|
بايسن كلك حركات
السلام عليكم ورحمه الله وبركاته
ومع بايسن كلك حركات ... ليــــــــه ؟! تعالوا معاي نكتشف السر .. ومن البقاله اللي بجمبكم إشتروا علبة بايسن وخلونا نعرف كيف نصير حركات لا تقولون ممنوع لان القرار على الاوراق وبس المهم . . علبة تشبه *البيبسي* الى حد كبير ختم من وزارة الصحة ' مسجل في (وزارة) الصحة ' مصنّع في مصنع ' أبو الجدايل ' بجده يعني وبكل بساطة منتج سعودي طيب ما علينا خلونا نقرأ إيش مكتوب على هذي العلبة الزرقاء المهم .. ياكثر التحذيرات المكتوبة على العلبة مرة بالأحمر ومرة بالأزرق تشكيلات تفتح النفس خلونا نقراها .. . علبتين تقضي عليك ياللي قلبك مريض ولساتك تطلب الدنيا ابعد لا يجيك شي ويا ابو الضغط والسكر يرحم ابوك لا تاخذه ويا اطفال ترا هذا شراب القوة والشجاعة وبعدكم صغيرين لا تشربونه ويا حرمة يا حامل تراك ضعيفة بعدي عنه ^ ^ ^ أقول ليه ما يبيعونه بصيدلية ويصير بوصفة طبيب أحسن !!. . آهـــــا ا ا ا الحين وصلنا لمربط السر المكونا ا ا ا ت وأهم مكونين هم بنزوات الصوديوم .... وحامض الستريييييييك وهذي المادتين الله يطول لي بأعماركم من اقوى اللي تخليك كلك حركا ا ا ا ا ت عارفين ليه ؟! أنا اقول لكم بنزوات الصوديوم يستخدم ضمن مواد التحنيط يعني عندك جربوع لونه مميز وحاب تحتفظ بشكله عندك عندك ضب لونه وردي وعندك ركن بالبيت حاب تحط فيه هالحيوانات بعد تحنيطها (كرمكم الله) ما عندك مشاكل رشتين بنزوات الصوديوم تنشف عروقه تنشيف بس ها ا ا ا ا ه بعد هالمركب عن جلد الضب لانها كفيله بسلخه سلخا مبرحاً .. اما حامض السترييييييك لا لا ترى هذا المحلول طيووب مرة أليف هو بس يخفف من كثافة البوية لما تبغى تلون جدران بيتك . . . . بإختصار هذه مكونات مشروب الطاقة اللي راح يخليك حركات من أول شفطة تأخذها زيه زي أي مشروب غازي يساعد على الاسراع في الهشاشة المبكرة للعظام يسبب القرحة صفار الاسنان وضعفها يسبب جفاف لقرنية العين بمعنى أصح يساعد على فقدان البصر واللي زاد الطين بله مدري إيش الطاقة اللي حاطينها فيه يا خوفي انهم مكثرين من نسبة الكافيين فيه يقولون انه صار مشروب ممنوع شي يضحك .. ما يدرون ان الممنوع مرغوب !! عاد تصدقون عمري ما تخيلت اني في يوم راح اكتب عن هذا المشروب الغبي إلا لما أيقنت انه ممكن يكون السبب في فقدان ناس نحبهم ناس في عمر الزهور او آباء وأمهات يشربونه في اي وقت ويكون الثمن ( فقدانهم للحياة ) عرفتوا إيش هي هالحركات حقت بايسن !! وهل جسم بلاروح .. تصدر عنه حركات !! الي ما يفهم يفهم من الايميل ولكم فائق احترامى |
والله معاكى حق فى كل كلمة قولتيها تسلمى على النقل المميز.
