|
مشكله النوم عند اهلي ......؟؟
السلام عليكم ورحمه الله وبركاته
اليوم بطرح عليكم مووووووضوع شاغلني حييييييييييل يمكن البعض يكون بالنسبه له عادي الوضع لكن انا دااااااااائم يزعجني وابي اعرف رايككم ومشورتكم طبعا الي يكون عنده خبره في الحياااااااااااه الزوجيه وتهمني ردودكم ... اليوم مشكلتي مع زوجي بخصووووووووووص النوم عند الاهل------->> طبعا اهلي راح تستغربون شوي انا مو قصدي ابغى انام العكس.... انا انساااااااااانه ارفض النوم عند اهلي لاسباب احتفظ بها ----->>اشياء خاصه زوجي والحمد لله انا وهو متفاهمين في كثير من امورنا ولله الحمد لكن بعض الايام يطلب مني النوم بحجه السهر مع اصدقائه لكني ارفض ذلك واسمح له بالسهر معهم حتى بعد صلاه الفجر ثما ياتي لياخذني ..... المشكله اني اتضايق اذا قال بنام في الاستراحه ؟؟؟؟:( مع العلم اني مخليته على راحته؟؟؟؟؟ نفسي اعرف وجهه نظركم للموضوع...... اتركه على راحته او اضل متمسكه برايي ؟؟ |
أشرحي لزوجك أن النوم لايأتيك في بيت أهلك وأنك ترتاحين في بيتك
وبذلك سوف ينام في بيته ولايتركك وناقشيه في مسأله النوم خارج المنزل فلا ينام كثيراُ الا الشخص الأعزب وأنت زوج ولديك مسئؤلية بيت وزوجة وأطفال |
قولي له آسهر ونم بس آنا اتركني ببيتي ماانام ولاارتاح الا ببيتي .. وقولي مثلا اغراض اطفالي يمكن احتاجها .. وقولي انا حاابة اقعد مع نفسي ماابي احد << اذا قلتي كيذا ماراح يروح الاستراحة ..
|
والله شي غريب بعض الزوجات عكسك تماما اختي دلوعة زوجها
تنبسط اذا قال لها زوجها بخليك تنامي عند اهلك او قد تطلب منه ذلك وتزعل منه اذا رفض طلبها ,,,,, حاولي اقناعه انك لاترتاحي الا في بيتك فقد يتقبل ذلك ولايتركك ابدا وبالتوووفيق للجميع |
والله صراحة شوفي
اللي أوله شرط اخره نور .. اتفقو من البداية وراح ترتاحي قوليله ..(مثلا ) عند اهلي ممكن أنام مرة في الشهر لو كنت سهران أو متأخر أول عندك ظروف .. أنا أشوف مره كويس أكثر من كذا الرجل يتعود .. ومو حلوة .. أما حكاية إنو ينام برا البيت ليش يعني الرجال يسهر بره البيت ويالله الزوجة تتقبلها .. أما يبات صعبة إذا كان زوجك من النوع اللي ينام برا عاد اللهيعينك .. يا تتقبليها اذا كان مع أصدقاء كويسين أو تقنعيه بأسلوبك |
اذا الزوج يريد المبيت خارج منزله اذاً لما تزوج ... كان ظل عزوبي احسن له .. لماذا المسكينه الزوجه هي التي تتحمل هذا الامر اما بالمبيت في بيت اهلها وهي محرجه او عليها الاتنظار لحد ما يشرف سي السيد عند طلوع الفجر ليأخذها من بيت اهلها على بيتها ؟؟؟!!! |
انا مره زوجي سواها ونام في الاستراحه
واكتفى بارسال رساله فقط يقول فيها انا بنام في الاستراحه بدون اي سبب من بعدها تاب لأني زعلت عليه فتره وكره نفسه |
مشكوووووورين على ردودكم الطيبه اخواتي واخواني .......
