|
محتاجه استشارتكم..الحائــــرة
السلام عليكم ورحمة الله وبركاته..
عارفه تعبتكم معاي بس والله تعبت من وضع بيتنا...ولا عارفه كيف اتصرف ... راح اقولك الوضع وياريت تعطوني رأيكم.. قبل رمضان اختي المتزوجه تأتي بيتنا كل يوم ماعدا يوم السبت والجمعه..واحين من بدأ رمضان تأتي كل يوم تفطر معانا ويكون معاها زوجها وانا واختي وامي نتضايق عدل لان ماناخذ راحتنا احنا ساكنين بشقه مو بيت يعني المكان صغير..واحنا كل يوم ننحبس بغرفتنا وزوجها يجي من الاذان ويظل جالس لين 11 وهكذا كل يوم خلاص مو قادره اتحمل البعض منكم يعرف اني صار لي اكثر من شهر تعبانه بس من اول يوم برمضان اقوم واساعد امي بالطبخ وبكل شي اما اختي الله يهديها تجي قبل الاذان ب5 دقايق وعلى الجاهز بدون تعب انا مااقول لاتجي بس مو كل يوم وخاصه ان معاها زوجها امي كلمتها قالت لها اخواتك يتضايقون ماياخذون راحتهم تقول كلها شهر ويعدي عادي يعني مو من حقنا نأخذ راحتنا انا قلت بكلمها بس قلت خلني اخذ رأيكم.... |
انا رأي انها تأكل مع زوجها بغرفه وإنتي وامك واختك تتحركوا برا حتكم في البيت واللي عاوز يجلس معاهم يدخل
|
رائي اختي الفاضلة ان الرجال مكانة المجلس وبسسسس
وموووو كل رمضان الفطور عندكم مرة بـ بيتكم ومرة بـ بيت اختك |
اقتباس:
احنا ساكنين بشقه يعني مافيه الا المجلس او الصاله والباقي غرف نوم..وزوجها مايجلس الا بالصاله واهي جايه علشان تفطر مع الكل مو لوحدهم..وبعدين اختي عندها بنات يعني مو لوحدهم.. ان شاءالله تفرحينا بخبر زواجك قريب..ويسعدك.. مشكوره ماقصرتي |
السلام عليكم ورحمة الله وبركاته,, شبه يوميا محبوسين لمدة خمس ساعات تقريبا:16: اعذريني لاقلت ان زوج اختك (مايستحي) واللي (مايستحي) لاتخجلوا منه اخبري أختك إنه إلى هنا كفاية وماقصرتوا,, يخرج لصلاة العشاء والتراويح أفضل من جلوسه على قلب غيره وسجنهم بغرفة, إذا لم تجدي إستجابة من اختك الوسائل كثيرة منها (كمثال) تخبريها بإنك سترسلين رسالة إلى جوال زوجها ليفهم الأمر , حاولي أن تقولي لها والإبتسامه على شفاتك لكي لايكون الأمر جديا ويصل إلى مرحلة الزعل, مهم جدا كيفية إيصال ماتريدينه بطريقة مقبولة لكي يتقبلها الطرف الآخر , نصيحة غاليتكم الوالدة أخرجوها من الموضوع,, لك كل التقدير |
:22::22:
اقتباس:
|
والله زوج اختك انسان غريب
المفروض يستحي على دمه ولايفكر يجي فعلشان كذا قولي لاختك مافيها شئ زوجها وعلى العين والراس بس مو كل يوم يجي ويطول منتو مجبورين تنحرمون من الحركه علشان خاطره |
انا ابي افهم اختك وزوجها ما عندهم بيت يالكلون عندكم كل يوم لا حيا ولا مستحا من البخل وحب التوفير والا وش قصتهم واختك ما تفهم كان زوجها ثور اسمحيلي في ها الكلمه اختك وش تصير بعدين اذا يسحب بطنه عندكم كل يوم يجلس في المجلس ما هو الصاله البيت فيه حريم يتغطون عنه فهمي اختك بكل صاحه واذا بتزعل احسن والله ارتفع ضغطي من تصرفاتهم
|
هنا المشكلة في زوج اختك وليس في اختك كيف يرضى انه كل يوم يتطفل عليكم حتى لو كان زوج اختك البيوت لها حرمات مادام البيت فيه بنات لازم يعرف على نفسه لكن وش تقولين بعض الناس ماعندهم احساس انا اعاني من نفس المشكلة مع اخواني كل يوم يجون ويجيبون حريمهم معاهم من الفطور الى السحور وكنا نتضايق ومناخذ رحتنا وهم شخصياتهم ضعيفه والواحد تلعبه مرته لعب حتى ترتاح من الطبخ والنفخ |
(((انا قلت بكلمها بس قلت خلني اخذ رأيكم....)))
