|
حامل بطفل مشوه ماذا افعل؟؟
السلام عليكم
انا حامل بالشهر الرابع لاول طفل لي وعندما كنت بالشهر الثالث اخبرني الاطباء بان الجنين مشوه بنسبه 99% والمشكله الان كيف يمكنني اسقاطه مع اني سالت شيخ بهذه المساله و اجازه,, وذهبت للمستشفى وبدأت بالاجراءات منذ شهر والى الان لم تنتهي الاجراءات القانونيه وخايفه ادخل في الشهر الخامس وما تنتهي الاجراءات بالتالي يتغير الوضع هنا لان الشيخ قال .. يجوز في الاربع الاشهر الاولى فقط كيف انزله؟؟ وارتاح نفسيا الله يجزاكم خير انصحوني باي طبيب او دوا او اي شي تعبت نفسيا وججسديا لدرجه اني افكر جديا بالطلاق وانا الان عند بيت اهلي الله يعافيكم اللي عنده معلومه لا يبخل علي انصحوني لاي مستشفى اروح داخل الرياض واذا احد يعرف مستشفيات تنزل بالبحرين او الكويت او الاردن لا يبخل علي باسم المستشفى والطبيب وانا معي كل التقارير الطبيه التي تثبت كلامي اذا احد حابب يشوفها الله يجزاكم خير ادعووووولي وانصحوني لا تبخلون علي ويعطيكم العافيه |
ارجوووووووووووووووووووووكم ردوا ولو بدعاء
|
غريبه ليش الاطباء ماتصرفوا وهم ادرى بالحاله!!! يعني في ابر وعلاجات تنزل وماحد يقدر يفيدك لان الامر ماهو سهل عشان لا تضرين نفسك والي اعرفه اذا نسبة تشوه 99% ماراح يعيش حتى لو تم ال9 شهور طبعا وكل شي بمشيئة الله والله يتولاكي برحمته..
|
الله يصبرك حبيبتى
ويااجرك على ذلك لكن ليش الله يهديك طالبة الطلاق وش دخلة بالسالفة هذا قضاءالله وقدرة الطفل اذا ربي كاتب لة حياة بيعيش ومحد عارف يمكن يكون خير لكم وتكسبون فية اجر اكثري من صلاة الاستخارة والدعاء وربنا سيعجل لك بالخير ان شاءالله بالتوفيق |
الله يكتب الي فيه الخير
|
الله يعينك
|
الله يكتب لك الي فيه الخير
اعانك الله |
أختي والله إذا شفتي المشتشفى مو مهتمين .. وراح يأخروكي كثير الى الشهر الخامس أطلعي للخارج
روحي لأي مستشفى أهلي ... ما يحتاج تسألي أي مستشفى ولادة وخذي تقاريرك لكن غريبة أنهم مأخرينك أنا كنت حامل ببنت وقالولي إن القلب ضعيف وأمهلوني شهر بعدين قالولي القلب وقف .. .. وعلى طول قالولي تنويم عشان أسوي عملية تنظيف .. هذه الأمور مافيها تأجيل ارجعي للمستشفى وكلمي المدير وقوليله إيش تنتظرو ... الله يعينك أما الطلاق يا أختي صراحة ماأدري إيش أقول لك ... أنا فهمت إنك طلبتي الطلاق لأن زوجك له دخل في إعاقة الجنين يمكن يقرب لك أو مافي تناسب بينكم ... استخيري أما طلاق بدون سبب أعوذ بالله .. |
الله يكتب لك الخير
|
الله ييسر أمرك ويفرح قلبك عاجلا غير آجل
|
اقتباس:
انا عرفت بالموضوع باخر رمضان وكان وقتها اجازة العيد وقال الطبيب بعد العيد ولما بديت بالاجراءات قال الطبيب هذا الموضوع يحتاج تحليل (النتيجه تاخذ اسبوع)) ولجنه شرعيه وقرارات من المستشفى تاخذ وقت.. وفعلا هو المفروض على كلام الاطباء انه ينزل من الشهر الثالث لكن انا لما كنت بالشهر الثاني كان معي نزيف ورحت لطبيب وعطاني مثبتات واستمريت عليها شهر .. الله يعين والله لا يوريك اللي شفته من قلق وكابه وتعب وقدر الله ما شاء فعل |
