احب التغيير ا لي يعقبه مرح وفرفشة ونشاط غير اعتيادي كاسر للروتين فكرة الفندق ان غيرنا فقط مكان نومنا ولكنها فكرة جارية الاقتراح والتشاور افكر بها بعد العيد ان شاء الله وتسلمين على المرور والتعقيب شرفتي يالغلا ماننحرم ^,^ |
السلام عليكم
جربي لعب كرة الطائره بالماء لو حصلت على افكار جديده سافيدك بها |
أولا .. أسأل الله أن يؤلف بين قلبيكما .. ويزيد المحبة والرحمة بينكما
ثانيا .. من وين أنتم ؟ إذا كنتم من الرياض فيه أماكن حلوة اعرفها |
اقتباس:
اهلا ومرحبا اختي الكريمة فكرة حللللللوة وااااايد وااايد شكررااا ان شاء الله اطبقها تسلمين يالغلا لا تبخلين علي بافكارك الحلوة وماقصرتي يالغلا شرفتيني حبيبتي |
اقتباس:
شكرا اخي الكريم على الدعاء الطيب منك أحسنت وأجدت انا بحرينية وهو من سكان الرياض ولكن المسبح راح يكون في البحرين وانا حجزت المسبح اليوم المغرب مع صديقتي ماقصرت اخوي اشكرك جدا على وقتك ومرورك الكريم لقيت فكرة الشواء بعد شفت في الاستراحة مكان للشواء اتحوفني ايضا بأفكاركم النيرة من هنا الي يوم الخميس الجاي والف شكر للي تجاوبوا وتفاعلوا معي ماقصرتوا |
هلا خيتو ...ماشاء الله عليك منظمه والله يعافي اخوك ...
..من فتره كان ذكرى مرور 10سنوات زواجنا ...شوفي وش سويت ..انابيتي فيه مسبح وما عندي اخو يدهن سيره ويضبط معاي ..الحاصل دخلت منتدى ممممممم ولقيت حاجه اسمها العاب زوجيه 3 العاب خطيره راسلتهم وشريتها ... وقلت له انا السبت معزومه على حنا صديقتي وابي اروح وانقش خخخ ومشت عليه يوم الجمعه تفرغ لي ودشينا السوق سواء طبعا ياحرام راح وشرى هديه لصديقتي وزوجها معاي خخخ وخليته يشتري له بدله جديده على ذوقي ..وانا ترنق طبعا .. ومرينا المخبز وحجزنا كيكه ومعجنات ووحلو كهديه مني لها يوم حناها...خليته ينزلني عند النقاشه لان بكره عندي حنا صديقتي طبعا لوازم الحفله انا مجهزتها من زمان ..لان طلعاتي كله معاها فكنت كل مره اشتري شي بسيط ..شموع بلونات شريت طقم كوبين صحنين كاسين مميزين اقوله هذي فتكه لصديقتي وزوجها موصيتني لانها عروس ..ياحرام وراحت عليه يوم الجمعه قلت له ان اخوي وبناته بيجون عندنا يبون المسبح السبت وانا مو فاضيه حنا صديقتي ..ياحرام فتح المسبح ونادى عامل وجهزه لاخوي وعياله ..طبعا هم مو معنا في البلد السبت اجازه وعاده الصباح يروح الحلاق يضبط وظعه ..هو طبعا دقيق ومنظم ماجى الساعه 11الا انا مظبطه كل شي في المسبح ..بناتي لابسين وانا ع الاخر وادت الكوفيراء وقت روحته للحلاق تجيني ...وفعلا ..بتقولين ليه الصباح مو الليل اقولك ..علشان اسمتع بيوم كله لو علي بديته من 7 الصباح المميز فيه لبسي كان هندي ..اانا وبناتي ..الديكور كان هندي شموعهم شمعدان ..تقديم الهديه بطريقه هنديه ..مفرش السرير حرصت يكون مفرش بسيط امريكي اريح جربت الهندي مو عملي ..وكنت عارفه وش بيصير بلعبه فعملت حسابي وفوق كذا انا حاطه اكسوارت هنديه في الغرفه من ظمن الالعاب كان صندوق هندي راخله حيات صغار كل حيه مربوط فيها سوال ..طلب ..لعبه ..امنيه ..هدف .. اخر السمره صرفت البنات..على 7 ونامو وصلينا اعشاء ..وبدت سهرتنا مع الالعاب الزوجيه الخطيره ...ممممم وعطيته رساله اطلب منه نفتح صفحه جديده ...حلووووووه كثير هو ما يحب يقرى بس يقول لي احلى ما فيها كل شي قايلته كاش ... ومن الاحد تغيرت معه كثير وقلت في نفسي هذا زوجي قابلته بحسناته وسياته .وهذي اول درجه اصعدها بهمه جديده وشخصيه جديده ..وما عندي استعداد استغني عنه ..و .مافيه ملايكه تسكن الارض طولت عليك بس يارب نفعتك شوي وكنت شاريه ملابس لاولادي كنها خخخ ملابس القرقيعان وكان يقولي وشفيك بدري |
ماشاءالله تبارك الرحمن
مرة اعجبتني حركتك حاليا ماعندي افكار ولو جتني برجع لموضوعك الله يوفقك |
حبيبتي الله يوفقكم ويحرسكم من العين ..