الموضوع واضح ..حبيبتي ..ما يبيله... هذي إختك حبيبة قلبك...مو معقول تشوفينها تتصرف بهذي الطريقة السيئة.. وتتركينها....قولي لها ....وإذا ما خاب ظني انها ماراح تستجيب بسرعة....لأنها واضحة شخصيتها...إنهاما(تحس) لذلك راح تحتاجين ..مستقبلا....إنك (تكثرين عليها الكلام)... يا إختي... أنا في هذا الشهر ( زوج إختي ما جاء يسلم على أهلي) مع إنها مو عادته!!!! .... ما خليتها ...مسكتها وقلت لها عسى ماشر؟؟ والله من بكرة والموضوع ( محلول) لا تخلين شي في نفسك ... طبعا هذا الكلام كله إذا ما عند إختك أسباب يمكن احنا ما نعرفها مثل فقر أو غيره... الله يعينك... |
الصراحة الله يعينكم فالفطور في رمضان له جلسة روحانية للذكر والدعاء وليس الاستفبال الضيوف كل يوم
ارسألوا الفطور لهم في بيتهم |
بصرااااااااحه قلت حياء الله يعينك رجال ماعنده شيمه وعزة نفس وزوجة إتكالية ... حمد لله ع العافية والله يعينك |
اقتباس:
والله انا رأي من رأيك ان الرجال مكانهم بالمجلس بس اهو يجي بوقت الاذان ويصلي وخلاص يفطر بالصاله ولا يتحرك.. ايه والله كل يوم والوضع متعب للغايه... شكرا |
اقتباس:
هلا اخي والله يااخي الوالده كلمتها قالت لها ترى الوضع متعب لأخواتك وامي تكلمت معاها لان شافتنا محبوسين واحنا متعودين نجلس مع الوالد الله يخليه خاصه بعد الفطور .. انا ماعمري رسلت مسج لجوال زوج اختي .. اما انا اسلوبي بالكلام هادئ بس اختي عصبيه وتحل الامور بصريخ وزعل... علشان كذا حبيت اخذ رأيكم علشان اعرف اتصرف.. مشكور |
صراحه وجهه قوي
الشرهه مب على اختك الشرهه عليه |
اقتباس:
شكرا |
اقتباس:
قبل رمضان بيوم والله اختي جات وقالت لنا كل يوم بفطر عندكم.. انا قلت لها وزوجك بعد؟؟؟قالت طبعا زوجي معاي عجل يفطر بروحه كل يوم ويتملل.. واهي كل يوم تجلس من 4 العصر وتجي لنا..على الجاهز..والله الوضع متعب يعني لو حبينا نروح اي مكان لازم نتغطى.. مشكورة |
اقتباس:
والله عندهم شقه خاصه فيهم وزوجها مو بخيل ابدا.. انا بأخذ ارائكم علشان اقرر شنو اقول لها بالضبط.. شكرا |
اقتباس:
والله كل يوم يجون وكلنا نتغطى عنه.. والله اختي مرتاحه من الطبخ والشغل تجي على الجاهز كل يوم وانا وامي من الظهر بالمطبخ.. شكرا |
اقتباس:
اختي عصبيه بشكل رهيب ودائما عندها ثقه عمياء انها هي الصح والكل خطأ انا كل مره اكلمها تقلب الموضوع وتعصب ودائما تقول انا الصح بس انا مااتنازل واستمر اكلمها بهدوء.. بس هالمره لمحت لها كثير واهي فاهمه بس مطنشه وامي كلمتها.. اختي الحمدلله زوجها مو فقير وراتبه ممتاز وموناقصنها شي.. مشكورة |
اقتباس:
ايه والله كلامك صحيح.. الفطور عندنا والسحور هم من عندنا وهذا حالنا كل يوم.. شكرا |
هلا والله بالحائره
فعلا موضوع محير بس بصراحه اهلك معطينهم وجه بزياده يعني ماتقدر الوالده تقولهم بطريقه مرتبه قدام زوجها ان يفطروا ببيتهم ويجرب طبخ زوجته ويعيشوا رمضان ببيتهم والله لو انا لاعطيها بوججها اختي على العين والراس بس كل شي له حده وبعدين حضروا له بالمجلس وخليها هي تحضر مو انتوا وارتزي انتي واختك بالصاله واذا تكلمت قولي زهقنا من الغرف قالت زوجي يبغى قولي زوجك عنده بيت اذا يبغى ياخذ راحته فيه |
اختي ..
