|
زوجي غاضب و لا يرد علي..بعد ان كنا نتجاذب اطراف الحديث ..!!!
ماعرف كيف ابدا او شو اقول والله تعبت وووووووووايد ..... عمري 21 وعمره 29 تعرفنا على بعض بحكم العمل وتقدم لي بعد الزواج استقلت للبيت متزوجين من سنة وعندنا ولد وحياتنا بين شد وجذب مرينا بمشاكل بس نتصالح سريع ..... بس احس راكبه في راسه هالمرة ومعزم على الفراق ماعرف شوبلاه كنا نسولوف سوالف عادية يغايضني واغايضه سوالف بين الازاوج وفجاة قلب ووتم مطنش................... بعدها كانت عندنا زيارة لاهلي نفس اليوم حطني وراح ولارجع... ان قلت بخليه هالليلة وباجر بيرد حاولت اكلمه مارضه مايرد ع مكالامتي رحتله للدوام ماقدرت اتحمل اريد اعرف الموضوع انا رحتله مكان عملنا القديم بعد الزواج استقلت للبيت وانا يوم رحتله مادخلت انتظرته وكتبتله مسج اني انتظره عشان نتكلم وعصب وياليتني مارحت طاح سب وشتم يطرش مسجات انا انهرت والله هالموضوع صارله 3 ايام ............. ؟؟؟؟؟؟؟؟!!؟!؟!!؟ متزاعلين بس ماايعرفون هلي بشي ولا احب يعرفن عسب ماتكبر السالفة والله اني الاكل ماذقته شرات الناس ولا نمت الين امس طرشتله مسج اعتذر وقتله عمر الحب مايتحول كره وعندي استعداد انفذ الي يطلبه وانا بتركك ع راحتك مستعدة ابعد بس مردنا نرجع ولا رجع يتصل او يطرش مسج انا كلمت ربيعتي قالتي سويتي الي عليج وخليه وهو من نفسه بعد كم يوم بيتصل بس والله اخاااااااااااااااف ماايتصل او يرد مرة ثانية شو اسوووي !!!!!!!!!!!!!!!! دخيلكم شورو عليه شو اسووي معاه عفواً تم تعديل العنوان ليتضح المضمون الإشراف |
حبيبتي
زوجج عنده بلوه في سر انتي ما تعرفينه |
اقتباس:
بلوووووووووه شوووو!!!!!!!!! لاتخووفيني ؟!!؟ |
قلبي يعورني
وش فيك عليها لا زوجك مافيه شي بس ممكن فاقد حنانك وهذي مشكلة بناتنا الرومانسية يعرفن يسولفن فيها بس التطبيق مافيه حاولي تكلمينة وتدلعين عليه وفهميه انه كل شي بحياتك على كم دمعة بيرجع ان شاء الله |
اقتباس:
كلما اشووف ولده ااااصيح وواحن له وانا ماايرد على اتصالاتي والله ادلعه ووووااعرف يعزني بس هو اذا زعل مايرحم والله اترجيته وووطرشتله مسجاااااات بس كل يقول مااريد اي مسج من رقمك وانا اخاااااااااف هاي تكون زعله كبيرة |
الله يفرج همك عليك بالدعاء وراجعي نفسك معك قد تكونيني غلطانه او الغلط منه واجهيه باللطف اعانك الله مساكين الحريم اين الرجال من قول الرسول صلى الله عليه وسلم لطفا بالقوارير
|
أختي بصراحة مب شايفة أي سبب لتصرف زوجك! ليش كل هالزعل أكيد بدر منج موقف بدون قصد أو تعليق ماعجبه اثناء سوالفكم راجعي نفسج!
|
أختي الغالية الحياة كلها أختبارات ولكن المهم كيف نحلها بحكمة، الله يصلحج مع بوعيالج وعليج بالدعاء بين الأذان والأقامة والصدقة، وتقولين الله يرده ردا طبيا وأجعلني قرة عين له. الدعاء الدعاء في الليل بالبركة في كل شيء من مجربة ربج كريم .
