|
زيارات خطيبي اليوميه تتعبني ...
السلام عليكم ورحمة الله وبركاتة،،
كل عام وانتم بخير ومن العايدين والفايزين إن شاءالله قبل البدء.. حبيت اقول إني من فتره طويلة اتردد على هذا المنتدى وعرفت منه اشياء كثيره الحمدلله والله يعطيكم العافيه جميعا ، وبصراحه من هالمنتدى حسيت ان عندي خبره كبيره وإني إن شاءالله باكون ناجحه في حياتي الزوجية! والحمدلله جا اليوم اللي صرت فيه من عالم المقبلين ، واللي بعد التجربه حسيت اني جاهله جداا في بعض الامور!! قادره على اقناع غيري! واحل مشاكل غيري لو صديقتي فضفضت لي تطلع مني وهي مرتاحه وفاهمه بس مااقدر على نفسي! بدخل معاكم في الموضوع انا صار لي تقريبا ثلاثة اسابيع مخطوبة "عقد قران" ، الحمدلله زوجي فيه اغلب المواصفات اللي تمنيتها واهم شيء إني ارتاح له ولكن!! على هالمده القصيرة اللي بينا إلا انه لما يزورني يقرب مني ويلمني ويداعبني بكل مكان وحطو خطين تحت بكل مكان.. هالشيء جداااااااااااااا يضايقني ويخليني استرخص نفسي! مع انه خطيبي حلالي وانا حلاله بس لما يسوي هالاشياء احس إني رخيصــــه!! احس ان بدري..والمفروض مايسوي كيذا وانا لسه ببيت ابوي والله مدري شنو الحجه الي بخليها لكن فعلا مااحب هالشيء يصير ولما يصير ابعد يده وافهمه رايي ويحاول يقنعني واحاول اقنعه ويزعل ، يتضايق ومايطول في الزياره..ومن كثر الزعل وهالحركة زهقت اراضيه وصارلي يومين ماكلمته ولا كلمني عشان كيذا، لاني عارفه لما اكلمه بيعطيني وجهة نظرة ومحاضرة طويلة وبعدين بيجي وبيسوي الحركات اللي مااحبها.. وانا فعلا مو عارفه كيف اتصرف.. وكيف اقنعه قولولي :rolleyes: في شغله ثانيه ان من لما خطبني لين آخر زيارة كان يومياااااااا يزورني وهالشيء مضايقني يعني احيانا تكون عندي ارتباطات ثانيه مثل تجمع صديقاتي مثل اهلي مثلا زواج او أي مناسبه ، اروح هالمناسبه وهو اللي يرجعني ويدخل معاي البيت واذا طلع على طول انام ومايصير لي وقت حتى لنفسي! بعد من كثر زياراته احس ان ماعاد فيه مواضيع عندي تنفتح ويضيع الكلام بإختصار انا ودي لو يزورني بالاسبوع يومين او ثلاثة ايام فقط.. تمنيت ابوي يقوله من البداية بس ماقال،، وانا ابي هالشيء ومو عارفه كيف اقوله بطريقه لطيفه ماتضايقه ساعدوني في هالشغله بعد، كيف اقوله وافهمه واخليه مايجي يوميا اريح لي واحسن لنا انتظركم ونسيت اقول ان هالعضوية مشتركة بيني وبين اخريات:30::) تحياتي |
تدرين اختي ملكتي قربت وافكر بكل شي من ضمنها الي قلتي
لاني حساس جدا فكرت ما اشوفها الا مره بالاسبوعين ومع ذلك خايف اضايق اهلها او تمل من زياراتي كيف بشخص يجي كل يوم! والله صعبه ومدام كل يوم اكيد بيصير يداعبك بكل مكان مثل ماقلتي مادري اذا زواجكم قريب ولا لا بس باقولك انتبهي تتجاوبين معه لان الموضوع بيتطور وحتى لو زعل بس بينبسط منك من جوى مالك الا تصارحينه باسلوب حلو ان مقابلاتكم تخف عشان ماتملون من بعض بالتوفيق اختي |
شوفي حبيبتي
خطيبي كان زي كذا ولهان علي ويبي يجي كل يوم لكن خلين أبوي وأمي هم يتصرفون معاه وخارجتن نفسي منه وأصبح كل ما يكلمي بجيكي أقوله أبوي ومي يزعلون وعلى هذا الحال كانت الزيارات قليله جداً |
اول شي لاااااازم التعجيل في الزواج..
