|
عروس..و افكر بالطلاق بسبب شخصية زوجي
السلام عليكم ورحمه الله
تمنيت ان اول موضوع لي بعالم المتزوجين مايكون مشكله لكن الحمدلله على كل حال تزوجت قبل شهر وزياده من شخص لا اعرفه لامكالمات ولاشي مع اؤؤيد المكالمات للراحه قبل الزواج وانا الان في بيت اهلي اريد الطلاق مع اني اعرف الطلاق مو شي سهل للبنت خصوصا بس عشت معاه وماشفت الا الانتقاد بشكلي وبجسمي قسم بالله قلب مزاياي عيوب لين صرت اوقف قدام المرايه احس اني اقبح بنت على وجه الكره الارضيه وبالاخير صرت اقول ماراح احط مكياج كله واحد جاني احباط مع انه هو شافني وجت بعده امه واخته انا واثقه من نفسي الحمدلله 2- كلمه حلوه ماسمعتها احبك عمري حياتي الخ ولاحتى كلمه مدح ماسمعت لبست او مالبست كله واحد حتى مايناظرني ولاكاني عروس يطالع التلفزيون وبس ولاقرب لي ابد 3- ضعيف شخصيه وخواف بشكل مو طبيعي ويقص لي قصصه مع الخوف والصياح لدرجه اني استحقرته انه كرجال يكون بهالضعف كلمه اصيح عنده عادي لمواقف احس انها تافهه 4- دايم ساكت ويبغاني انا اللي دايم احكي ولو سكت وقلت ماعندي خلصت قال عيديهن و ماقال ولا كلمه لعلمكم هو مايطلع لا استراحات ولاشي بيتوتي يعني يعني مافي حوار بيننا احس تفكيره ضيق وان حكى باهله وبس 5- فيه غرور بشكله يمدح عيونه وانه ابيض ويقص لي قصص البنات يلاحقونه بالاسواق وهو مع اهله وقصص قريباته اللي يحبونه وامهاتهن كلمو امه علشان يتزوجهن وانه كثير يهدا عليه بنات وهو اللي يرفض وقالي ان 90% من المواصفات اللي يبيها لقاها فيني؟؟؟؟ ويحس انه ذوق وفاهم بالعربي اخذ بنفسه مقلب يعني 6- خياله وااااااااااااسع جدا لدرجه انه يتخيل شكل ولده ويوصفه لي؟ وكثير بلسانه تخيلي احس نفسي مع بزر اقوله انا ما اقدر اتخيل كذا وهو معاه ثانوي وموظف وعمره 30 من الكلام اللي فوق ممكن تقولون ماحبك؟ بس يوم رحت بيت اهلي جا لاهلي يصيح يقول خلوها ترجع واحبها وين هالحب وانا عنده ماشفته ولاعبر عنه انا نفسي طابت منه انا جامعيه موظفه عمري 27 والوالد الله يرحمه متوفي وانا طفله. ويوم واجهه اخوي تعذر باعذار بايخه 1- الانتقاد يعتبره خفه دم وعلشان يمون علي ونصف الانتقادات انكرهن وقال هي انتقدتني بعد وكذب علي عند اخوي وقولني كلام ماقلته علشان يبرر موقفه 2- ماقال ولاكلمه حلوه بحجه انه خايف يروح بالي للجنس وانا طالبه منه يعطيني فرصه كم يوم اتعرف عليه وارتاح له ما اتوقع ان فيه عروس يعاملها زوجها كذا الا اذا كان مايحبها وهذا يصيح علشان ارجع له ما اقدر اعيش مع انسان همجي كذا مدري من وين جاي ومتاكده ان الطبايع ماتتغير او يتغير فتره ويرجع اسالكم بالله ساعدوني فيه عروس يعاملها زوجها كذا وهو يقول يحبها عجزت افهم شخصيته ما اقدر اعيش مع انسان يحطمني اقدر ارد عليه واعيب بشكله وبجسمه بس ما اتنزل اسوي كذا مع غريب وشلون عاد مع زوجي مع اني فهمته وقلت له الاحترام عندي اهم من الحب بس ولا على باله. مره يقولي ابيك تسمني ماتدخلي مع الباب ومره تزودي 4 كيلو بس ومره يقول اذا سمنتي لازم تدخلي نادي؟؟ جنني تكفون ساعدوني والله اني بحاله مايعلم فيها الا الله عفواً تم تعديل العنوان ليتضح المضمون الإشراف |
الله يكون بعونك .. بس تقدري الرجال تغيريه .. وشووفي ياقلبي .. يعني جيبي كلام وقولي مداح نفسه كذاب .. واذا هترك قولي انا معجبة بنفسي وانا يهمني ارضي نفسي بشكلي .. واذا موعاجبك شكلي ومهما سويت ماراح يعجبك انت غير شكلك اذا تقدر .. واذا قال جسمك انحفي اسمني يمكن ماتغيرين لبسك وتنوعين شكللللللللي كثير ..اذا شخصيته ضعيفة ويقول البنات يلاحقووني يمديك تسيطرين عليه وقولي اذا معجبتك البنت ليش مااتزوجتها الى هالدرجة فرحان فيها اكيد اذا لحقتك بتلحق غيرك لاتتوقعها زوجتك ماتشوف غيرك ..
