|
أعاني من مشاكل شخصية سينفجر رأسي منها .......!!!!
تم إجراء تعديل على العنوان ليتناسب مع المضمون . الإشراف |
الله يعينك يااخوي
والله مادري وش اقولك انا تقريبا نفس حالتك لالالالالا وبعد متزوجه وعندي بنتين اعاني والله اعاني من عدم الثقه بنفسي الله يفرج لي ولك ولكل المسلمين اجمعين اللهم صلي على رسول الله اااااااااااااااسفه |
اقتباس:
|
شوف اخوي اقرا سورة البقره 000 وانت تبي تشوف بعيونك التغير
اقراها مره او اكثر كل ماحسيت بهذا الشعور لان اخذها بركه وتركها حسرة ولا يدركها البطله000الله يفرج همك |
هلا والله يا خوي غارق في الأحلام
عساك بخير يا رب حبيت أقدم رأي بالمشكلة وحل لها و ان شاء الله يعجبك الحل وتبدأ تطبقه فعليا على أرض الواقع بالبداية يا خوي انت تعاني من حبستك بالبيت اللي انت خليت حالك فيها بأختصار يعني انت ما تطلع الا للجامعه و المسجد و أغلب وقتك بالغرفة حتى ما قلت بالبيت مع الأهل يعني انك انطوائي بدرجة كبيرة !! النت و الأفلام و الدراسة و التلفزيون تأخذها ذريعة لك انك موب ناقص شغلة كل شيء من أساليب الترفيه موجودة عندك انت بالأحرى باني لك عالم من الخيال والله العالم و السبب تمسكك بالأحلام وهذا شيء طيب لكن بحدود يعني مو معقولة تحلم طول الوقع و تجعل هالأحلام تطاردك بالصحوة و النوم !! انت متمسك بأحلام والله العالم نوعها يمكن تتحقق ويمكن لا وقتها صدمتك بتكون كبيرة جدا !! انت أقلم حالك انك تحدد أحلامك وطموحك مع الواقع اللي تعيشة و الأهم على قدرتك بتحقيقها او على الأقل السعي لتحقيقها الدعاء لله سبحانه وتعالى مفيد جدا ولكن بالأشياء المعقولة انت غارق بعالم الأحلام و تفسير الأحلام هي خيالات و مجرد امنيات !! يعني ماهي موجودة على أرض الواااااااقع لازم تحدد بمخك هالمفهوم و بعدين يا خوي على الطلعة من البيت وش السبب الرئيسي ؟!!!! عمرك 20 سنة و عندك انسان بس تطلع معه فعلا غريب يمكن يا خوي الثقة بالنفس موجودة بس اندثرت وتبي منك تحييها طول هالعمر انت تدرس المدارس و الحين جامعه يعني مجتمعك اكيد يسمح لك بفرص كبيرة للتعرف و عمل الصداقات و طلعات الشباب صج تراني بنت بس خوي الله يطولي بعمره يحكيني عن طلعاتهم ونااااسة صدق خصوصا انك تقول تحب المزاح والمقالب يعني بتتأقلم حاول أول الخطوات بالعيد فرصة كبيييييرة لتقويم الوضع الغريب عندك العيد يوم لصلة الرحم و التقارب بين الناس بالمودة حاول تكون عون وسند الى أبوك محتاجك اكيد بالمجالس معه يبي يفتخر بالولد اللي عنده ويرفع راسه بين الرجال ويقول شوفوا ولدي اذا ظليت بالبيت ومحد يشوفك الناس موب ملائكة اكيد بالهم بيروح الى شيء ثاني و أبسطها بيقولون معقد و مريض نفسي و متكبر وغيرها من هالأمور ما أبرر أقوالهم بس عشان أوضح لك الصورة واللي هي واضحة بس أقنع نفسك بالتغييير أولا عشان تواصل يمكن المشكلة خجل منك تغلب عليه مو حلوو الخجل الشديد بالرجل حاول مع صديقك اللي تطلع معه يكبر دائرة معارفك وطلعاتكم أشغل نفسك بالأهل خلك معااااااهم على طول بطلعاتهم و انت باااادر الى الطلعة قول لهم تجهزوا بنروح البحر لو حديقة اي مكاااان بس خل المبادرة تجي منك وتفرح قلب امك وابوك امك تبيك تطلع و الوالد يبك معه عون وسند بالدنيااا لازم تتغلب على العزلة و الأحلام اللي غرقان فيها ما بتتخلص من هالأمور الا اذا واجهت الواقع وغيرت نظامك و بداية التغيير الرضا بالقسمة والنصيب ما أقول لا تطمح للأكثر بس لا يتحول الأمر الى هوس و يمكن بالبداية تلقى صعوبة بالخروج من المنزل و الجلوس مع مجتمعك بس بتتعود على الأمر وبعدين بصيرون الأهل ينادونك تعال البيت اشتقنا لك هههههههههه الله يوفقك ويسهل أمورك ولا ينفجر راسك ولا شي يا خوي بسيطة اذا انت تمسكت بالواقع و غيرت نمط حياتك شوي منك السموحة على القصوور و أكرر استغل العيد للتجديد بحياتك أختك بحرانيه كول |