ثاني شي خليه يجيك يوم.. وقبل ما يطلع وبطريقة لطيفة قولي له بأنج بتكونين مشغوله مع الوالدة اليومين الجايين.. وجذي ما راح يجي.. وبعدها بعد تعذري.. وفي اليوم اللي تجوفينه مناسب.. اتصلي له وقولي له يجي.. حاولي جذي مرة مرتين واول ما يجي قولي له اشتقت لي؟؟ حسسيه بأن الزيارات المواصلة تسوي روتين وملل؟ ان شاء الله اكون فدتج وجوفي آراء باقي الأعضاء وإدعيلي بالزواج |
الف مبروك والله يوفقك يارب .. حياتي انتبهي لنفسك ماابي اخوفك بس كثير سمعنا عن زواجت انلغت قبل الدخله لسبب او لاخر .. انا رأيي من رأي غزاله البوادي .. |
موفقه ياأختي..
|
صحيح بعض الأزواج لزقة أصليه ما تنفك
قولي له لا تجيي يومياً مرة بالشهر أنا أتفشل مع أهلي وإذا ما فهم خلي واحد من اخوانك يجلس معكم من اول ما يجي لما يروح ما يعطيه فرصة |
اختى الكريمة اولا ادعو لكم بدعاء الهادى الآمين صلى الله عليه وسلم بارك الله لكما وبارك عليكما وجمع بينكما فى خير بارك الله لكما وبارك عليكما وجمع بينكما فى خير بارك الله لكما وبارك عليكما وجمع بينكما فى خير ثانيا اختى يمكن لك منعه ولكن بأسلوب جميل به دلع ومكر النساء والذى يصل بيكى الى غرضك ولا يحرجة ويضايقة ثم يمكن لك ان تجعلى اخوانك يدخلوا عليكم من حين الى آخر او والدك حتى لا تكون هناك خلوة تمكنة من غرضه ثم احب ان اضيف اختى ارجوا ان تعذرية فنحن فى زمن كثرة فيه الفتن والتى يصعب معها الصبر على الحلال ومقاومته ولا تنسى انك تأجرى على هذا لانك تعفى زوجك وتمنعيه من الحرام وفقك الله لما يحب ويرضى |
ناس تتضايق زوجها ما يدلعا ولا يجييها اقصد خطيبها وسبحان الله ناس تشتكي
اختي الظاهر خطيبك ولهان عليك ... يعني اللي اشوفه من اللي تزوجن ، يتفرغون لخطبتهم ثم زواجهم ولا يعبروننا حتى في المناسبات انقلها لكي من تجربه ما شفته من المتزوجات والمخطوبات المسأله الأخرى ، مساله المداعبات فالحمد لله بينكم العقد شرعي الله اعلم سبحانه بما هو اصلح لكي المجربين ان شاءالله يفيدوك اكثر خاصه الرجال كيف تكون ردة فعلهم ؟؟؟؟فعلا كيف راح تكون لو الخطيبه رفضت ؟؟؟؟ حاولي تقنعيه كما اخبروك |
هههههههههههههههههههههههه شوفيني متملكه من سنه وشهرين ولاشفته ولاشافني ولااعرف شكله ولا طبعه ولا صوته ولااااااااااااااا هههههههههههههه الله يوفقك ويستر عليك وزي ماقالو انتبهي على نفسك وفعلا كلامك صحيح واحساسك صح لما حسيتي انك مرخصه نفسك لو مكانك كان حسيت كذا . والفكره اللي عرضوها انو تتحججي بابوك وامك مرررررره ممتازه بس اهم شي لاتجرحين مشاعره واستعجلي بزواج نصييييييييييييييييييييييييييييييييييحه من قلب هههههههههههه والله الملكه الطويله مرمطه وتفكير وضيقة صدر
|
اقتباس:
لا تتمادي ولا تمنعيه تماما خير الامور الوسط وانا متاكده انه لو طنشك وبطل تماما يقرب منك حتضايقي تعاملي معه بدلع وتمنعي بدون ما تحرجيه وبنصحك فعلا تخلي اخوانك يجوا يجلسوا معكم وخلي امك او ابوكي يكلموه في موضوع كثرة الزيارات |
بصراحة أشوف انه الزيارة مرتين بالاسبوع كثيرة بعد
مرة كل ثلاث أسابيع أو شهر و بس و بعدين احتفظوا بشئ من الشوق لما بعد الزواج ::: و اكتفوا بالاتصال اليومي بدل الزيارات اليومية ؛؛؛؛؛؛؛؛؛؛؛؛؛ وفقكم الله |
السلام عليكم ورحمة الله وبركاتة،،
