|
فيها شي لو انا غسلت سياره زوجي بنفسي
بداية اقدر اقول لكم ان علاقتي بزوجي تحسنت كثير وننتظر المزيد من التحسنات وذلك بفضل من الله ثم بفضل هذا المنتدى الرائع اللذي استفدت منه الكثير والكثير
زوجي قبل لايسافر حبيت اني اغسل سيارته بنفسي وقلت له يدخلها الكراج عشان اغسلها بنفسي الصباح بديت انظف داخلها وغسلتها من برا وعطرتها وخلصت دخلت البيت وينفجرون اللي فيه كله انتي مجنونه تغسلي سيارة زوجك لاتعلميه ع هذا الاسلوب يكفي انك مطراش له كل شوي قومي وسوي وهاتي وانتي عاطيته وجه ومنفذه كل اللي يبيه وانا حاطه في بالي اني انفذ له كل اللي يبيه بدون تذمر لانه يتعب برا البيت عشان يعيشني ع المستوى اللي انا ابيه انا قلت لهم مافيها شي اذا غسلتها بين فترات متباعده وحطوا في بالكم ان هذي اول مره اغسل فيها سياره زوجي طبعا الكل زعلان مني ليش قلت لهم مافيها شي تكفووووون قولوا لي انا صح ولا غلط؟؟؟ |
عادي جدا .. انا كنت اغسل سيارة زوجي وقت ما اكون رايقه و ما عندي شغل و يكون الجو حلووو .. لكن على طووول اغسلها ( لا ) طبعا .. |
انا اشوف انها عادى
المرة الجايه انت وياه مع بعض من باب التسليه والمرح |
لا بالعكس انتي الصح ومليون صح بعد
الله يسعدكم ولا يغير عليكم والى الافضل ذكرتيني بنفسي امنيتي اغسل سيارة زوجي هههههههههه او سياره من سيارات اخواني احسها فله ماعليك من احد اهم شيء مرتاحه من تصرفك وعيشي حياتك وخلك واثقه من نفسك وبالعكس حقوقنا على ازواجنا اكبر من كذا والله انهم يتعبووون عشان يريحووونا وهذي ابسط الاشياء نقدمها لهم دمتي بود |
الله يكملك بعقل يا قمر ويخليكوا لبعض
وتسلم إيدك على غسلك للسيارة وان شاء الله ثوابك عظيم لانك حتدخلي سرور على قلب مسلم ومش اي مسلم ده زوجك وحبيبك خليكي من كلام الناس لا تسمعي لأحد أبدااااااااااااااااااا الله يوفق بينكم ويسعدكم ويخليلك عروستك الصغيرة يارب |
استانس الحبيب؟؟:d
|
ايام الملجه كنت انظف سيارتي ( العامل سافر فكنت لازم انظفها)
و زوجي جاي يكلم ابوي عن الشغل اول ما شافني انصدم بعدين ضحك نظفنا السياره مع بعض و الله استانسسسسسسست كان معي الحين اذا السياره وصخه يقول قومي انظف :d |
اختي الفاضله :
السلام عليكم ورحمة الله وبركاته : لا أعرف حقيقة ما هي مشاكلك السابقه لابتعادي عن المنتدى وهذا القسم كثيرا في الفترة السابقة ولكن يبقى علي حق النصيحة لك من خلال ما قرأت بهذا الموضوع فقط .. أختي الفاضله سألتٍ وقلتٍ : اقتباس:
الموضوع أصلا بسيط غسلتي سيارة زوجك .. برضا منك ..إذا لا يهمك أي تعليق ...وعتبري ما قيل لك مجرد طرفة .. :: انطلق إلى ما التمست في موضوعك وسأنصحك بما يلي : اقتباس:
2 - حافظي على بيتك و أسراره .. 3 - لا يهمك مثل هذا الكلام ولا تعلقي عليه وليكن قاعدتك اجابتك هذه .. اقتباس:
5 - أنت تسيري بالطريق الصحيح لذا استمري بهذا المنوال وستجدي النتيجة ولكن لا تتعجلي النتائج المهم الاستمرار وعدم الملل والتذمر . اقتباس:
أخيتي أرضي بعطاء الله ورزقه .. وعيشي على حسب إمكانيات زوجك .. لا تطلبي الكثير والمستحيل .. ساعديه على قدر استطاعتك بالدعاء و الكلمة الطيبة والثناء ونحوه .. حاولي التقرب من زوجك وفهمه ...وعدم طلب النصح في أي مشكله ... من أي أحد.. توكلي على الله ثم حاولي حل مشكلتك قدر المستطاع بنفسك .. هذا ما أردت قوله لك و أسال الله أن يصلحكما ويوفقكما لكل خير .. والسلام عليكم .. |
بالعكس اختي الكريمة بادره طيبه
ولا عليك من الناس وكوني واثقه من الشي الي عملتيه الله يوفقكم |
لا ياقلبي ما فيها شي بلعكس احسها حركه حلوه
الله يخليكم لبعض |
ماشاء الله تبارك الله
الله يسعدكم فعلك هذا مافيه أي شئ ولا تلتفتي لمثل هؤلاء |
لا أختي الكريمة ،،
عاااااادي جداً ، مافيها اي شيئ !! الله يبارك لكم ، ويوفقكم ويحببكم لبعض ،، وتقبلي إحترااامي ... |
الحمدلله ريحتوني
اخوي السيف المهند لو كل مشكله تصير بيني وبين زوجي ونقلتها لهنا كان باب بيتي كله مفتوح للعالم انا عارفه ان مافيها شي بس استغربت من هجومهم انت ماتعرف المجتمع اللي انا ساكنه فيه دائم مطنشين بالزوج ولاينفذون طلباته على طول عشان لايتعود ع الطلبات الكثيره وانا كنت استغرب منظارهم للحياه انا قبل كنت مثلهم وبفضل الله ثم المنتدى عرفت شلون احبب زوجي فيني وبالنسبه المستوى اللي انا ابيه انا ما اشرط عليه بس الاتفاق اللي بينا مصروفي يوصل اول شهر وبدون تأخير وعلى فكره بعض الاحيان اذا كان زوجي يمر بضائقه ماليه اتنازل عن مصروفي واخذ بس ضروريات بنتي ولا اطالبه بشي ثاني |
الدعوه عايديه بس الحرمه عموم مايليق بها تغسيل السيارات
|
لا فعلك صــح ..
والتعاون بين الزوجين فيما يرضي الله أمر مطلوب ومحمود .. وبالمناسبة الناس لن ينفعوك شيء .. ولو طلقتي منه من الذي سوف يتضرر أنتِ أم هم . . طبعاً أنتِ كذلك إذا نجحتي مع زوجك أنتِ المستفيده وليس هم .. فلا تلتفتي لكلام الناس ولو كان من أقرب الناس منك .. |
اقتباس:
على هذا الرد الذي لمست منه فهمك لما قلت لك .. و أيضا اتكلي على الله ثم لا تغيري هذا المبدأ الموجود في ردك ..فإنت تسيرين وفق الطريق الصحيح .. وفقني الله و إياكم لكل خير ... |
مبادرة جميلة
وفقك الله |
والله غسيل السيارة رهيييييييييب وممتع
ماعليك من كلامهم مادامك مريحه زوجك وحاس بهالشيء |
جزاكِ الله خيراً .. و بارك فيكِ .. و عسى أن يزيد هذا من المحبة بينكما ..
لكني حقيقة ما كنت أرضى لزوجتي أن تقوم بهذا العمل .. حتى لو كانت تهيم بي حبا .. سلام |
مشكورين حبايب قلبي عن جد ريحتوني
وانا فرحت خصوصا ان زوجي دق علي يقول لي ما ابي ادن في السياره عشان ريحة السياره لاتتغير وتذكرني فيك على طول لانه سافر لمنطقة عمله وانا بقيت عشان دراستي |
والله شي حلو وممتع .. بس مو الزامي ..