اسمحي لي اختك قليلة ادب.. وانانية.. يعني مطنشة امها ومضيقه على اخواته عشان ترتاح من الطبخ اجل ليش متزوجة.. اقولك حركة واتفقوا عليها,... شيلوا التلفزيون من الصالة.. ولا عليكم من اختك وزعلها.. هي ما فكرت فيك.. خل شخصيتها على زوجها... واذا ما فاد.. ثاني يوم اجلسي انتي واخواتك بالصالة.. ركض صلوا واجلسوا.. وارفضي تقومين.. ومهما تكلم لاتريدين عليها بس قولي نبي ناخذ راحتنا.. وماعليك منهم.. في بيتكم لكم حق.. وقولي لها اذا على الاكل.. طرشي زوجك قبل المغرب ياخذ اكلكم.. وبس غيره لا ماعندنا استعداد.... وخليك صارمه.. |
دام اختك طبعها كذا وتاخذكم بالصوت
انا اقولك يفضل انه انتي واخوتك وامك وابوك تكلمونها علشان تعرف انها غلطانه وحتى لو كانت تبي ترتاح من طبخ الفطور ولا تبي تطبخ المفروض زوجها من باب اللباقه ما يوافقها على رايها ويطلب منها تطبخ له الفطور ببيتهم ويفطرون ببيتهم الله المستعان بس لو انا منك اجلس بالصاله بعبايتي ولاهمني علشان يستحي وماعاد يجي |
مبروك عليك الشهر وأختك ربنا يهديها .. . أضن أختك أنانية لدرجة إنها لاتفكر فيما تقدمه لكم من سوء تصرف وأحياناً الأناني لابد أن ُيجرب لبس نظارته ليرى أي يطريق يجر الآخرين فيه هي تجركم للإساءة ُمكرهين .. . لذا جربي أن تكوني أنتِ أيضاً أنانية مثلاً إتصلي بها وحاولي أن تطلبي من أن تمر لأخذ بعض الأغراض تتصلي بها وتطلبي منها أن تحضر بعض ماينقص للفطور قبل العصر .. صدقيني الحوار المباشر لايجدي ولن ُيجدي مادامت لا تفكر بك أو بوالدتها وإن عاندت ,, ستعاند لذا فكري كيف تدفعينها للشعور بك وليس لتقدير الوضع والحال فهي لاترى .. أعانكم الله وصدقيني قلة الذوق " مع إحترامي الشديد " مالها حل أضنك لست الوحيدة التي ُتعاني والغريب هذا الصمت لذا لاتحملي الموضوع وحدك فتسببي قصة ولم يعد باقياً سوى أيام .. محبتي |
:11::11: صراحة أختك أستغلالية .. وما أوخذا بالحياء فهو باطل .. كلميها بحزم .. بالبداية وبعدين رخي والفطور عندكم بكرا شوفي وش تقول ..
