|
طليقي يشوه سمعتي
السلام عليكم
خواتي بقول لكم قصتي وانتوا احكموا وقولوا لي شسوي لان صدق مو عارفة شسوي قبل طلاقي هددني زوجي انه يسوء سمعتي ويتكلم على بكلام مو زين وانه بخرب علي اي زواج واصلا ما بخليني اتزوج انا كنت خايفة من هالشي انه يصير لكني استبعدته وقلت يمكن ما يسوي هالشي على الاقل علشان البنت اللي بينا لان اللي يمسني ويمس كرامتي يمسها هي بعد لكن تفاجأت من فترة ان في ناس كانوا يبون يخطبوني ولما سألوا عني سمعوا كلام خطير والكلام اللي قام يقوله عني كلام يمس الكرامة والعرض وكله جذب وتلفيق والحين الرجل اللي كان يبي يخطبني يريدني لانه واثق مني ولكن اهله رفضوا علشان الشي اللي سمعوه عني ورفضوا بقوه والزوج الاول اللي هو ابو بنتي قاعد يتكلم علي ويشوه سمعتي وانه مو عارفه وش اسوي قولوا لي على حل اقدر اوقفه عند حده فيه وجزاكم الله خير |
انا عندي لك فكره
بس اتمنى انك تقدري تعمليها تستهبلين عليه وترسليله مسجات تسوين نفسك تعاتبيه ومن ضمن الكلام تقوليله ليش تشوه سمعتي مو حرام؟ هو راح يرد واتمنى انه يقع في المصيده وبكذا راح تمسكين عليه دليل ملموس وانتي بعدها راح تثبتين برائتك |
وصلي له انك حترفعين عليه قضيه
قذف و تشويه سمعه |
حسبنا الله ونعم الوكيل
حسبنا الله ونعم الوكيل حسبنا الله ونعم الوكيل |
الله يهديه ويصلح حاله ويكبر عقله
إلا الكلام في الشرف !!! الدنيا سلف ودين لا حول ولا قوة إلا بالله صراحة استغرب من الناس اللي يستخدمون هذا الأسلوب خلاص نصيب وانتهى .. لقمة وانقطعت مثل ما يقولون أهل خطيبك لازم يفهوا إن المفروض ما يأخذون بهذه الكلام لأنه صادر من طليقك ( ربما عنده غيره ) أحيانا الطليق يكون عدو يكره الخير لطليقته عموما هم المفروض يبحثوا ويسألوا مصادر ثانيه اعطيهم عناوين يسالوا عنك في الآخر ثقي ثقة تامه ما يحصل إلا شئ الله كاتبه لك |
يؤؤو منة خير وين عايشين فية اناياربية شهالدنيا الله لايبلانااا
ياربية وصلت لتشوية السمعة حرام علية الله يهدية بس شوفي الناس ماراح يصدقون لان طليقك هو اللي يطلع الكلام وثقي تماما ربي بيعوضك خير وعليك بسهام الليل واكثري من ( حسبــــــــــي الله ونعــــــم الوكيــــــــل ) وثقي الفرج قادم وربي بيشوفها قريب في نفسة صدق مايستحي اناالحمد لله بلافخربعد طلاقي سمعت طليقي الله يخلف بس وصار بالحظيظ مع انة قبل لايدخن ولايشيش بس سبحان مغير الأحـــــــــــــوال وربك كريم لاتحرمينا دعواتك الله لايبلانا ويعافية بس شكله من القهراوماكان يبي يطلقك ربي معك واذا كاتب لك زواج بتتزوجين غصب علية وربي ينصرك عليك بالاستغفار وربي يفرج همك ويسعدك ويرزقك اللي يقدرك قريب |
الله كريم
والنعم بالله بس اهل خاطبي شكلهم سمعوا هالكلام من ناس غير زوجي السابق بعد ما نشر عني هالكلام وانتوا تعرفون ان هالكلام ما يستخبى بين الناس انا لله وانا اليه راجعون لا حول ولا قوة الا بالله العلي العظيم |
يا ختي الله راح ينصرك انتي مظلومه أبشري ابشري انكي منصوره باذنه الواحد الأحد
