|
مديري وسؤاله الشهري ليش ما تزوجت
السلام عليكم ورحمة الله وبركاته
هناك دائماً اسئلة تزعجني بحكم اني شايب بعمر 31 سنه يالله حسن الخاتمه وعزوبي مع مرتبة الشرف لن أقول الأولى لانه فيه غيري كثير الله يسهل امر جميع العزابيه والعزابيات ويتزوجوا عن قريب العاجل يا رب يا كريم اخواني واخواتي طرقت ابواب عديدة وتقدمت لخطبة كذا بنت وباء بالفشل قبل ما نقول يالله بسم الله وتوكلنا على الله المصيبه مع اول :27: يأتيني اتصال بعد ثلاث ايام بالرفض يالله خيره وزوجتي لسى ما وصلت لمنزلها ما علينا مو هذا موضوعي لان هذه قسمه ونصيب ولكن موضوعي لبعض الملاقيف اسمحولي ان اقول عنهم ملاقيف لأنهم بالفعل ملاقيف اخواني كل ما حاولت انسى طاري الزواج اشوي يأتيني واحد يذكرني بالزواج بسؤال وهو ليش ما تزوجت ياااااااااااااااااالهوتي:30: اقوله لسى ما جاء النصيب وانا ما زلت ابحث > وانا صادق ما زلت ابحث ولي الان ثلاث سنوات ابحث يالله الله يصبرني المهم عندي مديري في العمل ابلشني ازعجني جنني يا ناس وش اسوي معه يستهبل ذا ولا وش حكايته اقسم بالله العظيم اقسم بالله العظيم انه ما يمر شهر الا ويسئلني مرتين ها يا فلان لقيت عروس اعرست ولا لسى اقوله لا لسى فيرد علي ليش لسى يووووووووه وش الي ليش ارد عليه اقول لسى النصيب ما جاء يا اخواني فيه كثير من نوعية مديري بالرغم انهم اخف من مديري والله العظيم يا اخوان اشلون اسكت هل مدير ابي اسكته تسكيته اخليه يعرف ان الله حق يا اخوان واخوات ابلشني والله العظيم ابلشني اخاف انفجر بوجه واقوله يا اخي وش يهمك فيه وش عليك اتزوج ولا لا يا عرب الحقوني من جد عطوني راي صائب ابي ارتاح منه لا حول ولا قوة الا بالله اللهم اجرني في مصيبتي واخلفني خيراً منها والسلام ختام رفعت الجلسة:29: الاشراف : تم تعديل العنوان , بالتوفيق |
انت قاعد تقوله : لسه ما فيه نصيب
يعني انت تعطيه اشارة انك قيد البحث بس مسألة التوفيق لم تحالفك اذا انت متضايق من سؤاله .......... قوله والله انك مأجل موضوع الزواج لخمس سنوات جدام |
وعليكم السلام ورحمة الله
ليش ما تزوجت ,,,,,:d أخي الكريم مع أني أصغر منك سناً بكثير لكن ترى حالي مثل حالك كل واحد يسألني متى الزواج ، وكأنه من حولك يشعرك أنك ما تبغى تتزوج ويتنسون أن نصيبك ما جاء للحين ، أو أن ظروفك ما تحسنت لذلك قـله وجاوبه وأن شاق وجهك من الإبتسامة : زواجي على يدك يا حلو ....:d شف وش يقولك ؟!! وسع صدرك وأنا أخوك وأكثر من الدعاء ، ليس المهم متى تتزوج المهم أن يكون نصيبك طيباً فكم شاب متزوج من سنوات ولم يشعر بالسعادة وطعم الإستقرار فعليك بالدعاء ، وإحسان الظن بربك ، أخوك عزوبي:21: بس:d رجل:30: دمتم بحفظ الرحمن |
ههههههههههه عادي أخي شو بدهن يقولوا البنات العوانس و اللي لسا ما تزوجوا يعني انت الشب بايدك تخطب و انت قاعد ما عم تخطب و لا عم تبحث عن عروس
بعدين بركي مديرك عندو عروس و بدو يجوزك ياها أو حابب يفتح معك الموضوع بركي انت بتشكيلو همك و بساعدك على كل حال ازا انت أخي فعلا المشكلة مزعجة بالنسبة لك مالك إلا تقلو ياها اقتباس:
و الله يوفقك يا رب و تجد بنت الحلال اللي تسعدك |
