|
بين نارين
السلام عليكم
زوجتي تعبانة وجدتها تقول انا مربيتها تخليها عندي بين عيوني وخالتي ( ام هنااوي ) جت من قطر تقولي بنتي ماتطلع من عندي ابي ارقي واقرى عليها وانا امها ادرى فيها ........ وانا ارى امها افضل لكن الجدة فيها خبيث وسكر وضغط وقلب ولغة الحوار معدومة لديها ...... وهناااوي بين نارين لكنها تفضل امها وتقول جدتي تعبانة لو بنمسك الباب طاحت علينا ....ومستأجر لخالتي شقة مفروشة تقول لو ماجيتوا انت وهناي بطلع .... واقترحت علي هناي نشوف ارئكم |
الله يشفي هناوي يويقومها بالسلامه يارب
برائي خلها تروح عند امها ما فيه احن من الام ومحد راح يهتم فيهاقد امها وجدتها حاولوا ترضونها حتى لو زعلت فهمومها انها محتاجه لامها اكثر الله يعينك ياهناوي حتى بمرضك ما ارتحتي الهي يشفيك يوعافيك يارب ويقومك بالسلامه وربي فقدناك بالمنتدى لك وحشه يابنت الله يحفظك وينتقم لك من الي كان السبب يارب |
طيب ليه أم هناوي ما تيجي تجلس عندكم بالبيت مع الجده
وبكده ترضوا جميع الاطراف |
ام السوسة ........ اللهم امين .... الجدة لغة الحوار معدومة لديها نهائياً ....وفقك الله
زوجة احمد .......الظروف تمنع الام والجدة يتواجدن بمكان واحد ......وفقك الله |
موشرط لغه الحوار
بصراحه احس افضل شي تاخذ بعض الاغراض بدون ماتدري الجده وتروح وبعدها لو سالت الجده قولوها راحت عند امها وبدون اخذ وعطاء مع الجده الله يسر لها يارب |
والله الام غيييييييييييييييييييير
معليش جدتك بتزعل كم يوم بعدها بترضى وهناوي الي فيها مو قليل فخلها عن امها افضل الله يشافيها ويعافيها وادخل لجدتك من باب ان هناوي صايره تتعب بالبيت وكذا ولازم تغير المكان الله يفرج همكم |
يارب اشفي اختي هناوي من كل علة و مرض
انا رأيي انها تروح لأمها احسن عشان محد ح يهتم بيها اكثر من امها ان شاء اله و ما قدامها الا العاااااااافية |
امها جايه من سفر
اشوف الاولى ان تقعد عند امها بس حاولو تراضوه الجده بكم كلمه الزياره بين فتره وفتره لاتنسى قلب الام كيف ربي يفرج همكم ولا تنسوتصلو استخاره |
ام السوسة .... بس هنااوي تقول قلبي مايطاوعني حيروني ماني قادر ارضيهم.......وفقك الله
جينز ....واذا طلعنا مهما اقنعنا الجدة ماتقتنع وتتعب هنااوي ماتبي جدتها يصير فيها شيء ...وفقك الله |
دودي
ام مودي الجدة ماينفع معها ........ الجميع متفق على الام الظاهر كيذا بيصير ان شاء الله .... اللهم امين .....وفقكم الله |
خل هناوي تقرى
هناوي انا ام وانحرمت من اولادي ولو بيوم ان حط بمكان امك ومايجي احد من اولادي وهو تعبان عندي بجد بزعل وبيجي بخاطري كفايه انحرمت منك ومن انك تعيشي بحضنها وهالحين تتعنى وتجي من السفر علشان تحطك بعيونها وتتركيها الله يهديهم بعض الجدات يزيدون الموضوع ويعطوه اكبر من حجمه بس حاولي تروحي لامك لانك ماراح تلاقي احد مثلها يقوم فيك الله يسرها لك يارب وترتاحي ءالهي يشفيك ويعافيك يارب |