وقبل كل شيء استخيري والطلاق اجعليه اخر الحلللللللللللللللللللللللللللللللللللللول |
خيتي هداك الله وزوجك يارب الى طريق لسوي,,
اخيتي ترا بعض الرجال ما يعرف يعبر ويقول بالسانه,, فقط في قلبه الاحترام وانتي اخيتي توك متزوجه علميه انتي وجلسي معه في مكان وتكلمي بالموضوع.. وان شا ء الله خير |
هناوي
والله ما اقدر اتحمل انتقاده كل يوم مطلع لي شي انا اقدر اخليه مايسوى وانتقده وارد عليه بس بذمتك ابعيش طول عمري ينتقد وانا ارد عليه ؟؟؟؟؟؟؟ ياناس هالحكي وانا عروس بشهر العسل وش بيقولي بعد سنه؟؟ انا انصدمت بالزوااااااااااج صدمه ماتتوقعونها |
مرحبااا حبيبتي ... الله يكون بعونكـ ....ويهدي زوجك ... ما أدري شقولك أنا من كلامك عنه احس انه فيه شي نفسي!!!! يمكن بعدين يتغير ... ماأملك إلا الدعاء لك... |
ياسلاااااااااام يايتيمة نجد
سبحان الله هذا الزوج بالذات هدية لك من رب العباد ربي اعلم بحالك ويتمك ورجال زي كذا انسب حل لك تدرين ليه؟ لانه عنده شخصية ولكن مهزوزة شوي تحتاج شوية دعم وثقة الرجل الضعيفة ثقته في نفسه غالبا مايلجأ للاكثار من سرد مثل هذه القصص (معاكسات البنات له واعجاب قريباته به) ليغطي مايشعر به من نقص امامك كذلك يحاول ان يستعيب من شكلك وهذا النوع ثقي تماما انهم لايعيبون الا مايعجبهم يعني يعيبون الشي الي يعجبهم الحين بعد ماعرفتي زوجك من اي نوع لازم تعرفين وشي اهم ميزة فيه (ترى مميزاته كثيرة على فكرة) اهم ميزة فيه انه اذا استطعت تغييره وزيادة ثقته بنفسه سوف يتيم حبا بك وسترينه رجلا حقا كما تحلمين به وتصبحي ارضه وسماءه وماء الحياة الذي يعيش به ويعوضك حتى عن فقدك لوالدك مع العلم بان تغيير مثل هذا النوع من الرجال لا يستغرق معك اكثر من سنة وممكن اقل حسب شطارتك وانوثتك لكن هذ مشروط بانك تلحقين عليه قبل مايتعود على بعدك ويعافك الخاطر اذا استوعبتي كلامي ابكتب لك طرق تتبعينها معه بقدر مااستطيع من الدقة ان شاء الله |
الله يكون بعونك ممكن تكون عنده عقده نفسيه لكن انا من رايي انك دامك تزوجتي وانتهى الموضوع انك تصبرين عليه شوي ممكن يتغير مع الوقت والله يوفقكم ويسعدكم ويسر اموركم
|
الله يكون بعونك يا يتيمة نجد...