|
اقتباس:
لأن الرجل ممكن يتحمل أي اغاضة الا نوع معين لا يغفرها ابدا .... فان اجبتي عن السؤال قد نستطيع المساعدة ... دمت في حفظ الرحمن ,,, |
اقتباس:
الله يجزاك كل خير |
اقتباس:
هو من النوع الي الله يهديه ماعرف والله كيف والله سوالف عاادية بس بعدها حسيته تغير وانا الحيت عليه وهو يعاند هو من النوع الي يحب يعاند قلت بتركه بس شفت السالفة طالت بس ان اقول هو معصب ليش رحت له بنفسي اكلمه وسوالفنا جد عاادية كان يقول ان بسافر وومابتصل قلت مو مشكلة انا عندي اهلي قال اوكي قلت اوكي كلها و كنا نسوالف ونضحك فجاة حسيت انه تاثر مع ان كن والله نضحك ونسولف عاادي !!! |
اقتباس:
|
اتمنى مشاركة الكل
ولاهنتم اتمنى اميرات والمصرية لها مواضيع كيف تغلبت على محن واجهتها لاني قرات كذا موضوع لهم والله اني اريد ارائكم كلكم احتاج لشي يصبرني ويقولي شو اسووي ماريد ااخسره وماريد اهلي يعرفوون |
اقتباس:
|
اقتباس:
انتي بتقولين كنا نمزح ... بس ما تدرين بعض الرجال اذا انجرحوا في بعض المور ما يعرف لا مزح ولا غيره .. نصيحتي ..ان تكتبي رسالة طويلة ..لأنه يبدو لا يتقبل الكلام والمواجهة المباشرة ... وبثي اشواقك له وكيف انه ( فعلا تاج راسك ) ولا لك غناة عنه ... وانه اهلك .. والله لا يخليك منه ... ومن هذا الكلام اكيد تعرفين ... والله يصلح الحال ... دمت في حفظ الرحمن ,, |
حياك الله اختي تاج .. اول شي ارجعي لبيتك ... لا تنامي الا وراسك و راس زوجك على مخده وحده .. المشكله ما تنحل عن طريق رسائل او انك تذهبي له في العمل .. لا .. لا تتصلين عليه ... روحي لبيتك و جهزي نفسك و رتبي بيتك و استعدي لزوجك ... اذا دخل البيت خليك عاديه .. اذا رفض يكلمك خلاص اسكتي لا تكلميه .. واذا قال لك ليه رجعتي البيت .. قولي له هذا بيتي ما راح اتركه .. اتركيه براحته لحد ما يطحن الحب اللي في راسه لكن انت قومي بواجبه من تقديم الطعام و تجهيز ملابسه بدون ما تتكلمين .. و لا تستعجلي تفتحي معه الموضوع الا اذا شفتي زوجك رايق و الوقت مناسب انك تفتحي معه الموضوع .. انتبهي اختي .. اول شي عينك في عينه و خذي نفس عميق قبل ما تتكلمي و خافظي على هدوءك عشان تظلي محافظه على نبرة صوتك .. و تكلمي معه بكل صراحه و اعطيه فرصه ليقول كل ما عنده .. و خليك حكميه في الرد عليه .. وربي ما يجيب الزعل .. و طمنينا اختي على اخبارك .. |
والله حبيبتي بالي معاك..الله يكون بعونك..