بس حبيبتي ممكن سؤال ؟؟؟ من قصدك بالناس اللي انتي عايشه معهم .. وش صلة قرابتك لهم؟؟ |
مرحبا بالعكس أختي مرررة حركة حلوة خصوصا انه بيدخل السيارة و يلاقيها نظيفة معطرة تنفتح نفسه و يتذكرك و يحس أنك مدلعته و مهتمة فيها و ماراح ينساها لك و حتى لو تعود..عادي.. و غريبة انهم لاموكي على تدليعه!! إذا ما دلعتيه من تدلعين وبمن تهتمين.. ثانيا تنظيف السيارة شي حلو ("::22: و يفقد سعرات حرارية و راح يرد لك الدلع و الإهتمام أيضا و يزيد تعلقه فيك و احساسه بمحبتك له كل التوفيق لك و لزوجك تحياتي ام فاطمة |
سلاماً من الله عليكم رفع الله شأنكِ أخيتي بالنسبة لتصرفكِ كان صحيح 100% ، أما بالنسبة للمقربين منكِ حتى ولو كانوا والديكِ اجعليهم يحترمون قراراتكِ وخصوصياتكِ في الحياة الجديدة ، حتى لا تعطيهم المجال للتدخل في أي أمر آخر ، ولا تخبريهم بما يحصل بينكِ وبين زوجكِ كوني حذرة... هل تعلمين غاليتي بأنني اقترحت على زوجي هذا الأمر في كل نهاية اسبوع " الجمعة " أن نغسل السيارة سوياً حتى نقطع الروتين ، وتقبل الفكرة بكل رحابة صدر ، بل وقد فرح فرحاً شديداً حفظه الله لي.. والله ولي التوفيق تحياتي ضيآء القرآن |
الناس اللي عايشه معهم هم اهل زوجي
المسداني ردك اضحكني جدا ضياء القران انا ما اقدر اسويها كل اسبوع لانه مايجي جنبي الا بالشهر اسبوع واحد بس |
اقتباس:
|
عادي أنا مرات بنظف سيارة زوجي
|
سبحان الله العظيم .. شي غريب .. وصدق من قال ان الناس اجناس .. كل يوم انصدم في هذا المنتدى الغالي .. بمشاكل غريبه وناس تفكر بطرق مقلوبه ..
اذا كان الناس اللي يلومونك هم اهل زوجك .. فعلى الدنيا السلام .. يعني ما يفرحون ان عند ولدهم زوجه مدلعته .. ومتهني معها .. ليش يكبرون قلبك عليه .. وش بيكون المقصد .. اذا كان الاعتراض من اهله .. خذيها مني .. زودي في الدلع .. وغسلي السياره .. وسوي له مفاجات .. ولا تخلينهم يوصولون للي يبون هذا اذ ا كانت غايتهم التفريق بينكم .. انا ما اظلمهم بس هذا التفسير الوحيد ... والله يصلح بالهم .. واكثري اختي من قراءة المعوذات وحصني نفسك وزوجك .. تمنياتي للكل بحياة زوجيه هانئه |
حبيبتي تصرفك جدا راااااااائع
مرة قلت لزوجي السيارة يبغالها ترتيب دخلها الكراج عشان نغسلها ونظفها والكراج طعا ببيت أهلي ......... استأذنا من الوالد ودخل بالسيارة وطبعا لملمت أغراض كثرة وأوراق قديمة وشي مو طبيعي ونظفتها بالمكنسة وطبعا الوالدة الله يحفظها شجعتني وأرسلت لي أكياس ومناشف ومكانس......(الوالدة متعودة ترتب سيارة الوالد بنفسها) وطبعا أنا وإياه متعاونين مع بعض ومزح وانبسطنا كثير والله صدقيني هالأمور البسيطة تزيد المحبة والود بين الزوجين والله ماشاء الله عليك والله يحميكم لبعض ويبعد عنكم الحسد والشر تحيــــــــــــــــــــــــــــــــــاتي |
اهم شي رضا زوجك
|
عزيزتي لا مشكلة في التعاون بين الزوجين
لكن أن أغسل سيارته هذا ليس من إختصاصي ممكن تعطيرها حتى تجعلي رائحتك معه لا بأس لكن تغسيل وتنظيف بالكامل ولوحدك لا أؤيد لانه فعلا ليس من إختصاصنا نحن النساء لكن إذا من باب التسلية والترفيه واللعب بيني وبين زوجي لابأس وكل من ردت عليك تقوم بهذا العمل ليست وحدها بل هي وزوجها اقتباس:
اقتباس:
المرأة الاثنى الرقيقة لا يناسبها تغسيل السيارات الا كما قلت لك من باب المتعة وكسر الروتين وفقكم الله |
| الساعة الآن 07:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©