يا قلبي انت.. ترى مافيه حياة من دون معاناة.. و هذي هي سنة الحياة بس اللي لازم تعرفينه هو وش الخيارات المتاحه أمامك.. و وش افضلها أنا أقول انت بالطبع اعرف الناس بوضعك، إذا كنت تشوفين ان احتمالك لهالزوج و المشاكل اللي عنده و احتمالية تغيره من عدمها أفضل من وجودك في بيت اهلك(و تذكري انك مهما كان ماراح ترجعين زي اول) فحاولي انك تغيرين زوجك... و فيه طرق كثيره يبدو ان سهام عندها منها بعض الشيء و إذا رأيتي ان عودتك لبيت اهلك أفضل .. فاختصري طريق التعب و تغانمي عمرك و صلاة الاستخارة هي أفضل ملجأ الله يكتب لك اللي فيه الخير |
اشكر كل من تفضل بالرد علي
وجعل الله ذلك في موازين حسناتكم سهاام هذا هديه؟؟ اذا كان ماعندك مانع اتواصل معاك بالخاص هند بنت عتبه الحمدلله اعيش ببيت اهلي معززه مكرمه افضل من زوج يكرهني بعمري بكلامه بس ودي اعرف ليش قلتي البنت ماترجع لاهلها زي ماكنت؟؟؟؟ |
اختي
كان الله في عونك اذا كانت شخصيته كذا فانتي تستطيعين تغييرها حاولي ان تتحدثي امامه بالمواصفات والطباع التي تعجبك سترينه يطبقها حاولي ان تمدحينه ببعض المواقف قولي له انكي تحبين ان تسمعين منه الكلام الجميل اجعلي ثقتك بنفسك اكثر وزيدي ثقته بنفسه اما الطلاق فأجعليه اخر الحلول لاتفكري بالطلاق الان وعودي اليه سترين بعض التغيرات ومعكي سيتغير بأذن الله |
إنتِ قلتي انه لا يتكلم أبدا
ثم قلتي أنه يتكلم و يسرد قصص حول ملاحقة البنات له و حول خياله الواسع و تخيله لشكل أولاده لم أفهم كيف لا يتكلم و كيف يسرد كل ما سبق ؟؟ و هذه النقطة اقتباس:
لأني لم أفهم , ما مشكلة أن يذهب بالك للعلاقة الزوجية ؟ مر على زواجكم شهر كامل , فما المشكلة ؟ بعض النقاط تحتاج لتوضيح و ياريت تذكري لنا موقف أهلك الحالي و الأفكار اللتي تدور في رأسهم إذا كنتِ ما تزالين عذراء فإثبتي على ذلك حتى تقرري قرارك النهائي حول زوجك و إن أصبحت ثيبا و قررت العودة له فإنتبهي جدا من موضوع الحمل , فلا يجب أن تحملي الآن لأنك لا تزالين في وضع غير مستقر لي عودة بعد التوضيح إن شاء الله |
اختي يتيمة نجد
نعم يمكنك التواصل معي عبر الخاص ولكني كنت اتمنى ان تكون المشاركات على العام لعل اي اخت لك في الله تجد ضالتها في موضوعك أي يكون لديها مشكلة مشابهة لمشكلتك فتجد الحل في ثنايا موضوعك على العموم انا حاضرة في اي موقع تريدين (العام او الخاص) نعم زوجك هدية لكن اقرأي ردي السابق مرة اخرى جيدا واستوعبيه ثم اساليني ماشئت |
الله يكون في عونك
الصراحة انا اقولك من تجربتي ان الرجال اللي كذا العيشة معاهم متعبة... صحيح ممكن تغيريه لكن راح تتغير فيكي اشياء كثيرة في الأول.. اهمها ثقتك في نفسك.. فالرجال اللي مثله راح يرفع نفسه من فوق ظهرك.. وشعورك بالأمان راح تكون شبه منعدمة.. وما يكون لكي رغبة انك تنامي معاه لأن ثقتك في نفسك مهزوزة.. اذا كنت تحبيه فأصبري عليه .. لكن اذا لأ فالفراق في أول المشوار من قبل ما يكون هناك ضحايا من الأطفال أفضل.. والله اعلم ولا تنسي الإستخارة. |
اجزل الله المثوبه لكل من تفضل بالرد علي ومساعدتي