اقتباس:
الله يجزاك خير لكن من جد اجتعمت علي من كل نواحي الله ياجرني في مصيبتي واخلفني خيرا منها يااااااارب |
اقتباس:
والطلاق زي ما شرحت لاختتنا قبل شوي ماله علاقه بالجنين لكن كم موقف انصدمت فيه من سلبيه زوجي في حل الموضوع جعلني افكر جديا بهالموضوع.. وحتى الان ما نعرف الاسباب والله يجزاك خير اختي على ردك والله يوفقك ومشكووورة على ردك |
صمت و سكون
ثبات سديم السماء اميره التواضع اطياف الرياض والجميع اشكركم على ردودكم و وقفتكم معي الله يكتب اللي فيه الخيرة |
الرجاء الرد
اشكركم |
انا ما عندي فكره بجد مش عارفه اقولك ايه الله يكون في عونك و يصبرك علي ما بتلاك به
|
السلام عليكم و رحمة الله و بركاته
الله يفرج كربتك يا اختي و يكتبلك اللي فيه الخير ان شاء الله تنحل في وقت قريب و انا انصحك تزوري مستشفى اهلية و ماله داعي تسافري كل شي عندنا موجود الحمد لله و ما دام الموضوع موافق عليه من اللجنة الشرعية انا ما ادري ليش التأخير ؟؟ و لا تظلمي زوجك و تحمليه هم اكثر من ماهو مهموم اظن انه مهموم و خايف مثلك بس بيعبر بطريقة اخرى و يمكن الموضوع عنده مو مهم قدامك بس هذا اللي في بطنك ضناه و قطعه منه يعذبه اللي بيصير انصحك تتفاهمي مع زوجك و تتركي اسلوب العناد معاه و يمكن يقتنع و يتابع الموضوع معاكي و يكون بجانبك في وضعك الصعب هذا و الله يكتبلكم انتي و زوجك اللي فيه الخير و طمنينا اذا استجد جديد معاكي |
الله يعينك يارب ويسهل أمورك ويفرج همك
أدعي ربي يكتب لك كل خير |
الله يسهل امورك كان نفسي افيدك بس ما اعرف احد شاطر بهذا الموضوع
|
الله يااختي ماذا اقول لك حاولي ان تخلصي من الطفل باسرع وقت ممكن قبل ان تنزل فيه الروح في الاربعه اشهرو10 ايام لان الطفل المشوه كارثه وعبئ علىنفسهو ذويه وعلى اخوته في المستقبل القريب والله يسامحني اذا اخطئت
|
الله يسهلها لك
|
الله يسهل الامور لك
ولا تنسى الاستخارة |
ربنا يسهل لك أمورك و يرزقك بطفل تام الخلق و الخلقة
|
الله يعينك يا اختي و يصبر قلبك بس لازم ما تسكتي روحي لأدارة المستشفى و ما اتروحي إلا و انتي مسوية العملية
|
الله يجزاكم خير على وقوفكم معي..
الله يكتب فيه الخيرة انا جدا خائفة .. راح اسافر برا وادعولي ينتهي الموضوع على خير لاني خايفه جدا خصوصا انه اول جنين لي واول مرة بحياتي اواجه موقف صعب مثل هالموقف.. ادعوولي والله يجزاكم خير باذن الله ساطمنكم عن عودتي بعد اسبوع نراكم على خير |
الله يساعدك اختي وياجرك على مصيبتك
ولكن انصحك البحرين لا تفكري فيها |
لا حول ولا قوة الا بالله العلى العظيم الله يصبر والله يعوضك ان شاالله
|
الله يجزاكم خير..
