|
اتصالات منتصف الليل
السلام عليكم
يا نااااااااس انا ميته من القهر و الله تعبت زوجي كثير الاسفار و من تقريبا شهرين كان مسافر لدوله عربيه معروفه هو في البدايه كان مسافر لدوله اوروبيه و هناك قرر يسافر لهالدوله العربيه لانها قريبه عليه و طبعا كان مسافر مع ربعه تقريبا 5 و محد متزوج فيهم الا واحد المهم من بعد ما رد من السفر(قبل شهر و شي ) ما جاني في الفراش مع انه كان يقولي انه مشتاق لي واااايد من بعد ما رد و هو كله ينام بنفسه عالكرسي بالصاله و حجته عشان يقوم الصبح للدوام و انا طبعا كل ليله كاشخه و لابسه قميص نوم جديد و حاطه ميك اب و متعطره و لا حياة لمن تنادي (انا ما كنت ابيه يعاشرني) بس قلت بشوف المشتاق بيجيني و لا لا و عشان ما يكون عنده عذر انتي تعبانه و لا شكلج ما تبين و الخ الخ بس و الله ما صار شي الا بعد 3 اسابيع و لاني صارحته و قلت له انت مشتاق؟!! و كل يوم متعدلة لك و لا تفكر حتى تنام بغرفه وحده معاي المهم انا لاحظت انه يطول في المكتب و يتكلم بالتلفون طول الليل من الساعه 12 الى 3 و مرات نكون قاعدين نشوف التلفزيون ويجيه مسدكول و يقوم على طول المكتب و يقعد بالساعات طبعا تلفونه ما اقدر اشوفه لانه مقفول على طووول و ما عرفت الباسوورد مره كان زوجي في الحمام و رن تلفونه و انا بحسن نيه قمت عشان احطه سايلنت عشان ما يقومون عيالي من النوم الا ألقى الاتصال من (سلمى) و رقم خارجي طبعا مسد كول و سكرت رن التلفون مره ثانيه و شفت فتح الخط و حفظته عشان اعرف من وين رن مره ثالثه و قلت برد عليها رديت بس ما تكلمت الا اسمع صوت وحده و صوته صوت وحده من بنات الليل ما عرفت شاقول و سكرت في ويها لما طلع زوجي من الحمام شافني ابكي قالي شفيج و قلت له اللي صار و قلت له ما يندرى شسويت هناك و انت مسافر اكيييد كنت تزني انت و ربعك المهم فهمني ان هالبنت صديقة رفيجه و طبعا انا ما صدقت و قالي ان هو عمره ما زنى من بعد الزواج و حلف لي ان هو ما زنى و قال لي كل واحد من ربعي كان مع وحده وقافل عليه الباب الا انا ما دخلت الغرفه مع وحده بس في الصاله كانوا في بنات بس هو ما زنى على قولته بصراحه زوجي طاح من عيني خاصه من بعد ما اعترف لي انه زنى قبل الزواج قالي معظم الشباب يزنون و هو زنى قبل الزواج بس من بعد الزواج ما زنى المهم خلصنا من هالسالفه و الحين قبل شوي رن تلفونه 4 مرات مسد كول و قمت من نومي اشوف الرقم الا ألقاه من نفس الدوله العربيه بس مش مسجل باسم خذت التلفون و رحت الصاله نطرت التلفون يرن و الحمد لله رن و رديت و ردت علي بنت صوتها غير عن (سلمى) و قلت لها نعم من تبين؟ قالت وين فلان؟ قلت لها نايم شتبين به؟ قالت آآآآ.. بعدين قاطعتها و قلت لها لا تتصلين له مره ثانيه انا زوجته و قالت اوكي باي الحين انا على اعصابي مب عارفه شاسوي تمللت ودي اقعد زوجي من نومه و اتهاوش معاه الاتصال كان الساعه 2 و نص لين 3 و نص و هي مسد كولز الحين انا مب قادره انام مع اني تعبانه بليييييييييييز ردوا علي و انصحوني و قولوا لي شلون اواجهه هالمره و شاقول؟ و جزاكم الله خير |
والله ما أنا عارفه أقولك ايه بجد حاجه تقهر . بس انتى خليكى راسيه ولما تييجى تتكلمى معاه ما يكونش صوتك عالى وادخلى فى الموضوع على طول علشان تعملى له صدمه فما يعرفش يفكر فى رد وما تبكيش ابدا والا هيحس بضعفك ومش هيعمل لك حساب وخلى عينك فى عينه وانتى بتتكلمى وعرفيه انك فى مشكله وان هو سببها ولازم يلاقى له حل وما تسكتيش ابدا على اللى بيحصل لأنه لو بيعمل حاجه بطاله ممكن يعديكى وتبقى مصيبه وطبعا موضوع بعده عنك بعد رجعته من السفر ابدا مش طبيعى!!! عموما انصحك بتخير الوقت المناسب للتحدث معه .