ذكرتني بنفسي قبل زواجي .... عندما كنتُ أُسأل هذا السؤال كنت في كثير من الأحيان أجيب: (حااااضر .. بكرة اروح السوق واشتري لي زوج آخر موديل) ;)
أخي الفاضل.. الفضول آفة معظم الناس .... ومهما حاولت فلن تتمكن من إخراس الفضوليين من حولك تماماً. لذلك فإن اقتراح أخي الكريم عزوبي ممتاز .. قل له ولغيره (يالله يدي على كتفك .. دلني على بنت الحلال وانا مب مقصر إن شاء الله) |
[quote=عزوبي بس رجل;1983657]وعليكم السلام ورحمة الله
اقتباس:
اقتباس:
اما اقوله زواجي على يدك صدق بالله اني قلتلها له وقلتله هل جمله العرس علي والزوجه عليك بس للاسف مااااش مافي فايدة مااااافي مافي فايدة من عتابي ترم ترم {--------- انجن وقام يشد شعره هههه اقتباس:
والله يرزقنا الزوجات الصالحات جزاك الله خير يالغالي والسلام ختام رفعة الجلسة:29: |
اقتباس:
والله فكرة اني اقوله ماجل الزواج هي فكره ممتازة الله يعطيك العافيه بس وش المشكله اخاف لما اقوله كذا يقعد يزن فوق راسي تزوج تزوج ياااااااااااااااااااااااااالهوتي والله ابتلشت مع هل عالم وش اسوي من جد بلشه والله ابتشلت تصدقون انه يجي في بالي اقعد اكذب عليهم واقولهم ايه انا متزوج الان عشان افتك من كثر اسئلتهم والله حاله والله حاله :16::16::16::16: طيب البحث انا ابحث وما زلت وش تبوني اسوي والله يا اخوتي انا طفشت منهم والسلام ختام رفعة الجلسة:29::29::29: |
اقتباس:
ايه والله اني حاسس بمعانات البنات الي صدق انا مستغرب تجي وحده تقول لانسه ليش ما تزوجتي الى الان شي غريب والله والله يا اختي ما زلت ابحث بس لسى ما جاء قسمتي ونصيبي اما يمكن المدير عنده عروس اختي انا قلتها له قبل سنه قلتله العرس علي والعروس عليك فوجه الرجال تغير وبعدها ما سئل بس كلها كم شهر ورجعت حليمه لعادتها القديمه وقام يسئل اما اقوله وش يهمك فيه وش عليك يا اختي لا تكبريها براسي والله انها على طرف لساني من القهر الله يعيني بس مشكوره اختي والسلام ختام رفعة الجلسة:29::29: |
اقتباس:
وااااااااااااااو : (حااااضر .. بكرة اروح السوق واشتري لي زوج آخر موديل) جواااااااااااب مسكت يالله بكرا ابكشخ في الجواب هذا اذا سئلني المدير بقوله حاضر بكرا بروح السوق واشتري زوجه ههههه الله يعطيك العافيه ومشكوره اختي الفاضله بس فكرة اخي عزوبي انا سويتها بس ماااااااافي مافي فايدة:16: مشكوره اختي بس اجابتك بروح السوق من جت مسكته الله يعطيك العافيه هلموا هلموا الي بأفكار واجوبه مسكته لمديري والسلام ختام رفعة الجلسة:29: |
مديري وسؤاله الشهري (ليش ما تزوجت ) ؟
يووووووووووووووووووووووه عنوان رائع الله يعطيك العافيه اختي الفاضلة حنين بس ممكن سؤال اشوف تعديلك كثير في ردودي خير ان شاءالله لا يكون قلت حاجه غلط ونا ماني داري برغم اني ما قلت حاجه غلط تستدعي تحرير كل ردودي ؟؟؟؟؟؟ بالله يا حنين بدل ما تعدلي ردودي دوريلي على حل عشان اسكت مديري اهيء اهيء اهيء رفعت الجلسة :( |
قله ( تزوجني ؟ )
|
تدري بعد
لو تعرس ما راح تفتك بيقولك ما فيه شي في الطريق<<< ما راح تخلص يعني وسع صدرك وخذها بمزح |
