|
أم زوجي و المصروف بالله عليكم تحكمو بيننا
السلام عليكم و رحمة الله و بركاته
كل عام و انتم بخير راح اقول اللي عندي باختصار و امانه اذا انا غلطانه تقولولي و توجهوني لان نفسيتي مرررررررررة تعبت اولا احكيكم عن وضعي انا متزوجة من 4 سنوات و الله لم يرزقنا باطفال حتى الان و الحمد لله ام زوجي و ابوه ما عندهم مصدر دخل للاسف كانت لوالده تجارته كبيرة في البلد ثم فقد كل امواله و الحمد لله و هو الان بدون وظيفة لدى زوجي 3 اخوة واحد فيهم عنده عيال و الثاني متزوج من سنه و بدون اولاد و الثالث فرحه في العيد و زوجي اصغرهم منذ ان تزوجت و انا اعرف ان هناك جزء من مرتب زوجي يروح كل شهر لاهله و اعرف ان نصيبهم من زوجي هو الاكبر لانه اللي اتزوج قبل الاثنين اللي قبله و بدون اطفال و الحمد لله ميسورة معاه لكن مع كل مرة تقريبا ينزل الراتب الاحظ ان زوجي يضع لامه 1500 ريال و 2000 ريال لوالده و هذا المتوسط فقط و احيانا تنقص لكن غالبا تزيد مع كل مكافأة تنزل في الراتب عمرنا ما قصرنا معاهم و دايما نتذكرهم بالهدايا و العزايم و المطاعم قبل فترة لما تزوج اخوه الكبير صارت حماتي تفرق بيني و بين سلفتي الجديدة كثيييير و ملاحظ من قبل الجميع و انا صابرة ما اكلمها اقول عيب و يمكن بدون قصد حتى لما حملت و اسلبت مرة ما فرحت بخبر حملي بعكس سلفتي الجديدة و لما اسلبت هيا انا بعدها اسلبت و حسيت انهم يفكرو اني اكذب عشان اجذب الانظار بس و الكل مو مهتم و الموضوع كل ماله يزيد وضحت الصورة دحين ندخل في الموضوع امس جات عندي ام زوجي عشان سلفتي الكبيرة عندها ولاده و كانت تستنى عندي لحد ما تولد و نروحلها زوجي اعطاها فلوس كثيرة فوق السبعة آلاف 4 الاف كانت متدينتهم من صاحبتها و زوجي قبض مكافأة رمضان و على طول سدد الدين عنها لوحده ؟!؟!؟! طيب فين اخوانه ما اشوف اخوانه يعطو امهم بس اللي الاحظه انهم ياخدوها مطاهم و كافيهات و حاجات مالها داعي المهم بعد ما اخذت الفلوس مدري ايش سار و فتحنا سيرة العفش و اعطيتها كتالوج مفروشات ايكيا قلتلها خذيه يا ماما انا عندي اثنين قالت و نبرة صوتها اتغيرت و مدري ايش صار فيها (من كثر الفلوس اخذ مجلة مفروشات كانه عندي فلوس زايدة )!!! عديتها قلت مو قصدها لكن بعدين اتكلمنا عن متوسط فواتير الجوال و انا قلت ان فاتورتي باقتصد فيها كثير عن اول و حدي الااتماني 400 ريال و الحمد لله هذا معقول امه و ابوه انفجرو و كل مين صار يقول كلمة شكل اللي يقول انتي تعلقي السماعة في راسك و اللي يقول حرام و و و !!! لهذا الحد و انا سااااااااااااكتة و اقول مزح لكن اللي فجر قلبي ان البيت عندي مو مكمل يعني في اماكن نقول تحتاج برواز و تحف و و و و المطبخ يبغاله شوية