|
سئمت الحياة مع زوجي وعناده وكبريائه....فأرسلت إليه هذه الرسالة
السلام عليكم
لقد طرحت أكثر من موضوع في هذا المنتدى عن بعض مشكلاتي مع زوجي وذلك بعدم أهتمامه لي وتجاهله لكلمات الحب والحنان ووعوده الكاذبة لي فآخر موقف أنه وعدني أنه سيسافر بي يومين فقلت والله إنك لن تفعل لأنك أكثر من مرة تواعدني ولم تفي بوعدك فلا تحمسني للسفريه فقال بإذن الله سوف نذهب فقلت: أن لم تستطع وقتها فأرجووووك أرجوووك يازوجي الحبيب أن تقلي لي يازوجتي الحبيبة لم أستطع أن أسافر فأرجوا ان تقبلي عذري وسوف أعوظك بسفرة أخرى إن شاء الله وصدقني لا أغضب أن أحسنت التصرف معي.. وكالعادة وتوقعت عدم سفره عدما حان الموعد فقال مافي سفر اليوم قلت له لماذا قال : راحة والله مابحاااااااالي والله قالها وهو يضحك قلت يعني مافي سبب قال بس مبحاااالي اسافر غضبت من تصرفه لأنه لم يفي بوعده ولم يكلمني بالأسلوب الذي وعدني إياه وتشاجرت معه ثم تأسفت منه ولم يبالي فقلت له نذهب لنتزه بدل السفر قال ليس اليوم ثم آتيته كي أنام معه فهذه ايام التبويض فقال: ليس هذا وقته .....متزوجة من 3 سنوات ولم أحمل واتناول الحبوب والإبر للعلاج وعندما تأتي ايام التبويض يرفض أكثر من مرره فمع جميع تلك المشكلات ارسلت له اليوم بالرسالة التالية ولم يرد عليها الى الآن وسوف ياتني غدا ولا أدري هل سيقلب الامور علي دائما وكيف أرد عليه فأرسلت إليه: ((ماتقدر ترسلي رسالة أو كلمة تجبر فيها خاطري ! متى تقدر ترسل ؟ متى تقدر تهدي ؟ متى تقدر تقولي الكلام الحلو ؟ بالله عليك أيش تنتظر ؟؟أي وقت تستناه ؟ خلاص كرتك صار محروق عندي وأي شئ بتقدمه مايفيدني لأنك ما أفدتني وقت الشدة فلا تحسب أني انتظرها وقت الرخاء )) كنت أطلبه الهدايا وأشحده الورد قلت من أقرب شارع اقطف لي وردة وأرمها بوجهي قال: موأنتي تقوليلي أنا من نفسي و3 سنوات لم أرى شيئاً فما توجيهاتكم جزاكم الله خيرا وأعتذر على الإطالة |
ياحبيبتي اثقلي ثم اثقلي ثم اثقلي
مانفذ وعده بالسفر وبدون سبب ويقولها لك والابتسامه من الاذن للاذن!! زوجك بارد مشاعر ومع هذا تعتذرين منه ولا يهتم وتطلبين حقك ويتجاهلك ازعلي عليه ولاتكلمينه خليه يحس شوي عشان يكون لك عنده قيمه اذا هو بارد كوني حاره والنار تذوب الثلج الله يوفقج حياتي |
اقتباس:
أختي ناآااني على الرد صحيح يبقالي ثقل بس انا ما أتحمل الصمت يجلس بالأيام ولايكلمني عنيد ..وجزاك الله خير على الدعاء |
ما اقدر اقولك...