اختي نوران ايه مايتكلم ويحكي كرجال عن مواقف بالعمل او مع الاصدقاء او للمستقبل واذا تكلم اقول بقلبي ليته يسكت سواليفه لاتتعدى نطاق اهله لدرجه انه يقول اختي فلانه مركبه لولب ماتبغى تحمل وشلون شاب يعرف هالاشياء واذا جاء يتكلم عن نفسه انا خطبت لاكن ماخطبت الا انتي يعني ووافقتي علي والا يقولي متخيل شكل ولدي ياخذ مني البياض وعيوني البنيه والبياض؟؟؟ عاد والله لو هو وسيم اقول معه حق مع انه المفروض مايمدح نفسه وبنات عمه يبون يتزوجونه وهو رفض مايبي الاقارب وخوذي وخلي لكن ليش ينتقدني؟؟؟؟ كاني ماعجبته يحطني عند اهلي مو يوم رحت يصيح يقول احبها ايه ماقال ولا كلمه حلوه احبك حياتي بوسه او قرب او اي شي كني مع اخوي انا قلت له ابغى تعطيني فرصه نتعرف على بعض بدون جنس لين ارتاح لك طيب وش دخل هذا بالكلام الحلووو هو يقول ماقلت لها كلام حلو اخاف يروح بالها للجنس وهي ماتبغى هالفتره يعني مقنع هالرد؟ البس واتعطر ولايناظرني ولا كلمه ولاكأني جنبه ويطالع التلفزيون وهذا الشي هو اللي مخلي الاهل ياخذون موقف منه خايفين من عجز او برود جنسي لانهم متزوجين وافهم مني بهالامور وانا يا اختي عذراء والله ماتسمح نفسي اكتب انتقاداته كل شي عيب فيه جسم شعر ضحكه ووو اخر شي صرت زي المجنونه بس اصيح ومالي خلق اجلس معه افكر وش جابرني ادفن عمري معاه الحمدلله موناقصني شي البنت ماتزوجت الا تبي السعاده مو النكد والتحطيم خصوصا باول شهر الاهل مختلفين الاغلب يقول يرزقك ربي بافضل منه والقليل يقول اصبري ويتعدل طيب ارجع له على حسب احتمالات انه يتعدل؟ طيب وش اعدل وش اخلي ولو ماتعدل بعدين ارجع لاهلي |
اختي كان الله في عونك .. الوحده تتزوج عشان تستقر وترتاح و يكون عندها زوج تعتمد عليه في الشدايد ويحسسها بالامان .. الوحده تبغى رجّال تفتخر فيه و يرفع راسها و يكون خير اب لابنائها .. انت بصراحه متزوجه طفل محتاج لتربيه من اول و جديد .. احسن شي انك لسه عذراء .. نصيحتي انفذي بجلدك لانك لو عشتي مع هذا الشخص راح تصابي بالامراض من شدة القهر من تصرفاته .. هذا رأيي والله اعلم .. |
حبيبتي
كان الله بعونك 1) ولكن اعتقد انه كان من المفروض تصبري عليه اكثر لتتمكني من فهمه فشهر لا يكفي لتحكمي عليه 2) لو كان زوجك بالمواصفات المذكوره بامكانك تغيره مع الوقت 3) اعتقد ان زوجك مشكلته الاساسيه هي قلة الثقة بالنفس لذلك يحاول الرفع من قيمته عندما كان يخبرك عن نفسه وعن البنات الي يعاكسوه بالسوق و الخ..... وبنفس الوقت يحاول التقليل من شأنك لذلك ينتقد شكلك انصحك انك لا تستعجلي ولا تطلبي الطلاق حاليا الا ان تتعمقي فيه اكتر وتعرفيه اكتر وتحاولي تغيره لعلك تستطعين |
أختي بارك الله فيك هدي نفسك شوي عشان تقدرين تأخذين قرارك
أنا راح أقول الي عندي وأكمل إن شاء الله بعد التراويح او بوقت آخر حتى أركز أكثر أنا مع الاخت على ما أعتقد سهام إنه هدية والله النوع هذا من الرجال يعتبر فعلا هدية لانك تنمي شخصيته بالشكل الي ترتاحين له يحتاج إنك تفهمينه أكثر ويبغا لك صبر على بال مايتغير بس بقولك شغله حبيبتي أنت غلطانة بمسألة الجنس !! ليش رافضة يجيك وأنت لك شهر مالومه صراحة إن ماقالك كلمة واحده تعبر عن حبه لان طبيعة الرجل حبيبتي غير المرأة الرجل لا يستطيع الصبر بدون جنس وأنت تمنعينه حقه وتلومينه مايقول لي كلام حب ثانيا غاليتي لماذا تفسرين إنتقاده لك بكره أنا أتوقع والله أعلم من شدة إعجابه ينتقدك لكن مشكلتك إهتزاز ثقتك بنفسك صدقيني غاليتي فيه نوع من الرجال وأعرفهم تمام يحبون زواجاتهم لكنهم إنتقادين بشكل فظيع لمااذاااا؟؟ طيع فيهم وزوجاتهم مايعروفون الطريقه الصحيحه للتعامل مع هؤلاء الاصناف الحل هنا أن تظهر ي له ثقتك بنفسك وتخبريه أنك أنت من أخترتني بنفسك لو أنه شعري مو عاجبك او جسمي كان ماقبلت فيني بعد النظرة والشئ الثاني إذا جسمي كثلا مو عاجبك حتى جسمك أبغاك تسمن او تنحف شوي (هنا حتى يعرف مدى جرحه لك وإنتقاده) تمايلي أمامه بثقة وبدلع وأنظري النتيجة أما كلامه وحديثه كثييير مثله لانهم بيتوتين وماعندهم شئ يقولونه أو إنهم قليلو الكلام وكلامه عن أهله وأمور خاصة بالحريم هذا نتيجة إنه بيتوتي أيضا ودايم مع أهله وأتوقع خواته معطينه الضوء الاخضر بالحديث معهم أنت بيدك غاليتي تغيره حاولي تقوي شخصيته وتزرعي فيه الثقة(لان غالب من يتحدث بنفسه وبنات يلاحقوني ووو الخ تكون ثقته بنفسه مهزوزة ويبغى يثبت نفسه أمامك بهذي السوالف إصبري وأحتسبي الاجر عيوني وكلام الحب مايطلع من الرجال الي شخصياتهم طبيعيه مو عاد المهزوزة أكرر بيدك التغير أتاسف كلامي مو مرتب عارفة الصيام له دور وأنا راجعة لك إن شاء الله لاتنسين الدعاء حبيبتي خصوصا في الايام المباركة الله يوفقكم يارب ويجمعكم على خير |
انا من رأي ماله داعي الطلاق نهائيا ولاتفكرين فيه اصلا
الله لايلومك ماكلمتيه قبل وفجاءه يجلس يعيب عليك وبالذات الموصفات الخلقيه احسها تجرح وبالصمييم وانتي اكيد حساسه وحتى لو مو حساحه بعد ذا الشي يزعل باختصااااااااااااااااااااااااااااار شديد زوجك عامليه مثل الطفل لاتضحكين شوفي اخوك او ولد اختك بعمر 10 سنين وطبقي معه نفس المعامله بالضبط والله بتدعين لي |
اقتباس:
ردك هذا قلب الموضوع رأسا على عقب في الحقيقة فموقفك الحمد لله قوي , طالما ما زلت عذراء , فالحمد لله لم يقع الفأس في الرأس كما يحدث مع بعض الفتيات للأسف ثقي بنفسك و أكثري من الإستخارة في ليالي الشهر الكريم لو لم تكوني عذراء لكنت قلت لكِ أعطيه فرصة مع الحذر من الحمل أما في وضعك فأنصحك بالإحتراس على نفسك فبرأيي الأمر لا يستحق أن تجازفي و تصبحي ثيب من أجل اعطائه فرصة فقط فمالذي يضمن تعدل سلوكه بعد أن تمكنيه من نفسك احتمال كبير الموضوع يكبر و عندها ستنطبق عليك عبارة الأخت الكريمة اللي قالت لك اقتباس:
أعطي نفسك فرصة في الشهر الكريم ثم قرري بعدها بإذن الله قرارك النهائي ربنا يوفقك للخير و الصلاح |
الله يكون بعونك ..
|
صراحه حطيتي الرجال انت بموقف محرج جدا
تقولين مابي جماع وبنفس الوقت تقولين ماينظرني 000 لو واحد غيره كان يغمض عيونه او يطالع برا000انت المفروض انك ماعرضتي مشكلتك الا بعد الدخله بك 00اصلا هو خايف انه يطيح من عينك علشانكذا يبعد عنك يبغى ينفذ امرك واخرته هذي جزاته000اصلا مابينكم عشره فكيف تحكمين عليه00اتمنى انك فهمتي ولاتنسين نظرة المجتمع للمطلقه |
اجزل الله المثوبه لكم
سكر الأسره كيف ابعيش حياتي مع انسان اعامله كطفل عمره 10 سنوات ؟؟ الزوج تحبينه وتعتمدين عليه ويحسسك بالامان ويشاركك بافكارك وطموحاتك مو اتزوجه علشان اربيه واعامله كطفل ما اقدر انزل لمستوى تفكيره ولا اتحمل كلامه الجارح بحجه انه كطفل. |
اختي نشميه نجد
هل الحياة الزوجيه بنظرك انها قائمه بس على الجنس ؟ يعني مايناظرني او يحس ان اللي معاه بنت او يسمعها كلمه تفتح النفس الا بالجنس واذا ماتحقق هالشي لمده قصيره له الحق يحطمني وينتقدني الحياة الزوجيه ارقى واسمى من كذا يا اختي بعدين اقري الموضوع زين انا ماطلبت طول العمر مايقربني طلبت فرصه قصيره اتعرف عليه مو معقوله اسلم نفسي لشخص ماعرف عنه شي ابد والحمدلله مو نادمه على هالتصرف واصحح لك معلومه خاطئه المعاشره ماتقلب طباع الشخص ولاتغير معاملتة للطرف الاخر. بعدين وش فيها المطلقه؟ وبايش تهمني نظره المجتمع الحمدلله واثقه من نفسي ومو اول وحده او اخر وحده تتطلق اجل ادفن عمري معاه علشان مايقولون الناس مطلقه الناس ماراح تاكل وتشرب وتعيش معاي علشان تقولين ما انسى نظرتهم اهم شي انا اكون مرتاحه وراضيه عن نفسي |
أختي الكريمة..
