|
قلق وخوف وهم مع بدايه الفصل الدراسي الاول
السلام عليكم ورحمة الله وبركاته
اخواني اخواتي اكتب لكم ماحصل لي في اول اسبوع داومت فيه للجامعه بدايةً احتاج الى مساعدتكم وارءكم حول الموضوع انا تخصصي كيمياء وانا داخله القسم برغبتي على انه ماكان اول رغبه لي بس الحمد لله الحين كملت سنتين ونصف وكانت النتائج رائعه المهم هذا القسم يدرس بالانقلش كله يعني ماعندي كتاب بالعربي وكنت مستصعبه الموضوع في البدايه بس الحمد لله عدت على خير المهم ان الدكتورات اللي كانوا يدرسوني كانوا يشرحون بالعربي والمصطلحات والتعاريف وبعض الاشياء بالانقليزي وتعودت على هذا الشيء لكن المشكله في هذا الترم ان الاستاذات والدكتورات اتغيروا ولما دخلوا علينا اول يوم شرحت بالانقليزي كله حتى المقدمه قالتها بالانقليزي :eek::eek:<<<<( وهذا هو شكلي في المحاضره) بجد انصدمت وحسيت اني ضايعه يعني بصراحه انا اللغه عندي موذالك الزود وبعدين انا ممكن افضل اني اكتب بالانقليزي اكثر من اني اتحدث بالانقليزي ماااااااااااااااااااعرف ولما خلصت الدكتوره قالت في وحده عندها اعتراض ؟ قمت قلت انا وقلت لها قامت قالت معقوله ياسهام انا اسمع انك شاطره من الدكتورات والحين تقولي لي انك مستصعبه الماده بالانقليزي:11::o وقالت انو انتوا تخصص لازم تتعودا على كذا مع اني متعوده ادرس كل شيء بالانقليزي واحل بالانقليزي ماعندي مشكله لكن اتحدث انقليزي ماااعرف وكما مااعرف معاني الكلمات كلها انا معتمده على مترجم الوافي بس ماعندي غيره تعبت بجد وخايفه مررررررررررررررره من هذا الترم احس ان قسمي صعب مره من يوم مارجعت من الجامعه امس وانا ابكي ونفسيتي زفت ابي اقوي لغتي وابي اتحمس للترم هذا لاني بدات افقد الحماس.....(والمصيبه ان جدولي مضغوط للاخر معامل الى الساعه اربعه العصر ومن الساعه 8الصباح الدوام ياربي مرررررررره تعبانه وشايله هم )..... مع اني دائما ادرس بالانقليزي مو شيء جديد بس مااعرف ليش خايفه وقلقانه باقي لي سنه وترم واتخرج وبجد خايفه اني مااعديها هالسنه ....:( الله يخليكم ساعدوني :o:o |
[TABLE1="width:95%;"] | [/TABLE1]وعليكم السلام ورحمه الله وبركااته... اهلين يا قلبي... ذكرتيني بحالتي :d تعودت اني اخذ الموااد من اول ترم بالانجليزي...مثل الفيزياء والكيمياء ..تشرح بالعربي والمصلحات والكتابهـ بالانجليزي... لكن الترم اللي فاات اخذت مادهـ علم حيواان واوول ما بدت شررح كلهـ انجليزي:eek: ... بس رحنا تحدثنا معها....((طبعا بعد ما قاالت ان الكلمات اللي اقولها سهلهـ)).. رضت انها تصير نص ونص عربي وانجليزي والغالب انجليزي :d بس شووفي يا قلبي نصيحتي...لا يضيق صدرك ولا شي.. كنت في المحاظره اي اسم مصطلح غريب اكتبهـ وبعدين بالبيت ابحث عنه بالكتااب لحد ما اعرفه واحفظه ...وهكذاا...لحد ما تأقلمت مع اللي تقووله.. شووفي اذا هي كلامها كلهـ بالانجليزي جيبي لك كتاب لنفس الماده عربي.. المصطلحاات مهم تحفظيها اول بأول لانها بتفيدك بتخصصك في السنه والترم اللي باقي لك... وبالنسبه للشرح مثل ما قلت لك جيبي كتاب للماده باللغه العربيه وحاولي تفهمي منه الشرح وبعدها ارجعي لكتابك بالانجليزي.. اهم شي اي كلمه تمر عليك ما تفهمينها حاولي تترجمينها بنفس الوقت ركزي على كل كلماات كتابك وان شاء الله بتاخذين a+...:22: الله يووفقك ياارب.. |