|
الله عليك ,, موضوع جميييييل
هاذي المشروبات .. المفرووووووض تمنع بقرار من وزارة الصحة ,, عن تجربة شخصية ,,, مرة كانت سيارة الوالد ماتشتغل المهم أن أصباع البطارية كان عليه كاربووون وأملاح ومايوصل الكهرباء .. فكانت علبة بيبسي كفيلة بتنظيف الكربون والاملاح .. فالله المستعان .. |
مشكوره اختي ماء القمر وفعلا معاك حق اصلا يارب لك الحمد ذقته مره ولوع كبدي اسبوع كامل مادري ايش حبهم فيه
الله يعافينا ولايبتلينا جزاك الله خيرا |
انا دخلت بس علشان احكي معانتي معاه ....... الله لايوفق ..............؟
خليها على الله حرمت اشربه مدى الحياه لأن علبه بغت تروحني شربت مويه.............. شربته وانا دايخه برتب البيت وخلصت ولا ماخلصت ....... وثم تعشيت وجيت انام ماقدرت لعب بمخي ابي اوقف دوخه ودوار وارق فضييييع اهلي حاولو معي يودوني المستشفى وانا اموت خوف من سيرت المستشفيات....... جلست من الساعه 5 الصبح الين عشر الصبح وانا زي المجنونه ماني قادره انام ومخي فيه خفه ودوار وغير ان اختي واقفه على راسي تشوف تطور الحاله .... وانا اهددها ماتقول لحد علشان مايودونيالطبيب ..... وحاله مايعلم بها الاربي ...... معليش كتبت بالعاميه .......... بس سامحوني ...... مشروب يستحق المحاربه ....:11: |
حيا الله أم أنس كتبتي فأصبتي وان شاء الله ينقرض هالمشروب كانقراض الديانصورات فلا نعد نراه..جزاك الله خيرا.. موضوع مميز وطرح جميل..ورمضان مبارك.. ومن ايه بيشكي الفيمتو..
أتمنى لك كل ماهو أجمل بالوجود..في رعايه الله |
والله انا من يومهم قالو كلك حركات حسيت انه ما وراه الا وجع الراس زي البيبسي
اصلا بصراحة لونه وطعمه استغر الله العظيم بس والحمدلله ع النعمة والعافية يسلمو جزاك الله خير ع النقل |
ياجماعة الخير انا معاكم بان هالمشروبات وغيرها مهما اختلفت الاسماء والنكهات ان المكونات وحدة ومضرة
هم قالوا هالاشياء عشان ربعنا مطفق الواحد يشرب كم علبة باليوم عشان يصير سوبرمان زمانة وانا اشوف هالكلام دعاية ومحاولة جذب الانظار لكن ايش المانع لو اشربنا منها شوي شوي مو كثير يعني احيان تكون مسافر وجاك ارهاق على الطريق يساعدك شوي بانك تنشط احيان وراك شغل مهم بالساعة الفلانية وتحس النوم غلبك بتقلون لي مضر بالصحة انا ما اختلف معاكم بـ انة مضر لكن نحتاج لة اوقات و اوقات والانسان لايصير مرررة شكاك يظن من اول عبوة راح يصير فية شي بس لايصير جاهل وياخذة ع المعدة الفاضية والا يكثر منة |
بارك الله فيكِ اختي الفاضله ماء القمر
فعلآ المشروبات الغازية تسبب هشاشه العظام مثلأ الببسي لو وضعتي قطعه لحمه وبعد فترة لوجدتيها مفتته الله يرحمنا برحمته من هذه المشروبات صارت مثل الادمان عندنا مع كل وجبه ببسي او سفن احترامي وتقديري لكِ |
مشكورة اختي ماء القمر على الموضوع الرائع المشكلة انه ممنوع و عارضينة في المحلات
يعطيك العافية على هذا الطرح تحياتي لكي |
تسلمولى جميعاكم على مروركم وردكم
اخوى غير مسجل الله يخلى القهوه تصحصحك وماتموتك نوووووووووووورتو |
معلش يا جماعة