عزوبي مخضرم مره وحده في الاسبوعين؟؟ لالا قليييلة مره >> ماعرفتو لنا صح :) لا مره ولا كل يوم، يكون معتدل في زياراته افضل.....لكن مو مره بالاسبوعين!! عشان تقدر تتعود عليك انا مااحب الرسميه في علاقتنا ولا نظام للزيارات..لكن اهم شيء مو كل يوم والله يوفقك ويوفقنا جميعا عروسة الأنس دام ماكلموه من البدايه قبل لايشوفني خلاص ، مستحيل اخلي امي وابوي يكلموه بموضوع الزيارات ابدا بصراحه ماابي احرجه واخليه يحس ان وجوده يضايق وبعد خايفه يفهم غلط غزالة البوادي شكرا لك ولو ان هالحركات ماتمشي عليه هههه انا ماابي اسوي له خطط وحيل علشان اخليه مايجي،، انا ابي اخليه يجيني يومين او ثلاثه بالاسبوع ومو عارفه كيف اقوله وابين له لانه حساس ويفشل بسرعه لكيذا اشوفها صعبه شكرا هند للمرور..انا مو خايفه من تطور المسألة لاني واثقه في نفسي وفيه..وانا مابيها ابد عشان اسمح ليها تطور اصلا أنا المتمردة.....جميعا ان شاءالله شغموم الشغاميم...... تشوفها سهله اني اقوله لاتجي واحدد له عدد بعد abo marym.... شكرا لك اخي الكريم |
night2005
الاعتدال افضل شيء صح لايكون جاف ويقاطع ولا يزودها..... وانا بعد من تجربة اقولك اللي شفتيه من المتزوجات وانا منهم ماقصرت معه ولاتحسبي إني افضل او اقدم شيء عليه،، بس بعد ماراح اقاطع العالم عشاني تزوجت مثلا انا متعوده ازور بيت العايله كل اسبوع وهالشيء تركته بعد الارتباط لان اصلا ماعندي وقت،، تصير مناسبات مثل خطوبة صديقة او زواج زميلة او عزيمة ماراح اعتذر وراح اقدر اللي قدرني وتذكرني...اروح وفي الرجعه هو يوصلني ويدخل معي البيت يعني الوقت متأخر ويطلع من عندي اذان الفجر وانام واصحى على تلفونه....... اهتمامه يسعدني والله بس ابي يصير لي وقت لنفسي لهواياتي ابي اطلع السوق مع اهلي مو معاه لاني استحي اشتري وهو يدفع، ابي يصير لي وقت ازور بيت خالاتي وعماتي زي قبل...وقت اقضيه مع صديقاتي يعزموني اعزمهم ماادري اذا تفهميني ولالا.......لكن صعبه لما كل يوم كل يوم هو عندك ومو ساعه ولا ساعتين وشاكره لك والله يفرح قلبك والقى لك موضوع عن خطوبتك هنا |
white 1289rose
سنه وشهرين وللحين ماشفتيه ، لا والله حالتي احسن من حالتك ههه شكرا لك والله يوفقك ويسعدك زوجةاحمد فرحت لما شفت اسمك بموضوعي وشاكره لك انا فعلا احس إني رخيصه هذاك الوقت،، لان الوضع جديد عليّ والرجل جديد في حياتي يعني ماصار لنا 3 اسابيع ويسوي هالحركات حسيتها صعبة واكره نفسي اذا خليته أطيـــــــاف مرتين بالاسبوع مناسبه لنا، وكل الي قلتيه الباقي عارفته لكن ابي اقوله بطريقه ماتحرجه ولا يفهمني غلط فيها يعني اخاف يفهم إني اتضايق من وجوده ومااحب جلساته المهم هو اتصلي وطلعنا سوا وفي الرجعه قلتله ينزل معي البيت لانه يومين مازارني لكنه رفض ومن رفضه حسيته زعلان على ردة فعلي آخر مره مع انه في الطلعه كان طبيعي ومابين لي شيء ابدا والله يعين ويكتب اللي فيه الصلاح شكرا للجميع وتحياتي للكل وإن شاءالله مانسيت احد. |
الله يستجيب، جزاكي الله خير
استعجلو بالزواج كما قال الاخوه هنا تفاديا لهذا الزعل الذي حصل بينكما اختي عن مسألة التسوق ، أخبريه بطريقه لا ياخذ فكره انكي لا ترغبين بالذهاب معه ، في ناس تفهم بالمعكوس ووفقكي الله واجعلي لي نصيبا من الدعاء با |
انا مستغربه من نظام السعوديات ... انا بحرينيه وعندنا الخطيب لازم يزور خطيبته يوميا ويطلعو مع بعض ويروحو مطاعم ويتنزهو لا ويوم اللي ما يشوفو بعض يجن لجنون ....بس في الخطوبه عندنا خط احمر في سالفة الجماع ليما الزواج
|
السلام