انا استغرب كيف انتي جيدة في الكيمياء وسيئة في الانجليزي مع ان الكيمياء اصعب من الانجليزي خصوصا على البنات لذلك خليها فرصة حتى تحسنين اللغة الانجليزية عندك
وحاولي تحبين المادة لانه كل ماحبيتي المادة كل ما صارت أسهل وصدقيني ما فيه أسهل من اللغة الانجليزية |
اختي الكريمة الله ييسرلك
اتمنالك التوفيق والنجاح |
اقتباس:
يارب يسعدك ياعسل انتي كلامك يريح ونصائحك من ذهب وراح اطبقها بحذافيرها تصدقي هذا اللي احتاجه فعلا اني اكتب كل كلمه جديده علشان استفيد منها في كل ترم .....وانا قلت راح اشتري مذكره صغيره اجمع فيها كل الكلمات ومعانيها اللي تخص قسمي علشان اسهل على اكثر..... ربي يسعدك يالغاليه وربي ريحتيني بكلامك حسيت انك فاهمتني مرره ربي لايحرمك من الاجر ياقلبي في حفظ الله |
اقتباس:
بس انا ماقلت اني سيئه بالانجليزي انا قلت ان الدكتوره شرحت بالانجليزي ولانطقت كلمه وحده بالعربي ومو حكاية الكيمياء اصعب او الانجليزي اصعب لا مالها دخل انا كانت علامتي بماده الانجليزي ممتازه او جيد جدا مرتفع وماكانت تنزل عن كذا بس اللي اقصده انها تشرح وتتكلم بالانجليزي والماده كلها كيمياء وعلماء ونظريات والخ راح تكون صعبه لاني مااعرف جميع المعاني للكلمات وكمان انا ماعندي المقدره اني اتحدث بطلاقه بالانجليزي والدكتوره تبينا نعمل بحث كامل عن الماده واشرحه بالانجليزي وبصراحه صعبه جدا ... اتمنى اكون وصلتك الفكره .... جزاك الله خير |
الله يوفقك وينجحنا يارب انا وانت ونكون من المتفوقين
|
اقتباس:
امين امين امين شكرا على الدعوه الحلوه ولك بالمثل ان شاء الله |
اقتباس:
امين يارب ان شاء الله ربي يوفقنا وينجحنا انا وانتي وكل الطلبه والطالبات تسلمين حبيبتي ... في حفظ الله |
حبيبتي الغاليه
لاتقلقي ابدا وصدقيني الواحد لما بيدخل على شئ جديد دائما بيكون خائف لكن حطي في بالك انك حتنجحي يعني حتنجحي ومع مرور الوقت حتتعودي على الكلام الانجليزي توكلي على الله ولا تشيلي هم انا كمان عندنا مواد بالانجليزي وكنت مستصعبه الموضوع في الاول بس الحمدلله مع الوقت تعودت وجدولي كمان مضغوط ومليان الله يعيننا وينجحنا عشان نفرح بزواجك يا عروسه |
ههههه
لي من أول ما نزل الموضوع:28::28: أدور حول الموضوع ومترددة أدخل أو لا :d خفت يكون الموضوع نصائح وانا ماودي أسمع شي هالأيام مقفلة معي :d :23: المهم . أخيراً عرفت تخصصك .:22:. الله يفتح عليك ويشرح صدرك ياااارب ويوفقك وتتخرجي أحلى وأكبر كيميائية في العالم:20: انا مثلك أحب الكيمياء . وتخصصي كله واقف على الكيمياء تخيلي:18: . بس تخصصي مو كيمياء. المهم ياغالية . معلش انظري للموضوع ببساطة أكثر ....؛؛؛؛؛؛؛ خليكِ معي . :21: موادك كلها أو بالأحرى كل الكتب اللي تدرسي فيها بالإنجلش صح؟؟!! بحوثك بالإنجلش صح؟ لو جيتي تفتحي مرجع رح تلاقيه بالإنجلش ودرستي سنتين ونصف بنفس الوضع . والحمد لله كنتِ متفوقة ومتميزة طيب اللي اختلف معك بـــس ان الدكتورات حاليا مابيترجمو لك المصطلحات وقت الشرح هذي بسيطة وسببها إنكم وصلتو لمرحلة متقدمة المفروض أغلب المصطلحات تكون مرّت عليكِ بالسنتين الماضية .. عندك أكثر من حــــــــل إما انك بنفس وقت الشرح توقفي الدكتورة وتسأليها ما معنى كذا أو تكتبي الفقرة اللي ما فهمتي فيها جملة معينة على ورقة وبس