لا أملك سوى الدعاء لكِ.. فأمر الطلاق - و إن كنت أميل إليه - إلا أنني لا يمكن أن أنصح به إلا بعد أن أسمع للطرفين (رغم ثقتي بصدق ما تقولين ).. و لكن الطلاق ليس بالسهولة أن ينصح به هكذا و كيفما اتفق.. لو كان خطيبك لما ترددت في أن أنصحك بفسخ خطبته.. أما بعد أن تزوجت ( و إن ظللت عذراء).. فأرجو أن تعذريني.. فالمسألة تحتاج إلى أكثر من مجرد استماع لرأي واحد.. أرى أن تطرحي الموضوع بكل وضوح و قوة و جدية على من ترتاحين له من أهلك من الذكور.. ليقوم بدوره.. في التبين و الاستقصاء في حقيقة زوجك.. و مواجهته وجها لوجه دون الانخداع بـ ( بكائه و ما يأتيه من حركات استعطاف).. و بعدها تكونين أنت في وضع يسمح لك باتخاذ ما ترينه مناسبا.. المهم ألا تتخذي قرارا مصيريا دون التأكد من الوقوف على الموضوع من كافة جوانبه.. قدر الاستطاعة.. و لا تنسي الاستخارة.. أتمنى لك التوفيق و السعادة حيثما كنت و أينما حللت.. ذو الفقار.. رجل من زمن غابر |
السلام عليكم
مبروك عالزواج صارلك شهر و ما صبرتي انا شخصيا اشوف ان المشكله صغيره بس انتي اللي كبرتيها اول شي عمرج 27و موظفه يعني ناضجه وعالاقل تعرفين ان شهر فتره قصيره جدا عشان تكتشفي زوجك و بعدين حتى اذا زوجك في عيوب ما حاولتي تحلينها او تغيرينها >رحتي لبيت اهلك عشان قالي انتي مو حلوه و انتي و انتي... ما تعبتي تفسك او صبرتي. اول شي زوجك حاط امل فيج ... كفايه انه مخيلك ام عياله و لما يقول اسمني و اصعفي يعني متخل حياة طويله معاكي ( لا تنسين قالك كل الصفات اللي ابيها فيج)...... كلام الحب تو الناس عليه... عوديه تقولين له كلام حب و هو بعدين يقولج لما يقول انا انا انا ( الرجال دايم كذا يحبون ينصبون عند حريمهم ) توقعي يقولك انا مخاوي بوش بمقناص ترا عادي!!! لما رحتي لبيت اهلك راح يبغا يردك... اكثر من كذا شتبين! ما اقول الا كبري عقلك و اصبري ترا سنك ما يسمح و نصييييحه لا تدخلييين اهلك ابدا بتفاصيل حياتك لو بسيطه. شكرا |
اختي اميرات
رايك هو نفس رايي ايوالله كانه طفل ماكان عمره 30 ومو معقوله بهالعمر انتقادته لي يقول لاخوي انها دعابه؟ مدري يستهبل او يكذب لانه مو معقوله مايحس بكلامه اقول بيني وبن نفسي بعد سنه وش راح يسمعني؟ مع اني افضل منه باشياء كثيره مامدحت نفسي عنده لاني مو من هالنوع ومو هو بتصرفاته اللي يخليني اغير طبعي |
عزيزتى فكري زين
بس سؤال هو من شهر ماقرب منك ؟ يالله الله يعينى ويعينك انا بعد بملكه وحالى يعلم فيه الله |
اختي نوران
الله يعطيك العافيه ماقصرتي معاي واحسن الله لك النيه والذريه ايوه رجعتي معاه لها ضريبه بالنسبه لي يانوران كل شي ممكن اتحمله الا النقد والله مانسيت كلامه اللي قاله لي وشلون ابتحمل اكثر مدري هذا طبع فيه؟ ماعجبته؟ابفهم ليش يحطمني يستمتع؟ على النقيض الكلمه الحلوه مايعرف يقولها؟ ما استاهلها؟ بعض الاهل قالو يمكن فيه مشكله نفسيه والله اعلم |
الأخ او الاخت كاثرين
هل بنظرك ان عمري 27 ومايسمح يخليني اجبر نفسي عليه؟؟ ويوم طلب يردني هذا معروف يعني منه؟يعني انا رحت كذا بدون اسباب وله الفضل انه يردني بعد وينتقدني وتبيني اصبر؟ الى متى؟لازم اصبر لان عمري مايسمح يعني اتنازل عن كرامتي وارضى الانتقاد عذرا ردك لي غير مقنع ابدا |