ولا تتركيه بمفرده ابدا وان جاء له اتصال وقام يرد عليه ادخلى وراه علشان ما تعطيهوش فرصه للتحدث معهم وعليكى قبل كل ده بالدعاء واللجوء لله عز وجل ونامى دلوقتى لأن طول ما انتى تعبانه عمرك ما هتتصرفى صح ولا هتفكرى كويس. |
بسم الله عليج يا قلبي و نصيحتي لا تهدمين عشج بيدج و لا تخلين وحده مثل هالسوسه تنخر بعلاقتج مع ابو عيالج ..
اهو شكله متولع بوحده و مع الأيام بينساها لأنه على حسب كلامج توه راجع من شهر و نص تلقينه يتذكر الليالي اللي قضاها معاهم و هالشكل أنا من رايي انج ما تقولين له شي وخلاص نبهتيه من البداية و اعتقد بيست دمه بس اطلب منج شي و أرجوج افهميه عدل لأني مريت بمثل تجربتج استهبـــــــــــــــــــــــــــــــــــــــــــــ ـــــــــــــــــــــــــــــلي لا تبينين له انج ذكية وايد وكاشفته لأنه جذيه يقول خلاص عرفت سوالفي خل احثلها بس اذا قرصتيه من اول مره و سكتي عن و استهبلتي بيتفشل خاصة اذا حسستيه انج عارفه و ساكته بمزاجج ان شاء الله .. الله يبعد عنج بنات الحرام و يلي لي زوجج |
لا حول ولا قوة إلا بالله
|
لا تقلبي حياتج عشان بنات هوى الله يعزج لا تستعجلي .. ولا تتهوري عشان هذا الثقب اللي بينج وبين زوجك مايتحول الى هوة تبلع اسرتج لاقدر الله |
قام زوجي من نومه يدور عالتلفون و قالي ليش ماخذه تلفوني
قلت له ازعجني و رديت عالبنت و قلت لها ان انا زوجتك المهم قال لي تعالي نامي و مره ثانيه لا تمدين يدج على تلفوني انا بروح الغرفه الحين و بعدين برد اشوف ردودكم |
حسبي الله ونعم الوكيل في بنات الشوارع اللي شككونا بازواجنا
انا استغرب من هذول الرجال يصد عن زوجته الطاهره ويحرمها حقوقها ويبخل عليها بعاطفته والمقابل يركض ورا وحده ساقطه حثاله زباله ويعطيها كل وقته_ حسبي الله عليكم >>ملاحظه: اذا البنت رفيجة صديقه شكو تدق عليه (كذبه واضحه) |
والله شي محزن زوج عنده مره ويسوي هل الهوايل
الله يعينك اختي |
اقتباس:
|
ناني مثل ما قلتي يخلوننا احنا بنات البيوت ويركضون ورا الحثاله بس والله الرجال ما ينلام انتو بلاكم ما تدرون وش يسوون لرجالنا والله اني كنت البس له واتدلع وما شالله اصلا جميله بس حسيت انه مب معاي مثل اول وزوجته الثانية بالكويت ما يمديه يجيها بس ما يعاشرني ومشتت لين ما شفت جواله و دريت انه يكلم وحده اول ما طلع من الحمام تكرمون قلت له لا تلمسني قبل لا تسمع كلامي ترى انا عرفت انك على علاقه مع وحده وماهي زوجتك اذا كنت تبيها بالحلال الله معاك و اذا نت من بنات الهوا فاعذرني انا طول عمري طاهره .. عصب قلب البيت كفخني على سبتها المهم تميت يومين ما اكلمه ولا يكلمني و حياتي كانت جحيم نتظاهر قدام هلي بالسعاده بس البيت اغراب و هو بعد دخل الحمام والا بصوت مسج قمت من لقافتي فتحت المسج لقيت مسج جنسي وقح قذر فيه من الشذوذ والله اني كنت بستفرغ كلام ما تتخيلون لا شعوريا فتحت مسج ورا مسج الا كله هي مطرشه مسجات شذوذ و جنس وقلة أدب و لا الحلوة ما خلت شي جسمها و ما صورته انا