|
اقتباس:
تدرين والله الكل يقول لاختي انتي اتكاليه كثير.. الله يعافيك ويسعدك شكرا |
اقتباس:
اختي بعد تتحمل جزئ من المسؤليه.. شكرا |
اقتباس:
والله حتى بالايام العاديه تتصل لامي في اليل وتقول لها اعملي لي غدا وتطبخ لها امي وتجي تتغدى او انها تأخذه شقتها..متعوده على كذا..وطاحت على رأسنا.. والله الوالده قالت لها اخواتك ترى يتضايقون وايد من زوجك واهي ولا كأن الكلام موجهه لها ابدا.. والله يالغاليه تجي وقت الاذان وتجلس وانا الي اجهز السفره كلها واهي جالسه..وبس نخلص فطور نفس الشي تجلس مثل الاميره.. اليوم جلست بعباتي والله بالصاله وزوجها جالس وظليت ساعتين ومليت من العباة وقمت دخلت غرفتي وجلست لين طلع..وبس طلع قلت لها يااختي والله تعبنا من زوجك..قالت يعني ماتبقوني قلت لها ماقلنا مانبقاكي بس مو كل يوم كذا قالت بيت اهلي ..قلت لها طيب وش ذنبنا احنا خلي زوجك يروح بيت اهله يفطر علشان ناخذ راحتنا...ماردت علي ..وطبعا ردها كان بعصبيه.. الله يرد لك اولادك قريبا ان شاءالله.. مشكورة |
اقتباس:
والله وين نودي التليفون اهو مو على التليفزيون بس كل شي احنا ننحبس بغرفتنا واذا بقينا نروح اي مكان نطلع بالعباة..اليوم جلست ساعتين وزهقت وقمت..وكلمتها .. نشوف بكره تجي اولا ...؟؟ وبقولك بالاخبار ان شاءالله.. مشكورة |
غريب امرهاا اختك وزوجها أغرب !!
عاد آنه إلا ميته على زوجي ابيه يفطر في بيت اهلي يوم واحد بس بالاسبوع تلاقينه يستحي ويقول مانبي نثقل عليهم وفشللله !! وماله داعي ومانروح الا بيدنا شي وطبعاً لازم ادش المطبخ اساعدها .. والله في شي محيرني ! خاطري أعرف منو منهم صاحب هالفكرة ! اختك والا زوجها مع إني اعتقد إن اختك الاتكالية صاحبة الفكر وزوجها هو الي شجعها :d والله مادري شنو اقول .. طبعاً شي محرج جداً اتقولين لأختك عن الموضوع بشكل مباشر مع إنها ماراعتكم ولا استحت منكم بس لازم تسوون شي ... لأن اذا ما ارتحتون في بيتكم عيل وين بترتاحون ؟! اذا كانت اختك اتكاليه وغير مبالية وما تحس بغيرها المفروض زوجها يعلمها الصواب ويرفض يجي كل يوم من باب انكم في شقة ومحبوسين في غرفة تبون تآخذون راحتكم مع امكم وابوكم وخصوصاً شهر الله يبي له راحة من بعد تعب نهار كامل .. بس حاولوا تحلون الموضوع بدون زعل .. مع إني ما اعتقد .. بس إن شاء الله !! |
اختي
اعلم ان الامر مزعج بالنسبة لك ... ولكن تحملوا ولكم الاجر ان شاء الله الفطور يوضع بالمجلس حيث يكون زوج اختك .. ووالدتك وزوجته يفطرون معه وان اراد اولاده لامشكله .. وانتي واخواتك لكم باقي الشقة واللي يبي يفطر معكم يفطر .... واستغرب دخول زوج اختك للصالة وان كان قصدة للتلفزيون فلينقل التلفزيون مؤقتا ً او بشكل دائم للمجلس حتى لا يكون له عذر بدخول الصالة ... فمن اليوم ليوضع فطوره ومن يفطر معه بالمجلس .. تحيتي ومودتي |
قرأت كل كلامك