أعرف أن الغرض من الموضوع هو النصح و أعرف حبيبتي ماء القمر إنك نقلتي الموضوع للإفادة أي لا ذنب لكِ بصحة المعلومات أو لا و فعلا كثرة هذه المشروبات مضرة و أنا شخصيا لا أشربها نهائيا لأني بقرف منها لكن لازم نكون عادلين ما ذنب حمض الستريك حتى يكتب عنه هذا الكلام الغير صحيح حامض الستريك موجود في معدتنا جميعا و موجود في البرتقال و الليمون و اللايم و الجريب فروت و معظم المشروبات الطبيعية و الصناعية تحتويه و تعريفه هو حمض عضوي يذوب في الماء و الكحول يوجد طبيعيا و يمكن تحضيره صناعيا و أنا درسته بتوسع في الأحياء و الكيمياء يعني حرام يكتبوا هذا الكلام فقط لتشويه سمعة شيء لأن الحمض ده حمض مفيد و موجود في كثير من الأشياء و هو بيعزز من فعالية مضادات الأكسدة اللي بتساعد على منع السرطان و ضرره الوحيد هو أن الإكثار منه مضر للأسنان جزاكم الله خيرا |
هلا والله بعزبزتى نوران
جزاك الله خير على تصحيح المعلومه عن حمض الستريك وفعلا انا وصلنى ايميلى وحبيت احذر منه وانا اول وحده منى مقتنعه ابدا بهذى الاشياء وغير كدا لمن ذقته وعععععععع الله يكرم النعمه نووووورتى |
تسلمي حبيتي ماء القمر على تفهمك
تصدقي عندنا بالجامعة العام الماضي كانوا بيوزعوه يوميا ببلاش و أنا عمري ما فكرت أقرب منه لأن مرة في الثانوي من ثلاث سنوات كنا في رحلة مدرسية مفاجئة للجامعة, يعني كلنا مش عاملين حسابنا المهم من العطش اضطرينا نشرب منه , قرفنا قرف غير طبيعي من طعمه و نسبة الطاقة اللي عليه لو قرئتيها تجديها عالية جدا مرة اختي كانت في مارثون و وزعوه عليهم قبل السباق بتقول دوخهم كلهم و من كثر الطاقة أصبحوا يجروا بدلا من المشي السريع و خسروا يا حرام منتجات فيها الكثير من العيوب بالفعل جزاكِ الله خيرا |
واياك يارب
انا مبدئى فى اى منتدى ان نتعلم من بعض ونصحح المعلومه مهما كان مو معقول انى احط موضوع عشان افيد العالم بيه وحتى لو المعلومه مو انا مصدرها وتكون غلط حلو اننا نتعاون للخير والتوعيه الصح تسلميلى عزيزتى ربى يحفظك نورتى |
هذا وانا اشرب منه علبتين ثلاث اذا سافرت ؟؟ :(
توووووووووووووووووبه الله يجزااااااااااك كل الخير اختي |
مشششششكوره أختي على المعلومه
|
شكرا اختي ماء القمر علي الموضوع الهادف
(المرة دي بقول اختي مش اخي علشان ما تزعليش) |
والله بغض النظر عن التفصيلات السابقه في موضوعك ..
شاربينه الناس شاربينه للأسف .. ما عندنا تثقيف ووعي من قبل البيت ولا المدرسة اللي أسمها مدرسه .. البقالات مليانه مشروبات غازية لا وازيدك شعراً العصائر كلها صناعية يعني ما طقها الطبيعي ولا مثقال ذرة إلا ياربي عشان ما أكذب الماء .. لأن الله قال [ وجعلنا من الماء كل شيء حي ] .. والمدارس للأسف مليانه .. وثلاجات البيوت مليانه .. ومطاعم المثلوثة مليانه .. |
واياكم يارب
تسلمولى جميعا اخوى السيف الله يعين والله من الغش التجارى وعدم الرقابه والدنيا الحايسه نوووورتو |
شكرا اختي العزيزة على هذا الموضوع الجميل
|
خوفتوني منه
أنا عني ماقد شربته زوجي مانع دخول هالأشياء للبيت بس أخوي يمدحه وقت السفر يقول يصحي الراس |
العفووو
تسلمولى جميعا تعب صبرى ياقلبى قولى لأخوك يشب قهوه واذا هو مدمن قهوه عربيه ماراح يصحى راسه زى فنجان قهوه تركيه ولا نسكافيه ولا موكا ولا ولا ولا ياكثر القهاوى نووورتو |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©