حاجات و يكمل و و و فجأة زوجي الملقوف اتدخل و قال اصلا انتو الحريم ما تحاسبو في المصاريف و دايما ايدكم مخروقة و اللي يتعب و يجيب القرش مو زي اللي يصرفه تفاجأت بكلمات زي الخنجر على قلبي قالت انا اتعب في صرف القرش انا اذا رحت اي مكان ابغى اشتري احاسب نفسي مليون مرة قبل ما اخده و احاسب نفسي و لا اشتري كل اللي نفسي فيه و كلام كثيييييييير ماله داعي و ملاحظ جدا انها تقصدني بالكلام والله والله والله يا ناس انا ماعندي مصاريف زيادة يعني حالي مو زي حال غيري انا ما احب السوق ابدا ابدا و هذي الحمد لله نعمة كبيرة و ما احب اروح الافراح و هذي نعمة اكبر يعني مافي فلوس فساتين و لا عبايات جديدة _العباية من السنة للسنه _كل سنة عباية وحدة بس ولا كوافيرات و لا شي مكياجي من يوم فرحي شوية يزنخ من كثر ماهو قديم و اقول ب\لاشي صرفيات زيادة مو لازم هدايا و اعياد ميلاد و كلام فاضي و رومانسيات و مفاجآت و سفر نهيييييييييييي مرة ماااااافي ملابس بس في العيد اجدد و ما اشتري من الماركات يعني من السوريين و الهرم و احيانا اوقات التخفيض و الرخيص بس يعني بالله بعد هذا كله انا اللي باحرم امه من الفلوس و هيا ما تطلب من اخوانه و هذا مو ذنبي واحد من اخوانه يسافر مع مرته من 3 الى 4 مرات في السنة على دول غااالية نار و ما تفتح فمها و تقول له زي ما تقول لنا و مطاعم غالية اكله و لبسه من الغالي و عنده وظيفة حلوة و راتبه طييب بس اش اقول انا من ساعة ما رجعت من عند سلفتي امس و انا ما اكلم زوجي و الليلة رمضان و انا مرة زعلانة منه و ما جا حتى كلمني و انا حموت من القهر كلامي ملخبط و ما ادري اش قلت ان كان معايا حق ادعولي و ان كنت غلطانة انصحوني بس امااانه لا تطنشوني انا حانفجر و سامحوني اختكم دودي |
والله اختي موغلطانه وانتي ماسويتي شي ولاقلتي شي .... واستمري كذا ساكته لان هذي امه وعيب تردين عليها ..
بس وضحي لزوجك ان جملته اللي قالها غلط وان موكل الحريم زي بعض ... بس لاتقلبيها زعله على هالشهر الكريم والله يرزقك الذريه الصالحه ان شاء الله. |
حبيبتي لا تحزني و ارمي كل شيء وراء ظهرك و استعدي للعبادة في هذا الشهر المبارك و ما سينفعك لآخرتك و خليك من كل ها الخرابيط, اللي بدو يقول شي يقولو ما تهتمي المهم انت عارفة حالك انك مش مبذرة و انك ما بتعمليش حاجة غلط
ربنا يصلح الحال |
حياتي
اتركي كلام امه على جنب وتحمليها عشان ترضي زوجك بالنسبه لزوجك وضحي له وقولي له انا ما اصرف بس اذا حبيت من اليوم ورايح اصرف زياده وما اقدر تعبك مستعده من بكره اسويها صدقيني راح يخاف من هالنقطه |
ترا شي نوعيه من الرياييل لازم اتفقرينهم عشان يتادبون يوم اتراعينهم ييلسون جيه يتكلمون ..