تخلص الدكتورة تكوني جمعتي أكثر من شي وتسأليها مرة وحدة ولن تمانع في مساعدتك وحتى لو اضطرت تعيد الشرح أنا في بداية دراستي كنت أواجه صعوبة أكثثر مما تتصوري لأن المصطلحات اللي أدرسها كلها كانت لاتينية . بعيدة كل البعد عن المصطلح الإنجليزي . بس بالتدريج بدأت احفظهم وافهمهم . لا تحملي نفسك فوق طاقتك من الهم .. وتوقفي الحياة وتجلسي بس تفكري بالضغط اللي عايشة فيه . لا بالعكس حبة حبة رح تتبسط لك الأمور . :11: أيضاً ممكن أساعدك ببرنامج تنزليه على الجهاز يترجم لك المصطلحات الكيميائية . وممكن تشتري من المكتبة مترجم يدوي . أظن انه مسموح استخدامه وقت المحاضرة . بإذن الله ما رح تتعبي .. بس أول فترة بيكون الموضوع عليكِ كبير ورح تنضغطي شوي . بس بالمثابرة والإجتهاد رح تعدي هذه المرحلة . أيضاً أحب أخبرك من خبرتي الطويلة في الدراسة أنا من الأشخاص اللي أرى أن الدكتور اللي يتكلم وقت المحاضرة انجليزي صاااااااااااافي أفضل بمليوووووووووووووووووووون مرة من اللي شوي عربي وشوي انجليزي لان لما الدكتور بيشرح بالإنجلش انتي كدا بتطوري نفسك وبتضطري تحسني من لغتك حتى تتخاطبي معه ومع غيره بنفس اللغة <<<< لا تتحطمي من كلامي . بس أنا جربت النوعين ووجدت ذلك من خبرة طويلة:30: الله يفتح عليكِ وييسر لك أمرك .. ويشرح صدرك ويجعل النجاح حليفك ويبلغك أعالي المراتب في الدنيا والآخرة . الله يوفقك ياغالية |
اقتباس:
ياحياتي ربي يسعدك ياعسل كلامك ريحني وفعلا لازم الخوف مع بداية عام دراسي بس الحمد لله على كل حال وربي يوفقنا وينجحنا ان شاء الله ويعننا ...... في حفظ الله |
اقتباس:
ربي يسعدك يالغاليه ويوفقك يااحلى كيوت بيبي بالدنيا كلامك ريحيني يالمررررررررررره ويكفيني انك عطيتني من وقتك ربي يخليك ولايحرمك الاجر يالغاليه الحين صارت نفسيتي عال العال الحمد لله بعد نصائحكم الله لايحرمني منكم :) مشكوره ياحبيبتي كيوت بيبي الله يحقق لك كل ماتتمنين ..... في حفظ الله ورعايته |
اقتباس:
الله يسعدك كما أسعدتيني بما شعرتُ به من راحة واطمئنان من خلال ردك . إن شاء الله القلق خف والأمر هان لكِ غاليتي بخصوص سؤالك عن برامج للترجمة للأمانة أنا استخدم الوافي وبصراحة أكثر من رائع . هناك بنفس البرنامج جزء متخصص لمختلف العلوم من كيمياء وفيزياء وهندسة وطب وغيره تجديها من الرمز اللي بعد رمز الترجمة برمز واحد .. *رمز مثل الكتاب وعليه نظارة:d* أما بخصوص سؤالك الآخر عن أفضل مترجم يدوي فسألت أحد صديقاتي لاني لم استخدمه من قبل أبــــــــداً لكن صديقاتي حرّيفات فيه :22: فأجابتني أن أفضل نوع أطلس .تجديه بجرير هي تستخدم أطلس المورد اشترته بــ 1750 ريال . لكن هذا تقريباً للمصطلحات الطبية أما أطلس نجم تقريبا أرخص من المورد بــحدود من 500 -700 ريال متخصص للكيمياء والفيزياء . :22: أختك تخصصها صيدلة اكلينيكية:28: clinical pharmacy ((pharm-D)) الله يوفقك ويسعدك ويبارك بوقتك وينفعك بما علّمك ويعلمك ما ينفعك .. ويسهل أمورك ويجعلك من الناجحين المتميزين . ويبلغك كل ماتتمني . لا تحرميني من دعواتك بظهر الغيب . الله ينور عليكِ |
اقتباس:
ابشري ياقلبي ماني بناسيتك من الدعوات ليش كم عندي انا كيوت بيبي :) في حفظ الله ورعاية |
| الساعة الآن 06:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©