على اهتمامكم و دعائكم لي وان شاءالله خير يعطيكم العافيه لوجينا ما راح اروح دولة خليجية والله يستر ويعوضنا خير |
أختي ماسبب الحمل بطفل مشوه 99%
هل زوجك يقرب لك ؟ |
اختي طلعي من الآن صدقه بنية الشفاء واطلبي من الله سبحانه فبيده ان يكون ولد معافى
|
الله يكون بعونك اختي انت وزوجك ويصبركم يا رب اكيد زوجك زعلان ومتضايق بس مو مظهرلك زعله وقلقه اعذري نصيحة مني و لا تستعجلي امر الطلاق وربنا يستخير الاحسن دائما كان الله في عونك |
اختي الحبيبه وفقك الله
صدقيني سمعت بمحاضره انو في وحده كانت حامل بطفل مشوه مثلك واشتكت لشيخ اظن عصام العويد والله اعلم طيب وقال لها ادعي واصبري واااااااااالخ المهم تدعي الله كل يوم وسبحان الله ولدت ولاده طفل سليم معافى ..........!! وانبهروا الدكاتره مو مصدقيييييين ...............؟!!!! فسبحان الله ماارحمه ومابدعه وهو القادر على كل شي ولو في لحظه ربما الله ابتلاكم هل تصبرون ام تتسخظون والللللخ اصدق النيه مع الله واخلصي نيتك لله وان شاء الله خير عليــــــــــــــــــــــــــــــــك بالــــــــدعـــــــــــــــاااااااااااااااااااااا اااااااااااء في سجودك ولو ركعتين خلال ساعه قبل النوم او قبل الفجر وهذا افضل اكثري من الدعاااااااااااااااااء والإستغفااااااااااااااااااار والصدقه قبل الولاده الى ان تولدين بطفل سليم ان شاء الله وان شاء طفل معافى بامر الله |
لله يخترلك الخير حبيبتي وييسر لك ......
ولاتخافي مادمتي في الاجراءات الله يعينك |
اسأل الله العظيم رب العرش العظيم ان يفرج همك وينفث كربك ويجعلك من كل ضيق مخرجا
أنصحك تيجى مصر ماشاء الله فيها أحسن دكاتره واحسن مستشفيات اما بالنسبه للطلاق ........... انا مش شايفه ان دا سبب مقنع ان زوجك سلبى وانتى لسه بتقولى انه شهم ووقف معاكى فى مواقف كتير وعليكى بالإستخاااااااااااااااااااااااااااااره قبل ماتبدأى فى عمل أى خطوه واستعينى بالله ....................وربنا يوفقك لما يحب ويرضى |
الهم صلى على الحبيب
اختي اعانك الله ويفرج همك وغمك..........امين بخصوص الجنين .........في عيادة الدكتورة نعيمة ابو الخيل بالعليا في الاستشاريون للعيون عندها عيادة بها المبنى عسى تفيدك بشئ لانها دكتورة نساء وولادة بخصوص الطلاق ربنا لعن ايما امرأءة تطلب الطلاق من دون ضرر استعيذي من الشيطان .......اذا زوجك قريبك في ابر للمسائل هذي وان شاء الله اكون فدتك بشي ربي يسهل امرك ويوفقك الي ما فيه الخير |
الله يجزاكم خير على وقفتكم معي
عدت الان ولله الحمد تمت الامور على خير ونزل البيبي وانا مرتاحه وزوجي وانا رجعنا على طبيعتنا والحمدالله على كل حال والله يعوضني خيرا منها باذن الله بسم الله توكلت على الله ولا حول ولا قوة الا بالله اشكركم جميعا على مساعدتكم و وقوفكم و دعائكم لي |
| الساعة الآن 05:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©