وقوليله انا اراعيك جي تتكلم بسوي مثل ما تسوي حرمت اخوك كله بشتري الماركات .. |
شوفي حبيبتي اللي حاصل ان هذا الشئ اصبح واجب على زوجك فقط لانه هوا عودهم على كده
واخوان زوجك عودوها على عدم تحمل مصاريفها فاصبح حق مكتسب ليس شئ مطلوب عليه الشكر وانتي ما اشوفك غلطتي الا بهذه الكلمة اقتباس:
المهم طنشي كلامهم ولا يهمك واحتسبي الاجر والثواب عند الله الله يبعد عنكم الهم يارب |
اختى العزيزة انتي مو غلطانة ولا اشي
بس شو بدنا نعمل الناس الكبار بيفكرو بطريقة غير عنا احنا الشباب للاسف وزوجك عودهم لازم زوجك يتفاهم مع اخوانه انهم يتقاسمو المصروف على شان يكون في عدل بالموضوع بس انصحك خليكي ساكتة وما تردي عليها احسن تصير تقول انت عملتي وانت سويتي الله يصبرك يا دودي |
فرضا لو انا بمر بنفس الظروف
واخواني مطنشين ومو منتبهين لاهلي؟ يا ترى اصير ادور على حلول كيف اخلي اخواني يصرفوا على اهلي وانا مقتدر؟ حتى لو كان والدي مقتدر شو بتساوي الفلوس امام رضاهم عني؟!!! بالنسبة لي لا احب بتاتا تدخل زوجتي فيما اقدمه لاهلي وما الي علاقة باخواني قدموا والا ما قدموا التقديم واجب علي اسأل عنه يوم الحساب بأديه بطيب خاطر نصيحة امشي بتيار اهل زوجك لا تشذي عنهم ولو على حساب لقمتك طبعا اذا بدك تكسبي زوجك والحماوات اغلبهم بفضلوا كنة اكثر من اخرى اذا كانت اسهمك منخفضة عندها فاعتبري انه هالاشي نصيبك واعيني زوجك على برهم وقدميلهم حتى تظلي تعكسي صورة اصلك النقية وما تدخلي بوجع راس ومقارنات وحكي ما اله طعمه وكل عام وانت بخير انتبهي ان تنامي وزوجك غاضب منك |
اختي انا لي تسع سنين والله ما ادري زوجي كم يعطي اهله ولا لي الحق اني ادري دامنه مايقصر علي
فانتي خلاص طلعي نفسك من هذا الموضوع ومالك علاقه اذا اخوانه اعطو والا لا وانتي لا تقصرين على نفسك طبعا في حدود المعقول دامنك تقولين ان زوجك مقتدر وانتي حارمه نفسك وماعليك من كلام زوجك طنشي وعدي الموضوع لان الرجال مايدري بسواليف صرف الحريم يعني كل باله انه الحين انتي عايشه ملكه مايدري انك تقصرين على نفسك علشانه فعلشان كذا اجلسي معاه جلسة هدوء ووضحي الامر من ناحية مصاريفك وكيف انك ترضين باقل القليل وان شاء الله تنحل اموركم ايه صح نسيت ترا الميك اب له مده صلاحيه وبعدها اكسبايرد فانتبهي على بشرتك والله يعني ممكن تشترين كريم اساس وبوره خدود وفيها لمعه بفس الوقت ومحدد وقلوس وكحل ومسكره وخلصنا وبنفس الوقت ماترمين مبلغ وقدره على ميك اب ممكن في خلال ست شهور تنتهي صلاحيته |
المشكلة تنحصر في شيء معين
إنت في نفسك بتقارني بينك و بين سلفاتك و بين زوجك و إخوانه و المقارنة هي أصل المشكلة حبيبتي اتجنبي أخبارهم و اتجنبي مواضيع فلانة اشترت و فلان سافر و فلانة يهتمون فيها و فلان لا يصرف مثل زوجي خليكِ مهتمة بزوجك فقط و لاحظي إنه لما قال كلامه اللي أزعجك لم يذكر أشياء معينة أنت مسرفة فيها إذا في قرارة نفسه هو يعلم جيدا أنك غير مسرفة و إلا كان ذكر عشرات الأشياء اللتي تضايقه في صرفك إذا هو فقط كان يجاري أهله في الحديث و لا يقصدك بشيء ربنا يعينك و يوفقك |