اي و الله صح حلالج بس لا تتطور الامور و تصير بزواج و الا بدونه نفس الشي لا تتهاوني و لا تخلينه يقرب و اثقلي انتي شنو يضمنج لا سمح الله ما يصير انفصال قولي مو لازم زيارات بس تلفون و اذا بيزورج يدز مسج يستأذن و انتي اذا رضيتي خليه يجي و اذا لا طلعي اي عذر. و اذا زوجج مستعجل عجلوا العرس و الله يرزقكم |
هههههههههههههههههههههههههه اذا انتي تتضايقي من خطيبك عشانو يزوارك بقولك اخوويا ممنوووع من زيارات ومن التلفونات كمان ههههههههههههههههه انتي متضايقه عشان هالشي وبعدين اخوي قال لابو البنت ابي اشوفها يوم ملك قال ابو البنت تعال خذها بعبايتها لبتكم وخلاص مو لازم زواج تفكير بدوو صح بس تعرفي يقولو كذا افضل بس نصيحه مني وانا اختك اصحي يحس خطيبك منك شي بعدين اذا مالقي عندك راح يدورهـ برى نصيحه اخت الى اخت ^_^
بس بصراحه خطيبك مزودهـ شويتين تعرفي اخوي قال لابو البنت ما ابغا اشووفها غير بشهر مرهـ قال لا قال طيب بالعياد ابي اعيد عليها قال لا تبغاهـا تعال خذها الحين بعبايتها بس انك تشوف ومدري شنو ما عندي الاشياء هذي ^_^ |
سلاماً من الله عليكم أختي الكريمة 1- أجعلي والدكِ يوضح أمر الزيارات الخفيفة ، حتى لا يحدث زعل أو سوء تفاهم فيما بينكما. 2- الرجل العفيف الشريف كان يطلب الحلال ووجده ، فلا تمنعيه المنع الشديد ولكن أبتعدي عن نقطة الاتصال التي تتم بين الزوجين " حافظي على عذريتكِ " . 3- إذا حاول أن يزيد من اللمس لدرجة الوصول إلى ما تصبوا إليه نفسه " الاتصال " ، لكِ أن توضحي له حدود العلاقة بأن لا تتطور فهذه خطوبة فقط ، والغرض منها كشف ومعرفة كلاكما والأعتياد على بعضكما البعض ، وإذا كان محترماً لرأيك فلن يتقرب إلى هذه النقطة . 4- تزيني وتغنجي ولكن بملابس محتشمة ، حتى لا تظهر مفاتنكِ فلن يتمالك نفسه. 5- أطرحي مواضيع متجددة وتطاولي في الأسئلة حتى تكسبان الوقت في معرفة بعضكما ، وفي نفس الوقت الإفادة والإستفادة. 6- أسأليه عن الطبخات التي يعشقها وقدميها له في الأسبوع مرة على الأقل. والله ولي التوفيق تحياتي ضيآء القرآن |
ناس تتمنى تتزوج مو لاقية وخاطرها في اهتمام وحب وشوق ووله ومداعبات
وناس ترفس النعمة انا في ظني يا اختي العزيزة ان البنت من تتزوج تتغير حياتها ولازم تنسى اللي كان قبل وانها تطلع وتروح زيارات واسواق وغيره بالذات في الايام الاولى للخطوبة لحد ما تتعودون على بعض بعدين تقدرين تسون برامج لكل واحد فيكم لكسر الروتين بس حلاتها اول الايام يكون هالقرب من بعض لانها ما راح تتكرر بعدين وبتقولين بنفسج هالحجي اما بالنسبة للمداعبات فهذا شئ حلو وجميل والرجال لو ما كان يرغب في حرمته ما راح يداعبها بس كل شئ بحدود طبعا عزيزتي استمتعي بكل لحظة مع خطيبك وانسي الناس والزيارات اذا الحين انتي مضايقة ومتمللة شلون في الزواج ومقابلين وجوه بعض تأقلمي مع الوضع وعيشيه بحب |
حقيقة امركم غريب ايها النساء
اذا فعل الرجل هذه الافعال اعتبرتوه خفيف وطويل يد والخ وان لم يفعل قلقتم وتجاوز الشك الى قلوبكم لدرجة الجنون حقيقة لا زلت عند رأيي الصريح بهذا الموضوع بما ان القران عقد ................. يحل للزوج كل ما بزوجته وسمو عقد القران هذا ما شئتم من تسميات ( خطبة او ملكة او او او ) بحضور الشهود والولي والقبول اصبحت هذه المرأة ملك هذا الرجل والامتناع ممكن يكون فيه اثم على المرأة لانها حل لزوجها |
احكي معو بطريقة لطيفة ممكن يتفهم
|
| الساعة الآن 12:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©