الا كان الله في عونك... فرج الله همك وقرب بينك وبين زوجك... |
زين انك ارسلتي له هالرسالة كل اللي بقى انج تثقلين عليه..مش يوم او يومين لكن لاسابيع حتى لو تصل للشهر و شوفي كيف بيستسلم...لا تقولي عنيد صدقيني بيمل
|
اقتباس:
تسلمين أختي مرعووبة على المشاركة والدعــاء وجزاك الله كل خير |
اقتباس:
لأني انا أموووت لما ألاقيه يطنشني ولايكلمني وقلبي ضعيف فاسأل الله أن يثبت قلبي وبارك الله فيك |
اقتباس:
|
اقتباس:
ولن أرضى الا بشروطي سأحاول بقدر استطاعتي والله يكون بالعون وأشكرلك حرصك ومشاركاتك القيمة جوزيتي خيرا |
اذا كنتي تبغين ترتاحين وتستمر حياتك الزوجيه ان شاء الله للأفضل (( قوي قلبك زيااااده ))
|
معليش بصير صريحه شوي
السفر والهدايا والاشياء هذي كلها مو مهمه وماتسوى زعلكم وضيقه خلقك عليه انتي خلاص لا تتفاعلين معاه وحطي ببالك انه ان ما حصل عادي وان حصل فبها وبكذا بيرتاح راسك م الهم لانه حرام تعصبي دايما وتتكلمي معاه كلام مو حلو دايما لان الايام تمشى بسرعه ومع العصبيه راح تطلع عليك اثار الشيخوخه وانتي لسا صغيره ومن بعدها بيتركك زوجك فعلا خليك ريلاااااااااااااااااااااكس |
اقتباس:
دايم اكلم زوجي عن الهدايا واثرها بين الزوجين لكن يقول موشرط اذا في مناسبة مثلا ((( ولادة . عيد .........)) اني اجيب هدايا ؟؟؟؟؟؟ ويقول سالت واحد من اصحابي متزوج انتم تتهدو قال لا لا اعلم ليش ماتهمو الهدايا والله الزوجة تفرح جدا من الهدية اذا زوجها جبها لها الله يكون في عوننا جميعا اذا الهدية ماجات من النفس بلاش منها والله تنعاف انتي اهديلة وعودية ممكن يحس وممكن لا |
هلا اختي
اهديت لحد ما تعبت وكان يجيب هدايا فترات متباعده لكن ما كان يعجبه ردة فعلي يمكن كان يبغاني انطنط واصارخ من الفرحه !!! والله ما عرفت ايش يبي؟ الله المستعان |
الله يفرج همك ويصلح مابينكم
|
عامليه بالمثل حتى يفهم ان اسلوبه غلط فقد يتراجع وانا اشك بذلك لانك طيبة المنبت بزيادة .
|
اقتباس:
وجزاك الله خير على المشاركة |
اقتباس:
فدائماً مايسمع مني الا الكلام والفعل الطيب ولكن بدأ يرفض لي كل طلب حتى متطلباتي الأساسية وإن سايرته أكثر من اللازم فسيرى فعله معي أنه هو الصحيح فأسأل الله لي وله الهداية وبارك الله فيك على النصح والمشاركة |
اقتباس:
أما انا فطلبتها منه يوم العيد وضحك وقال: أول مره أسمع أحد يطلب هديته بنفسه وأكيد ان الهدية لها أثرها على المرأة وتغير من نفسها الشئ الكثير وكفى بقول نبينا محمد صلى الله عليه وسلم : تهادوا تحابوا بارك الله فيك على المشاركة واسأل الله صلاح ازواجنا وهدايتهم للحق |
الله يهديك اختي ... انا استغرب من الزوجات اللي تزعل اذا زوجها ما جاب لها هديه ... انا اخر مره زوجي جاب لي قطعة ذهب بولادتي بابني الثاني اللي الحين الله يحفظه عمره 17 سنه .. بعدها ما شفت منه ولا شي الا كل سنتين او ثلاث يشتري لي زجاجة عطر اذا سافر للعمل .. السنه الماضيه امه اللي ساكنه معنا قالت له ابغى تغير لي سلسلة الذهب .. راح محل الذهب و اشترى لها سلسله مره حلوه و كانت فرحانه وهي تقولي شوفي ابني وش جاب لي .. قلت لها يمه تستاهلين احلى منها كمان .. و مسكني على جنب وقال لي والله انا مستحي منك يا بنت عمي من زماااان ما اشتريت لك ذهب قلت له انت عندي بالدنيا كلها ... و بعد ما توفت امه قبل كم شهر الله يرحمها و اتفقوا عيالها يبعون ذهبها عشان يتصدقون بالاموال .. اشتري لي السلسه اللي عطاها اياها قبل ما تتوفى و معها قلب و خاتمين .. طبعا القلب و الخاتمين من الذهب القديم .. والله اني فرحت فيهم .. اخر 4 مرات ولدت فيهم ما عطاني هديه .. اخر ولاده كانت قبل شهرين .. صار لي متزوجه 24 سنه عمره ما عطاني عيديه .. كل عيد يعطي عياله و حتى الشغالات فلوس يوم العيد و انا اطالع عمره ما مد لي فلوس .. يقول لي اميرات تبغي اعطيك عيديه اضحك و اقول له انت و ما تملك لي انا .. والحق ينقال لو اطلب لبن العصفور يجيبه لي .. ما له داعي انك تشحذي منه الهديه دام انه ما يقصر معك اذا طلبتي منه .. انت خذي منه الفلوس واشتري اللي نفسك فيه .. و سالفة السفر .. مو لازم تسافري .. اذا قال بنسافر قولي له ما لي نفس على السفر وانت تضحكين .. وبالنسبه للعلاج للحمل .. حاولي يا اختي ان وقت التبويض تحرصي انك ما تزعليه و تهيئي الجو عشان تحملي .. وانت و ذكائك اختي .. وربي يسعدك .. |