اقتباس:
انا كان نفسي يصير موقف و اوضحله وجهة نظري من الموضوع و المشكلة انه من امس ما يتكلم معايا بالمرة و شكرا لدعئك اللهم آمين و جزاك الله خير اقتباس:
قاللي انتي ليش ما تلبسي و تجي قلتله اخاف اخذ كل اللي في البقاله و افقرك ما ادري ليش ما يرد يا ناس جوزي باااااااااارد و ما تفرق معاه يعني لو احد تاني كان سين و جيم و لا على الاقل اتفاهم معايا و عرف ايش اللي مضايقني بس اش اقول غير الحمد لله اقتباس:
والله انها ما قالتها في وجهي بس باين الاسلوب و ماهي اول مرة و ملاحظ جدا انه دق بالكلام الحمد لله و الله المستعان |
اقتباس:
انا احاول قد ما اقدر اني اقتصد لعل و عسى نقدر نسكن في بيت جديد والظاهر اني راح اعمل مثل ما تقولي و من بكرة كمان عشان في ناس بالعكس عندهم الحياة اقتباس:
يعني الواحد حتى لمن يقصر على نفسه و يعطي ما يعجب الناس و اذا نعم نفسه و بان عليه لاموه و قالو بخيل و ما يعطي احترنا اقتباس:
المشكلة اني اذا جبت سيرة لزوجي عن اخوانه يقول انه ماله دخل يعني خلاص انا اعطي و انا ساكت طيب مو الكل عنده مسؤوليات ؟؟ هم يفكرو اننا ما عندنا مسؤوليات عشان ما عندنا اطفال !!! و الحمد لله و قررنا انا و زوجي ان نبحث عن بيت جديد و ان نقتصد و لكن الداخل من الراتب خارج و لا مجال للتوفير و مع هذا كله نتهم بالتقصير و الله المستعان |
اقتباس:
لكن هل معنى هذا ان نقصر على انفسنا ليتمتع الاخرون _اخوته _ و معك حق ان زوجتك ما تتدخل و لكن الناس تختلف يعني انا و زوجي من بداية زواجنا ما كنت اسأله عن الراتب و لكن هو اللي يجي و يقوللي كل شيئ الين اليوم و نقسم الراتب بالاتفاق و الرضا و لكن ما باليد حيلة فامه ما زالت تنق و انا ما زلت و حاظل ساكتة يمكن يجي اليوم اللي تفهمني فيه |
اقتباس:
اقتباس:
الله المستعان بس |
حبيبتي انتي مو غلطانه و دام كل شي عندج و و زوجج مو مقصر عليج و مقتنعه و راضيه شنو يهمك كلام الناس!
و سالفة المصروف لوالديه هذي سالفه الظاهر ما اتفقوا عليها الاخوان اصلا لازم انهم يتفقون بمبلغ يضعه كل واحد فيهم و يقدمونه لاوالديهم ... هذا الدارج و لكن ما انصحك ابدا تتدخلي بالرجل و اهله و امورهم ... لانك حتى انتي لو امك تحتاجك ما ترضين زوجك يردك عن مساعدتها صح؟ ف عامل كما تحب ان يعاملوك الناس. و شيء جميل ان ام زوجك تعتمد عليه و هو مو مقصر معاهم عالاقل يرضي و الديه و يعمل لهم خير اكثر من غيره صدقيني زوجك شايف ان هو لما يعمل كذا مو بس عشان يرضي امه و لكن عشان يرضي نفسه برضاها. هذا رأيي |
دودي حبيبتي مادام انك ماتصرفي ويقول كيذا اجل اصرفي والبسي وتهني العمر فاني وجددي مكياجك وكملي بيتك وساافري مع زوجك لاتضغطين وتحرمين نفسك وهو يقول كيذا .. صدقيني انا اول ماتزوجت كنت استحي اخذ منه فلوس وصار يعطي جدتي وجدتي تعطي عيال عمي على ميه وميتين ولا تعشي زوجة عمي بمطعم هندي وانا مايقولون لي تعالي معنا وقلبت عليهم طلعت زوجي ع الحديدة وماصار يعطي جدتي كثير .. عيشي حياتك وتهني وطنشي هالكلام ..