بس في البداية كثري إستغفار ودعاء.. وبعدين راجعي نفسك وشو الشي اللي ممكن إنه يكون ضايقة.. ولو ماتوصلتي لنتيجه..خليه لاكم يوم على رااحته..ويمكن هو بس حاب إنه يزعل وينتظر الإشاره..لأن في رجال بطبيعتهم زعولين.. ودائما..قولي لما تشوفينه أو تكلمينه أو حتى بين وقت والثاني(اللهم إكفنيهم بما شئت) ولاازمي الإستغفار والدعاء..ولو كان يخاف الله فيك (حتى لو إنه ناوي ينفصل عنك لاقدر الله) بيجي ويصارحك..أو إنه بيجي يصالحك.. وإذا كانت هذي طبايعه الله يعينك..وتذكري..إللي ربي كاتبه بيصير..لكن لاتيأسين من رحمة رب العالمين وطمنينا عليك ياعيوني.. |
اقتباس:
بالعكس هو يدري اني ماستغني عنه بس لو هو يزعل ماايرحم ابدا كتبت بس مب رااضي يقرا او يسمع شي منى والله تعبت وقررت اتركه كم يوم واشوف بس مااعرف شو اخرتها معاه الي قاهرني ع الاقل يسال عن ولده :29: |
اقتباس:
لان مسجاته تكفى وتغث واروح له مرة وحدة لاصعبة بحس مالي قدر ولو سويتها اعرف بيعيدها مشكلته ان اذا زعل مايحب يتفاهم وهاذي المرة احسها موصلة عنده والي يقهر والله مافي شي يستاهل هالزعل !!!!!!!! احس مرات انه يحب يسوي هالحركات وانا لازم اخليه يعرف ان هذا هب اسلوب للتفاهم اذا بنعيش ع طول مع بعض ونفس الوقت اخاف اذا طالت السالفة تطول المشكلة |
اقتباس:
يعني اذا زعل ينسى كل الذكريات الحلوة والعشرة مع بعض وويهيني !!! اشكرج ع المرور |
كما قالت الاخت اميرات المشكله لا تحل على المسجات
يجب ان ترجعي لبيتك لمحاوله التفاهم مع زوجك ومعرفة الاسباب التي دفعته لتركك عند اهلك وعدم السؤال عنك ملاحظه صغيره( احيانا احنا نكون نمزح ونحكي كلام ما نكون نقصده ولكنه يكون جارح للزوج احيانا) لهيك انتبهي لكلامك معه وفكري منيح قبل نطق اي كلمه. الله يوفقك ويصلح احوالك واحوالنا |
اقتباس:
اقتباس:
ليه ما تقدرين تسوينها ؟؟ قوي قلبك خيتووو .. مشكلتكم بسيطه ما تستدعي انك تتتركي بيتك .. اقتباس:
تقدري تكسبيه بالكلمه الطيبه .. اقتباس:
اختي انت داخله على بيتك .. ما احد يقدر يمنعك .. ادخلي بيتك و انت رافعه راسك .. واذا صارت مشكله و قال لك روحي بيت اهلك قولي له هذا بيتي ما راح اتركه مهما صار .. واذا الوضع مو عاجبك انت اترك البيت .. طبعا بكل هدوء .. ولا تخافي اذا ترك البيت .. مسيره راح يرجع و ين بيروح يعني .. اقتباس:
عشان كذا انا اقول لك رجعي بيتك بكل ثقه .. الامر ما يستاهل انك تتركي بيتك حتى لو هو اللي طلب منك انك تتركي البيت اقتباس:
اختي حاولي انكم تحلون مشاكلكم اول بأول .. و حاولوا انكم ما تكررون الخطأ .. و قضية انكم كلما تزاعلتوا رحتي بيت اهلك هذا مو حل انما هروب من المشكله .. افضل حل لمثل هذه الامور هي الحوار الهادئ الصريح .. |
الله يعينك اختي ويهدي زوجك ويرده لك ردا جميلا
|
الله يهدي ريلج اختي الغليه و يصبرج ترا الرياييل مزاجيين ما تعرفيين شو يبون و ماضني ريلج يفكر ينفصل عنج بس هو يثقل عليج ادعيله بالهدايه و لا تلحين عليه خلاص سويتي الي عليج خليه كم يوم من دون ما تطرشيله مسجات او تتصلين لين هو يحن و يتصل و اذا اتصل لا تذكرين بالموضوع لين تصفى النفوس و هو يفتح الموضوع و روحتج له الدوام نرفزته و يمكن الحاحج ذاده عناد و اذا تصافت النفوس سيروا اعتمرو عسى الله يسعدكم و يفرج همج اختي و لا تدخلين حد فالموضوع