:d وسع صدرك يالحبيب . ترا على قولت الشباب ما راح تنفك من الأسئلة ، حتى لو تزوجت راح يقول لك ، هاه ما جاك مولود ...؟ ، ولو تأخر الحمل يقول لك : عساكم طيبين ...؟ ترا روحوا اكشفوا عند الطبيب الفلاني .. و لو ما عندك بيت يقول لك : ما اشتريت أرض ..؟ ولو عندك أرض يقول لك : ايش فيك ما بنيت لك بيت الله يهديك ... :d :d شيء يجنن :23: لكن ، في اعتقادي ان الرجل معجب بأخلاقك ويريد تزويجك بطريقة ما ...!! إما أن تكون أخته أو ابنته ، أو من أقاربه .. :14: والله أعلم . :d وسع صدرك وهديء أعصاااااااااااابك :d |
اخوي إذا سألك قله (جااااااااااااااري البحث عن زوجه)
وقله اول ماالقى الزوجه المناسبه اول من اقوله انت بس انسى هاسؤال والله يرزقك بزوجه الصالحه |
صراحه هالنوعيه من الناس ماتستحي ويدورون شي يحكون فيه
واحسن شي انك تسفهه وهو بيفهمها وماراح يسال بس عندي سؤال صحيح انت ليش ماتزوجت ؟ |
عندي فكرة يمكن تنفع ,
بس يسألك هالمرة ليش ما تزوجت قوله يا مديري العزيز ,, آنا جاري البحث عن العروسة الحين وانت ما تعور راسك اخاف على صحتك بس وعد مني اول ما يصير نصيب انت بتكون اول المدعوين <= هذي الجملة مهمة |
أنت صحيح ليه إلى ألحين ما تزوجت ؟؟؟:25:
يمكن يبغى يلمحلك أنو عنده أحد , قوله على أيدك كود تصير الزواجه على يده .. وبعدين ترى عادي الواحد يطلب بيت وبيتين وثلاث وأربع .. إلى ما ربي يكتب نصيب .. الدكتورة عبدالله الفوزان الدكتور الاجتماعي في جامعة الملك سعود يقول أنا طلبت فوق 17 بيت وكلهم كانوا يردوني .. غالب الناس يرفضون المدخن من أول نظرة ؟؟ أنت مدخن ؟؟ إذا تبغى أبحثلك محسوبتك خطابة على خفيف .. الله يوفقك ويسعدك بالزوجة الصالحة اللي تنفعك في الدنيا والآخرة :) |
أخي الفاضل أطلب من مديرك العزيز أن يبحث لك عن عروس
وقل له لن أتزوج إلا بمن تختارها لي يا مديري الكريم وضع شروطك أنت بعروس المستقبل وخليها نوعاً ما تعجيزية وذلك حتى يصعب عليه الأمر وأظنه سيتنازل عن الفكرة وعن السؤال المحرج والذي تشكو أنت منه ودمت بخير |
عندي لك حل اتحدى مديرك بعد كذا يسألك ليه ما تزوجت رح لمديرك واطلب منه سلف قله الحمدالله لقيت العروسه
لكن ناقصني مبلغ وقدره حتى اتزوج لان وضعي صعب حاليا وما اقدر اتزوج وشف كيف راح يتهرب منك وقابلني اذا سألك مره ثانيه ليه ماتزوجت |
ههههههههههههههههههههههههه
والله الناس غريبين مايسيبو أحد في حالو انا دايما أنسأل هذا السؤال وبعض الاحيان اجاوبهم بكره حروح اشتري ان شاءالله ولا يوم الشتا العصر ههههههههههههه عادي قوله مالقيت اللي تستاهلني ولاأحرجه وقوله عندك عروسه ليا يمكن حاطط عينه عليك شايفك عريس لقطه زي مايقولو الله يرزقك ببنت الحلال اللي تقر عينك فيها يارب |
كلمه وحده تكفيه
قوله اذا عندك بنت عطني اياها شرط بيسكت ولا بيتكلم او يمكن يبيك تاخذ بنته والله يكون في عونك وتلقا الزوجه الصالحه والله يزوج كل عزوبي وعزوبيه والله يفرج كل مهموم والله يجمع بين كل خاطب ومخطوبه |
أسمع يالحبيب