|
اختي لا تتعرضين لزوجج ولا لامه
ونصيحه من اخت ام ريلج لاتعرف بمصاريفج ولا تقولين لها شي لانه في شغلات خاصه اما عن كلام زوجج مو هذا حبيبج تحملي منه صدقيني ربج ما يضيع اجر عباده ولا ينساهم توكلي ع الله وشلي كلمه الطلاق من راسج |
اقتباس:
المشكلة ان على قد ما يجيهم ما يكفيهم و انا و زوجي نفسنا نجمع فلوس عشان بيتنا الجديد الله اعلم متى ناخذ بيت و كمان هيا تتكلم كثير عن الفلوس و احس من كلامها الكثير ان زوجي يعصب في نفسه و ينقهر طيب هوا ماله ذنب ولا انا و كيف اقنع زوجي ان اخوانه لازم يساعدو كمان كل ما قلتله يقول انا حر و هم احرار ماعنده غير كده |
اقتباس:
يعني اذا الصرفيات كثرت يقول نبغى نحوش فلوس عشان نقدر ننقل بيت ثاني و اذا ما صرفنا و زادت الفلوس يقول اهلي محتاجين و احيانا اخوانه والله مو بس امه و ابوه يجو لزوجي و يستلفو بالالوف والله و لا يردوها اصلا الطيب دي الايام أهبل و ماله كلمة و الله المستعان |
اقتباس:
و شكلي كذا راخح اقلله يفتحلي حساب في البنك و ينزللي فيه كل شهر مبلغ محدد و نسلم من كلام الناس الحمد لله على كل حال |
سوف أبد رآي من خلال تصرفي معي أهلي أقوم بعطى أهلي بعض ما يقدرني الله عليه بدون علم أو تدخل زوجتي وقد تعلم من أهلي أو زوجة أخي والشهادة لله عمرها مناقشة ذلك معي بل إنها تصبر في كثير من الامور حينما اكون في وضع مالي سئي و لاتشتكي الخلاصة
1- على الزوجة أن تكون عون لزوجها في مساعدتة أهلة وتحثه على ذلك . 2 - على الزوج أن لا يقصر في الجوانب المادية لزوجتة حسب استطعاتة المادية أما أنت أختي اسمحي لي بالقول أنك غلطانة حينما جعلتي من نفسك موضع مقارنة مع الاخرين وأنت أكثر الناس علماً بنفسك وحال زوجك لذا أقول لك ضعي كل ما قيل عنك وراء ظهرك وعيشي أجمل نفحات الايمان الرمضانية مع زوجك و لاتنسي أن هنالك مصاريف في رمضان والعيد لذا الله يعين عليها |
ينقل إلى عالم المتزوجين ... مكانه الأنسب إن شاء الله ..
احترامي ؛؛؛ |
اقتباس:
والله يا اخي انني احثه و دائما اشتريلها حاجات من وقت للثاني بس انا اتعب من كلامها قدام زوجي عن قلة الفلوس دااااااااااااااااااائما و كده زوجي يحس انه مقصر و بالتالي يجيني منه كلام لو كان بدون قصد بس يزعج يعني مثلا انا متنازلة عن حاجات كثيرة من حقي ان احصل عليها في سبيل ان نجد بيت جديد و كل ما انا وفرت اما ان يذهب المال لوالديه او يطلب منه احد اخوته مبالغ مالية و لا يردونها فهل بعد هذا كله اكون لنا غلطانه ؟؟ الله اعلم |
رأيي من رأي هناوي اذا كانت المبالغ اللي بتوفرينها بتروح لاهله واخوانه اذا انسي البيت هذا حجة عشان يجمع لهم واصرفيها انتي فانتي اولى بها واللي يعطيه اهله كفايه وانتي من حقك تعيشين..
اذا كان كل قرش تحرمين نفسك منه بيروح لامه تشتريه فيه كماليات وحاجات انا اقول لا توفرين شي وعودي زوجك من اليوم وطالع على مصاريفك واذا قال بنوفر للبيت قولي مو لازم بيت انا مرتاحه بهالبيت وتونا ماعندنا اطفال ولا شي خلي فكرة البيت بعدين ( لا تخلينه يجبرك ولا يقنعنك بفكرة البيت لو زاد الامر قولي له اصلا عمرنا مارح نطلع لبيت وانت تصرف على اهلك خلاص ياخي اصرف عليهم واصرف علي ولا اذا بتخليني اقتصد هم بعد لازم يقتصدون !!).. افرضي عليه مصروف واشتري لنفسك ملابس وميك اب وكملي بيتك وكل هذا من حقك.. |
انا مع كلام اختي هناااااااااااااوي 100%
لااملك لك سوى دعوه في ظهر الغيب الله يفتح لكم باب رزقه ويسخر لك زوجك... |
الله يعينك حبيبتي هم كذا الكبار ولازم نتحملهم واتخيلي انها امك وهذه زوجت اخيك كيف تريدين منها ان تعامل امك .....اخيتي هذه هي الدنيا جبلت على الاكدار....
