|
اخوي عمره 11 ويخاف يروح المسجد بروحه ؟؟
السلام عليكم ورحمة الله
شلونكم اخواني وخواتي ... الموضوع باين من العنوان ....... اخوي عمره 11 سنه ولما يأذن نجبرة يروح المسجد عشان يصلي يروح الظهر والعصر بس المغرب والعشا والفجر ما يرضى يروح مع ان المسجد مو بعيد عننا لدرجة ان يبجي لما اجبره يروح!!!!!! .. احترت وياه وخايفة لا يطلع خواف .. بس لما مسكته وقلت له حبيبي قولي الصج ليش ماتبي تروح قالي اخاف ؟؟؟؟؟ قلت له شلون تخاف انت مو رجال ؟؟؟ سكت ونزل راسه .. ظليت اساله والح عليه ولا يقولي فيه اثنين دوم ينادوني باسم غير اسمي وانا بالطريق ولما اقوله انا مو فلان يقولون بلى انت فلان وانحاش منهم وقالي ان هالموقف تكرر مرتين ... شنو تنصحوني فيه؟؟؟ |
أختي الكريمة .
لا يذهب الى المسجد لوحده فقد يؤذى . ومن ثم تصبح لديه عقدة نفسية . أحد عشر سنة يعتبر صغير نوعا ما . انتظروه يكبر وينسى الأشخاص الذين ينادونه ومن ثم اسمحوا له يذهب لوحده . وبالنسبة لسنه فلا داعي أن يذهب لوحده أصلا لأنه قد يلتقي إما بمن يؤذيه أو يفسد أخلاقه . اصبروا عليه شوي |
و عليكم السلام و رحمة الله و بركاته
اختي الكريمة حينما قرأت العنوان شككت ان في الأمر تحرش جنسي متوقع او محتمل على أخيك فمن حقه ان يخاف .. و من حقه إلا يذهب اذا كان خائفا .. حفظه الله من كل سوء |
لازم احد يبحث عن السبب
ومن هم الناس |
أختي الكريمة ..
تحدث الأخوان ,, والأخوات ,, وحبيت أضيف .. ممكن الشباب الأكبر منه يتحرشون به .. >>> الله يحميه أن شاء الله .. ومناداته بأسم غير أسمه وسائل استدراج .. والله أعلم .. أجبارك له سوف يعمل له عقده وخوف من المسجد ,, دعيه يذهب مع من هم أكبر منه .. وخوفاً على الولد وحفاظاً عليه لابد من بحث الموضوع .. وفقكـــم الله .. |
اقتباس:
جزاك الله خير اخوي ابو فيصل وانا ان شاء الله بتساهل معاه لو اني خايفة ياخذها حجة ويستانس على صلاة البيت جزاك الله خير |
اقتباس:
مشكورة اختي الغالية .. والله هو مزيون ما شاء الله ينخاف عليه ...والله الدنيا مافيها امان تسلمين |
يجب أن يذهب معه أحد من الكبار
حرام الولد صغير و خايف و يمكن تعرض لموقف يخجل أو يخاف أن يذكره الدنيا انعدم فيها الأمان و الثقة لازم يروح مع شخص شوفي لو عندكم جار صالح أو أحد في عيلتكم يروح معاه عشان يذهب عنه الخوف ربنا يطمن قلبه و قلبكم |
دلوعة السعودية .. اصغر خواني
شكرا لكم .. والله الدنيا تخوووف جزاكم الله خير |
اقتباس:
|
وعليكم السلام ورحمة الله
أختي الفاضلة ما قصروا الأخوان بمشاركاتهم المهم تعرفون من اللي يخوفونه ويحاولون يتعرضون له؟ لأنها إذا حلت تنتهي نسبة كبيرة من المشكلة أخوك عزوبي:21: بس:d رجل:30: دمتم بحفظ الرحمن |
السلام عليكم يالغاليه،
اللهم يحفظ اخوكي من كل سوء، الي ذكرتيه مو هين، صارت بمنطقه ثانيه عندنا اقربي يسكنون بيها. المصيبه إنه الولد خاش عن امه تعرف الموضوع اثاري في شاب يتحرش في جنسيا و الصغير مرعوب عمره 9سنوات بس ما يدري شلون يخبر اهله الرجال كان مهدده، بيوم رجع الولد تعبان ينزف هجموا عليه إثنين شباب، لما خذوا للمستشفى، تم تبليغ الشرطه و القضية صارت كبيره، بس الحمدلله مسكوا الحيوانات البشريه، و الولد الله يعلم بحاله. بعيد عن اخوكي الله يخليه لكم شفوا له أحد من الجيران الرشداء يصطحبه معه، و بلغوا عن الجماعه يلي ينادوا. تحياتي القلبيه |
لالالا ياأختي خليه يجلس في البيت أو يروح مع أحد كبير أو مجموعة من الأولاد اللي في عمره..شكله أتعرض لموقف وخلاه يتعقد..حاولوا تعرفوا من الأولاد اللي يعاكسوه..؟ و تعرفوا أيش سوا له بالضبط..لا يكون تعرض لتحرش او ضرب..؟
|
اسمحي لي اختي ياقلبك تجبرينه على الصلاة ... خصوصا الفجر..
انا مستحيل اطلعهم يصلون.. لو ايش.. خصوصا الفجر... اختي الدنيا مافيها امان اليوم.. وقبل فترة سمعت شيخ ناسيه اسمه يتكلم.. يقول بعض الشباب الاولاد يسرقون من اهلهم.. ويسوون شغلات غريبه... يقول الاهل يضربونهم.. ولا يدرون انه الولد مخطوف ومصور ومهدد بالصور.. اختي اخوك جدا صغير.. لو يخطف.. والله تندمين عمرك حسره.. قبل كم سنة.. دخل علينا.. بالبيت ولد جيرانا مرعوب..وعمره 10 سنوات كان.. سألته ايش فيك.. راح يقولي.. هو واقف عند باب عمارتهم نزل رجال من السيارة يقوله هذي عمارتكم.. قاله اي.. قال ابيك تساعدني فيه اغراض بحطها بالسطح.. الولد بسمله عليه فهمها.. ما راح دخل العماره.. لانه مافيه الا امه.. جاء لبيتنا ركض.. وكان باب بيتنا مفتوح لحظه.. لانه بيتنا فيه ابوي واخواني... لا تخليك اخوك يطلع ابدا... الحين الخطف حتى على ابو 14 و15 صار اختطاف وتصوير... ولي زميلة سابقة تحكي لي.. زوجها خرج من البيت..للعمل.. لقى بالشارع مجموعة شباب ماسكين ولده يضربونه ويعرونه بالشارع يريدون يصورونه..بس الحمدلله ربي فك هذا الولد.. وهو عمره 16 سنه.. وعيال الحرام بكل زوايه.. غريب امرك سبحان الله دائم الام هي اللي تدفع ولدها للصلاه والخروج والاخت هي اللي ترفض من خوفها على اخوها.. ربي يحميه ويحفظه تقطع قلبي عليه.. ويحفظ اخواني وجميع ابناء وبنات المسلمين.. |
صدقيني اكيد اخوك فيه شباب يتعرضون له الله يحفظه
كملي ابوك واعمامك وخليهم يتوزون ويراقبون الوضع واذا شافو الشباب جايين يبون يتحرشون باخوك خليهم يورنهم الشغل ويسلمونهم للشرطه وربي شئ يقهر من جد الله يحفظ عيالنا وبناتنا من اول بس البنت هي الي ينخاف عليها الحين حتى الولد الله المستعان |
| الساعة الآن 11:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©