راح أعلمك طريقة ما تخرش المية على قوله أخواننا المصريين وراح أخليه يكره اليوم اللي شافك فيه وإذا شافك في الممرات ينط كأنه شايف الشيطان قدامه ويروح من طريق ثاني وممكن يطلب نقل أو تقاعد الطريقة هي إذا سألك هالسؤال مره ثانية أطمر وأجلس على كرسي قريب منه وقل ياأبو فلان مافيه إلا سلامتك وأنت رجال كفو و حريص على زواجي ومثل ما قيل العين بصيرة واليد قصيرة وأبشرك راح أتزوج بس ودي منك خدمة الخدمة ذي يكرهها كثير من الرجال هي اريد منك 50 ألف ريال سلف علشان أتمم الزواج وأنت مو مقصر وأرفض كل أساليب الأعتذار منه وأصر عليه في التسليف وأجلس له وكل يوم كذا لين يطلع الشيب في رأسه هههههه و ش رأيك فيها |
[COLOR="Blue"]أخوي الرجل الإشـعـاعـي
موضوعك وصل للصفحة الثالثة وللحين ما تزوجــت .......:d شوف اخوي خذ الموضوع من صورة صحيحة وزواية ثابتة ياأخي لو سألك أحــد عن الزواج خذها ببالك أن الناس تتسأل عن الشاب الصالح مثلك ليه ما تزوج ويا ليته يتزوج ، يعني راغبين لك الخير أجل يا خوي تبي الناس تسأل الداشر والسربوت ليش ما تزوج..؟!! ، هي عارفه ان زواجه قد يكون كارثة على الفتاة وذريته إلا أن يشاء الله ويرحمه برحمته ويهديه للطريق المستقيم فأنت خذها من هذا الباب؛ وافرح الناس تبي لك الخير وتبيه مستعجل ....:22: أما مديرك فلئطه مثل ما يقولوا إخوانا المصريين فالها معك سوالف ، أحسن من أنه يخصم عليك أو ينقلك من عملك أو يظلمك ولا يقدرك جهودك ،،،، فوسع صدرك وأنا أخوك وابشر بالخير .... أخوك عزوبيhttp://www.q8yes.com/smiles/data/13/075.gif بس:d رجل:30: دمت بحفظ الرحمن |
أول مرة أعرف إنه الرجال يتضايقوا من هذا السؤال
لا و إيه أعرف انه الناس بيسألوا الرجال كمان كنت أحسدكم .. و أقول دائما يا بختكم و لا أحد يسألكم ليش لسه ما تزوجتوا بس هلا خلاص الحمد لله تعااااااادل أخوي اللي يسألك قل له ان شاء الله قريب راح يستحي يسألك مرة تانية انا عن نفسي دائما هذا هو جوابي دايما أقول قريب ان شاء الله رغم انه ما في شئ بس كل شئ سهل و قريب عند الله و الحمد لله الله يعينك أخي و يكتب لك الخير و يزوجك بالعاجل القريب حتى تستريح من فضول البعض |
بصرااااااااااحه
والله مديرك معه حق ثلاااااااااااااااااااااااث سنوات وانت تدور والله لو بنات البلد يعدون عدد كان ممكن وبعدين تراك جالس تبحث عن زوجه مو جالس تحل أزمة الأقصى المفروض بهاالثلاث سنوات اللي جالس تبحث بهن معك ولدين الحين ياالله باالتوفيق والله شكلك صعب إتخاذ القرار |
تم نقل الموضوع لمكانة الانسب
|
والله يمكن كلام الاخت ماريا صحيح وعنده بنت او اخت يبغى يزوجك اياها لكن مستحي منك اذا انت متقبله قله يالله عندك لي عروس يمكن الله يفرجها على ايديه واذا انت ماللك رغبه في مناسبة هذا الرجل فقله انشالله او ما اخطب اببلغك علشان يسكت ولا عاد يفتح معك الموضوع مره ثانيه
|
مرتين بالشهر بسيطة والله هالمدير دمو خفيف