|
اقتباس:
انا ودي عشان جذي رحتله وانتظرته عشان اكلمه بس يوم عرف اني رحت له عصب علي وطرش مسجات سب وتهديد وارجعت بعدها بيت اهلي وانا قررت اتركه كم يوم واخاف اذا رجعت البيت ولاقاني في البيت تتكرر نفس السالفة والخدامة تسمع كل شي وانتوا تعرفون الخدم مايخلون شي مايخبرون عنه خاصة انها خدامة امي وبصراحة فضيحة ارجع بيت اهلي مرة ثانية ومعاي الولد الصغير هلي بيشكون وانا ماريد احد يعرف عن مشاكلنا |
اقتباس:
بس هو لما وصل الليل اتصل مايرد ووعرفت انه يعاند ولما رحتله بالباجر لاتكلم معاه كبر ووعصب ووبدات المشكلة الحقيقية مشكلته من النوع الي مايحب يناقش وانا مستحيل وما احب انام وهو او انا شايلين ع بعض |
اقتباس:
|
اختي نسيت اقول لك .. اذا رجعتي بيتك و شفتي زوجك حبيه على راسه و اعتذري منه اذا كنت قلتي له كلمه زعلته .. صدقيني راح يرضى و تكبري في عينه .. اختي لو كل وحده عصب عليها زوجها و سبها تترك البيت كان نص المتزوجات جالسين في بيوت اهاليهم .. عليك بالكلمه الطيبه و مره ثانيه راقبي كلامك و انت تمزحين معه .. في بعض الازواج يكون مزحه ثقيل مع زوجته لكنه ما يتقبل منها انها ترد عليه بنفس الاسلوب .. |
اقتباس:
والله اني اقول جذي بس الله يهديه يوم يعصب مايعرف احد وانا قررت اخليه روحه ولا اطرشله مسجات ولا اتصل وبشووف اذا بيتصل او يسال عن ولده |
حبيبتي أنتي قلتيله انا عندي أهلي .. تلقينه قال نزين أنا براويج خلي أهلج ينفعونج .. بعدين امنوا قال انها سوالف عادية .. انتي جرحتيه كيف تقولين سوالف عادية!!! .. الغالية كلامج دل انه ما يسوى عندج شي و ان وجوده وعدمه واحد .. بس الغالية لا تخافين ان شالله ماراح توصل للفراق .. بس يبى يشوف غلاته عندج ..
طرشيله هالمسجات ك يوم مسج .. و الله يحنن قلبه عليج .. عيشة عدوك عيشتي عقب فرقاك عايش ولكن عيشتي ماتسرك ظلمتنا وتقول حنا ظلمناك ! وأنت الذي كفيت خيرك وشرك حبل الموده لاقطعته وصلناك متربع بالقلب لله درك آمر وحنا من يمينك ليسراك وتشوف عينك ياشيخ مايسرك ------------------------- حرام تحرمني من الصوت والشوف وحرام تذبحني بزهرة شبابي وحرام تقطف وردة الحب بسيوف وحرام تهجرني وتطير صوابي لا تبتعد عني ترى القلب مخطوف ما بقى الا الجسم داخل ثيابي ---------------------------- تبي الصراحة وش تبي بالصراحة اكذب عليك ان قلت عايش بخير لاجيتني صدري يزيد انشراحه وغيرك على دنياي نقص ومخاسير في ذمتي ماغيرك ارجي سماحه قول شتبي مني واقول ابشر يصـــــــيـر ---------------------------------- وش اخبارك يا / تاج راسي / وعاليه ياغيمة جادت بأغزر مطرها أنت ربيع القلب وأغلى أمانيه عطر الحياة وأثمن دررها حقك كبير يعجز الشعر يوفيه ياوردة فاحت بأجمل عطره -------------------------------- جيتك أنا كلي حروف تنزف بشوق وتحتضر لأجل الغلا جيتك شغوف والشوق فعيوني بحر عطني الأمان من كل خوف وعطني من إحساسك قدر يا آسري ليتك تروف ماعاد يكفيني صبر ليتك تناظرني وتشوف وبتلقى الوله فيني وش كثر |
كثري من الاستغفار .. وطنشيه لو شهر ..