انا بالنسبه لي عادي اجلس لوحدي بالبيت لكن المشكله ان زوجي يخااااااف علي حيل عشان كذا مايرضى يخليني في البيت لحالي ..... واضطر اني اسهر واستناه ..... من امس و انا عند هلي وراح اجلس اسبوع على كلامه ليه لان عندنا عمال يصلحووووووون في البيت يشتغلوووووون وزوجي لقاها فرصه اني انام عندهم بدون اي مقدمات قال خلاص خذي اغراضك ونامي .....انا سكت على اساس انهم بيجون بالصبح والعصر لكن اكتشفت بعد مااتصل وقال الموضوع بكل بساطه اني اتفقت مع العمال خلاص بيجون بالليل ... قلت له حلو على اساس يعني عادي لو نكون في البيت وبعد العشاء نطلع ونرجع 2 بالليل .... ويعرف موقفي من الوضع واني انا ماابي اناااااااااااااااام...... لكن ماخذ رايي عن النوم على ساس خلاص على كلامه اني انام .... سكت وسكرت منه زعلانه بعد الفجر اتصل يتاسف لكن مارضيت ونمت عندهم و احس انه قهرررررررني حييييييييييييييييييييييل بتصرفه .... واليوم قالت له خلاص بجلس عندهم لحد مايخلص العمال من البيت ...._________>>بشوف رده فعله.... لكن الوضع عااااااااادي قال بكيفك .........؟؟ تخيلواااااا مو قهر عادي موضوع امس كنه ماصار شيء يبيها من الله .........عشااااااااااااان هالربع اللي يبطون الكبد واستراحتهم ....... وانا الحيييييين محتاره .........؟؟ ارشدوني...؟؟ مره احس ودي اقوله خلاص تعال بروح معاك...... سعات اقول لا ماني رايحه بتحمل وبجلس اخليه يحس بقيمتي ......ويفقدني ....؟؟ |
خلي الرجال يتنفس ....
|
اختي خليه يستانس ويغير جو ونتي كمان غيري جو عند اهلك وكلها يوم اختي مو سنه .
الشهر مبارك |
انا اقول انك تقعدين لك من يوم عند اهلك غيري جو وريحي من شغل البيت واستانسي وخليه يتونس وبتشوفين شلون بجيك الين بيتكم بيقولك يلله نروح بيتنا ..الرجال احيانا ماينعرف لهم
|
انا داخله الموضوع على أساس إنه رافض
بس إنتي مشكلتك سهلة إن شاء الله وعادي أنا لو مكانك أخذها فرصة وأوريه إني مبسوطه أنا كمان عشان حغير جو مع أهلي اخواتي وهوا أكيد بعدها حيرجع مشتاااااااااااااااااق |
تبين رايي هذا بيتك وانتي حره متى مابغيتي نمت عند اهلك ومتى مابغيتي رجعتي بيتك
ان شاءالله نص الليل وقوليها في وجهه صريحه اذا انت ماتبيني انام عند اهلي من حقك لكن تجبرني انام عندهم بحجج ماتقنعني هذا الشي مايعجبني ابدا ولا يريحني ولوسمحت اذا انا بغيت من نفسي انام عند اهلي بقولك ماراح استحي وجزاك الله خير انتهى اصلح الله اموركم |
أختي
ترى البعد القصير بين الأزواج له أثر حلو غالبا مثل ما نشوف بحياتنا يعني تجديد لمشاعر الاشتياق انتي اقعدي هالكم يوم عند أهلك و شوفي كيف بتصير ردة فعله و معذرة منك أختي ممكن تقولين لنا الأسباب أو بعضها اللي ترفضين عشانها المبيت عند أهلك عشان تكون الصورة أوضح و حنا ننصحك و نبدي رأينا و إذا في احراج لا تقولين..على راحتك أتمنى لك التوفيق |
للأسف كثير من النساء لاتعرف ان الرجل بحاجة إلى شيء من الحرية بين فترة وأخرى حتى يتجدد النشاط
فمن المفروض كل اسبوع او اسبوعين تروح الزوجة مثلا من عصر الأربعاء إلى الساعة 12 مساءاً من ليلة الجمعة |
لابد أن تمنحي للرجل حريته إذا لم يكن فيما يغضب الله..
دعيه يمارس رجولته مع أصحابه خصوصاً إذا لم يكن بشكل متكرر.. دعيه يغير الجو والروتين الذي يكبته يومياً حتى يعود إليك حراً طليقاً من همومه ومشاكله.. وبنفس طيبة منشرحة.. ولاتكوني في نظره أنك من يزيد كبته وضيق نفسه بعدم تركه على حريته.. دعيه ودعيه.. لكن بحدود وأستغرب جداً من امرأة لاتحب المبيت عند أهلها.. يبدو لي أنها حالة نادرة.. لكن لكل إنسان ظروفه.. وفقكم الله وأعانكم.. |
اسعدني جدا مروركم الكريم وفعلا احس اني ارتحت حيل من كلامكم ......