ماكان ودي تقولين لاختك بهذه الطريقة خاصة ان والدك موجود وهو من يملك الحق في منع من يريد ويسمح لمن يريد بدخول البيت ... الحل ببساطه ماذكرته اعلاه ان يوضع فطور الرجال بالمجلس وهنا حلت القضية بكل بساطه ... تحيتي ومودتي |
حبيبيتي الله يعينكم وهذي الحالة صعبة
انا اشوف ان اختك متعودة على كدا من الافضل ان والدك هو اللي يكلمها مدامت تعصب عليكم انتم واطنشكم وبعدين لا تيأسي |
اقتباس:
اختي عليك بالدعاء ثم الدعاء ثم الدعاء فمواطن اجابة الدعاء : * الثلث الاخير من الليل .. حيث ينزل الله جل في علاه ويبسط يديه ويقول : هل من سائل فاعطيه .. هل من مستغفر فاغفر له ... * وقت نزول الغيث . * في السجود . * بعد التشهد الاخير وقبل السلام . * في السفر . *ربما يكون هناك مواطن لأجابة الدعاء لاتحضرني الآن . اختي الكريمة الله جل في علاه امرنا بالدعاء ووعدنا بالاجابة ..والله لايخلف وعده .. فماذا نريد اكثر من ذلك .. ولكن يجب ان تراعي مايلي في الدعاء : * الدعاء مع تيقن اجابة الدعاء . * الألحاح بالدعاء . * الاستمرار بالدعاء .. بمعنى ان لا تقولي دعوة ولم يستجب لي الله .. بل استمري بالدعاء حتى ربي يزرقك ولو طال بك الوقت ... ودعاء طلب الذرية : ربي لاتذرني فردا ً وانت خير الوارثين . ولايفتر لسانك من الاستغفار .. فالاستغفار جالب للرزق والذرية والمطر . سائلا ً الله ان يرزقك بالذرية عاجلا ً غير آجل . |
اقتباس:
انا امس كلمتها وامي كلمتها بس مافيه فايده كل يوم تجي قبل الأذان ب5دقايق..اليوم ماجات وانا اجهز الفطور مرتاحه بعد ثلث ساعه من الاذان جات.. زوجها مايرفض لها شي .. والله جلست امس بعباتي لين زهقت وقمت دخلت غرفتي.. مشكورة |
اقتباس:
الله يبارك فيـــك.. والله يالغاليه اختي تتصل الفجر او الظهر وتقول لامي اعملي على الفطور كذا وكذا.. والله مادري كيف اتصرف معاها تعبت..من الوضع.. حتى الوالد صار مايجلس بالبيت.. مشكورة.. |
اقتباس:
والله كلمتها والوالده كلمتها ومافيه فايده تعبت والله..مو بس انا حتى امي واخواتي.. مشكورة |
حلــــــــــــــــــــــــــــــــــــــــــــــــ ــــــــــــــــــــــــــــــــــــــــها سهل
خلي امك تقول لها حنا معزومين على فطور من جاراتها او زميلاتها عادي لوتاخذون فطوركم برا وتفطرون برا ولا اذا اذن العشاء تقولون نبي نروح نصلي العشاء ونبي نطلع وماراح نرجع الا الفجر عشان هي تفمها وتوصلها لزوجها الي حتى مايقدر يجيب قيمة الفطور لبيته مع المقاضي الله يعينه ويرزقه ولا العيب في اختك ماتبي تصلح الفطور او ماتعرف واذا ماينفع اسلوب التلميح عادي قولي لها ولا تستحي منها و الله يكون بعونكم كلنا والله مانرتاح الا نفطر ببيوتنا حتى تصدقين امي تقول تعالي واخوي يقول تعالي افطري معي وانا اقول لا افطر ببيتي وبعدين اجيكم من جد مامثل الفطور بالبيت احلى شي مع الاهل والزوج والله يكون بعونكم |
[info]الاشراف: ينقل إلى قسمه المناسب (عالم التربية والحوار الأسري) [/info]
|
| الساعة الآن 11:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©