مرة بشاليه سوويت حركة تجنن ورااايقة حطيت الشموع على طرف المسبح والشموع كانت كثيرة ومقاسات مختلفة ولونهم ذهبي وبالمسبح نثرت بتلات ورد جوري ملون وخلف الشموع كيكة وكرسيين وعند الكيكة صورتنا بيوم زواجنا مرسومة مسويتها بـ ايطاليا .. وبعدها شوووينــــــا .. آن شاء الله تعجبك الفكرة .. |
اقتباس:
ماشاء الله صليت على سيدنا محمد وال سيدنا محمد ودعواتي القلبية لكم بكل التوفيق واشكر مروروج يالغلا على موضوعي |
اقتباس:
هلا وغلا بكل الغلا شوبارد ^,^ تسعدني مشاركاتج وطلتج بالمنتدى تسلمين غلاتي اي خيوتو ادا صار عندج اي فكرة لا تبخلين علي فيها شرفتي ياعمري الموضوع ماننحرم هالطلة الحلوة ^,^ |
اقتباس:
هلا والله حبيبتي هناااوي ربي يخليج على الدعوات الحلوة ياحلو ^,^ ايه انا سويت حركتك في المسبح السنة الي فاتت وبزيادة حطيت بالونات داخل المسبح وعرضت رابط رحلتي الاولى علشان لا تتكرر الافكار يسلمووو خيوتو على المرورو التعقيب لا خلا ولاعدم منج ياوردة شرفتي وماننحرم هالطلة ^,^ |
شوقتوني لسالفة المسبح لذكرى زواجنا .. بس ولي وجها ما يعرف يسبح...؟؟؟؟؟؟؟؟؟؟؟؟؟؟؟
|
اهلين اختي زهرة اللوتس
مع الحر هذا واايد تكون الفكرة حلوة يا اختي الحال من بعضه ههههه حتى انا ماعرف اسبح ادخل المسبح واتم فيه كاني بطة بس استخدم الطوق ^,^ بس اهم شي اكون داخل ماي باارد تسلمي على المرور خيوتوو يا اخواتي اخواني همتكم أحتاج أفكاركم المبدعة اتحفوني بها رجاءا |
امممممممم...
سوي عرض باوربوينت اكتبي فيه عن اغلى ذكرياتكم خلال الفترة الماضية.. وعبري عن مشاعرك تجاهه...وحاولي تستأجري جهاز عرضالشرائح [البروجيكتور] عشان تعرضي عليه العرض...هاذي الفكرة الوحيدة اللي تحضرني الآن... |
دمعات الروح امممممم عندي فكره سوي لزوجك مساج وفكره الشوي حلوه مررره
ايه صح نسيت ابي تدليني اذا ممكن المحل الي بالمحرق لان زوجي انا بعد مايرضى اشتري من النت ومره ودي بهذي الالعاب موفقه خيتو واذا لقيت افكار ثانيه رجعت |
الله يسعدكم دنيا واخره سوي حفله لك ولزوجك في الاستراحه وجيبي هديه له .
|
اقتباس:
يسلم لي افكارك يامرعووبة شلون مايات على بالي هالفكرة جبتيها ومايحتاج بروجكتور وقت الي بيروح يجيب غدا او يصلي بشغل اللاب توب والعرض واخليه يتفاجئ :22: الف الف الف شكككككر ماقصرتي ربي يعطيك العافية وشرفتي ويسلم لي الطلة الحلوة ياوردة ماننحرم |
اقتباس:
خخخ المساج تدرين والله من غير مامزح انه من زمان جهز عدة المساج :29: ان شاء الله اعمل له مساج بس ترى نبهتيني لشي انا ناسيته كنت ابسوي الزيت مع النعناع الله يخليج ياجينز ولا يحرمني منك يالغلا :22: المحل اسمه المحيط جنب رامز الي بالمحرق وفيه الي يخطر على بالك والي مايخطر على بالك بس للامانة انا مارحته للحين زوجي كل مرة يراوغني بس الا ماصيده :d |
اقتباس:
ويسعدك يا اخي تسلم سويت له المرة الي طافت هالمرة كلها انشطة وحركات غير وان شاء الله اجيب له هدية مشكووور وشرفت شكرا لك على المرور والتعقيب بما ان قرب رمضان افكر اهديه مثلا قرآن الي يجون في علبة مخمل صغير علشان يسهل عليه حمله والقرآءة وتوله دهن عود او مسك صراحة ماقصؤتوا وخليتوني ارتب افكاري على حسب امكاناتي وحسب الوقت المتاح بالفعل عاجزة عن شكركم والي عنده فكرة احلى واحلى لا يبخل علي فيها |
| الساعة الآن 12:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©