اقتباس:
|
اقتباس:
والله يأختي بكلامك حسيت في شي في صدري انشرح جزاك الله خير وبسمع نصايجك وعلقها على صدري لا تنسيني من دعائك. |
شوف يااخي الحبيب يقول الشاعر : ومن يتهيب صعود الجبال * * * * * يعش ابد الدهر بين الحفر اجدادك المسلمين الفاتحين لو فعلوا مثلك ما انتشر الاسلام في بقاع الارض انهض وانطلق وايقظ المارد اللي بداخلك .. انت شاب ومسلم ورجل .. دع البيت للخدور وانطلق نحو المعالي والثغور |
أخي الغارق في الأحلام....بناءا على ما ذكرت...واللي حصل لك من مشاكل في الفترة السابقه...اعتقد انك فقد ثقتك بالناس...وهالشي بيترتب عليه العزلة و الإنفراد...بس يا أخي أكيد مو كل الناس متل بعضهم...متل ما في الطالح...كمان موجود الصالح...جدد معارفك ..و تعامل مع الناس ببساطة..وتخير الصحبة الصالحة...أما عن الأحلام اللي غارق فيها ...فهي من كتر الفراغ اللي انت عايش فيه...اشغل نفسك بتحقيق واحد من هذه الأهداف..وابدأ بأيسرها و أسهلها في التنفيذ...و لا تستقل أي انجاز بتحققه..لأن الجبال تكونت من الحصى...وطريق الألف ميل يبدأ بخطوة...أقترح عليك أن تبدأ بتنفيذ عمل بسيط بمشاركة مجموعة صغيرة من الناس اللي بتحبهم و بتثق فيهم...ليكون حافز لك للتقدم للأمام..وبنفس الوقت تكون كسرت حاجز العزلة اللي انت فيها...اقترح القيام بعمل تطوعي...كزيارة مستشفى للأطفال و اعطائهم هدايا رمزية بمناسبة العيد...أو زيارة كبار السن..عمل الخير بيدخل السعادة للقلوب...جرب و ما ح تخسر شي...الله يوفقك و يسعدك.. |
اقتباس:
جزاك الله خيرررررر |
اقتباس:
ما شلت على الناس بس بعد المشاكل صرت ما احب اجتمع مع الناس ويذا شفت ناس واجد ما اجلس الوالده تقول الله يعينك اذا تزوجت شكلك ماراح تحط عرس لأني ما احب المكان الي فيه ناس واجد هذي من السلبيات. |
اخوي الله يكون في عونك ويفرج همك
طيب ممكن تاخذ من وحد مثل حالك او قريب منها و الحمدلله ربي فرجها علي ورجعت مثل اول انا كنت اطلع من البيت واروح واجي جات مشاكل دفعه واحده فوق راسي وانا من الناس الي يكتم و يضحك بعد ولا يبين لاحد صار وقتي كله في البيت اطلع للمسجد وارجع واخر الاسبوع ممكن الف بالسياره اقل من ساعه وارجع اجتماع الاهل الاسبوعي ما اروح الكل يسأل وين الولد راح ليش ما صار يجي فيه شي احد مزعه بعدها جلست مع نفسي وقلت ياولد الى متى الوضع هذا بيت تلفزيون نت المهم صرت اطلع شوي شوي ارح الاجتماع اجل نصف ساعه او ساعه بالكثير ثم الباب وشوي شوي لين طلعت من الحالي الي كنت عايش فيها يعني الزبده اخوي الي يبي لك هو العزيمه شوي وصدقني راح تزين امورك وذا كان ابوك من النوع الي يعد ولده زميله مثل والدي حفظه الله صدقني راح تسهل عليك المهم وحاول تطلع مع ابوك حتى ولو وقت العصر وشوي شوي راح تنطلق دعواتك لي اخي |
اقتباس:
كلامك يا اخي جميل صدقت والله مثل كلام خويي الي كنه اخو لي لأني ما عندي اخوان اكبر مني يقول ابدورلك وضيفه في المساء عشان تطلع من عزلتك وتجمع لك فلوس لأني من النوع الي صرفيته قليله اخي الله يوفقك ويسعدك |
الله ييسر لك أمــــــــــــورك ,, ويشرح صــــــــــــــدرك .. ويوفقك في الدنـــــــــــيا والأخـــــــــــــرة ..
