|
::: لو كائن فضائي ماكان تحمل:::
قال عيد؟كل عام وانتو بخير عكل الاحوال
بس قهرتي لاتوصف يعني طلع زوجي يشيك على شيء ماياخد وقت في الشغل عاساس روحة ورجعة سريعة جدا وكان مفروض يساعدني في تنظيف البيت نظرا لحملي وتعبي وكنت نفسي نطلع نلف بالشوارع نلف ونتفرج عمظاهر العيد فلما طلع قلت استغل الوقت وانظف انا رغم تعبي عشان الوقت نقضيه سوا والحمدلله الساعة الان 2وتلت الفجر و وماشرف زوجي الحبيب مابكون ملك شادي ان مااجا عالفجر قرب الادان كان نفسي نطلع ننبسط ويحس الواحد بالعيد ولو عالريحة وكنت ناوية نشتري كعك واشياء واعمل ايضا مفاجاة له للعيد و حجات رومانسية و اجواء حلوة ونكون سوا مبسوطين وبالاخر هيييييييييييك اخرتها؟؟؟ ولازم انا اكون المراة السعيدة الصابرة الصالحة صح؟اصل المراة كائن فضائي نازل من المريخ لااحساس له ولازم تكون مصدر لكل الاشياء الايجابية ولو عاشت بنص الصحرة ميت سنة لازم تكون ايش؟رمز المحبة والعطار المراة تنقهر وتتدايق ليش هية بتحس؟ الناس ليلة العيد جمب بعض وانا قاعدة عالنت النت طلع من عيوني كرهتو الحمدلله عكل حال مشكلتي بنسا بسرعة اكيد حيراضيني وحنسا بس حاليا حاسة بدي انفجر من القهر وقال شو عيد سامحني يارب مجرد فضفضة لانو حتى المسنجر فاضي طبعا كل البنات قاعدين مع ازواجهم هوة في حد فاضي للمسنجر سامحني يا الله احب زوجي ويحبني وكل شي تمام لكن شغله مخرب علية حياتي وقارفني ومش قادرة اتحمل من وين اجيب صبر؟ غربة وحبسة ومعبر مسكر ولا شوفة اهل كل الناس سافرو يشوفو اهاليهم واحنا قاعدين لازقين بسبب ظروف سياسية في المعبر؟ لا ونيس ولا صديق ماحد ضايل في البلد الكل طالع يتفسح وبالاخر كمان زوجي يروح واضل لحالي حتى زوجي المتحملة عشانو كل شي مش جمبي؟ لشو تغربت؟تركت كل شي عشان زوجي لاني بحبو وماليش غيرو طيب لو بدوش يكون جمبي لشو غربتي؟؟؟ يعني عارفين حتى لو بدي اروح اطفش لعند اهلي حتى هاي غير ممكنة بسبب المعبر يعني سجن كبير جدا يمتد من غزة لحد هووووووون واصل لعندي بدو يخنقني |
والي فيكو بحب الله ما يزيدها علية بردو
او الاقي ردود فلسفية زيادة عن اللزوم عشان مااحس انو كل الدنيا علية عارفة انو في ناس بعاد كل واحد في بلد عارفة في مصايب وبلاوي بهالدنيا كل الي كتبتو فضفضة وكل انسان والو طاقة |
أختي الفاضلة ملك شادي
أولاً: كل عام وأنتِ بخير وتقبل الله منا ومنكم ثانياً: لا تأخذي على بالك يا بنت الحلال ربما عنده شغلة ضرورية والمثل يقول إلتمس لأخيك عذراً وأنا أقول إلتمسي لزوجك ألف عذر أعرف أنكِ سوف تقولين ليلة العيد وهو كم في عيد أسأل الله تعالى أن يصبرك وأن يحنن قلب زوجك عليك وأن يعود قبل الفجر ودمت بخير أختي الكريمة |
شكرا اخي الكريم انا عارفة انو شغلة ضرورية
لكن زهقت من الشغلات الضرورية الي بتصير في شغلو كم الفين عشرين مليون مرة يطلع يقلي في شغلة بسيطة في الشغل ساعتين وبرجع والساعتين يصير عشرة وييجي بعد الفجر انا مقدرة شغلو بس انا بشر ومش قادرة اتحمل الناس نفسيات وانا هيك نفسيتييي خلقة رب العالمين هو المشكلة انو لاينقصه شيء المشكلة انو زوج مثالي والمشكلة لانو هيك مابتحمل بعدو وبحبو جدا بقول لو انو سيء وبقول يحل عني ويشتغل وارتاح لكن للاسف هالدنيا عطتني احسن انسان لكن محرومة منو وماعمري شبعت من قربو جمبي شكرا لك اخي الكريم بارك الله فيك |
ايه يا ملوكه ............. أصحى وفوقى كده
وافتكرى كلام ام جمانه وتحذيرها هو الشياطين اول ما تنفك هتفتحى لها الباب علشان تدخل عقلك وبيتك ولا ايه......... طيب انا جوزى جه من دوامه من ساعتين ودخل نام على طول لأنه بكره هيصلى الفجر والعيد ويروح دوامه عادى علما بأنه لسه خارج ما الاعتكاف الليله لكن يعنى هم بيتعبوا لمين ؟؟؟؟؟؟؟؟؟؟؟لروحهم يعنى اهدى كده واعقلى ولا تخلى للشيطان مدخل عندك ابدا وقولى حالا أعوذ بالله من الشيطان الرجيم |
