دقيت على زوجي وردت بنت وهو مسافر بكرا بيرجع
 

السلام عليكم ورحمته وبركاته


انا ماكتبت في هذا المنتدى الا لثقتي الكبيره بكم وبي اراءكم الصائبه

اتمنى تردوووووووون علي اليوم ضروري

زوجي مسافر لدوله خارج المملكه له اسبوعين وراح يوصل بكرا الظهر

دقيت عليه قبل ساعه وانااستعد وارتب لرجعته ابي اعرف راح يتغدى معي اطبخله ولالا

دقيت كم مره ولا رد ودقيت الاوترد علي بنت قالت الو وسكرت انا انصدمت جلست ربع ساعه

وانا افكر قلت بدق مره ثانيه واشوف الا ويرد علي عند ربعه وكلامه عادي قلت له دق على اذا ماكان عندك احد

انا الان مرررره مشتته وموقادره افكر

اهو بيوصل تقريبا بكرا الظهر اتمنى تردون علي الحين ولو كلمني اساله ولالا؟

انا كنت متحمسه لوصلته واتجهز من اليوم العصر بس الحين احبطت




وضعنا زوجي طيب وكريم وحليم لنا 8 سنوات متزوجين عندي طفل وحامل الان طبعا اهو ملتزم بس لاحضت عليه تغير في الشهرين الاخيرين بدا يسمع اغاني والسنن يتهاون فيها صاير عصبي نوعام



ماكان عندي شك ولا 0%100 بس الحين لااشك

والله العظيم يا اختي بدون ما ابالغ انه اكثر من مره تصير معي هالحركه .. اتصل على شخص واشوف الرقم مخزن عندي ع الجوال انه هاي رفيجتي والا زوجي والا اخوي .. ويرد علي شخص ثاني ..

هذا تشابك خطوط .. لاتحطين في بالج ان شاء الله حير .


اذا انتي واثقه في زوجك .. لا تخلين هالحركه تاثر عليج ..

موفقه ان شاء الله

اشكرك ام الجود ارجو من الله ان يصلح ابنائك ويبارك فيهم

حامله الهم اسال الله ان يوفقك بدنيا والاخره والا يريك مكروه

اشكرك اختي اميرات
لوكان تشابك خطوط ليش قالت الو وسكرت يعني لو عادي كان كملت المكالمه

اتمنى تحطون انفسكم مكاني

صدقيني تشابك خطوط وقد صارت معي انا شخصيآ
ولا تنسين الحين موسم عمره وصيف ورمضان وياكثر المتصلين
والله قد حصلت معي وحتى احيانآ يتصل زوجي علي من جواله السعودي وهو برا
ويطلعلي رقم آخر وما ارد
وثاني يوم اتصل انا والقاه زعلان
يقلي ليش امس مارديتي؟
قلت انت امكن متصل علي من رقم آخر
يقول لا والله من جوالي
وبالفعل اتصل مره ومارديت ورجعت اتصلت وقال دوبي اتصلت فيك ولا رديتي
ونفس الشي تصير مع اقاربي اذا دقوا من برا رغم ان جوالاتهم سعوديه

لابد تصارحيه حتى يوضح لك الموقف وترتاحين

لكن اختاري الوقت المناسب اللي يكون فيه رايق ولاتجعلي الموقف يؤثر على استقباله

كان الله في عونك

استعيذي من الشيطان .. و استقبلي زوجك بوجه بشوش و خليه يحس كم انك مشتاقة اله ..

ان شاء الله عزيزتي اشتباك خطوط و عشان تطمني زيادة خذي جواله و روحي على السجل المفصل اللي فيه تفاصيل كل المكالمات و حتلاقي مافي غير مكالمة وحده في السجل مسجلة بذلك الوقت و هي ان شاء الله المكالمة اللي دارت بينكم
و اذا كان فعلا بنت ردت تلاقي قبل مكالمتك مكالمة وارده مدتها ثواني
و ان شاء الله ما يكون في غبر مكالمة وحده و الله يطمنك و طمنينا عنك

هلا وغلا اختي ..خذي نصيحتي بكل اهميه وابشري بلخير ...

استغرب ليه انتضرتي الى الان !11

مفروض في نفس الوقت صارحتيه بكل هدوء ..

انا دقيت وردت حرمه ...مين ...؟؟؟؟؟

تتركين نفسك لشيطان !!!!!!

انا صاري الاربعاء مثلك ...فتحت جواله واحنا بالسوق وشفت رساله هلا وغلا اتصلي الساعه 2

..قلت له من مين ..قال هذي وحده على بالي مرسلتها لك مارديت عليها ..لانه كان جوالي قبل ..من 5 سنوات ..من وين

طلعت لي هذي الصديقه !!!!