اقتباس:
اقتباس:
فمن بدئها بالإنتقاد و السخرية لن تجعله العلاقة الزوجية ينظف لسانه ياريت البنات كلهم مثلك لا يخجلون من ترك البيت و هن في بداية الزواج تعرفي في وحدة خانها زوجها أمام عينها في ليلة عرسها و لم تستطع العودة لبيت أهلها خوفا من كلام الناس بجد كلام الناس و نظراتهم هم السبب في معظم البلاوي اللي بتحصل المرأة تعيش سنوات ذليلة خايفة من مجرد لقب , كلمة تقال و هي مطلقة أهم شيء مشاعرك حبيبتي و نفسيتك فأنتِ لم تتزوجي لتبدئي حياة نكدة تعيسة و إلا فالبقاء في بيت أهلك معززة مكرمة أفضل بكثير أخبري رجال أسرتك بقرارك النهائي , ربنا يوفقك |
و هو لما يروح بيت اهلك و يتكلم مع اخوك بحياته مو ينزل من كرامته!
شوفي مشاكل غيرك يا حبيبتي في المنتدى و احمدي ربك توكم في بداية المشوار حتى ما عطيتي الرجل فرصه و لا حاولتي تغيريه زوجج لا هو اللي ضربك و لا خانك و اكل حلالك و لا سبك من الكلام اللي يتعرض بشرفك و لا يشرب و لا راعي مخدرات ولا يشوف هني و هناك. اوكي اقولك شي دام حاطه ببالك الطلاق و متهيأه له شنو المشكله انك تصبرين سنه او سنتين بعد يمكن يطلع فيه شغلات حلوه و اذا شفتي ما في حل اطلبي الطلاق. يعني اذا من البدايه تبين تتطلقين هذا دليل انك ما تبين حتى تتفاهمي ... انتي فاكره الرياجيل بيجون لك كرتون جاهز حسب المواصفات. لأ لازم تصبرين و تجربين لما هو يعرفك و انتي تعرفيه و تعيشون متأقلمين مع بعض. احمدي ربك نص بنات الديره يدورون رجال مو لاقيين المطلقه لأ ما فيها شي يا حبيبتي ... بس تظمنين تلقين رجال و انتي عمرج 27 و مطلقه! و اذا تبين تطلقين كيفج اظن انج كبيره و عقلج براسج بس باجر اذا شفتيه جاب غيرج و بنا حياته بسعاده راح تندبين حظج و تندمين و انتي قاعده ببيت اهلج و تقولين المفروض اني اكون مكانها يا اختي. و اذا مو مقتنعه بكلامي ... نص الردود تقولج اصبري. |
ياحبيلك يايتيمة نجد
صدقيني بعد ماتستقيم حياتك تقعدين تذكرين هالموضوع وتموتين على نفسك من الضحك بس انا مااقدر ابدا معك باللي تسوينه الا اذا دريت انك ناويه ترجعين وتبداين حياتك صح |
اسمحيلي انا اسمي هذا دلع فاضي لانه ماصارلكم شهر بس هذا مجرد دلع حريم
وما ادراك مادلع الحريم صراحه هو اللى الله يعينه عليج تقولين الزواج موكله جنس وانا اقولج الزوج مايصرف هالمصاريف كلها للزواج الا برغبه جنسيه ملحه للرجل صح الاستقرار وغيره وغيره مهم لكن الجنس بالنسبه للرجل اهم شي .... اعتقد لو تسألين الاستاذ ابراهيم الخليفي او اي استشاري اسري ممتاز ومتخصص اريحلج عشان ترتاحين |
طيب الطفل مو تقدرين تربينه على كيفك وتشكلينه زي ماتبين
طيب الطفل مو تقدرين تاخذين بعقله حلاوه وتحصلين اللي تبين طيب الطفل ماتقدرين بحبك وحنانك ودلعك تكونين انتي كل عالمه ولايستغني عنك في اي شي انتي وش خسرانه زوجك احسن مافيه انه يجلس بالبيت ولاهو راعي طلعات وخرابيط زوجك والله اعلم مربي نفسه بنفسه ماعنده احد يوجهه والدليل مايعرف كلام المزح متى ينقال والجد متى ينقال زوجك يحتاجك تعيدين تركيب حياته كلها وبتكسبينه صدقيني زوجك سهل الصياغه الله يسهل اموركم يارب |