واما بالنسبة لك فلا تتكلمي معهم عن خصوصياتك تستطيعين ان تمتعيهم بما يحبون من الحديث دون التطرق لخصوصياتك.... واما زوجك وما يصرف على اهله فلا ارى ان ذلك _يعني_ يقلقك..... انتي كل مايهمك هو ان يصرف عليك وان يلبي متطلباتك واما الراتب وكم يعطي والديه وكم يصرف عليهما المفروض ان تشجعيه على ذلك حتى يكون لك انتي ايضا الاجر.....دون التقصير في حقك.... مااقصده هو ان توضحي له ان لك عليه واجبااااااااااااااااااااااات ومنها النفقة ......... وفقك الله محبتك |
والله يا اختي مش عارفة ايش اقلك
صراحة حماتك بتقهر كتير يعني فوق كل شي بتقول انا مابصرف وماعندي فلوس ومش عارف ايش انت معك حق تنقهري منها بعد كل شي وتنقهري من اخواته الي بسافرو اكم مرة في السنة ومابعطو امهم وامهم ساكتة كمان وجاية عليكي انت لكن انت الي عليكي تعمليه ترمي كل الكلام ورة ظهرك وتحتسبي اجر الفلوس والحجات هاي لله وفقط صدقة جارية وبر الوالدين وبس وحماتك ست كبيرة اتحمليها وطنشي وماتتطلعي على معاملتها او حبها لسلفتك ابدا متل ماقالو الاخوة اعتبريه هادا نصيب وصدقيني بيوم من الايام الحق ببان لو انت تستحقي الحب اكتر من سلفتك الله حيكشف كل شي وحيخلي حماتك تموت فيكي اكتر واكتر بالنهاية اكيد بتحبك ومابتكرهك بس هيك يمكن بتعاملك متل بناتها يعني مابتخلي بنفسها شي الا وبتقولو ماتزعلي منها احتسبي الاجر لله وماتقهري حالك ابدا مش مستاهل الامر وعادي زوجك حر بعطي اهلو متل مابدو طنشي وماتدقي وكلو في ميزان حسناته واعتبريها صدقة جارية في اهله والصدقة تدفع غضب الرب وتكف البلاء فهنيئا لك انت و زوجك وحابة انبهك انك ماتقولي عن زوجك ملقوف عيب يااختي وانت اكيد مش قصدك ومن قهرتك عليه ومعك حق انو ماكان مفروض يلومك قدام الناس لكن مهما كان هادا زوجك اهم شي علاقتك فيه وحبك الو وخلص طيب ممكن اقلك شي وماتزعلي يمكن حب حماتك لسلفتك بسبب انو بيتها مرتب اكتر او نظيف اكتر نظرا لانك كنت كاتبة عن سوء حالة بيتك من النظافة والترتيب يمكن حماتك مدايقة منك مشان هيك وحاسة انو سلفتك ارتب وانظف انا بقول يمكن وماتزعلي لكن خدي هاي النقطة في الحسبان موفقة اختي |
اقتباس:
لا يا ملوكة ما راح ازعل بس للمعلومية انا من يوم اتزوجت و انا اكثر بيت تجي لعنده لما بتفكر تنزل على جده (بما انه بيتهم في مكه و نحن في جده) لكن بس اتزوج اخوه و جت سلفتي الجديدة بالرغم من ان سلفتي لديها وظيفة و بالرغم من صغر بيتهم 3 غرف الا انه انعدمت جياتها لعندي صارت تقريبا مرة كل 7 او 8 اسابيع يعني ببساطة راح الاحظ الفرق في المعاملة بيننا بس اذا جاتني حتى لو على غفلة (و هذي تحصل كثييييييييير بحجة اننا في الدور الارضي ) بيلاقو جناح الضيوف نظيييييف و اشياء الضيافة على طول على الطاولة و كل شيئ مريح بس ملاحظ جدا تفضيلها على الروحة لعندهم في بيتهم الصغير و بما ان بيتهم صغير و انا غطيت على الرجال (غطا كامل يعني) صارو ما يقولولنا اذا التقو بالاخوان الا في ما ندر عشان لا افصلهم في السفرة و هذا الموضوع جدا يضايقني |
اقتباس:
|
أقول بيض الله وجهك يا أختي وزوجك في نعمة مايعرف قدرها
في زوجات ماتراعي زوجها ابدا وتطلب من الغالي وانتي ملابسك من الهرم ماعليك منهم |
| الساعة الآن 03:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©