لا بأس عليها أختى هناوي شفيها إن شاء الله خير
بعدين اسمحلي الأولى تروح عند أمها و الجدة إن شاء الله ما يصير فيها شئ لأن على حسب ما فهمت من هناوي هي بس عنودة الأن أنت شوف مصلحة زوجتك بالدرجة الأولى وما يهمك شئ اللي يزعل بكرة بيرضى |
اقتباس:
هلاا فيك .. اخباارك.. والله بكيتيني انا عارفة ومجربة منحرمة عن امي وابي لو بس ريحتها واللحين فرصتي قريبة مني بس جدتي الله يهديها مع انا ودي اروح لامي عشان اركب راسي وماارجع لهالبيت ابي بيت لوحدي وتكون الشرهة وحدة بس الله يعيني يارب .. ياارب يرد اولادك لحضنك ياحي يااقيوم ويصومون ويتعيدون معك يااربي يااكريم .. هناااوي |
أخي هناوي .......... أنا أشوف اللي مصر أكثر على رائه تظل عندها لو ان تمنينا ان يجتمعوا
|
ماريا ...... هناي الخادمة سحرتها الله يشفيها .......انا ارى مصلحة هنااوي عندي انا ثم امها بس هنااوي تقول جدتي تعبانة ..... وفقك الله
|
الله يشفيها اقرأ عليها وطمنا عنها الله يشفيها ويخليها لك دوم يارب
وكان وين بتجلس في المكان الي ترتاح فيه لأنها تعبانه وتعبان يحتاج راح تامه حتى الراحه النفسيه من دوشه وصياح وعوار راس الله يقومها بسلمها و إن شاء الله ما صابها الا تكفير. |
متحابان في الله ....الكل مصر على رأيه ... وفقك الله
غارق في الاحلام ... اقرى عليها ياارب .... تعبت وانا ارضي الجميع مااحد متنازل عن رأيه ...... ياارب ..وفقك الله |
الله يسرلها لك يارب
وفكره حلوه عصفورين بحجر بس اهم شي لاتخلي جدتك تزعل ولاتكثري كلام معاها بالموضوع الله يحنن قلب جدتك ويجعلها من نفسها تقولك يالله يابنيتي روحي لم امك يااااااااااااااااااااااااااااااااااااااااارب |
هلاا فيك ام السوسة ..
والله شجعتيني ع الفكرة اجل بقوم اتصل ع امي اللحين بقولها بفطر اليوم عندك .. جدتي ماافي آمل تقوله .. الله يخليك ياارب ويجمعك بااولادك .. هنااوي |
امييييييييييييييييييييييييييييين يارب
والله يشفيك ويعافيك ويسرلك كل خير ياحي ياقيوم ويحنن قلب تيتا عليك (((جدتك)) يااااااااااااااااااااااااااارب |
آمين ياارب .. مشكورة قلبي الله يوفقك .. هنااوي
|
الله يشفيها ويرحم ضعفها والمسلمين
تروح لأمها |
أسأل الله العظيم بأسمائه الحسنى وصفاته العلى أن يمن بالشفاء والعافية على أختنا الحبيبة هناوي ..
وأنا أرى أن ذهابها عند أمها فيه خير لها ,,وبر لأمها .. وعليك أيها الأخ الكريم أن تقوم بدور حمامة السلام بين جدتك وزوجتك حتى يتم الأمر دون زعل أو غضب فمهما كان فلجدتك حق عليها .. بارك الله فيكما ورزقكما الذرية الصالحة .. |
الله يسر امورك ياهناااوي ويسهل طريقك يارب
روووووووووووحي لأمك شوفيني انا بعيده عن أمي ومحرومه منها وكل يوم افتكرها دموعي ماتوقف رووووووووووووحي لأمك |
والله فكرت لك بحل يمكن يكون حل ماكر بس مافي غيره لأجل تحافظ على شعور وصحه جدتك..