مشيتها وانا مو مقتنعه ...اقول دايم انا وزوجي ومابعده الطوفان

بس من يومها وانا مراقبته حتى في نفسه ...مو لازم اتهاوش وياه ..بس احرص واشوف تاليتها

انا ماعندي استعداد اقدم زوجي على طبق من فضه لاحد ..

.اين كانت هذي المراءه... واتنح جانبا وابكي على النت وانقهر ..اذا مو زوجته متزوجها من وراي !!!.

.علاقات حرام واسكت !!11.

.بالله عليك لو قالك انا بتزوج مو راح تقومين الدنيا وتقعدينها ..فمن باب اولى ارفض الحرام

هذا حق من حقوقك ..تدافعين ..وتغارين ..وتراقبين ..الدنيا مش سايبه ..

اهو لو سمع الي سمعتيته..ماتركك في حالك !!!!

..لو سكت ماواجهك ادري ان فانوس المراقبه اشتعل

@@@@@@

انتي الان راحت عليك الفرصه لاتفتحين لك باب مشاكل بس لا تعيدينها سمعتي شي ..شفتي شي ..عودي حالك اول باول وتنحل المشكله ياتكوني انتي الصح ..يا اهو

...خذيه درس قوي لك رمضان على الابواب ..

استعدي بحسن العشره ..اهتمي فيه زياده .خلي رمضان فرصه لتعديل كل شي بينكم .

كونه تغير وبدى يسمع اغاني مو شرط يكون صار له علاقات نسويه ..النفس والشيطان مايتركون ابن ادم بحاله

فرصه لرمضان للعوده ...

انتي نفسك لو فترتي وبديتي تشوفي وتمعي اغاني معناه انك تغازلين ..

الى جميه الي ردو علي اشكركم من كل قلبي واتمنى المزيد من الاراء

اختي ام هتان

انا لم اربط سماع الغناء بالمغازل
وكل انسان يمر بلحظت فتور ولاكن التغير الي حصل يمكن يساعد والاجواء الي في البلاد الي رايح لها مو زينه
فاالشيطان حريص



والي تقول يمكن وحده قريبه او بنت صديقه فالبلد الي اهو فيه مافي معاااااااااااااارف ابدا والي رايحين معاه شباب مافي عوايل

الله يبعد الشك عندك

يمكن تشابك خطوط و الله اعلم

زوجك مسافر مع صحبه صالحه ام بروحه؟

مع اصحابه واحد صالح وثنين لا

فعلا السجل يحل مشكلتج
فيه كل التفاصيل
اذا مكالمتين على طول اسأليه وشوفي جوابه؟؟
واذا مكالمه وحده خلاص ينتهى الموضوغ

بصراحه ما اعرف شنو اقولك بس لو انا بمكانك كان ما سكتت بلحظتها اسأله مين هاي ؟؟؟؟؟واستفسر عن الموضوع ؟؟؟

ويمكن مثل ما قالو تشابك خطوط ؟؟؟؟؟؟بس ليش سكرت؟ ليش ما كملت المكالمه عادي ؟؟؟؟وقالتلك الرقم غلط ؟؟؟

شوفي اسألي زوجك وشوفي انتي اكيد تعرفي زوجك اذا كان يكذب او يرتبك خصوصا انتي معاه ما شاء الله 8 سنوات يعني تعرفي من عيونه الصدق ولا الكذب


وان شاء الله تكون تشابك خطوط واتصالات ........بس طمنينا عليكي

دق علي زوجي وكلمته طبيعي قالي وش تبين متصله خبرته قال لا ماراح اتغدى بكرا معك

المشكله انو زوجي لو راح اقوله دقيت وردت بنت اكيد راح يدخلني من هنا ويطلعني من هنا وراح اطلع غلطانه 100%100

لانو لايمكن يعترف راح يصرفني

ولو اسكت وكتمت راح اكون شايله بقلبي وانتو تعرفون

وبعداخاف ادور في جواله واكتشف شي مايعجبني ماعندي جرائه مواجهه الموقف



لان دايم لمى اسمع عن الخيانات الي في النت ولا في مجتمعنا تقريبا مافي زوجه الا وعانت وفي كثير زوجات يلوموني ويقولون ليش تخلين زوجك يسافر برا انتي غافله ماتدرين ال بشي طايح براسك

يعني ماابغى اعيش لحضات الشك والقلق وعدم الامان وانا اعرف لو فتحت على نفسي هذا الباب مراح يتسكر لاني غيوووووره جدا على زوجي


الله يعدي هذا اليوم على خيرررررررر




ادعو الله ان يجعل لكم من هم فرج ومن كل ضيق مخرج وان يرزقكم سعاده الدارين

قلبي والله معاج احس صعب الموقف اللي انتي فيه

طمنينا