وبرد لك .. هذا شوري .. وشوفي نتايجه |
الله يهديه,ويهديك عشان ماتزعليه .
|
اختي انتي طلبت النصيحه
حطي في بالك انه زوجك جنتك ونارك قد تدخلين الجنه والسبب هو ابحث عن رضا الرحمن وليس رضا الناس اسمعي كلام اختي اميرات وسترين النتيجه اذا كان غلطان فانتي سامحته ومااجمل المسامحه بين الزوجين واذا انتي الغلطانه فقد اعتذرت صدقيني هذا زوجك ولايوجد بين الزوجين كرامه قد يكابر ولكن في داخله يعلم بانك فعلت كل شي من اجله هو فقط سيتذكرها |
:25:مني فاهمة زوجك ليش زعلان؟؟
|
اقتباس:
فانا قادر اتصور معاناتك بس ترى ردي بالك لانه اذا تعود ان يغضب ولا يرحم او يتنازل وانت اللي تتنازلي فحياتك ستكون صعبة فانا كتبت هنا عن زوجتي وهي من هذا النوع واذا زعلت او غضبت لاي سبب فهي لا ترحم ولا تستغفر ولا تتراجع وكانها راكبها شيطان في البداية كنت اتحمل لاني فعلا احببتها قبل ان الم بكل جوانب شخصيتها وبعد الطفل الاول اصبحت اراعي بنتي وصغرها وبعدين زاد عدد الاطفال والحين وبعد عشرين سنة زواج افكر جديا في فراقها واحس بالندم على تضحياتي معها خلاصة تجربتي هو ان الشخص اللي من هذا النوع يجب حسم الموضوع معه من بدري والا كوني مستعدة لمزيد من التضحيات الله يهدي لك زوجك |
الله يعينك اختي
بس شدراج ان زوجج بيطلقج؟ هو قالها او ما قالها؟ و شلون تقولين مابي اهلي يحسون ؟ كا انتي الحين قاعده عندهم كم يوم معقوله ما حسوا ؟ اختي سوي كلام اميرات لان هو الصحيح و مهمها قال و عصب و سب او عمل اي شي استحملي و لا تكلمين حتى لو طردك بالكلام ما عليه استحملي بس قبل هذي الخطوه لازم تنقطعي عنه كم يوم و مو لازم مسجات مسجات اذا ما رد عليج لن راح يتعب قلبج بصراحه زوجج بباله شي و يدرو السبه عشان يزعل و انتي ادرى بزوجك! و الله يوفقج |
أقترح عليك لا تتصلين الحين علية خلية يرتاح كم يوم لاتدقين ولا ترسلين ولا تسوين شي أبببببد بس عليك بالدعاااااااااااااء
وبعدها بكم يوم صدقيني هو اللي بيجيك يعتذر والله يكون في عونك يارب ويسخر لك |
انا اشوف تتركيه لمدة اسبوع الى ان يهدا و بعدين اتصلي فيه
|
اقتباس:
جزاك الله كل خير والله يهدي لك زوجك يارب وعيالج اختي قررت انتظر شوي بس احس الحمد لله هدى امس طرشت له مسج اعتذار ثاني ومارد بالعادة يرد وهو معصب ان اعرف ان شاء الله بعد كم يوم بروح بنفسي |
اقتباس:
هب جذي والله والله انه يعرف اني امزززززززح ووقتله بعدها بس احس انه بس كان يبغى يعاند ويوم شاافني الح واحن عليه عاند ، ووعصب اكثر يوم رحتله ومسجاتج والله انها رووعة تسلمين ومشكوووووووووووووووووووووورة وجزاك الله كل خير |
| الساعة الآن 06:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©