قول بدخل هناوي المستشفى فتره تعمل فحوصات وتحاليل (اسم الله على هناوي الله يخليها لنا ويحفظها لك)... قول أنا لازم اطمن عليها خاصه أن بعد القرأه تتعب جدا فلازم تكون في المستشفى اذا تعبت لاسمح الله يعطونها مسكن لو قالت لا قل ياجدتي هناك بيهتمون فيها الممرضات وأنا عندي دوام أنت ماتقصرين لكن وش فائده الطب والأطباء والأدويه والشيخ لازم هناوي تتعالج من جميع الجهات بالطب وبالقرأه.. وبخليك تزوريها ان شاء الله لو حابه أو تكليمها بالتلفون تتطمني عليها.. بعدين قول الطبيب منع الزياره عنها حتى خالتي أم هناوي تبي تشوفها وماسمح الا لي أنا..والله ياخوي هذا الحل اللي بتقوله لجدتك بيريحك من وجع الرأس والمشاكل وبترتاح أن زوجتك مع أمها.. موفقين وكان الله في عونكم وأتمنى لك ولهنااوي كل ماهو أجمل بالوجود.. |
خلها تجلس كم يوم مع الجده بما انها مريضه فالقهر يزيد الضغط ثم تجلس عند امها
|
اقتباس:
أووووووووووووه .. والله جبتيها يا سابنا .. خوش فكره ... وربي يشافيك يا هناوي .. انت طووول عمرك جالسه مع جدتك .. اعتقد امك من حقها انك تجلسي معها فترة مرضك .. و سلامتك خيتووو.. |
انا مع فكرة سبانا
الله يشفيك يا هناااااااااااااااوي |
أشوف ان أمها أحسن
بغض النظر عن ظروف الجدة لا يوجد في الكون أحن من الأم على أولادها |
هلااا فيكم ..
آنا الان عند آمي وجدتي تعباانة لاني طلعت بس فكرتك حلوة ياسابنا وبخبر عمااتي وعمي يقولون لجدتي اني بالمستشفى عشان مايفضحوني بجدتي .. مشكورين .. الله يخليكم ويوفقكم .. هناااوي |
اسأل الله العلي العظيم
ان يمن عليك بالشفاء والصحة والعافية الله يهدي جدتك ان شاء الله وتوافق على قعدتك عند امك |
لاباس عليك ياهناوي الله يقومك بالسلامه ام بالنسبه للشغاله هل هي موجوده اوسافرت اذا ما سافرت ودوه للهيئه عشان يعرفون يفكون السحر لانه في طرق لفك السحر ويليت تطمنينا عليك
|
شمعة لزوجي ..... منتظرة .....انثى جريحة ......سابنا.....نايت ..... اميرات ......عاشقة عيونه.....سمورة ....هناااوي..
تعبت وتعبت هناي معي وانا برضي الجميع ..... وفكرة سابنا رائعه واخبرت هنااوي الاهل عشان مايتكلمون للجدة ......وشاكر لكم جميعاً تواجدكم وردودكم ......وفق الله الجميع |
والله انا اشوف انها تروح لأمها احسن واولى..
لان الجده تعبانه وماراح تقدر تقوم بهنااوي مثل امها.. الله يشفيها وتفرح بسلامتها.. الله يفرج همها.. |
ام مشموشة ....عادل .....
الشغالة مسافرة للاسف .....وحالة هنااوي في تطور .....شاكر لكم جميعاً ....وفقكم الله |
الحائرة ...... هنااوي الان عند والدتها ..... شاكر لكِ .... وفقك الله
|
الحمدلله ان حالتها في تطور للأحسن ان شاءالله..
الله يشفيها وتقوم بالسلامه..ان شاءالله.. |
الله يسلمك الحائرة ويوفقك يارب ع السؤال ..
|
كويس يا هناوي الله لايحرمك من امك ويشفيك ويرزقك بالذريه الصالحه يارب
خلي املك بالله وربي راح يفرجها وهالحين لاعاد تشغلي بالك با احد اهتمي بنفسك وصحتك والله لايحرمك من امك ويخليلك زوجك ويرزقكم السعاده والذريه الصالحه يارب |
مشكورة حبيبتي ام السوسة ربي يوفقك ع الدعوات ..
تسلمين يااقلبي وخلاص بيت جدتي مالي رجعه بركب راسي .. |
| الساعة الآن 07:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©