قال سيد المرسلين صلى الله عليه وسلم دعوة الظالم لا ترد ووعد الله بنصر المظلوم ولو بعد حين لذا اطلبي من الله ان يجبرك منه ان كنت يمتاكده انه هو من يشوه سمعتك الله هو الجبار اللي يجبر كسر عباده سبحانه وتعالى قولي يا جبار اجبرني منه اللهم رد كيده في نحره وأنصرني وحسبنا الله والنعم الوكيل اقرئي سورة البقره فيها خير لكي ولأخفف من ألمك قريباتي في وقت من الأوقات شوهو سمعتي مع انهم اغنى مني وافضل مني ومرتبطات رددي ما كتبته لكي بقلب صادق |
تذكري الأمر كله بيد الله عزّ وجل اذا اراد للشي ان يكون فيكون
|
قولي اللهم اكفني شره وشر لسانه بما شئت وكيف شئت
|
لا اله الا الله
عليك يالدعاء اختي وان شاء الله تكون الاجابة عن قريب |
ادعي بهذاالدعاء ((اللهم اني أستعين بك عليه فاكفنيه بماشئت وكيفما شئت))
استعيني على أذاه بالله ؛وهل أعظم من الله !! نصرك الله أخية وأبعد عنك شره |
لا حول ولا قوه الا بالله احتسبى امرك لله وادعى وقولى حسبى الله ونعم الوكيل اللهم انتقم منه مقدار ظلمه واستمرى بالدعاء ولا تملى وتاكدى بان حقك ستاخذيه وقولى اللهم انى بما انزلت الى من نعمه فقير فهو دعاء سيدنا موسي وهو يسرع الزواج وقولى اللهم ااجرنى فى مصيبتى واخلفلى خيرا منها وهو دعاء علمه الرسول صلى الله عليه وسلم للسيده ام زرع عندما توفى زوجها وقالت فى نفسها من من المسلمين خيرا من ابى زرع فتزوجها الرسول صلى الله عليه وسلم وقال لها انا خير من ابى زرع وكان والله هو الخير والله معاك ويوفقك بس نصيحه لا تكرهى بنتك بابوها ولا تخبريها بالمشاكل او تحسسيها باى شئ وهذا من مصلحتك لانها اما تكبر وتفهم رح تكونين انتى كبيرة بنظرها والله ييسر لك الزوج الصالح اللى يكون لك نعم زوج ونعم اب لبنتك
|
اذا فعلا ماتقولين
لازم تثبتي انو هو فعلا يشوه فعليك بالدعاء قبل الفجر في سجودك بقيام الليل ولو ساعه الله معاكي فلن يخلذك فهو الرحيم والقادر على كل شي وفقك الله |
حسبك الله ونعم الوكيل
احتسبي فالله سينصرك عليه واعلمي يااختي ان الله لم يكتب لك هذا الشخص اللذي اراد خطبتك ولو انه كان من نصيبك لتم الزواج حتى لو تكلم وصدقه الرجل الخاطب وليس اهله لاكن الله لم يقتسمه لك |
أختي أنتبهي من أمر الوصال بعد الطلاق منك خاصه
لا برساله ولا كلمه إن كان الأهل مع من سمعوا منه هذه المقاله هم من سيتدخلوا فأكرم به وانعم وإلا فلا هذا يسمى قذف والقذف له حد أختي هذه أعراض مسلمات غافلات وديننا قد كفل لنا مايقوم به حياتنا فإن كان من سمع ونقل لكم موثوق به فعليكم تشهيده لتكفوا آذاه عنكم وليس من باب انك تريدي الزواج بل من باب خير بنتنا ماتبيها فليش تشوه سمعتها الناس مولعبه عندك حسبنااااااااااا الله ونعم الوكيل أختي لاتنسي أن هناك دعاء تقوليه لمن تخافين آذاه اللهم أكفينيه بما شئت اللهم أني أذرء بك في نحره وأعوذ بك من شره |
اقتباس:
(إن كيدكن عظيم) إتق الله ولا تفرقين بين المسلمين الحق سيظهر رضي من رضي وأبى من أبى والوقت هدا لاتصدق كلام الناس لازم تتأكد بنفسك |
ضحية سفهاء
انا كنت اريد ان تمسك دليل بيدها فقط لا غير مو علشان افرق بين احد |
لا حول ولا قوة الا بالله ..