|
السلام عليكم ورحمه الله وبركاته
اخوووي :d مشكلتكم ماشاء الله هينه سهله باذن الله :d بس تبغى منك انت تتحرك اطلع مع الناس زور عمامك خوالك حاول تكون صدقات صالحه مع رفقاء صالحين :22: اضحك لدنيا الحياة تمر والعمر يمشي وانت منعزل عن العالم جاااااااااااااااري الحياة عش مع الناس افرح لفرحهم شاركهم بكل شي كان كالشجرة المثمرة اينما كنت في اهلك :d وعيلتك وجماعتك كلهااااااااااا لاتجلس تحط يد على يد وتقول مااقدر وين همه الرجاااااااااااال :18: وين عزم الشباب انت توك في مقتبل العمر ماشاء الله 20 سنه هذا سن الحركه والهمه والعزم :22: الله يسر امرك |
اخي غارق في الاحلام
كلامك من اول وله شككت ان زوجي شارك في المنتدى وكتبها لكن تبين من كلامك انك عزوبي وهذا كان الفاصل في شكي ...مع انه كان شخص اجتماعي ومحب للحياه ويضرب به المثل لكن الان حتى انه بدا يتضايق بالجلوس معي ...حاول ان تقرا سوره البقره صدقني لها مردود كبيير.. زوجي حاولت معه بان يقرا سوره البقره لكن مكانك سر حتى انه لا يستطيع اكمالها اشتريت لها اشرطه للسياره لشيوخ عده وحاليا بالايام هذي اقولك مرودها قوي جدا جدا يكفي بانه يشعر براحه بداخله ... ضع افكارك اهدافك في مذكره وحاول انجازها لان لا شيء مستحيلا في هذه الحياه وحاول تحقيقها ..... الدعاء والاستغفار انه لا يرد صدقني ستيسر امورك باذن الله واياك واليأس:11:... واطلب من ابويك ان يجعلوا لك من دعائهم نصيب... اخي ذكرت انه بسبب موضوع قلبت حياتك لااريد ان اسالك ما هو ولكن حبيت اقولك اذا تشك بشخص او باشخاص حاول ان تأخذ من اثرهم لعله شفاء لك ياحي يااقيوم جميع ردود الاخوان رائعه اتمنى ان تطبقها وان شاء الله مافيك الا العافيه اللهم فرج همه وهمي وهم المهمومين ياحي ياقيوم .... وخذ بيده للطريق الصحيح يارحمان يارحيم |
اقتباس:
الله يجزاك خيررر |
اقتباس:
امين اختي والله ما اشكيلكم الا عادكم اخوان لي لا ماني متزوج ناقص هم شايل الفكره من مخي امي تلمح تقول بنت خالتك ونا اقول نجوم السماء اقرب اضلم بنت الناس .. |
اخي الكريم من كلامك اشك انك تعاني من الاكتئاب ولهذه الحالة اسباب كثيرة وربما المشاكل التي مريت بها ساهمت في دخولك في هذه الحالة المهم لا استطيع الجزم لانك لم تفصل كثيرا في رسالتك عن حالتك استعين بالله واذكر الله كثيرا وساعد نفسك للخروج من هذه الحالة ، وهي حالة غالبا ما نمر بها جميعا في فترة ما من حياتنا فلا تقلق ان شاء الله ترجع مثل ما كنت وافضل تحياتي |
اقتباس:
اقول سلم لي على صدقيك وبوس راسه هذا الخوي الي ينشد فيه الظهر اخويك صادق ووظيف المساء لها مفعول ساحر وخاصه اذا كانت فيها مقابله جمهور مثل شغلتي بالمساء بدون مبالغه قابلت انواع الاجناس و الحمدلله على كل حال |
اقتباس:
ونجتمع فيها شبه يومي بس كرهتهااا وكرهت الجلسه مع النااس والله اذاا جلست مع شباب واجد احس بكتمه جو صدري وطلع بسرعه للبيت ,, وكانك على صديقي هذاااا اخو وله في قلبي الكثيررر الله يقدرني وردها له دعواتكم لي. |
وش هالحركات أنت سليم ومافيك شي بس حرك عمرك شوي وقوي علاقتك مع ربك وبتزين أمورك
بإذن الله .... رعاك الباري |
أخوي بصراحه ماأقدر أحكم عالوضع وأعطي رأي يكون الأقرب للصواب وبما أنك اعتبرتني بمثابه أخت كبيره لك ممكن اذا مايضايقك تجاوبني على هالأسئله لعل وعسى أفهم معك أين موضوع المشكله ونحاول نفكر بصوت عالي ونحلها..