ربنا يسعدك يا أميرات والله كلامها يكتب بماء الذهب
هدا هو الحل يا أختى فتمعنى به ثم طبقيه |
اختي زوجي نفس زوجك ويمكن اكثر
انا زوجي يقول ان ما يحب الورد ابدا ولا يحب ريحتها الكلام الرومنسي والهدايا مالها اي داعي حتي يوم الصباحية انا الي اهديتة هدية وهو ما جاب لي شيء وولادتي بولدي ما جابلي شيء وعيد زواجنا الاول ما جابلي شيء وسويت عملية ولا شفت شيء صرت ابكي اقولة شوف الناس شوف صاحباتي اسال مافي حدا ما يهدي زوجتوا ولو وردة يقول الهدايا لازم تجي من نفس الواحد مو شرط ان في مناسبة |
أشكركم جميعاً على مشاركتكم لي
وأعتذر على التأخير في الرد فجزاكم الله كل خير ومشكلتي الى اليوم مازالت مستمرة فاليوم هو 2 من رمضان تقريباً أكثر من اسبوع ولم يكلمني زوجي ولم يعايدني بقدوم الشهر الكريم ينتظرني أن أبدأ ولكن الى متى ..فقررت الا أتحدث لأن الكيل قد طفح والبعض قد يعتبر مشكلتي فقط في طلب الهدايا والسفر وليس كذلك بل من تعتبر من بعض المشكلات وقد ذكرت أغلبها في مقدمة الموضوع من عناده وإخلافه لوعوده وعدم استجابته لحاجاتي تعبت والله تعبت حتى فرحة رمضان ماحسيت فيها ومازال هو صامت فما الحل ساعدوني بارك الله فيكم وكل عام والجميع بخير |
اقتباس:
|
اختي sass
مشكلتي مثلك اني وايد ضعيفة وما اقدر على تطنيشه والحين بعد احنا متهاوشين من امس يعني اول يوم بشهر رمضان. وبحاول مثلج اني ما اكلمه وما اعطيه وجه وبشوف |
انا حالي اردا منكم احمدوا ربكم على الي انتوا فيه انا حتى الطلاق طلبته منه لاني زهقت وتحطمت من برود المشاعر الي عنده لاني على النقيض رومنسيه بزياده بس للاسف مافيه فايده اعرف اني ضعيفه ورغم حبي الجنوني الا اني اتمنى في اوقات اني ما ارتبطات فيهواطلب الطلاق من الوضع الي يحطني فيه والوعود الي يوعدها لي حتى بيت زي الناس مافيه ورغم اني اطلب الطلاق بس هو ما يبالي ويتمسك اكثر وبدون اي تنازل بالعكس عناد غير طبيعي لانه عارف انه بدوني راح يضيع
|
الله يصبرك ادعي الله دائما يسخره لك ولاتتضايقين كثير لان هذا الموضوع يأثر على الحمل
وتجنبي الاحتكاك كثير معه حاولي تقضين وقتك في اي شي ثاني تحبينه كوني صداقات وعلاقات مع الناس اشتغلي اذا كنتي ماتشتغلين اطلعي وزوري الناس انظري للحياه من جانب احلى اضحكي وانبسطي تعرفي على جيرانك الله يرزقك الذريه عاجل غير اجل |
طنشيه وهو حيعمل المستحيل لأجل يراضيك مهما كان عناده اذا شافك مو مهتمه راح يركض لك ركض..الرجل بصفه عامه يحب الحاجه اللي صعبه المنال ويتعب فيها لأجل ينالها.. الرجل لايحب السهوله.. وان شاء الله تضبط أمورك..
|
تعرفوا احنا ايه المشكلة اللى عندنا؟؟؟؟؟؟ المشكلة اننا حاطين الراجل فى دماغنا اكثر من اللازم لو رضى عننا وضحك فى وشنا نتجنن من الفرحة:14::14::14: ولو زعل وكشر نموت من النكد ويمكن ييجى لنا ضغط وسكر كمان:30: . لكن لو فكرنا بعقل هنعرف ان المشكله فينا احنا يعنى مثلا احنا لما بنطنشهم لا بيتجننوا ولا حتى بينزعجوا وعادى جدا الامر عندهم :(يبقى المفروض اننا نتعامل معهم بنفس المنطق حتى ولو نظهر لهم كده علشان ما يتمادوش وحتى لو كنا فعلا بنتحرق من جوا:22:.
|
اختي العزيزة ساس مالك الا حل واحد انك تحاولين ماتعطينة بال اكثر من حقة حتى يعرف غيمتك عندة واللة يعينك هذا رجل يابس الراس بس الصبر جميل واللة يهنيك بايامك انشاء اللة
|
قوي قلبك
الرجال اذا لاحظ تطنيش من زوجته وعدم اهتمامها به راح يحاول يعرف الاسباب |
| الساعة الآن 10:20 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©