يا حبيبه قلبي يا ملوكه
قلبي معاكي يا غاليه فعلا احساسك فظيع الله يكون بعونك يلا كلها كام يوم ويشرف ولي العهد وتنسي شادي وهوا اللي يجي يشتكي منك:d معلش التمسيله العذر ومهما حصل متعمليهاش خناقه واصبري وعدي الايام دي بخير الله يحنن قلوبكم على بعض ويقومك بالسلامه ويهون غربتكم يااااااااااااااارب |
حبيبتي ملوك ...هذا هو حالنا في الغربة ...ماتزعلي الله يرضى عليكِ ...كل عام وانتِ بالف خير
وان شاء الله العيد القادم بيكون معك البيبي ...ينسيكِ همومك ويشغلك ...هذا حال المغتربين ...على فكرة زوجي ايضا ذهب للعمل ...ولم يصل الا الفجر ...ولن يستطيع الذهاب لاي مكان لانه عاد منذ قليل من العمل وهو يشعر بالتعب الشديد ...يعني اليوم مافي طلعة لاي مكان ...لانه يريد ان ينام ويرتاح من عناء العمل .... اسال الله ان يكون في عوننا ويصبرنا ...وتذكري دائما ان لاشيء يضيع عند الله سبحانه وتعالى ...ولنا الاجر والثواب كل عام وانتِ وكل المغتربين بالف خير |
حبيبتي ملك ..
الحال من بعضه هههههههه خصوصا قصة المسنجر بس الفرق بيني وبينك انه زوجك بمقر عمله اللي يبعد عنك ممكن ربع ساعه لكن انا زوجي في عمله اللي يبعد عني 9 ساعات بالطائره وفي اقصى شرق قارة اسيا ... شو بدنا نعمل (على قولكم) :) الرزق يحب الخفيه وانا عارفه انه يوم عيد واحنا كمان وضعنا مع الحمل يخوف شوي بس مشي حالك.. تعرفي اهم شي انه زوجك بصحه وعافيه وانتي والبيبي تمام واهلك بفلسطين عايشين وبصحه كويسه هذا اهم شي ونعمه بحد ذاتها.. بكره اكيد شادي رح يعوضلك اياها ان شاء الله... |
:::: كل عام وانت بخير يا ملك ::::
أكيد هلأ روقتي وان شاء الله كل سنه وانت سالمه |
ملك شادي
شو رايج الاقي لزوجج شغل عندنا في امريكا ونصير جارات حالتي مثل حالتج بالضبط لا يمكن اردى زوجي شغل بالدوام وبالبيت!!! على الاقل انتي حامل وياي اللي ونسج انا شو اقول احمدي ربج وعن الدلع هههه |
انتي ما تعصبي ،
لأنك حامل ،، ولازم تكوني مرتاحه نفسياً ، واذا انتي ما صبرتي ع شاااادي مين بده يصبر عليه ؟؟؟ مهو زوجك و حبيب قلبك صح ؟ لازم تتفهميه ؟ وانتي قدها وقدود ،، الله يقومك بالسلامة ،، والله يحببكم لبعض و يبعد شياطين الجن و الإنس عنكم ، بالتوفيق ، وتقبلي إحترااامي ... |
اهلا وسهلا باخوتي الكرام
تاخرت في الرد لانو خجلت منكو خجلت لانو زوجي رجع الساعة 4 ههههه مش هون المشكلة وهوة كان عندو شغل وتاخر عشان مايروح بالعيد وراضاني وانا رضيت مش بقلكم طيبة وبرضى بسرعة وانا عفكرة كتمت زعلي قدامو يعني كنت مكشرة وهيك بس ماعملت محاضرة او سمعته كلام بزعل وضليت ساكتة وبعد شوي سبحان الله الزعل راح شوي شوي وروقت لحالي انا متسرعة عادة وبحب احكي الي بقلبي بسرعة لكن الفترة الاخيرة صرت اجرب اسكت شوي وكتير كتير احيان بلاقي اني هديت ونسيت الموضوع من حالي فبكون اختصرت اشياء كتيرة اما لو ضليت افكر وزعلانة اصارح طبعا يعني الواحد تعلم يطنش ومايدق عكل شي خاصة زوجي انسان ماشاءالله عليه ومش مقصر وشغله ايش نعمل هادا نصيبنا فيه ومش بايدنا نغيرو والحمدلله قضينا اجازة عيد حلوة ماشاءالله لاقوة إلا بالله تبارك الله وهلأ بنحضر لقدوم ولي العهد والله يكمل عخير صحيح الانسان وقت الزعل بكون ماعندو عقل ليفكر فيه ابدااااااااااااااااااااا وبستسلم للافكار السيئة يعني الان بتزكر في هداك اليوم الي كتبت الموضوع وبقول شو هادا على ايش قطعت حالي من الزعل؟ وشكرا حبيبات قلبي الي ردو علية وحدة وحدة الله يرزق كل وحدة الي تتمناه يارب سامحوني لو دايقتكم |
| الساعة الآن 09:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©