كنت بشوف ناس بزنو فوق راس الواحد بطريقة غير طبيعية كانو الزواج بايد الخلق مش بايد رب العالمين فاحمدالله مديرك خفيف دم !!! ايش تقول في وحدة عمرها 22 سنة ووحدة لاحقاها تقلها ليش ماتزوجتي ليش ليش ليش كانها عانس ؟.عمرها 22 سنة ماعلينا ببساطة خد الامر عادي ولاعاد يستفزك ابدا واحكي ماصار نصيب الله لسة ماراد النصيب مااجا وخلص يعني من الاصللللللل شيل الموضوع من راسك انك تتنرفز منو او من غيرو خلص Take It Easy لانو مش حتقدر تقول للمدير اسكت وماتعيد السؤال اما لو حد من صحابك وهيك ممكن بشوية حزم تقول خلص عاد لما يجي النصيب بقلكو ماتزهقوني موفق |
قولة
على ايدينك اذا تقدر تفضل بدل اوضاعي ...... اذا لي خاطر(ن) عندك طلبتك لاتخليني واذا زودها قولة عندك سلف:30: وان شا الله ما يجي شهر الا وانت متزوج ومفتك من غثاه :14: بس الله يستر لايجيك بسؤال جديد هاه بشر في صبيان بالطريق:25: تؤجل القضية لسماع الشهود:29: |
الله يرزقك الزوجه الصالحه اخي
العبره ليس في سرعة الزواج العبره في انك تختار زوجه صالحه متاسبه فلا تدير له بالا أخي الله يعلم كم نحن البنات نعاني فلا تنزعج الناس ماعندها الا السؤال والقيل والقال ببسطاه قولي لمديرك لي حين الله ما أاراد اطلب من الله الوهاب بصلاتك |
طيب ياالرجل الاشعاعي وش تنتضر ليش ماتزوجت
|
أخوي الرجل الإشعاعي أنا كان صديق زوجي كل ماتقدم لبنت يعجبو فيه ومدري ايش ثم سبحان الله مايتم الموضوع بدون توضيح الأسباب,,
الرجال ونعم زوجي مسافر معه ويمدحه في أخلاقه وصلاته بس عجز يعرف وش السبب حتى مواصفاته الكل يتمناها وصل عمره 37عل ماتزوج السنه الي راحت بعد ماقرى عندشيخ صار فيه عين عن الزواج وكان والله مثلك يبحل بعمره اذا سأله أحد يقول وش أقولهم كل ماخطبت وحده وأحيانآ يشوفها يرفضوني :( كان يقول ساعين في الموضوع وبس أدعولي بالتوفيق,, مع أني أحس والله أعلم أن مديرك معجب فيك ومستحي يقول,,! أنا يوم أتزوج وزوجي عمره32وحاس نفسه في عز شبابه وأنت تقول عن نفسك شايب(; |
[warning]الاشراف: الرجاء من الاعضاء عدم الخروج عن مسار الموضوع[/warning]
|
وفقك الله واسعدك
|
الحمدلله مااعتبرها مشكلة يااخي احمد ربك الرجال وده يسولف معك بس مايلاقي موضوع مهم الا هالموضوع ولا يمكن قلبه مشغول عليك ونفسه يشوفك عريس قبل لايموت
موفق واحمد ربك انك رجل مو بنت |
يمكن مديرك يبيك لبنته آو آخته ..
وبالفعل آنت ليش ماتزوجت الديرة كلها بنات .. |
السلام عليكم ...
وانا اقارء موضوعك من البدايه ما تمالكت نفسي من الضحك.. ضحكت من الموضوع .. ومن اسلوبك في سرده.. المهم احس انك من النوع الحماق العصبي .. عادي خله كل يوم يسال وانت كل يوم جاوب .. الكلام ببلاش .. وخليه طريق لتقوية العلاقه بينكم ... واذا كنت ما تتحمل ابد ابد .. رد عليه باساله عن حياته الخاصه .. نفس اسئلته .. بس لو انا مكانك مستحييييييييييييل اتنرفز من هالشي لاني مبرررررده الامور .. انا جلست 4 سنوات بدون اطفال .. وكل ما يسالوني الناس .. اقول لهم انا ما ابي الحين لين اخلص دراستي .. والله يعينك وتلاقس الزوجه المطلوبه .. ممكن تقول وش شروطك في زوجة المستقبل اللي مر 3 سنين ومالقيتها ؟؟ |
الله يعينك
|
الحل الوحيد تسوي نفسك صار لك حادث وصرت اخرس ماتقدر تتكلم
بس اخاف يسألك بالاشاره او بالكتابه ههههههههههههه |
طيب تتزوجني واجي ادوس في بطن مديرك؟؟؟
|
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©