|
أريد أن اترك البيت ...
السلام عليكم و رحمة الله و بركاته
عايزة احكيلكم مشكلتي و ربنا يخليكم تتعبوا معايا عشان عايزة أحلها انا مطلقة و عايشة مع امي ، و الان اريد البيت واسكن في سكن للموظفات تابع لعملي انا زهقت من القعدة في بيتنا ، بيتنا عامل زي متحف الشمع كل واحد في حاله حتي أمي أهم حد عندها أهلها و مش مهم انا عندها في أي حاجة طيب لغاية متى اتحمل الوضع هذا؟؟ و الله زهقت يا تري لو انا رحت سكن الموظفات أصبح مخالفة للشرع ، يعني هل لازم اسكن مع أمي انا عارفة ان الناس مش حيعجبهم الكلام ده ، بس هما كدة الناس بتحب تحشر نفسها في حياة بعض جزاكم الله خيرا |
حبيبتي
برك بأمك أعظم بر وربي راح يوفقك في كل خطوه حتى لو سكنتي في قصر مشيد طالما امك ماهي راضيه عنك ماراح تكوني سعيده أختي امك ثم امك ثم امك لاتضحكي على نفسك بلأعذار كل من في البيت كأنهم متحف شمع مهما كان المرأه عزتها وشرفها في بيت اهلها وليس سكن لوحدك في نفس مدينة اهلك يمكن ربي يرزقك بولد الحلال على الأقل يخطبك من اخوانك وامك وليس من سكن الموظفات الله يصلحك |
برك بأمك أعظم بر
|
اقتباس:
يا أختي ما انا مش عايزة اربط نفسي بعريس المستقبل ده انا بيتقدمللي اقل الناس عشان انا مطلقة فمش عايزة أربط نفسي بموضوع العريس ده من حقي اختار لنفسي حياة كويسة و لا ده مش من حقي و لا البنأدم عليه عقوبة و جاي عشان ينفذها في الدنيا دي شكرا لكي أختي الفاضلة |
اقتباس:
طيب و بري بنفسي يا أختي نفسي مش ليها عليا حق لما يكون أمي أهم حد عندها أهلها طيب خلاص خليني انا في حالي و كل واحد في حاله جزاكي الله خيرا |
بشكركم يا أخواتي الحزينة و سابرينا
لأ المضوع ده مش حينفع بأي حال من الأحوال ومش رايحة و لا جاية و اديني قاعدة في البيت و خلاص |
الله يعوضك اختي ويصبرك
وحتى تهون عليكي الوحده انا في البيت وصار لي سنين والله المستعان من ترك شيئا لله عوضه كما قال صلى اللهعليه وسلم وبما خروجك فيه ربما غير جائز شرعا وبرك لأمك والصبر عليها في اجر باذن الله اجرك لا يضيع تذكري قصة سيدنا ابراهيم عليه الصلاه والسلام لما اخبر ولده اسماعيل عليه الصلاه والسلام كان ررداسماعيل بالأيجاب ابتغاءا لمرضاه الله كل هذه اأموراختبار من الله سبحانه لنا |
ربنا يسهلك أمورك
و ما تفكريش في الموضوع ده تاني لأن قوة المرأة عزوتها و أهلها معلش حتى لو بتدايقوا منهم الدنيا مشاغل حاولي إنك تضيفي جو على البيت , حاولي تجمعيهم اشغلي وقتك كملي دراسات عليا في مجال دراستك اتعلمي تجويد القرآن في مركز متخصص و ابدئي بالحفظ أيضا اقرئي في كتب العلوم الشرعية المفيدة ابحثي عن هوايات مفيدة و حلال تسلين بها وقتك كالخياطة و الأشغال اليدوية زوري دار أيتام و خذي معاكِ شوية لعب , حتحسي بفرحة كبيرة في قلبك غير الثواب العظيم إن شاء الله اتحكمي في حياتك بنفسك و مالكيش دعوة بغيرك لأن كل واحد وراه مشاكله و همومه ربنا يوفقك حبيبتي |
اقتباس:
شكرا لردك يا أختي نايت أديني صابرة أو بمعني أصح عايشة و خلاص لغاية ما نشوف لأمتي كنت أتمني ان أمي أكون أنا اغلي حد عندها في الدنيا مش أخواتها بس اهو محدش بيختار نصيبه |
اقتباس:
شكرا ليكي يا أخت نوران لأ مش حفكر في موضوع اسيب البيت ده ، اهو كلام كتبته في ساعة زعل ، بس محدش حيخليني اعمل كدة طبعا بالنسبة للهوايات انا جربت هوايات كتيرة بس اكتر هواية حبيتها و استمريت فيها هو النت كلامك صح كل واحد عنده مشاكله و همومه و الواحد مفروض ميتقلش علي الناس و ميستناش من اي حد اي حاجة و أهو النت مسليني و مضيع الوقت معايا و خلاص |
السلام عليكم ورحمة الله وبركاته