لا يحس بالنار إلا واطيها أنت أعرف منا بشؤؤنك وأمورك /فاءن كنت تستطيعين تعديل سلوك زوجك الى الأحسن خاصة وأنت فتاة مثقفة وعاقلة ورزينة فلك ذلك وتوكلي على ربك ,وأستعين بمن يستطيع أن يؤثر عليه
وإن كنت تعرفين داخل قرارات نفسك أن زوجك يصعب تغييره الى الأحسن وأن صاحب طبيع لا يتخلى عن طبعه فلك حق الطلاق على الرغم من أن الطلاق أبغض الحلال وعواقبه وسمعته سيئة على الفتاة وعليك بكثرة الاستخارة والاستغفار والدعاء في هذا الشهر الكريم وخصوصا عند الافطار وقبيل السحور وربي يوفقك لكل خير |
اقتباس:
احس اني رحمتك00وماتدرين وين الله حاطك نعم المعاشره تقلب فوق تحت000ماعمرك شفتي وشلون الرجال طايرين بحريمه اكيد ماعندك اخوان متزوجين0000كان شفتي بعينك لاتظنين انه علشان سواد عيونهن اتمنى تكونيين فهمتيني |
اقتباس:
والله مو كل الرجال زي كذا أختي نشمية لا اود أن اكتب التفاصيل ولكن زوجي يمتدحني كثيراً في هذا الشأن وواثقة من ذلك ولكن مع كل هذا لايشفع لي عند زوجي ولايلبي طلباتي ويعاند كثيراً ممكن تكون هذه النقطة الأضعف عند الزوج ولكن لم أجد أي نقطة أدخل فيها الى زوجي مافي الا أن الله يكسر عزة نفسه ويعرف ان الله حق تعبني مالقيت أي شي يرضيه ولا أي شي أستميل قلبه فهو متعجرف أعتذر أني دخلت على الموضوع عرض ولكن يمكن أختي نشمية لديها حل في هكذا مواضيع فياليت ماتبخلي علينا واسأل الله أن يفرج همك أختي يتيمة نجد واسخيري الله في كل أمورك |
اقتباس:
الله يهديك بس ابدا هذا موب مكان هذا الكلام ياليتك اكتفيتي بالسؤال لو عند اختك يتيمة ذرة امل لاطفاتيها ياليتك تعدلين ردك اوتمسحينه |
اختي يتيمة نجد
انا راح احكيك عن فترة بداية زواجي انا تزوجت برجل معاق واعتقد الأغلب عارف الصعوبه بالتعامل معهم فما بالك بزواج وأسره وحياة في ليلة الدخله اكتشفت مدى الصعوبه في تمضية حياتي معه واقولها وبكل صراحه ولكن كان هذا اختياري وحاربت لأجله لأني وجدت فيه رجل يستحق الثقه تخيلي تتزوجي شخص عكسك تمامآ بس لسانه طيب وحنون وهذا شجعني اكمل معاه ومع الأيام استطعت ان اتأقلم معاه وجذبته لي بألف طريقه وطريقه ولا انا انسانه عصبيه جدآ وحاده بالنقاش ولكن تغيرت لأنه اذا عصبت مايجاريني ويسكت وكنت اعتقد اني انتصر ومع الأيام اصبح يبعد عني وفترت علاقتنا كثيرآ فغيرت من طبعي فأصبحت اشد وارخي معه واحاوره واناقشه ومع الأيام كسبته بالطيبه والحوار والأخذ والعطا انصحك نصيحه قد تساعدك ابحثي بماضيه دراسته اصحابه طباعه علاقاته الأسريه وصدقيني راح تلقين مفتاح لمشكلتك انا عرفت اشياء عنه من أهله وهو عمره ماتكلم معي عنها فاكتشفت اسباب بعض تعامله فصرت التمس له العذر واحاول اتجنب كل شي يذكره بماضي تعيس ومع الأيام نجحت مو بسبب ذكائي ولكن بسبب اني اريد ان اعيش سعيده نصيحتي الأخيره ارجعي بيتك وحاولي معه وكوني حازمه وقوليله لو سمحت لاتنتقدني و و و وضحي له كل مايعجبك ومايغضبك وهو نفس الشي اما توك لك شهر صعبه عالأقل اعطي نفسك فرصه علشان ماتندمي وشكرآ |
نشميه نجد
لو تكرمتي لاتردين على موضوعي ومشكوره لاترحميني وفريها لاحد غيري |
| الساعة الآن 05:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©