جنيت خذت جواله و ووريته الصور وبكل هدوء بسته على راسه و طلعت الصاله اصلي واقرا قرآن و قلت له شكرا لك هذي نهاية التضحية بس الله كريم هو تفشل واخذ الجوالمسح كل شي فيه و رمى الجوال بالماي و انتهت القصه الحين احس بين فترة وفترة انه يلعب بس استهبل و احسسه يعني اقول له صديقتي درت انه زوجها يخوناه و مسكينه مب عارفه شتسوي تصدقون انه يستقيم و الحمدلله الطريقه نفعت معاي اتمنى تنفع مع اختنا الله يهدي سرها
|
أسأل الله تعالى أن يفرج همك أختي
عزيزتي اجلسي معه و صارحيه بما في نفسك و لكن بهدوء |
هلا خواتي مشكورين عالردود و الله ودي ارد عليكم وحده وحده بس عيالي بجنبي و مب قادره اركز
المهم اقتباس:
و بعدين هالحركه تحسسه اني اتجسس عليه اقتباس:
و عن الاستهبال و الله ما اقدر قلبي يعورني و اقتهررررر وانا حامل( و ولادتي قريبه خلال اسبوع او اسبوعين ان شا الله )حتى النفس ما اقدر اتنفس احس بشي يكتم النفس اقتباس:
حتى اللي كلمتني امس صوتها يجيب المرض كأنها ريال يعني لا صوت ناعم و لا دلع ليش يكلمها ان شا الله؟!! اقتباس:
قلت له سألتها و قالت لي اسمها بس انت ليش تكلمها؟ قال انا ما كلمتها هي اتصلت و انتي رديتي عليها انا ما كلمتها و رقمها مب مسجل عندي اصلا قلت له انا سألتها تبين من و قالت لي وين فلان (اسم زوجي) و بس قام يستعبط و يتهرب الحين انا مب عارفه شاسوي ودي اسوي شي يبط جبده و يقهره مثل ما قهرني طبعا مستحيل اكلم شباب بس قلت يمكن اسوي شي هو مانعني منه مثلا اقص شعري و اصبغه بدون ما استأذن منه و ألبس اللبس اللي يعجبني بدون ما آخذ رايه و طبعا كل هالاشياء اللي بسويها حلاااااااال بس هو رافضها و انا بعانده عشان اقهره مثل ما قهرني شرايكم بقراري؟ اسوي هالحركه و لا لا؟ |
سوي اللي تحبينه
وخليه يطق راسه بالطوفه كذب عيني عينك الله يعينج كاكا |
حاولي تجلسين معاه وتناقشينه مناقشه صريحه اذا كان يخونك فالافضل انه يتزوج بالحلال ولايذهب للحرام هذا رائي
|
الله يهديه
مسألته الزنا اختي ترى كثير من الشباب الي كانو يزنون قبل الزواج صعب صعب عليهم انهم يزنون بعد الزواج ويخافون كثير حتى نفوسهم ما تقبل اي وحده تقرب منهم غير زوجاتهم اما مسألته من البنت الي تكلم ممكن احد معطيها الرقم ويبي يبلشه او انها نزوه منه بس حاولي تجلس معه وتصارحيه وقولي تخيل احد بناتك لما تكبر يكلمها واحد ؟ يعني حاول تعطيه مواضع عن بناته وذكريه كما تدين تدان الله يهدي زوجك ويرجعه لصوابه |
لا حول ولا قوة إلا بالله ،،، وش سالفتهم هالنوع من الرجال انا لي اكثر من شهرين بهالمنتدى وكل الخيانات من الرجال ،،، عموماً يا اختي المفروض تقومين الدنيا وتقعدينها على زوجك ،، وماتخلين هالموضوع يمر بهالسهوله . لازم يحس ان الي صار شي عظيم علشن يحسب الف حساب وحساب قبل مايفكر يخون .
اختي ادخلي على هالموضوع هذا علشن تعرفين كيف تصرفت هالزوجه : http://www.66n.com/forums/showthread.php?t=171239 |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©