استغفر الله .. ليش يشوه سمعتك ؟؟ يمكن للحين متعلق فيك ؟؟ سمعي حبيبتي الناس المفروض ما يصدقون هالكلام .. لانه طالع من طليقك .. ولو خطيبك يبيك وربك كاتب لك زواج راح يصير.. اما اهل خاطبك ... الزمن بيثبت لهم عكس هالكلام |
ضحية سفهاء.. وين التفرقة بين المسملين..؟؟؟؟
لا تفرقه ولا شئ... واللي يسويه هو ايش يشوي.. صحيح اعوذ بالله من قهر الرجال.. صاحبة الموضوع ادعي عليه دعاء العدو..ودعاء الشخص اللي تخافين منه.. |
شكرا لكم خواتي
والله وقفتوا معاي وان شاء الله ما يصير الا الا الله كاتبه وانا اليوم كنت رايحه المحكمة علشان اخلص معاه باقي الاوراق واجراءات الطلاق وتكلمت معاه بالموضوع وكان يسمع وقال انه ما راح يتكلم مرة ثانيه عني بصراحه مااصدقه ولكن اهلي ما راح يسكتوا له لو تكلم لو بكلمة واحدة علي مرة ثانيه والبلد فيها قانون بس انا قلت اجرب التفاهم بالاول والله كريم اما بعد اريد منكم اراءكم ووجهة نظركم عن موضوع خاطبي فهو متمسك بي جدا ويريد الزواج بي وانه لم يصدق اي كلمه من اللي قالها طليقي عني وانه واثق مني ويحبني ولكن المشكلة انه اهله مو موافقين على الزواج وقالوا له انهم راح يتبرون منه اذا تزوجني وانا عملت خيرة ( استخرت بالقرآن ) واللي طلع لي ان توكل على الله فإن فيه خير الحمد لله الخيرة طلعت زينه ولكن انا اخاف من اهله يأذونا والاهم انا مااريد يخاصمونه بسببي مع ان خاطبي قال لي ان هم اللي يريدون هالشي ،، بمعارضتهم اللي ما لها داعي وقال لي انه مستحيل يتزوج غيري وانه متمسك فيني كثير احنا نفكر نتزوج ونعقد على سنة الله ورسوله وش رايكم بهالشي فانا اريد اراءكم في الموضوع |
رجاءا
اتمنى منكم مساعدتي ومتابعة مشكلتي لاني صدق احتاج الى يد العون منكم واحتاج الى النصيحه |
نصيحتي لك أختي أن لاتتزوجي إلا وكل شيء تمام
أما تتزوجي واحد أهله مو موافقين وبعدين كل شوي طالعين نازلين مشاكل فابعدي عن الشر إلا إذا كانوا مو ساكنين بمنطقه واحده يعني الولد مايشوف اهله الا بالسنه حسنه هذي ممكن تفكري فيها هذا والله أعلم |
هدديه برفع دعوى عن القذف
وممكن تخلي احد من اهلك يتعاون معك وانهم يمسكون عليه دليل عن القذف وبعدها هدديه انه ياما يقول الحق لمن خطبك او تقومين بدعوى في المحكمة |
<<<<وانا عملت خيرة ( استخرت بالقرآن ) واللي طلع لي ان توكل على الله فإن فيه خير>>>>
كيف يا عزيزتي استخرت بالقرآن وكيف طلع لك تتوكلين على الله .....؟! هل هناك طريقة استخارة غيرالمعروفة وهي الصلاة والدعاء فيها بالدعاء المعروف..!! ونصيحة مني لا تقدمين على زواج ( أهل الزوج مو راضين عنه )...لأن هذا متعب في الزواج لا حقا وربما يؤول به إلى الفشل!! |
اذا تزوجت هالشخص راح نكون ساكنين في منطقة اخرى غير اللي ساكنين فيها اهله
|
لماذا انتي متأكجة أن طليقك هو من اصدر هالكلام ..
وهل انتي متاكدة انهم احجموا عن خطبتك لسماعهم كلام عنكي ام لأمر آخر ... ينبغي لكي التاكد بالموضوع ....لأنه قد يكون هددكي ولكن لم ينفذ وهناك من اطلق عنكي إشاعات من كل الناس اللذين لا يخافون الله ولا يكفون عن التحدث عن اسباب إنفصال من تطلقوا ...لذلك لا تسارعي إتهامه ... في الأخير لو كنتي متاكدة من صدور اشاعات سيئه عنك من اي من كان ...اقول ........... ((إِنَّ اللَّهَ يُدَافِعُ عَنِ الَّذِينَ آمَنُوا إِنَّ اللَّهَ لا يُحِبُّ كُلَّ خَوَّانٍ كَفُورٍ )) |
فيه مثل دائماً يردد
عساي أنام مظلومة وما انام ظالمة الله يعينه على اللي بيجيه الدنيا تدوووووووووووووور وما تدوم لأحد وكل قوي فيه إللي أقوى منه عليكي بالدعااااااااء إدعي إن الله يصرف شره عنك الله يفرجها عليك ياااارب |
انا تأكدت من انه هو من يصدر عني الكلام
وهناك من اتصل به هاتفيا وتكلم معه ولدي تسجيل للمكالمة وفيها كل الكلام المزيف عني و (إِنَّ اللَّهَ يُدَافِعُ عَنِ الَّذِينَ آمَنُوا إِنَّ اللَّهَ لا يُحِبُّ كُلَّ خَوَّانٍ كَفُورٍ )) |
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©