عموما على الانسان ان ينتبه لما يقول ....بل ينتبه لكلامه وحكم كلامه...... ثانيا:- الاخوات الكريمات نصحوك ببر أمك وجزاهم الله خير وكثر من أمثالهم فعلا بر أمك هو أهم شئ وعموما إهتمت بخالاتك او لا.......؟؟؟؟؟؟ لا أعتقد انه امر يغضب احد أيتها الاخت الكريمه الله يوفقك ويستر عليكي ولكن إنتبهي كثيرا لموضوع بر الوالدين أمر الوالدين مهم جدا بري أمك واحرصي على رضاها |
أسأل الله تعالى أن يفرج همك و أن يحميك من كل سوء
|
اقتباس:
و عليكم السلام و رحمة الله و بركاته يا أختي الموضوع أن فيه بعض من أهل أمي او معظمهم مش بيحسنوا معاملة الناس و بيتعاملوا مع غيرهم بصلف و بتكبر و أمي ست طيبة و مبتعرفش تاخد موقف من حد و انا يعني مفروض اتحمل الوضع ده لغاية أمتي هو ربنا قال ان الواحد يصبر علي شئ مش طايقه ليه ، لو فيه فرصة ان الواحد يغير ظروفه للأحسن ليه لأ لكن تصوري كل أهلي دول اللي كل واحد فيهم في حاله وم محدش بيسأل عني ، لو انا فكرت اني اسكن في مكان برة البيت حتقوم عاصفة و كل واحد حيقول أزاي ده يحصل و فين الدين و فين العرف و فين الأخلاق جزاكي الله خيرا أختي الفاضلة |
اقتباس:
اللهم أمين جزاكي الله كل خير أختي الفاضلة |
يا اختى انتى لا تعرفين المستقبل وما مخبى لك
وان تقدم لكى رجل كفىء اقبلى فيه لا تخضعى لقوانينا وعاداتنا نحن العرب منها البنت يفترض تتزوج من رجل لم يتزوج من قبل المطلقه لابد ان تتزوج متزوج او مطلق او رجل يكبرها بكثير يا اختى السعاده لا تحددهاتلك الامور بالنهايه اهم شىء هو معدن الرجل اللذى سوف نشاركه حياتنا فبما سوف ينفعك شاب لم يتزوج مسبقا ويتعاطى المخدرات ويشرب الخمر ولا يعرك الاهتمام يا اختى البشر لا تتصنف على هذا المنوال مطلق اعزب ارمل للاسف لم ناخذ من حياه الغرب الا السيئات اما عن ايجابياتهم لم نعرهم اهتمام فالبنت عندهم قد تكون صغيره ولم تتزوج سابقا ونجدها ممكن تتزوج من رجل سبق له الزواج والانجاب وقد يكبرها كثيرا لكنه مريحها وسعيده معه وبالمقابل الناس مالها دخل بحد وبيكون وضع طبيعى لن يعلق حد انها اصغر منه او سبق له الزواج فلكل حياته وخلاصه كلامى ان تقدم لك مطلق لا ترى فيها نقيصه فقد يسعدك اكثر من رجل لم يسبق له الزواج ويا حبيبتى حتى لو لم يكتب لك الزواج فليس نهايه العالم وكل بيت لابد فيه من الخلاف وكنت افكر ذات تفكيرك قبل زواجى كنت اتمنى انى اسكن بسكن خاص لى وحدى اخذ فيه راحتى استضيف فيه من اشاء وان تكون لى استقلاليتى |
اقتباس:
أصلا يا اختي المطلقة مش بيتقدملها حد كويس انا خلاص شلت موضوع الجواز ده من دماغي انا بس نفسي اعيش في بيتنا عيشة كويسة جزاكي الله خيرا |
حبيبتي .. حالك ارحم من الكثيرات.. قولي الحمدلله ..
شوفي بنات مطلقات الام والاخوات كيف يعاملونها وكم تسمع كلام يجرح.. وما يخلونها تطلع الا بتحقيق واذا راحت متى تجين ولا تتأخري ما عندنا بنات يجلسو برع كثثيييير.. يعني بتعيش كأنها بسجن.. الحمدلله انك عايشه بيت امك معززه مكرمه.. يمكن انتي متحسسه من هالموضوع شوي وحاطه في بالك محد يهتم فيك.. عيشي حياتك ياختي واشتغلي وبري أمك .. ولا اتفكرين امك ما تفكر فيك يمكن هيه ما اتبين هالشي .. والله يوفقك عزيزتي.. |
اقتباس:
الحمد لله علي كل حال محدش بياخد اكتر من نصيبه في الدنيا دي و ربنا بيخلق الأنسان وهو في بطن امه و عنده أربعين يوم بيتكتب عليه شقي أم سعيد وزي ما بتقولي الواحد بيص للي أقل منه عشان يقول الحمد لله جزاكي الله خيرا أختي الفاضلة |
امك ثم امك ثم امك
|
اقتباس:
شكرا لك أخي الكريم الحمد لله مرت الأزمة و أتصالحت مع نفسي و مع اللي حوايه و ربنا يصبرني |
اهم شي رضى امك
وفقك الله |
اقتباس:
أشكرك يا أختي الكريمة أنتو كلامكم هداني خالص و ساعدني ان المشكلة تخلص علي خير |
| الساعة الآن 12:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©