ابو اولادي عقله صغير كيف اتفاهم معه
 

السلام عليكم وكل عام وانتم بالف خير وبأفضل حال
وجعلنا الله وإياكم من العتقاء من النار
وبصراحه ما لقيت غيركم اساله وابوح له بما في خاطري
وانا متاكده اني بالاقي عندكم مايفيدني
وزي ما يقولون ان الي خارج الصوره يقدر يشوفها بوضوح اكثر وبالتالي يحكم عليها بشكل صحيح
مشكلتي اني ما اقدر اطوي كل الماضي وانساه وكانه لم يكن لان عندي اطفال واجباري يكون هناك تواصل بيني وبين ابوهم حتى وان لم يكن مباشر واللي يصعب الموضوع اسلوبه وعقليته الي احس انها عقليه طفل صغير لايفقه
اسمحولي اذكر موقف حصل امس المساء عشان يوضح اسلوبه وانتوا قولوا لي كيف اتعامل معاه
كلم بالهاتف وطلب ولده وقاله بأمر عليك اوديك الالعاب الناريه وقالي ولدي ورديت عليه هل بنفع تترك ضيوفك الان واذا راحوا انا متفقه معاكم على طلعه مستعد تتنازل عنها؟ اقتنع الولد وقال لابوه ما ابغى اروح الان
وبعدين قال لي بابا بيمر علينا بكره الصباح ياخذنا كالعاده (كل خميس وجمعه)
-رديت يبدو ان ابوك ناسي ان اول ايام العيد عنده وثاني وثالث ورابع ايام العيد عندي(حسب حكم المحكمه واللى على حسب طلب الاب)
-زعل الاب وقال الموضوع مو محاسب والا كان خليتهم عندي اول يوم لحد الليل[ رجعهم بعد المغرب وبالتالي راحوا معاي لاجتماع الاسره(اقاربي واقاربه ) وعرف انهم راحو معاي من الولد وانا كنت حريصه جدا اني ماابين له هل انا ابغاهم يرجعون بدري عشان يرحون معاي او فرحانه انهم عند ابوهم عشان اروح بدونهم عشان مايشغلوني هناك لاني عارفه انه بيسوي اللي ماابغاه اويقول لاولاده امكم ماتحبكم تبي تروح وتخليكم وعشان تنبسط لحالها]
-قلت لا مو محاسب وانا ماطلبت ترجعهم في وقت محدد فماله داعي المن وغير كذا احنا بكره معزومين يعني مايناسب ياخذكم لو ما كان عندنا شيء يمكن اوافق
زعل وعصب على الولد وقال له ما اسمح لك تروح لاي مكان بكره وسكر السماعه
هذا اسلوبه يا احصل اللي ابيه يابازعل واعصب والمصيبه انه يحط حيله على ولده وينكد عليه لانه وش ماسوا لي ماارد واعدي يعني في السابق في مثل هالمواقف ممكن يجي على بيتنا وقت طلعتنا عشان معزومين ويسويلنا صيحه على الشارع ويرفع صوته في جرس الباب ويقول كلام ماله داعي
لكن الان اتوقع انه يكلم الولد يقعد يلومه على ذهابه معي ويقوله انت ماتحبني وانا بزعل عليك واطلع لي الان انا عند الباب بدون ماتعرف امك وغيره وغيره
في السابق كنت اقصر الشر واعطيه اللي يبي بس عشان افتك من شره لكن لمى اعطيه أي شيء يكون فرض واجب كل مره وياويلي لم مانفذت له اللي يبي وعلى الوقت اللي يبي بدون ما يحدد لي مسبقا الوقت
يعني على المكشوف ارتبطي بي ولا تتحررين مني وحتى طلعتك لازم تكون على مزاجي
قولو لي وشلون اتعامل مع هالانسان بصراحه مليت والولد بسم الله عليه عقله اكبر من ابوه ويفهم وهذا اللي تعبه لاني احس انه يتحمل اللي اكبر من سنه
الناس كانو يقولون لي اصبري اذا تزوج بيلتهي بزوجته وينساك لكنه تزوج وزاد قالو بكره بيجيله عيال وينشغل
ولمى جاله طفل ماسافر في الاجازه على غير عادته ولزق لنا عشان ينكد علينا اذا فكرنا بالسفر ولمى طلعت زوجته من النفاس زاد اكثر
احيانا تجيني افكار شيطانيه اني اصغر عقلي واعامله بنفس اسلوبه او بالاسلوب اللي هو يفهمه لكن مااقدر لانه حتى لو جاب نتيجه كويسه ماراح ارضى عن نفسي واحس اني مسويه شيء غلط
فما الحل باي اسلوب اتصرف

الله يفرج همك يارب ويكفيكى وولدك شره
ما ادرى وش اقول لك لان ماعندى خبره بهالامور
بس الى اعرفه شيء واحد كل ما سكتى له راح يتمادى
وبصراحه قليل الادب ما يجى غير بقله الادب
اذا لك اخوان خليهم يوقفونه عند حده
الله يعينك

شكرا اختي على مرورك وفعلا هو تمادى لانه عارف اني ما احب العناد ولا وجع الراس وكثر الكلام
وبالنسبه لاخواني ماقصرو اول ماانفصلت لاكن مانفع معه غير الشرطه والمحكمه
لكن فيه اشياء ما تجي الا بالتفاهم واهلي يقولون اسفهيه وطنشيه لكن ماقدرت اطنش كل شيء

الله يفرج همك ويسعدك دوم ويكون بعووونك صدق مايستحي الله يهدية
بسسسسسسسسسسسسسسسسسسسس