وان شاء الله راح اخذ بمشورتكم وراح اجلس وانبسط واخليه بعد هو يغير جو ولا اكبر المسئله ........ ونشوف من راح يشتاق لثاني اكثر......... دمتم لمحبتكم ........ *** وجزاكم الله الف خييير من جد ريحتوني*** |
يا أختي كانك ارتحتي فابشرك اني ارتحت يوم شفتك مهدية نفسك
و ماخذه الأمور ببساطة ايوه كذا وسعي صدرك أسأل الله تعالى أن يحميك و زوجك و أولادك من كل سوء :: |
ينبغي على الرجل إذا تزوج أن لا ينام إلا في بيته وأن يراعي أسرته ويحرسها ويكون العين الساهرة على مصالحها . أما أن ينام خارج البيت وهو مقيم غير مسافر فهذا شيء عجيب . أنصحك أن ترفضي هذا الأمر ولكن بأسلوب مهذب وفيه شيء من الحكمة والركاده وعدم رفع الصوت عليه . بهدوء
|
دعي الخلق للخالق مافيها شي يسهر ويستانس اذاكنتي واثقه منه
|
اختي اطـــــــــــــــــــياف -------->> والله هذا من ذوقك ونفسك الطيبه وتسلميييييين
انا اول ماكتبت كان الخبر زاعجني ومعصبه بعد التفكير وردودكم اللي تفتح النفس ارتح وجزاكم الله الف خير ... اخوي مخاوي العز------->> شرفني مرورك الكريم الحمد لله الثقه موجوده بيننا ولله الحمد وهو مو على طول ينام براء بس يمكن هالايام والظروف اجبرته والحمد لله اتفقنا على التغيييييييييير والبعد قليل لاعطائه حريته ... ان شاء الله رفع الصوت من خارج تعاملاتنا نحن نحترم بعضنا ..... ومشكور على وجهه نظرك ... صمت وسكون ------>> هذا اللي حصل اسعدني مرورك الكريم ....... |
مايصير الريال يرقد برا بيته ... من رأيي المره اليايه لا تواااااااااااااااافقين ابدا
قولي له تبي تسهر تفضل الله معك اما اني كل شوي نايمه عند اهلي مش حلوه في حقي وبنام في بيتي وراح يضطر ينام في البيت لأنه غلط ينام براااااااااا البيت غلط |
دلوعة زوجهااا
حبيبتي نفس المشكلة عني وربي ما احب انام عند اهلي مو كره لهم لا والله بس فيه اشياء تضايقني حيل في بيت أهلي وصعب الواحد يصرح ببعض الاشياء , علشان كذا ما احب انام ابدا مومشكلة اجلس وااطول عندهم بس ما نام وربي اتضايق ولا ارتاح غير في بيتي وفي مملكتي الصغيرة والله يديم المحبة |
اذا كان الموضوع بين فترة والاخرى ليش لا! مره او مرتين بالشهرَ!!
بالعكس تغيير لا تقيدين الرجل بالعكس..انا اتونس لما انام بيت اهلي بين فترة والثانيه |
المهم أنها ما تتكرر باستمرار لأنها أدعى أن يعتاد الرجل على البعد وعدم تحمل المسؤولية ..
النوم عند الأهل تحت ظروف معينة ـو لمصلحة لا مشكلة فيه لكن بدون سبب أو ترف هذا الذي يجب أن يضبط الله يسعدك ويقدم لك ما فيه خير |
طيب وليش ينام بالاستراحة؟!!!!
مش خلصت السهرة و روحو اصحابو ليش ميرجع غرفة النوم ينام |
[B]سعدني مروركم الكريم ..........
لونا81-------------->> الحمد لله تسهلت ومشكوره على مرورك مرادي ---------->> اتوقع انك نفس احساسي وشعوري بحريه النوم في بيتي وليس مشكله التضايق من الاهل لكن اشياء من جد خاصه تجبرك بالراحه عند ازواجنا دمتي ووفقني الله واياك .......:22: 3thooooooob --------- >> وربي ماقيدته بالعكس ... ام زرع --------->> مضبوط كلامك وهذا اللي يخوفني ... ملك شادي -------->> بعض اصحابوا لسى عزوبيه ماعندهم زوجاااات متفرغين تماما شرفني مروركم جميعا ..... دمتم لمحبتكم ...... ****دلوووووعه زوجها ****[/B] |
بما إني متزوج أبغى أقول لك رأيي ..
1 / المفروض إنه الرجل من يوم يتزوج يجب عليه إنه ينام في بيته.. وينسى شيء إسمه النوم في الاستراحة . 2 / بسبب نومه في الاستراحة قد يعتاد على البعد .. ثم يفكر تفكير آخر مثل الزواج من أخرى تهتم فيه. 3 / ربما إن إخباره إياكِ أنه يريد النوم في الاستراحة .. ممكن إنه اختبار عشان يشوف مقدار غلاته عندك. 4 / نصيحة لوجه الله .. لا يتعود زوجك على الابتعاد عنكِ سواء كان هذا الابتعاد برغبة منه أو برغبتك إلا في أحلك الظروف. الله يديم الألفة بينكم. |
| الساعة الآن 02:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©