|
اريد استشارتكم في مابعد الشوفه؟
السلام عليكم و رحمة الله و بركاته
كل عام و انتم بخير و رمضان كريم علينا و عليكم بصراحة بأتزوج:22: و أبي مساعدتكم و لكم مني أفيدكم و أكيد أنتم بتفيدوني و بأحكي لكم إحراج أول يوم ( النظرة الشرعية ):) تم تعديل العنوان/الاشراف |
الف مبروك
الله يتمم بخير اي سؤال احنا حاضرين |
حياك الله
وانت بخير ان شا الله والله يجعلنا من عتقائه من النار والف مبروك الله يتمم لك على خير ولكن وش هو الشي الي تبغى نساعدك فيه؟؟؟؟ |
شكرا يا زوجة أحمد و مشكورة و اتمنى ان افيدكم و استفيد من توجيهاتكم
|
مشكورة يا ام سوسة و رمضان مبارك عليكم
بصراحة أول شي استشيركم فيه انا خطبت و نظرت يوم الخميس الماضي و تمنيت اني املك الاسبوع القادم و الزواج يكون بعد عيد الفطر لكن ابو البنت رفض و يقول الملكة في عيد الاضحى و الزواج شهر 3 ما ادري وش اسوي معاه مع العلم البنت متخرجة لا شغل ولا مشغلة |
وعليكم السلامـ والرحمه ألفـ مبرووووووك اخوي وعسى ربي يهنيكم ويوفقكم يآرب :14: على أيه مستعجلـ .. على حسب ماقرأت إنك تبغى الملكه برمضان والفرح بشوال صرآحه مره تحديدك للملكه والفرح مو وقته :29: بالعكس انا من نظري أشوف وقت تحديد أبو خطيبتك مناسب جدآ ممكن تحاول في أبوها أنو يقدم لك المكله في العقده .. لا زم تعطيها وقت تاخذ رآحتها فيها من ناحيه مقاضي الفرح وحوسته :( بتآخذ وقت من لهدرجه تستعجل فيها الله يووووفقكم ويسعدكم دنيا وآخره يارب :14::14: دمت بخير |
بارك الله يا جوري و رمضان مبارك
بس ما تقدر تجهز نفسها في اسبوعين ليه هذا التأخير ليش البنات يتأخرون في التجهيز:( انا جهزت نفسي في يومين:18: |
اللهم آمين أخوي إنتو كل مقاضيكم كم ثوب وملتزمات بسيطه بخلاف زوجتك بالعكس ورآها كم شي إنت لاتستعجل كل تأخيره فيهاااااااا خيره الله ييسر امورك وأمورها ع خييييييير يارب |
مشكورة يا جوري والله يوفقك يا رب و تطلع نتايج تحليلكم سليمه
و يصبرني ويتم الزواج على خير |
ألف مبروك والله يوفقك يارب ....
ودعواتك يزرقنا رب العالمين بزوج الصالح ... |
الله يبارك فيك يا نجود
و أسال الله العلى العظيم أن يمن عليك بالزوج الصالح الذي يعيشك بسعادة باقي حياتك |
اظن طلبك
لك كل الحق فيه انا خلال شهر جهزت نفسي التجهيز ماهو مشكله اعتقد ان تحديد العرس من حق المعرس هو اللي يحدد مو العكس بالتوفيق |
الله يعطيك العافية يا ناني و كفوووووووووووا اكيد من حق المعرس تحديد الزواج
|
اقتباس:
رأيي الشخصي ..الوقت الذي تريده لا يكفي ابدا لتجهيز العروس .. ولا تقارن جهازك بجهازها .. البنت غير .. والموعد الذي حدده والدها في نظري الشخصي بعيد .. فحبذا لو حاولت ( اقناعهم ) بتقديم الملكة الى شهر شوال بعد العيد والزواج الى عيد الأضحى او محرم بالكثير .. دمت في حفظ الرحمن ,,, |
الف الف الف مبرووك اخوي ياللي ماعرفت اقرا معرفك هههههههههه
يابو الشباب لاتستعجل حييل ع الاقل انت اتخذت الخطوات الاولي مو مثلي للحين عزوبي ولاتخاف الايام تمشي بسررررعة ومثل رمشة العين وصدقني حسب كلام الكل هنا احلىى ايام ايام الخطوبة والملكة والله يتمم بينكم علىا خير دمتـ بود اخوك عبدالله |
اقتباس:
وعقبالي يارب الله يسهل اموري اخوي اي في اسبوعين البنت تجهز نفسها اول شي السوق وكم يوم راح تدخل عشان بس تشتري قطع قماش بعدها كم راح تجلس في الخياط عشان تجهز وشف اهلك كم مره يدخلون السوق على قطعتين بس بعدها ملابس لها بعدها ممكن اغراض المطبخ كما هو معتاد بس انت حاول تجهز امورك بدري وان شاء الله على الجح يكون زواجك ترى دايم تصير يحدد وقت لكن الواحد يتملك على طول يخلص ربي يوفقك ولا تنساني من دعواتك ان ربي يفرج همي واتزوج الشيب غزاني ههههههه |
| الساعة الآن 03:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©