الله يفرج همك ادعي الله سبحانه انو ه يسخره لكم ويكفيكم شره استعيني بالله سبحانه

السلام عليكم ورحمة الله

الله يعينك اختي على بلواك

لاتخلين ولد وحسسيه انك صديقته دائما والله يجبر بخاطره

اما طليقك خلي واحد من اخوانك فاهم او من معارفكم يتكلم معه بالحسنى

ان المسأله مو قوه..وفرض راي... الاهم من هذا كله ولده وشخصيته الي قاعده تتكون بشكل متشتت

والله يهديه ويصلحه ان شاء الله

اشكركم اخواتي جميعا وابشركم ان ربي ان شاء الله قبل دعائكم
بصراحه تفاجات اليوم قبل الظهر قبل ذهابنا بدقائق بمكالمته لولده
اول ما اخذ الولد السماعه وعرف انه ابوه كان وجهه اسود وشكله خايف (قطع قلبي) لكن الحمد لله اسفهل و قال لي ماما بابا سمح لي اروح معاك اليوم بشرط ياخذنا بكره
بصراحه ضحكت عليه لانه عارف اني ما جلست انتظر اذنه مع ذلك قلت له طيب وافقت على الشرط بس عشان خاطر ولدي وقلت في نفسي لعله هذا بدايه خير يمكن تحسف على اللي سواه ويبي يرقعها
وبالنسبه لاعمارهم الولد 6 سنوات والبنت 3 سنوات

اختي يجب ان احد من العيلة يتفاهم معه بالذوق

لان اكبر واحد متاذي هو طفلك الله يعينه

واقع بين نارين

اذا ما جاب نتيجة اعتقد لازم تضعي له الحروف على السطر يعني

ند بند

والله المستعان

اختي هند صدقتي لكن اعترف ان كان لي دور في تماديه على الرغم من اني كنت تقريبا عارفه الاسلوب اللى ينفع معاه وهي القوه اللي فيها نوع من الوقاحه او عدم الاحترام واستخفاف بالمشاعر لكن كنت اكره نفسي بمجرد ما افكر بجديه باستخدام هذا الاسلوب عشان كذا تمادا لانه يفسر تركي لهذا الاسلوب ضعف
و امين الله يسخره ويهديه
اختي او اخي فيرا
جيتي على الوتر الحساس
بعد ما طلبت الطلاق وحصل وساطه بين اهلي واهله اتضح ان اهله اسواء منه وهم بؤرة مرضه النفسي وكل اقاربنا قالو لنا احشمو نفسكم عنهم احسن
اما ند بند انا اعترف ان بالي قصير مالي في العناد ووجع الراس ومع ذلك قاعده احاول بس بصراحه احيانا يشككوني الناس بنفسي ويقولون لي انك تعاندينه معناه مازلتي متعلقه فيه مو لانك تبين توقفينه عند حده انت تغالطين نفسك وهذا الشي مو صحيح وبصراحه خايفه هو يفهم كذا وانا ابغاه يقطع الامل مو العكس

بصراحه جلست اقراء ردك اكثر من مره وجلست افكر اذا كنت فعلا زي ماتقولي غلطانه وكيف اتفادى هالغلط مره ثانيه
يعني المشوار الي كنت بروح انا معاه كان من طلبه هو وانا جالسه ااجل فيه لان اولاد اختي حضروا عندنا وكانو بيروحو يشوفوا الالعاب الناريه وانا ماكنت ابغى ولدي يروح معاهم لاني اعرفه يخاف منها لمى يكون قريب و في نفس الوقت يقدر يشوفها من البيت ومع ذلك خيرته لاني وعدته وهو دائما يحب يحاسبني على وعودي له
وغير كذا احس انه مايقدر يقول لابوه اني افضل اي مشوار على ذهابي معك لانه مره حصل وراح لابوه وانا مع اخواتي واولادهم رحنا طلعه مره انبسطو فيها اولاد اختي وبصراحه انا نوعا ما كنت مرتاحه من عدم وجود اطفال اهتم فيهم لاني كنت اعتقد انه رايح لابوه وهو مقتنع لانه شايفنا نستعد ونتجهز وتقوله امي بتروح معانا وهو يقول لا انا ابي اروح عند بابا
لكن بعد مارجع وسمع اولاد اختي يتكلمون انقهر وقعد يلومني ليه مارحنا الا في هذاك اليوم وليه مانروح يوم ثاني وقلت له ماينفع الا نهاية الاسبوع فاذا بيوافق ابوك تروح له يوم وسط الاسبوع بدل نهايه الاسبوع عشان نروح تعرفين وش كان ردت فعله فضل انه يتنازل عن الذهاب لهذا المكان على ان يفاتح والده في الموضوع
ومره عرف اننا معزومين في المكان اللي رحنا له اليوم وسالني بيكون بابا مسافر اذا جت العزيمه قلت له ودك يسافر قال ايه عشان اروح معاكم قلت بس ابوك يحبك يمكن اذا عرف انك بتكون مبسوط يوافق قال لا ما ابغى اقول له
بعد هالموقف حسيت اني انا اللي لازم اصر على ابوه يروح الولد معاي ولا اخلي الولد هو الي يتحمل اللوم من ابوه قلت اللى الولد نفسه يقوله بس خايف وعشان يقول لابوه ماما اللي رفضت انا مالي ذنب
ولو كان ذهابه مع ابوه ممتع اكثر كان ما مانعت والدليل وافقت يروح الجمعه مع انه مومن حقه وقلت هذا للولد قبل يشرط ابوه على
قلت لولدي يوم الجمعه ماعندنا اي روحه اذا ابوك بيجي ياخذكم اسمح له