ماهو ترتيبك بين أخوتك.. هل يمارس عليك ضغط دراسي وهل دخلت القسم الذي ترغبه أنت أم يرغبه أهلك.. هل المسؤليه شبه ملقاه على عاتقك.. علاقتك بوالديك وأخوتك وبقيه العائله.. هل لديك وقت فراغ كثير طوال اليوم.. |
لا عادي اختي خذي راحتك انا ادور منكم واحد يسمع شكواي ويحلها
انتي تامرين الله يحفض بناتك , ابجاوبك بكل صراحه ج1- انا ترتيبي الثالث فوقي بنتين وتحتي ولدين وبنت والبنات الكبار مسويلهم بلوووك يعني وحده منهم ماكلمتهاا لي اربع سنوات والثانيه رسميه يأختي انا مزاجي وفيني ضربه في مخي وزادت الطين بالله المشاكل الي صارت في موضوعي اعلى الصفحه ج2- لا اناا دخلت القسم الي ارغب فيه واحب فلسفته وخياله الوسيع حبيب قلبي قسم (قانون ) وإن شاء الله محامي او ضابط المهم فيه ضغط من جهة ابوي علي مثل كل اب ج3- مودايم انا يا اختي شخص مزاجي يعني عقلي تركيبته غبيه امي تقول لي والله خوفتي نزوجك وبعد شهرين تطلقها عقلك مو معك ج4- جيده الاحق رضاهم اللهم اجعلهم راضين علي امااا الباقي عمان خوال مالي تداخل معهم يعني من عماني واحد بس خوالي خالتي بس والباقي ماهضمهم ج5- والله اغلب وقتي فاضي في غرفتي والباقي مدري بس انا قليل الأختلاط بناس من سنه ونص ونااااا بيتوتي يعني ما بقااا عندي الا اصدقى ينعدون باليد وما اتوقع يتعدون ثلاثه انتي تامرين اي سؤال ثاني اخيتي الكبيره |
اقتباس:
|
تدري كانك تتكلم عن اخوي :)
ما يطلع من غرفته الا للجامعة او للحمام اكرمكم الله حتى اكله يوصل لعنده روم سيرفس :) حياته منحصرة بغرفته ما بين لابتوب بلاي ساتاشن ,, رياضة و مانشتسر يونايتد :) مايطلع الا لغرض بس طيووب و حبووب و خدوم و علاقته بنا خواته البنات ممتازة.. احيانا يقعد معنا و نلعب سوا او نسهر للفجر نسولف كلنا ( بس احياااانا)) ولما نسأله ليه ما تطلع مع اصحابك قال ليش ... الشباب مالهم كلام الا فلانه و علانه و كلام فاضي مااحبه بس فيه علة ثاينة مادري هي فيك اذا عنده موعد او مقابلة او اي شي ... يقعد اسبوع يهم و ما ينام و يجيه القولون و توجعه يطنه ايييييه ,,, مادري كيف بيتزوج صرت اقول لامي زي ما الوالدة تقولك حرام نظلم بنات الناس ... ساعات اقول معاكم حق. ايش لكم من الاختلاط ووجع الراس والقعدة بالبيت احسن من الصياعة و الجري ورا البنات من سوق لسوق زي ما نشوف كثيير بس ارجع و اقول لازم الواحد يكون اجتماعي و يقوي صلاته على الاقل باهله و اسرته الكبيرة من اعمام و اخوال الخ سامحتي طولت و خرجت عن الموضوع دخلت اخوي بس والله عندي امل القى حل له من خلال موضوعك الله يوفقك و اخي لما يرضاه المولى |
اقتباس:
صارت بيني وبينهم مشكله وخلاص ما صرت اكلمهم هذا مايمنع اذا طلبو شي اقول لهم من اعيوني علنهم متزوجين انا اختي احس في داخلي تكه وبعض الأوقات يضيك صدري وجلس ساكت بساعات حتى في الجامعه اخذ كفي وجلس لحالي ................... انا مو غبي او اتكلم عن ذاتي القصد اني ما يصبر في عقلي شي وكانه على الحرمه راح تسمع واحد يدلعها كل الوقت بس الله يعينها على التفاهم معي .......... عقلي بعض الأوقات يقفل ادري انهااا تمزح تامر على رقبتي الله يطول بعمرها وياك ايه فيه تقبل بس من جهة امي ابوي تعليمه نازل يعني التفاهم معه صعب وافضل شي اقوله سم تامر امر لو كان خطى الوالده لا متفاهمه هي مدرسه انجليزي جامعيه وين اروح اختي ماعندي شي اروح له بس ابتوضف إن شاء الله مساء عشان اكسر هذي العزله ومنها اجمع كم قرش عشان بعيدن اذا بغيت اتزوج انا انتضرك اختي وكل عام ونتي بخيررررررررررررررر |
اقتباس:
ودينهم ونا عندي خوات واهل وفي المستقبل زوجه يعني يقول المثل دقه بدقه وان زدت لزاد السقا ونا ازمل ويضيق صدري الله يعين دعواتك اختي لي ولخوك |
أخي الحبيب
أنت طال عمرك عندك اكتئاب ، كلها كم حبة مضاد اكتئاب و تصير زي الحلاوة أخوي ، لا تزعل مني و لاني أمزح ، ترى ما فيها شئ ياما ناس اعرفهم من أنجح و أذكى الناس ، و يعالجون من الاكتئاب و عشان تتأكد ، مر على طبيب نفسي أنصحك بمستشفى الملك خالد الجامعي بالرياض ( ما عليه زحمة ) أو عيادات ميدياكير وفقك الله لكل خير |
ينقل إلى عالم التنمية البشرية وتطوير الذات ... مكانه الأنسب بإذن الله ... احترامي ؛؛؛ |
السلام عليكم و رحمة الله و بركاته
اخي في الله .. واختي استكانة شاي.. انا بالضبط اعاني مما تعانون منه .. حيث انيمتزوجت وعندي اولاد و بدات حياتي تتدهور اكثر بعد ان تجاهلت هذه الاحاسيس فقررت فعلا ان اذهب لاستشاري نفساني و اجزم ان ما بي اكتآب و اليوم كانت ثاني جلسه لي معاه .. كان واصف لي حبوب بدات اشعر بهدوء نسبي الحمدلله .. بعد ان بات مع هذا الدكتور اصبحت احس ببصيص امل .. و قال لي كلام جميل (( باني عندما قررت ان العلاج لن احسن من علاقتي بمن حولي فقد بل اني ساكون اقرب الى الله و انه من الواجب ان نعطي نفسنا حقها و نخرج مما فيه و نحن مأجورين على ذلك باذن الله ).. لاني ذكرت نقطة اني احس بضعف الايمان واوسوس كثير اني عاصية و افكر بالموت و ان لا مستقبل لي و حضرتك ذكرت شيء مهم ان في مشاكل .. و هذه تعتبر تراكمات على مدى سنوات و ان بعضها منسي ولكنها مدفونه وموجوده بدليل افكارك و انطوائك على نفسك.. انت تحتاج الى جلسات علاج لاني ارى نفسي بما تقول.. و العلاج سهل جدا الحمدلله اسال الله لنا و لك و جميع المسلمين الهداية و الشفاء |
اقتباس:
المهم الحمد لله في تحسن هذي الأيام........... |
أكثر من الأستغفار تلاوة القرآن خاصه سورة البقره وآل عمران ويس والرقيه الشرعيه ودائما اطلب من الله ان يفرجهمك وادعو بدعاء النبي عليه الصلاه والسلام اللهم اني اعوذ من الهم والحزن ومن غضب الله
|
| الساعة الآن 01:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©